جوعارى ساپالى دامۋدىڭ ناتيجەسى ايگىلەندى
شينجياڭ ساياحاتىندا ”ادام دا، كىرىس تە“ مول بولدى
ءتىلشى رىن جياڭ 9 - ايدىڭ 17 - كۇنى ۇرىمجىدەن حابارلايدى. ”بيىل 1 - ايدان 8 - ايعا دەيىن بايىنعولين وبلىسى 18 ميلليون 808 مىڭ 800 ساياحاتشى (رەت) قابىلداپ، سايكەس مەزگىلدەگىدەن ％46.62ارتتى؛ ساياحات كىرىسى 14 ميلليارد 901 ميلليون يۋانعا جەتىپ، سايكەس مەزگىلدەگىدەن ％67.19 ارتتى. مۇندا 8 - ايدا 4 ميلليون 665 مىڭ 300 ساياحاتشى (رەت) قابىلداپ، سايكەس مەزگىلدەگىدەن ％40.64 ارتتى؛ ساياحات كىرىسى 3 ميلليارد 837 ميلليون يۋانعا جەتىپ، سايكەس مەزگىلدەگىدەن ％66.54 ارتتى“. 9 - ايدىڭ 15 - كۇنى بايىنعولين موڭعۇل اۆتونوميالى وبلىستىق مادەنيەت - دەنە تاربيە، راديو - تەلەۆيزيا جانە ساياحات مەكەمەسىنىڭ ورىنباسار باستىعى دۋان شۋەپيڭ وسىلاي دەپ تانىستىردى.
بيىل جىل باسىنان بەرى، رايونىمىز ساياحات ارقىلى شينجياڭدى گۇلدەندىرۋ ستراتەگياسىن جاپپاي اتقارىپ، قوعام ورنىقتىلىعىنىڭ پايداسىنان جاقسى، جەتكىلىكتى پايدالانىپ، ساياحاتتىڭ دامۋىنا كەدەرگى بولاتىن بوگەتتەردى تالقانداپ، ەكونوميكالىق دامۋدىڭ ارتۋ ۇيەگىن كۇش سالا قالىپتاستىردى، ەل ءىشى - سىرتىنان قابىلداعان ساياحاتشى سانى، ساياحات كىرىسى بىردەي ارتتى.
بيىل 1 - ايدان 8 - ايعا دەيىن شينجياڭ ەل ءىشى - سىرتىنان جالپى 149 ميلليون 280 مىڭ ساياحاتشى (رەت) قابىلداپ، سايكەس مەزگىلدەگىدەن ％40.91 ارتتى؛ ساياحات كىرىسى 242 ميلليارد 913 ميلليون يۋانعا جەتىپ، سايكەس مەزگىلدەگىدەن ％41.28 ارتتى، 1 - ايدان 6 - ايعا دەيىن ءار ايدا ساياحات كىرىسىنىڭ ارتۋ مولشەرىنىڭ قابىلدانعان ساياحاتشى سانىنىڭ ارتۋ مولشەرىنەن جوعارى بولۋ جاعدايى جارىققا شىقتى، مۇنىڭ ىشىندە 5 - ايدا ءتىپتى 6 پايىزدىڭ ۇستىندە جوعارى بولدى. وسىعان سايكەستى تۇردە بۇكىل شينجياڭداعى 14 ايماق، وبلىس، قالالاردىڭ ىشىندەگى باسىم كوپ ساندى ايماق، وبلىستاردا دا وسى ەرەكشەلىك جارىققا شىقتى.
