كەلپىن اۋداندىق ساناق مەكەمەسىنىڭ كادرى
باھارگۇل احات
مەنىڭ مەكەنىم كەلپىن اۋدانى اقسۋ ايماعىنىڭ ەڭ باتىس شەتىنە ورنالاسقان، ”شامعۇر مەكەنى“، ”تۇيە مەكەنى“، ”ورىك مەكەنى“ دەگەن اتى بار.
كەلپىندە تۋىپ - وسكەن مەن اتا مەكەنىمدەگى زور وزگەرىستەردى كورىپ كەلەمىن.
”ءبىر دىبىس ۇلعايتقىشتى بۇكىل اۋدان تىڭدايدى، ءبىر كوشەدە جەتى - اق شىراق بار“. بۇل كەزىندە ادامداردىڭ كەلپىن جونىندەگى تۇجىرىمى ەدى. ءالى ەسىمدە، باستاۋىش مەكتەپ، ورتالاۋ مەكتەپ وقىعان كەزىمدە، جول ويلى - شۇڭقىرلى بولاتىن، كەشتە تاپسىرما ورىنداعاندا تەك كارەسىن شام عانا جاعاتىنمىن، ادام دا، مال دا كولشىك سۋىن ىشەتىن، قاتىناس قۇرالىمىز ەسەك اربا، ەگىستىك جۇمىستارى دا ەسەككە سۇيەنىپ ىستەلەتىن.
رەفورما جاساۋ، ەسىك اشۋعا ىلەسە، ماڭىمىزداعى ورتادا دا كورنەكتى وزگەرىستەر تۋىلدى، بۇگىنگى كەلپىن اۋدانى ەرەكشە كوركەم تۇسكە بولەندى، ويلى - شۇڭقىرلى توپىراق جول الدەقاشان كەڭ دە تازا اسفالت جولعا وزگەرگەن، اعاشتار ماۋەلەپ، گۇل - شوپتەر قۇلپىرىپ، ءبىر - بىرلەگەن جول شىراقتارى جول شەتىنە ورناتىلعان. ادامدار بۇرىنعى تام ۇيلەردەن رەتتى دە ءساندى تۇرعىندار عيماراتىنا كوشىپ كىردى؛ پارتيانىڭ حالىققا تيىمدىلىك جاساۋ ساياساتتارى ەگىنشى - مالشى بۇقارانىڭ بەيقۇت ۇيگە كوشىپ كىرۋلەرىنە مۇمكىندىك جاراتتى؛ وتباسىندا قيىنشىلىعى بار جاندار ەڭ تومەنگى تۇرمىستى قامتاماسىزداندىرۋدان يگىلىكتەنىپ، تۇرمىسى قامتاماسىزداندىرىلدى؛ حابار - بايلانىس ءتىپتى دە قولايلى ءارى تەز بولىپ، قولفون ادامداردىڭ كەم بولسا بولمايتىن حابارلاسۋ جابدىعىنا اينالدى.
قازىرگى كەلپىن اۋدانى بارعان سايىن ساۋلەتتەنە ءتۇستى، ادامداردىڭ تۇرمىسى دا بارعان سايىن تىنىش تا باقىتتى بولۋدا.
پارتيا 18 - قۇرىلتايىنان بەرى، كەلپىننىڭ اۋىل - قىستاقتارىنىڭ بەت - بەينەسى دە شىت جاڭا وزگەردى. تۇتاس بارىس بويىنشا ۋاكىل بولىپ ءبىتىرىپ بەرۋ قىستاق تۇرعىندارىنا ەرەسەن زور قولايلىلىق اكەلدى؛ ”جۇمىس بولسا الدىمەن قىزمەت اترەتىن ىزدەۋ“ ادەتكە اينالدى، ۇلكەندى - كىشىلى ءىستىڭ بارىنە اڭىس قايتارىلىپ، ءبارى تەگىس شەشىلدى؛ ”پارتيا ياچەيكا جيىنىندا ۇسىنىس ەتۋ، ’ەكى كوميتەت‘ جيىنىندا اقىلداسۋ، پارتيا مۇشەلەرى جيىنىندا قاراۋ، قىستاق تۇرعىندارى ۋاكىلدەر جيىنىندا نەمەسە قىستاق تۇرعىندار جيىنىندا ۇيعارىم جاساۋ؛ ۇيعارىمدى اشىق جاريالاۋ، اتقارۋ ناتيجەسىن اشىق جاريالاۋ“ قىستاق تۇرعىندارىنىڭ قىستاق دارەجەلى ىستەرگە قاتىناسۋعا دەگەن ىنتاسىن بارىنشا جوعارىلاتتى، ءار جىلعى حالىققا تيىمدىلىك جاساۋ ينجەنەرياسىنىڭ بارلىعى قىستاقتاردا زور وزگەرىستەر تۋدىردى. ءار دۇيسەنبى كۇنى اۋىلداستار ەرتەمەن قىستاق تۇرعىندار كوميتەتىنە كەلىپ، باياۋ كوتەرىلگەن بەس جۇلدىزدى قىزىل تۋعا كوز تىگىپ، مەملەكەت ءانىن بىركەلكى ۇنمەن اسقاقتاتا شىرقاعاندا، جۇڭحۋا ۇلتىنىڭ ماقتانىش سەزىمى بويدى كەرنەيدى؛ ءار جۇما كۇنى ەگىنشى - مالشىلار كەشكى مەكتەبىندە وتكىزىلەتىن مەملەكەتتە ءبىر تۇتاس قولدانىلاتىن ءتىل - جازۋ ساباقحاناسى مەن ءتۇرلى شەبەرلىككە باۋلۋ قيمىلدارى قىستاق تۇرعىندارىنىڭ ايرىقشا قارسى الۋىنا بولەندى، مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋ ارقىلى قارىم - قاتىناس جاساۋ قابىلەتتەرى جوعارىلاپ، جۇمىسكەرلەردىڭ كىرىسىنىڭ ارتۋىنا مۇمكىندىك جاراتىلدى؛ قىستاق دارەجەلى مادەنيەت الاڭى، قيمىل ءۇيى، كىتاپ ءۇيى سياقتى ورىنداردىڭ جابدىقتارى تولىق تا كەمەلدى، سونداي - اق ۇنەمى باي مازمۇندى بۇقارالىق مادەنيەت، دەنە تاربيە قيمىلدارى وتكىزىلىپ تۇرادى، سونىمەن قىستاق تۇرعىندار كوميتەتى ءار ۇلت بۇقاراسىنىڭ ەڭ ۇناتىپ باراتىن ورنىنا اينالدى.
اتا مەكەنىم وزگەردى، كورىكتى بولىپ وزگەردى، ىرىستى بولىپ وزگەردى. كۇن سايىن تۇلەپ، اي سايىن جاڭارعان وزگەرىستەردى كورگەندە، شەكسىز شاتتانىپ، كوڭىلدى ءارى باقىتتى سەزىنەمىن. اتا مەكەنىمنىڭ پارتيانىڭ نۇر - شۇعىلاسىندا بارعان سايىن گۇلدەنىپ - كوركەيۋىن، وتاننىڭ بارعان سايىن قۇدىرەتتەنىپ، گۇلدەنۋىن شىن جۇرەكتەن تىلەيمىن.
