جاڭ بەي
ءبىر تاۋلىك 24 ساعاتتا كەڭ - بايتاق شينجياڭ ساحاراسىنان نەنى كورە الاسىز؟ 9 - ايدىڭ 17 - كۇنى «شينجياڭنىڭ 24 ساعاتى» اتتى ميكرو بەينەجازبا جەلىدە جەدەل تارالىپ، سانسىز ادامنىڭ كوشىرىپ تاراتۋىنا ءارى القاۋىنا يە بولدى. 3 مينۋتتان اساتىن وسى بەينەجازبا جاندى دا جارقىن كورىنىستەر ارقىلى شينجياڭنىڭ ورنىقتى، گۇلدەنگەن قوعامدىق جاعدايىن، ايبىندى دا ءساندى تابيعي كورىنىسىن، شارىقتاي تۇسكەن دامۋ بەتالىسىن شوعىرلى بەينەلەگەن، اپپارات كوزىندە ىقشامدالعان 24 ساعاتتاعى شينجياڭ تاماشا، تاتۋ - ءتاتتى بولىپ، كىسىنى وزىنە ءتانتى ەتەدى.
بۇل بەينەجازبا جاڭا جۇڭگو قۇرىلعان 70 جىلدان بەرى شينجياڭنىڭ قول جەتكىزگەن شۇعىلالى تابىستارىن ءبىر تاۋلىككە ىقشامداپ، تاۋى مەن وزەنىندە ايگىلەپ، كوركەم بەينەلەگەن. ايتسە دە، 70 جىلداعى شۇعىلالى تابىستار قاس - قاعىم ساتتە ورىندالماعان، ءتىپتى، اسپاننان دا تۇسە قالماعان، قايتا ۇرپاقتان - ۇرپاققا جالعاسقان تيانشان پەرزەنتتەرىنىڭ جۇڭگو كوممۋنيستىك پارتياسىنىڭ پارمەندى باسشىلىعىندا ارىپ - شارشاپ، قاجىرلىلىقپەن كۇرەسكەن تاۋلىكتە ورىندالعان.
ون مىڭ جىل ۋاقىت تىم ۇزاق، ۇت بارلىعىن ءبىر كۇندە - اق. بەينەجازباداعى 24 ساعات ادامدارعا سان مىڭداعان كۇرەسكەرلەردىڭ وبرازىن ەسكە تۇسىرەدى، ولار شينجياڭنىڭ ەكپىندەي العا باسقان بەينەسى بولىپ جيناقتالدى، بۇل كوركەم شينجياڭ قۇرۋداعى، وتان ارمانىن بىرگە ورىنداۋداعى ەڭ تاماشا بەينە.
(”لەپتى لەبىز“ ايدارشاسىنا ماقالا جولداۋ حات ساندىق ادرەسى: xjrbplb@126.com)