بايىنعولين وبلىسىن مىسالعا الساق، سىرت جەردەن كەلەتىن ساياحاتشىلاردىڭ مولايۋى، تۇنەۋگە كەلەتىن ساياحاتشىلارىنىڭ مولايۋى − بايىنعولين وبلىسىنىڭ ساياحات كىرىسىنىڭ زور دارەجەدە ارتۋىنىڭ ماڭىزدى سەبەپتەرىنىڭ ءبىرى. دۋان شۋەپيڭ: ”ءبىز ’حالىقارالىق اسكەري جارىس − 2019‘ دى وتكىزۋ سياقتىلاردى وراي ەتىپ، بايىنعولين وبلىسىنىڭ ساياحات بايلىعى مەن ۇلتتىق ەرەكشەلىگىن توعىستىرعان ’اسكەري ساياحاتى‘، ’قىزىل مادەنيەت ساياحاتى‘، ’زەرتتەۋ، وقىتۋ ساياحاتى‘ سياقتى سارا ساياحات جەلىلەرى ونىمدەرىن العا قويىپ، سىرت جەرلەردەن اناعۇرلىم كوپ ساياحاتشىنى باۋرادىق“ دەدى. اۋىل - قىستاق ساياحاتىنىڭ بارعان سايىن قىزا ءتۇسۋى، تۇنگى ەكونوميكانىڭ جاندانۋى دا ساياحات تۇرلەرىن مولايتتى، ساياحاتشىلاردىڭ تۇرۋ ۋاقىتىن ۇزارتتى، ءسويتىپ، ساياحات تۇتىنۋىنا ءونىمدى تۇردە دەم بەردى.
جەر - جەردەگى باي مازمۇندى مادەنيەت ساياحات قيمىلى ساياحاتشىلاردى باۋراۋدىڭ، ساياحات كىرىسىن ارتتىرۋدىڭ ماڭىزدى سەبەبىنە اينالدى، اسىرەسە، ساياحات فەستيۆالى، قۇتتىقتاۋ قيمىلدارى ەڭ كورنەكتى ورىنعا شىقتى. ايتالىق، بيىل 8 - ايدا وتكىزىلگەن جۇڭگو. التاي تۇڭعىش كەزەكتى حالىقارالىق التىن، جاقۇت، قاس تاسى مادەنيەت فەستيۆالىندا، 8 كۇندە قاتىناسقان ادام سانى 360 مىڭ 600دەن (رەت) اسىپ، تىكە، جاناما ەكونوميكالىق كىرىس 270 ميلليون يۋانعا جەتتى.
بيىل شينجياڭنىڭ جەر - جەرى تانىمالى ساياحات تاۋارلارىن، ەرەكشە قولونەر بۇيىمدارىن، جەرگىلىكتى ەرەكشە ونىمدەر مەن اۋىل شارۋاشىلىعى قوسىمشا ونىمدەرىن اشۋ سەرپىنىن كۇشەيتىپ، وڭىرلىك ەرەكشەلىككە باي، دەربەس ماركاسى بار، ساياحاتشىلاردىڭ ەرەكشە قارسى الۋىنا بولەنگەن ايگىلى ساياحات تاۋارلارىنان ءبىر توبىن شىعاردى، ونىڭ ساۋداسى ەرەكشە قىزىپ، جەر - جەردىڭ ساياحات كىرىسىن جوعارىلاتتى. التاي ايماقتىق پارتكومنىڭ مۇشەسى، اكىمشىلىك مەكەمەسىنىڭ ورىنباسار ءۋاليى ۋاڭ جۇنان بىلاي دەپ تانىستىردى: ”بيىل التاي ايماعى ساياحاتشىلاردىڭ تۇتىنۋ سۇرانىسىمەن تىعىز بايلانىستىرا وتىرىپ، ءشۇبات، التاي جىلقىسى، مۇزدىق سيىرى، تەگەنە قۇيرىقتى قوي، التىن، جاقۇت، شىرعاناق جەمىسى سياقتى ساياحاتشىلار ۇناتا ساتىپ الاتىن، الىپ جۇرۋگە قولايلى ’التاي تارتۋى‘نان ءبىر توبىن جاسادى. سونىمەن قاتار ۋيچات شاعىن پروگرامماسىن اشىپ، وعان التاي تەگەنە قۇيرىقتى قويى، ۇلىڭگىر سۋىق سۋ بالىعى سياقتى ونىمدەردى شىعاردى، سونداي - اق جاڭادان 22 دۇكەن اشىپ، ناقتى دۇكەن مەن جەلىدە ساتۋ قاتار دامىعان ’التاي تارتۋىن‘ ساتۋ جەلىسىن قالىپتاستىرادى“.
