تيانشان تورى   ›   جاڭالىقتار   ›   شينجياڭ حابارلارى

تەكسەرىپ بەكىتۋ ”ورنىن بوساتتى“، قىزمەت وتەۋ ”ورنىن باستى“

رايونىمىز قورشاعان ورتاعا ىقپالدى باعالاۋدىڭ ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتتى

  ءتىلشى ۋاڭ يايۇن 9 - ايدىڭ 17 - كۇنى ۇرىمجىدەن حابارلايدى. ”بۇرىن ءبىز قىزمەت وتەۋ زالىنا بارىپ جۇمىس بىتىرەتىنبىز، قازىر ۇيدە وتىرىپ توردان ماتەريالدى جولداپ بەرۋگە بولادى؛ بۇرىن 60 قىزمەت كۇنىندە بەكىتكەن حۇجاتتى ارەڭ الاتىنبىز، قازىر تەك 40 قىزمەت كۇنىندە، اۋەلى، ءتىپتى دە قىسقا ۋاقىتتا بىتىرۋگە بولادى. وزىندىك قۇندى ۇنەمدەپ قانا قالماستان، كاسىپورىنداردىڭ قۇرىلىس نىسانى ءتىپتى دە جوعارى ءونىمدى تۇردە تياناقتاندى“، - دەدى 9 - ايدىڭ 16 - كۇنى ەكولوگيالىق ورتا سالاسىنىڭ قورشاعان ورتاعا ىقپالدى باعالاۋداعى ”تومەنگە بەرۋ، باسقارۋ، قىزمەت وتەۋ“ رەفورماسىنىڭ اكەلگەن قولايلىلىعى جايلى ءسوز بولعاندا شينجياڭ حيميا ونەركاسىبى جوبالاۋ - زەرتتەۋ ورنىنىڭ مەڭگەرۋشىسى چيان گاڭ قاباعات اسەرلەنىپ.

  تانىستىرۋعا قاراعاندا، اۆتونوميالى رايوندىق ەكولوگيالىق ورتا مەڭگەرمەسى تەكسەرىپ بەكىتۋ ”ورنىن بوساتۋ“، قىزمەت وتەۋ ”ورنىن باسۋ“ جالپى تالابى بويىنشا، قۇرىلىس نىساندارىنىڭ قورشاعان ورتاعا ىقپالىن باعالاۋدى تەكسەرىپ بەكىتۋ جاعىندا، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن ۇزدىكسىز ىلگەرىلەتىپ، قورشاعان ورتاعا ىقپالدى باعالاپ تەكسەرىپ بەكىتۋ ءتارتىبىن قايتادان رەتتەپ، دارەجەگە ءبولىپ تەكسەرىپ بەكىتۋ مازمۇنىن بەلگىلەپ، قورشاعان ورتاعا ىقپالدى باعالاپ تەكسەرىپ بەكىتۋ ۇقىق شەگىن تومەنگە بەرىپ، قورشاعان ورتاعا جاسايتىن ىقپالدى باعالاۋ دارەجەسىن زور دارەجەدە تومەندەتكەن، قۇرىلىس نىساندارىنىڭ قورشاعان ورتاعا ىقپالىن تىزىمدەۋ كەستەسىن تەكسەرىپ بەكىتۋ ءتۇزىمىن ەستەلىككە الۋ تۇزىمىنە وزگەرتىپ، جۇمىس بارىسىندا، جۇمىستان كەيىن باقىلاۋ - باسقارۋ مەحانيزمى سياقتى قورشاعان ورتاعا ىقپالدى باعالاۋدىڭ ءبىر قىدىرۋ رەفورما شارالارىن جولعا قويىپ، قورشاعان ورتاعا ىقپالدى باعالاۋدىڭ ورتانىڭ لاستانۋىنان جانە ەكولوگيانى بۇلدىرۋدەن قاينارىنان باستاپ ساقتانۋ رولىن تولىق ساۋلەلەندىرىپ، لاستانۋدان ساقتانۋ جانە ونى وڭاۋدان قامال الۋ شايقاسىن ويداعىداي جۇرگىزۋگە دەم بەرگەن.

  بيىل جىل باسىنان بەرى، اۆتونوميالى رايوندىق ەكولوگيالىق ورتا مەڭگەرمەسى قۇرىلىس نىساندارىنىڭ ورتاعا ىقپالىن باعالاۋدى ينتەرنەتتە قابىلداۋدى، ينتەرنەتتە تەكسەرىپ بەكىتۋدى جۇزەگە اسىردى ءارى اۆتونوميالى رايوندىق حالىق ۇكىمەتىنىڭ ۇكىمەت ىستەرىنە قىزمەت وتەۋدى ءبىر تۇلعالاندىرعان تۇعىرىمەن ۇشتاستىرىپ، ەلەكتروندى ۇكىمەت جۇمىسىن اناعۇرلىم تەرەڭدەتىپ، قىزمەت ستيلىن جاقسارتىپ، تەكسەرىپ بەكىتۋ ونىمدىلىگىن جوعارىلاتتى. قۇرىلىس نىساندارىنىڭ قورشاعان ورتاعا ىقپالىن تىزىمدەۋ كەستەسىن ينتەرنەتتە ەستەلىككە الۋ ءتۇزىمىن قاتاڭ تياناقتاندىرىپ، ءتۇرى وزگەرگەن تەكسەرىپ بەكىتۋگە قاتاڭ تيىم سالدى. وڭتۇستىك شينجياڭداعى 4 ايماق - وبلىستاعى اۋىر كەدەي وڭىرلەردە پارىقتى ساياسات اتقارىپ، مال شارۋاشىلىعى سياقتى 7 توپتاعى 8 ءتۇرلى نىسان قۇرىلىسىنىڭ قورشاعان ورتاعا ىقپالىن باعالاۋ حۇجاتىن تەكسەرىپ بەكىتۋ ۇقىق شەگىن وڭتۇستىك شينجياڭداعى 4 ايماق - وبلىستاعى ەكولوگيالىق ورتانى نەگىزگى باسقارۋ تاراۋلارىنا بەردى.

