ۋ ديانشىڭنىڭ سۋرەتى. شينحۋا اگەنتتىگى تاراتقان
شينحۋا اگەنتتىگىنىڭ 9 - ايدىڭ 4 - كۇنى حاربيننەن بەرگەن حابارى (ءتىلشى ۋاڭ سۇڭ). 2019 - جىلى چيڭميڭ كەزىندە حيلۇڭجياڭ ولكەسى يچۇن قالالىق قوعام حاۋىپسىزدىگى مەكەمەسى يچۇن بولىمشە مەكەمەسىندەگى حالىق ساقشىلارى مەن وزدىكتەرىنەن كەلگەن جەرگىلىكتى بۇقارا نانشان قۇرباندار قابىرستانىنداعى ۋ ديانشىڭنىڭ قۇلپىتاسىنىڭ الدىنا جينالىپ، قوعام حاۋىپسىزدىگى ىستەرى ءۇشىن ءومىر بويى كۇرەس جۇرگىزگەن قۇربانعا ازا ءبىلدىردى.
ۋ ديانشىڭ، ەر، جۇڭگو كوممۋنيستىك پارتياسىنىڭ مۇشەسى، 1953 - جىلى 11 - ايدىڭ 8 - كۇنى حيلۇڭجياڭ ولكەسىنىڭ حايلۇن اۋدانىندا (قازىرگى حايلۇن قالاسى) دۇنيەگە كەلگەن، 1974 - جىلى جۇڭگو حالىق ازاتتىق ارمياسىنا قاتىناسقان، 1977 - جىلى اسكەري قوسىننان شەگىنگەننەن كەيىن، يچۇن قالالىق قوعام حاۋىپسىزدىگى مەكەمەسى يچۇن بولىمشە مەكەمەسى شۇيرى ساقشى بولىمشەسىنىڭ حالىق ساقشىسى بولادى. 1980 - جىلى 8 - ايدىڭ 13 - كۇنى قىلمىس كۇماندىسىن ۇستاۋ بارىسىندا، ۋ ديانشىڭعا قارسى جاقتىڭ لاقتىرعان گراناتى ءتيىپ، باقىتقا قارسى ەرلىكپەن قۇربان بولادى، سول جىلى نەبارى 27 جاستا ەدى.
ۋ ديانشىڭ اسكەري بولىمدە اسكەري مىندەت وتەگەن كەزىندە، تارتىپكە بويسۇنىپ، قۇلشىنا قىزمەت ىستەپ، ليان - دۇي جاعىنان 2 رەت سيلانادى. قىزمەتكە قاتىناسقاننان كەيىن، ونىڭ قىزمەت قاراستىلىعىنداعى ءوڭىر لاشىقتى رايون بولىپ، جان سانى كوپ، اماندىق ءتارتىبى ناشار ەدى. تەز ارادا قىزمەتكە قانىق بولۋ ءۇشىن، ول قاراستى وڭىرىندەگى تۇراقتى جان سانىنا وتباسىلارىن ارالاۋ ارقىلى قانىق بىلۋگە تاباندى بولدى، كەيبىر وتباسىلارىندا كۇندىز ۇيىندە ادام بولماعاندىقتان، ول كەشكى جانە جەكسەنبى كۇنگى ۋاقىتتاردان، مەرەكە - دەمالىس كۇندەرىنەن پايدالانىپ، قاراستى وڭىرگە بارىپ ارالاپ، جان سانى جاعدايىن ۇعىسادى. تىنباي قۇلشىنۋىنىڭ ارقاسىندا، ءبىر جىلعا جەتپەيتىن ۋاقىتتا، ول قاراستى وڭىردەگى جان سانىنىڭ جاعدايىن، ءاربىر وتباسىنىڭ ەكونوميكالىق جاعدايىن ابدەن بىلەدى.
1978 - جىلى 7 - ايدىڭ ءبىر كۇنى، قاراستى وڭىردەگى ءبىر دۇكەننىڭ اقشاسى ۇرلانادى. ساتۋشىنىڭ قامداعان كۇماندىنىڭ بەت - بەينەسىنىڭ ەرەكشەلىگىنە نەگىزدەلگەن ۋ ديانشىڭ دەلونى قاراستى وڭىردەگى ءبىر قىز بالانىڭ ىستەگەندىگىن دەرەۋ سەزەدى، شاقىرىپ تەرگەۋ، تەكسەرۋ ارقىلى ونىڭ ۇيىنەن ۇرلانعان بارلىق اقشا قايتارىپ اكەلىنەدى.
نوپوس ساقشىسى مىندەتىن اتقارعان 2 جىلدان استام ۋاقىتتا، ۋ ديانشىڭ مىعىم نەگىزدىك قىزمەتىنە جانە مۇقيات، ۇقىپتى قىزمەت ستيلىنە سۇيەنىپ، 10 دەلونى اشىپ، قىلمىس كۇماندىسىنان جانە زاڭعا قايشىلىق جاساعانداردان 35 ادامدى ءوزى قولعا الىپ، قىلمىستىق بارلاۋ تاراۋلارىن دەلو اشۋ دەرەگىمەن قامداپ، 45 دەلونى اشۋعا كومەكتەسەدى. 1979 - جىلدىڭ سوڭىندا، تۇتاس ولكەدەگى نوپوس حالىق ساقشىلارىنىڭ كاسىپتىك باعالاۋىندا ۋ ديانشىڭ ۇزدىك ناتيجەگە يە بولادى.
ونىڭ قاراستى وڭىرىندە قارايلاساتىن ادامى جوق مۇگەدەك قارت ەرلى - زايىپتى بار ەدى. ۋ ديانشىڭ جاعدايدى ۇعىسقاننان كەيىن، ولارعا قارايلاسۋ جاۋاپكەرشىلىگىن ۇستىنە الادى، سونداي - اق قالتاسىنان اقشا شىعارىپ، ەكى قارياعا ءدارى - دارمەك ساتىپ الىپ بەرەدى. 3 جىلدا ول حالىق بۇقاراسىنان 70 نەشە پارشا القاۋ حاتىن الادى.
قىزمەتتە ۋ ديانشىڭ ۇكىمەت پەن جەكە مۇددەنى ايقىن ايىرا ءبىلدى. ءبىر جولى جاقىن تانىساتىن ءبىر كادر ودان نوپوس تاراۋلارىمەن بايلانىس جاساپ، ونىڭ ءبىر تۋىسىنىڭ اۋىل - قىستاق نوپوسىن قالا نوپوسىنا جوتكەپ بەرۋىن وتىنگەندە، ۋ ديانشىڭ تاباندا باس تارتادى. الايدا بىرنەشە كۇن وتكەننەن كەيىن، بۇل ادام ۋ ديانشىڭنىڭ ۇيىنە تاعى كەلىپ، شوشقا ەتى سياقتى تارتۋ − تارالعى ۇسىنادى، ۋ ديانشىڭ تارتۋ − تارالعىنى قايتارىپ جىبەرەدى، سونداي - اق وسى جولداستى ىزدەپ بارىپ، وعان نوپوس ساياساتىن دەن قويا تۇسىندىرەدى ءارى وعان ساياساتقا ساي ءىس ءبىتىرۋ جونىندە تاربيە بەرەدى.
ۋ ديانشىڭ نوپوس ساقشىسى بولعان 2 جىلدان استام ۋاقىتتا، ىلگەرىندى - كەيىندى جامان ادەتى بار 12 جاسقا، وسپىرىمگە كومەكتەسەدى جانە ولاردى تاربيەلەيدى، وسى ادامداردىڭ بارلىعى جامان ادەتىن وزگەرتەدى، ارالارىنداعى كەيبىرەۋى تاعى داشۋەگە وتەدى. ول بۇقاراعا تىعىز ارقا سۇيەگەندىكتەن، قىلمىستىڭ الدىن الۋ قىزمەتىن ءونىمدى تۇردە جاقسى ىستەپ، قاراستى وڭىرىندە دەلو تۋىلۋ سالىستىرماسى جىلدان - جىلعا تومەندەپ، بۇقارانىڭ جاپپاي القاۋىنا يە بولادى.
1980 - جىلى 8 - ايدىڭ 11 - كۇنى كەشتە ءبىر ۋاقىتتىق جۇمىسكەر رەسمي جۇمىسكەرگە وتپەگەندىگى سەبەپتى مەكەمەسىنىڭ باسشىلارىنا قاتتى وشىگىپ، ۇرلاپ كەلگەن 10 گراناتتى الىپ، ىلگەرىندى - كەيىندى 3 گراناتتى مەكەمەنىڭ 3 باسشىسىنىڭ ۇيىنە لاقتىرىپ جىبەرگەننەن كەيىن قالعان گراناتتى الىپ قاشىپ كەتەدى. سول كەزدە ۋ ديانشىڭ سىرقاتتانىپ ۇيىندە دەمالىپ جاتقان بولاتىن، ول ناۋقاسىنىڭ سالماقتى ەكەنىن ەلەمەي، دەرەۋ قاشقان قىلمىستىنى ۇستاۋعا قاتىناسادى. ءتىنتۋ بارىسىندا ءبىر شالعاي كوشەدە ول جارىلىس تۋدىرعان قىلمىس كۇماندىسىن بايقاپ، ەشتەمەنى ەلەمەستەن وعان تاپ بەرەدى، قىلمىس كۇماندىسى لاقتىرعان ءبىر گرانات جارىلعاندا ول جەرگە قۇلاپ تۇسەدى، جاراقاتى وتە اۋىر بولعاندىقتان، قۇتقارۋ ءونىم بەرمەي ەرلىكپەن قۇربان بولادى.
ۋ ديانشىڭ جولداس قۇربان بولعاننان كەيىن، حيلۇڭجياڭ ولكەلىك حالىق ۇكىمەتى ونى توڭكەرىستىك قۇربان دەپ بەكىتەدى، 1980 - جىلى 11 - ايدىڭ 8 - كۇنى قوعام حاۋىپسىزدىگى مينيسترلىگى وعان ”مەملەكەتتىك قوعام حاۋىپسىزدىگى جۇيەسىنىڭ 1 - دارەجەلى قاھارمان ۇلگىسى“ داڭق اتاعىن بەرەدى. 2009 - جىلى 9 - ايدا ول جاڭا جۇڭگو قۇرىلعان 60 جىلدان بەرگى حيلۇڭجياڭ ولكەسى قوعام حاۋىپسىزدىگىن قورعاۋ شەبىندەگى ەڭ ىقپالعا يە قاھارمان ۇلگى بولىپ سارالانادى.
”اكەمنىڭ باسقان ءىزىن بويلاي، ۇزدىكسىز جۇرە بەرەمىن“. ۋ ديانشىڭنىڭ قىزى ۋ لين اكەسىنىڭ ءىزىن باسىپ حالىق ساقشىسى بولادى، ”اكەلەرىمىز − وشپەس قۇلپىتاس، مەنىڭ جاۋىنگەر سەرىكتەرىم ءوز جولدارىمەن قاھارمان انىقتاماسىنا تۇسىنىك جاساۋدا، مەن اناعۇرلىم تىڭعىلىقتى قىزمەت پوزيتسياممەن بۇكىل ىنتا - پەيىلمەن حالىق ءۇشىن قىزمەت ىستەيمىن، حالىق ساقشىسىنىڭ داڭقتى بورىشىن جەردە قالدىرمايمىن“ دەدى.
