9 - ايدىڭ 16 - كۇنى شينحۋا اگەنتتىگى «الدىمەن ۇلگى بولىپ، ورەلى ونەگە كورسەتتى − باس شۋجي شي جينپيڭ مەن ورتالىق كوميتەت ساياسي بيۋروسىنداعى باسقا دا جولداستاردىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى جونىندە تەكسەرۋ - زەرتتەۋ جۇرگىزىپ، جەتەكشىلىك ەتكەندىگىنەن ەستەلىك» دەگەن ادەبي حاباردى جاريالادى. ماقالا باي مازمۇندى دەتالدارمەن جانە اسەرلى تىلمەن ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى باستالعاننان بەرگى باس شۋجي شي جينپيڭ مەن ورتالىق كوميتەت ساياسي بيۋروسىنداعى باسقا دا جولداستاردىڭ نەگىزگى تاقىرىپتىق تاربيەنى تەرەڭ جوسپارلاپ، ورنالاستىرعاندىعىن، ىشكەرىلەي تەكسەرۋ - زەرتتەۋ جۇرگىزىپ، جەتەكشىلىك ەتكەندىگىن جۇيەلى سالالادى.
ماقالادا مىنالار اتاپ كورسەتىلدى: نەگىزگى تاقىرىپتىق تاربيە ورىستەتىلگەننەن بەرى، باس شۋجي شي جينپيڭ مەن ورتالىق كوميتەت ساياسي بيۋروسىنداعى باسقا دا جولداستار وزدەرى ونەگە كورسەتىپ، جوعارىدان تومەنگە ۇلگى بولىپ، ءماجىلىس اشۋ، نەگىزگى ساتىدا قىزمەت تەكسەرۋ، نۇسقاۋ بەرۋ، بەكىتۋ سياقتى ءتۇرلى تاسىلدەر ارقىلى نەگىزگى تاقىرىپتىق تاربيەنى ورىستەتۋگە پارمەندى جەتەكشىلىك ەتتى، جەبەدى؛ بەتالىستى يگەرىپ، كەلەلى جاعدايدى جوسپارلاپ، نەگىزگى تاقىرىپتىق تاربيەنىڭ تارتىپپەن بىرتىندەپ ىلگەرىلەۋىن، قادام سايىن تەرەڭدەۋىن جەبەدى. باس شۋجي شي جينپيڭ جاساعان ءبىر قىدىرۋ ماڭىزدى بايىمداۋلار، العا قويعان ءبىر قىدىرۋ ايقىن تالاپتار ستراتەگيالىق تولعانىستى، جاعدايدى تۇجىرىمداۋدى تۇسىندىرۋمەن بىرگە، ىلگەرىلەۋ جولىن، قىزمەت تالاپتارىن دا ايقىندادى، سونىمەن قوسا باعالاۋ ولشەمىن كورسەتىپ، ۇيىمدىق قامتاماسىزدىقتى دارىپتەپ، بۇكىل پارتيانىڭ جوعارىدان تومەنگە دەيىن نەگىزگى تاقىرىپتىق تاربيەنى تەرەڭدەي، ويداعىداي ورىستەتۋىنە امالياتتىق باعدارناما كورسەتىپ بەردى.
ماقالادا بىلاي دەلىندى: باس شۋجي شي جينپيڭ مەن ورتالىق كوميتەت ساياسي بيۋروسىنداعى باسقا دا جولداستاردىڭ تەكسەرۋ - زەرتتەۋ جۇرگىزىپ، جەتەكشىلىك ەتۋىندە، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ ىلگەرىلەۋى ءساتتى، جاندى دا جالىندى بولىپ، بۇكىل پارتيا جوعارىدان تومەنگە دەيىن ءبىر باعىتتا ويلاپ، كۇشتى ءبىر جەرگە شوعىرلاندىرىپ، اۋەلگى ماقساتتان اينىماۋدىڭ، بورىش ارقالاۋدىڭ قويۋ رايىن قالىپتاستىرىپ، پارىقتاردى قاراستىرۋدىڭ، تياناقتاندىرۋدى يگەرۋدىڭ شىنايى ارەكەتىن ورىستەتتى. وڭىرلەر، تاراۋلار، ورىندار باس شۋجي شي جينپيڭ العا قويعان ”ءتورتتى تىڭعىلىقتى جۇرگىزۋ“ تالابى بويىنشا، ۇيرەنۋ تاربيەسىن اناعۇرلىم تەرەڭدەتىپ، ماسەلەلەردى اناعۇرلىم دالمە - ءدال قاداعالاپ، رەتتەۋ - تۇزەتۋدى تياناقتاندىرۋدى اناعۇرلىم تەرەڭدەتىپ، ۇيىمدىق باسشىلىقتى اناعۇرلىم پارمەندى ەتىپ، نەگىزگى تاقىرىپتىق تاربيەنى مەجەلى نىساناعا قاراي ۇزدىكسىز ىلگەرىلەتتى.
ماقالادا مىنالار باسا دارىپتەلدى: قازىر ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ءالى جالعاسۋدا، تىڭعىلىقتى ورىستەتىلۋدە. پارتيا ورتالىق كوميتەتى بەلگىلەگەن نىساناعا قاراي ۇزدىكسىز ىلگەرىلەۋ نەگىزىندە، ءالى دە ”ءتورتتى تىڭعىلىقتى جۇرگىزۋ“ تالابى بويىنشا ىشكەرىلەي ەگجەي - تەگجەيلى، تىڭعىلىقتى تياناقتاندىرۋدى، ۇزاق ۋاقىتتىق ونىمدىلىككە تالپىنۋدى قاجەت ەتەدى. تەك بۇكىل پارتيا جوعارىدان تومەنگە دەيىن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باتىل تۇردە باس شۋجي شي جينپيڭنىڭ ماڭىزدى سوزدەرى مەن ماڭىزدى نۇسقاۋلارىنىڭ، بەكىتۋلەرىنىڭ رۋحى بويىنشا ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ويداعىداي ورىستەتسە بولعانى، ءسوز جوق، جاڭا داۋىردە پارتيانىڭ وزىنە توڭكەرىس جاساۋىن تەرەڭدەي ىلگەرىلەتىپ، پارتيامىزدى قۇدىرەتتى دە پارمەندى، ارىندى دا جالىندى ماركسيزمدىك بيلىك باسىنداعى پارتيا ەتىپ قۇرىپ شىعا الامىز.
(ورتالىق تەلەۆيزياسىنىڭ «مەملەكەتتىك، حالىقارالىق حابارلار»ىنان)