  سونىمەن بىرگە، اۆتونوميالى رايوندىق ەكولوگيالىق ورتا مەڭگەرمەسى قورشاعان ورتاعا ىقپالدى باعالاۋدىڭ ونىمدىلىگىن جان - جاقتى جوعارىلاتۋدى نەگىزگى ارقاۋ ەتىپ، ەندىكتە، بويلىقتا بىرلەسىپ سايكەسۋ مەحانيزمىن جانە تاراۋلار، كاسىپورىندار ماسەلەنى شەشۋگە تاپسىرۋ مەحانيزمىن ۇزدىكسىز كەمەلدەندىردى؛ ىشكى باسقارۋدى كۇشەيتىپ، ورىننىڭ، جۇمىستىڭ جاعدايىنا قاراي دالمە - ءدال شارا قولداندى؛ الدىن الا ارالاسىپ، ىلەسىپ ءجۇرىپ قىزمەت وتەدى؛ دەر كەزىندە ەسكەرتىپ، سايكەستىرۋدى كۇشەيتىپ، ءتۇيىندى جوبالاردىڭ جانە ءتۇيىندى قۇرىلىس نىساندارىنىڭ قورشاعان ورتاعا ىقپالىن باعالاۋدى كۇش بىرىكتىرە وتىرىپ جەدەل ىلگەرىلەتتى؛ قورشاعان ورتاعا ىقپالدى باعالاۋدى تەكسەرىپ بەكىتۋ مەحانيزمىن ۇزدىكسىز كۇشەيتىپ، ”ءۇش جوعارى“ نىسانداردىڭ شينجياڭعا كىرۋىنە قاتاڭ تيىم سالىپ، ەكونوميكانىڭ جوعارى ساپالى دامۋىن جانە ەكولوگيالىق ورتانى جوعارى ورەدە قورعاۋدى اناعۇرلىم جەبەدى.

  اۆتونوميالى رايوندىق ەكولوگيالىق ورتا مەڭگەرمەسىنىڭ قورشاعان ورتاعا ىقپالدى باعالاۋ جانە ىعىستىرۋدى باسقارۋ باسقارماسىنىڭ قاتىستى جاۋاپتىسىنىڭ تانىستىرۋىنشا، قورشاعان ورتاعا ىقپالدى باعالاۋدىڭ ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتۋدىڭ كەلەلى شاراسى رەتىندە، اۆتونوميالى رايوندىق ەكولوگيالىق ورتا مەڭگەرمەسى باستاماشىلدىقپەن رايونىمىزدىڭ وڭىرلىك كەڭىستىك ەكولوگيالىق ورتاسىن باعالاۋدى جانە ”ءۇش سىزىق، ءبىر تىزىمدىك“تى (ەكولوگيانى قورعاۋدىڭ قىزىل سىزىعى، قورشاعان ورتا ساپاسىنىڭ تومەنگى سىزىعى، بايلىقتى پايدالانۋدىڭ جوعارعى سىزىعى، ەكولوگيالىق ورتاعا قاتىستى رۇقسات ەتۋ تىزىمدىگى) جاساۋ قىزمەتىن جۇرگىزۋدە. ”ءۇش سىزىق، ءبىر تىزىمدىك“تى جاساۋ ارقىلى وڭىرلىك ەكولوگيالىق ورتا جۇيەسىنە وبيەكتيۆ باعالاۋ جۇرگىزىپ، ءتۇرلى ەكولوگيالىق ورتا باسقارۋ تۇزىمىنە جۇيەلى ۇشتاستىرىپ، ءبىر تۇتاس ءبىر كارتادا ەكولوگيالىق ورتانى قورعاۋدىڭ جانە باسقارۋ - مەڭگەرۋدىڭ نەگىزگى تالاپتارىن ايقىن بەلگىلەپ، قورشاعان ورتاعا ىقپالدى باعالاۋ حۇجاتىن دايىنداۋ مەن تەكسەرىپ بەكىتۋدى اناعۇرلىم قاراپايىمداستىرادى ەكەن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • كاسىپ سالاسىن دامىتىپ، جۇمىستاندىرۋدى جەبەدى
  • ”شينجياڭ ءۇش قىساڭ“ اراتاش سۋ يگىلىگى توراپتىق ينجەنەرياسى تيەكتى بەكىتىپ سۋ جينادى
  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس