− ىلە قازاق اۆتونوميالى وبلىسى، تارباعاتاي ايماعى، التاي ايماعى 2 - توپتاعى نەگىزگى تاقىرىپتىق تاربيەنى تىڭعىلىقتى، پارمەندى ىلگەرىلەتتى
2 - توپتاعى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى باستالعاننان بەرى، رايونىمىزدىڭ جەر - جەرى يدەيا مەن قىزمەت ءىس جۇزىندىگىنە تىعىز بايلانىستىرىپ، نەگىزگى تاقىرىپتى، نەگىزگى ارقاۋدى توڭىرەكتەي وتىرىپ، تەرەڭدەي ۇيرەنۋگە، جەتە تۇسىنۋگە كۇش سالىپ، تياناقتاندىرۋدى يگەرۋگە كۇش سالىپ، وسكەلەڭ ساياسي سانالىلىق جانە كوكىرەك تولى رۋحاني كۇيمەن نەگىزگى تاقىرىپتىق تاربيەنى ىشكەرىلەي ورىستەتىپ، تىڭعىلىقتى ناتيجەگە قول جەتكىزۋگە شىنايى كەپىلدىك ەتتى. ىلە قازاق اۆتونوميالى وبلىسى، تارباعاتاي ايماعى، التاي ايماعى ءىس جۇزىندىكپەن ۇشتاستىرىپ، جان - جاقتى ورنالاستىرىپ، نەگىزگى تاقىرىپتىق تاربيەنى اتقارۋ جوباسىن جاساپ، شوعىرلى كىتاپ وقۋ جانە ۇيرەنۋ، زەرتتەۋ - تالقى ورىستەتىپ، نازاريا ۇيرەنۋدى، ماسەلەلەردى بايقاۋدى، ماسەلەلەردى شەشۋدى تىعىز ۇشتاستىرىپ، نەگىزگى تاقىرىپتىق تاربيەنىڭ ناقتىلانۋىن، تياناقتانۋىن ىلگەرىلەتتى.
ىلە وبلىسى: ۇيرەنۋدى مىقتى يگەرىپ، قىزمەتتى ىلگەرىلەتتى
9 - ايدىڭ 12 - كۇنى ىلە وبلىسىنىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورنالاستىرۋ ماجىلىسىنەن كەيىن، تاراۋلار، ورىندار ءوز ورنىنىڭ، ءوز ءوڭىرىنىڭ قىزمەت ءىس جۇزىندىگىمەن ۇشتاستىرۋعا ءمان بەرىپ، دەن قويا ورنالاستىرىپ، تياناقتاندىرۋدى مىقتاپ يگەردى. ءاربىر كۇنگە دەيىن ناقتىلانعان ۇيرەنۋ جوسپارىن ءتىزىپ شىعىپ، ۇيرەنۋ تاربيەسىنىڭ، تەكسەرۋ - زەرتتەۋدىڭ ۋاقىت ورنالاستىرۋى، نەگىزگى تاقىرىبى، مازمۇنى، فورماسى سياقتىلاردى ايقىنداپ، بەتالىستان اۋىتقىمادى، تۇرلەردى قاعىس قالدىرمادى، جالعاندىقتان اۋلاق بولدى، ۇستىرتتىككە، قويان بۇلتاققا سالىنبادى.
ىلە وبلىستىق حالىق ۇكىمەتى كەڭسەسىنىڭ كادرى ۋاڭ گوچياڭ بىلاي دەدى: ”مەن جالپى بەتتىك جۇيەلى ۇيرەنىپ، تەرەڭ وي جۇگىرتىپ ۇيرەنىپ، ءىس جۇزىندىكپەن بايلانىستىرىپ ۇيرەنىپ، پارتيانىڭ جاسامپاز نازارياسىنان پايدالانىپ امالياتقا جەتەكشىلىك ەتۋ، قىزمەتتى ىلگەرىلەتۋ قابىلەتىمدى جوعارىلاتامىن“.
ۇيرەنۋ ءتاسىلىن، ءادىسىن بايىتۋعا كۇش سالۋدىڭ سىرتىندا، ىلە وبلىسىنداعى ءارقايسى تاراۋلار، ورىندار ۇيرەنۋ مەن رەتتەۋ - تۇزەتۋگە قاتار ءمان بەرۋگە تاباندى بولدى، قالىڭ پارتيالى كادرلار قىستاقتارعا، الەۋمەتتىك اۋماقتارعا بارىپ قىزمەت وتەدى ءارى نەگىزگى ساتىنىڭ ۇنىنە قۇلاق سالىپ، حالىق بۇقاراسى ەڭ كوڭىل بولگەن، ەڭ تىكە، ەڭ رەال مۇددە ماسەلەلەرىن ويداعىداي شەشىپ، ۇيرەنۋدىڭ باعىتتامالىلىعىن، ناقتى ونىمدىلىگىن ۇزدىكسىز كۇشەيتتى.
ىلە وبلىستىق پارتكوم كەڭسەسى، وبلىستىق ۇكىمەت كەڭسەسى سياقتى تاراۋلار، ورىندار نەگىزگى تاقىرىپتىق تاربيەنى قىزمەت فۋنكتسياسىمەن، قىزمەت جاۋاپكەرشىلىگىمەن ۇشتاستىرىپ، ۇيرەنۋ تاربيەسىن تىڭعىلىقتى ورىستەتۋگە، تەكسەرۋ - زەرتتەۋدى ناقتى جۇرگىزۋگە، ماسەلەلەردى قاداعالاۋدا شىندىققا جۇگىنۋگە، رەتتەۋ - تۇزەتۋدى تياناقتاندىرۋدىڭ شىنايى بولۋىنا تاباندى بولدى؛ ىلە وبلىستىق پارتكومنىڭ ۇيىمداستىرۋ ءبولىمى جاۋاپكەرشىلىكتى تياناقتاندىرۋدى كۇشەيتىپ، باسشىلار ۇلگى كورسەتىپ باستاماشى بولىپ، قىزمەت ونىمدىلىگىن جوعارىلاتىپ، نەگىزگى تاقىرىپتىق تاربيەنى دەن قويا ۇيىمداستىراتىندىعىن ءبىلدىردى؛ ىلە وبلىستىق پارتكومنىڭ ۇگىت ءبولىمى نەگىزگى تاقىرىپتىق تاربيەنى ۇگىت - يدەيا شەبىندە ورىستەتىلىپ جاتقان ”ءتورت قابىلەت“تى كۇشەيتۋ تاربيەسىنىڭ امالياتتىق قىزمەتىمەن ورگانيكالى توعىستىرۋدى العا قويدى.
تارباعاتاي ايماعى: نەگىزگى ارقاۋدى كورنەكتىلەندىرىپ، رەتتەۋ - تۇزەتۋگە كىرىستى
تارباعاتاي ايماعى ءىس جۇزىندىكپەن ۇشتاستىرىپ، نازاردى نەگىزگى تاقىرىپقا، نەگىزگى ارقاۋعا شوعىرلاندىرىپ، نازاريا ۇيرەنۋدىڭ ساناعا ۇيالاۋىن ىلگەرىلەتۋمەن بىرگە، ەرتە باستان جوبالاۋعا، ءبىر تۇتاس جوسپارلاپ ورنالاستىرۋعا، قاتاڭ تالاپ قويۋعا كۇش سالۋعا باسا ءمان بەرىپ، نەگىزگى تاقىرىپتىق تاربيەنىڭ جوعارى ولشەمدە باستالۋىنا، جوعارى دەڭگەيدە ىلگەرىلەتىلۋىنە، جوعارى ساپادا تياناقتانۋىنا شىنايى كەپىلدىك ەتتى.
تارباعاتاي ايماعى ماسەلەنى رەتتەۋ - تۇزەتۋدى باستاما ەتىپ، ءتۇپ نۇسقانى ۇيرەنۋدەن، ماسەلەنى باعىتتاي ۇيرەنۋدەن، ءبىر جاعىنان ۇيرەنىپ، ءبىر جاعىنان تۇزەتۋدەن، تاباندا ارەكەتتەنىپ، تاباندا تۇزەتۋدەن، تانىم مەن ارەكەتتىڭ بىرلىگىنەن جازباي، ورىن تەپكەن كورنەكتى ماسەلەلەردى جانە كوكەي تەستى ماسەلەلەردى ءدال تاۋىپ، شىنايى تاۋىپ، ماسەلە تىزىمدىگىن ايقىنداپ، رەتتەۋ - وڭاۋ شاراسىن جاساپ، ماسەلەنى تىڭعىلىقتى تۇزەتۋگە، تۇبەگەيلى تۇزەتۋگە شىنايى كەپىلدىك ەتتى. اداقتالعان ”وقىتۋشى ءمورالى، وقىتۋشى ستيلى“، ”شيپاگەر ءمورالى، شيپاگەر ستيلى“، ”جەرلەۋگە قىزمەت وتەۋ“ سياقتى 3 جاقتا ورىن تەپكەن كورنەكتى ماسەلەلەردى رەتتەۋ - تۇزەتۋدى ويداعىداي يگەرىپ، ءبىر - بىرلەپ ناقتىلاندىردى، تياناقتاندىردى. ەگىنشى - مالشىلاردىڭ تۇرعىن ءۇي حاۋىپسىزدىگى، كەدەيلىكتەن ارىلتۋدان قامال الۋ جەتىستىگىن بەكەمدەۋ، جوعارىلاتۋ، اۋىل - قىستاق ورتاسىن تۇتاسپالى رەتتەۋ - وڭاۋ نىسانىن ورىستەتۋ سىندى 3 ناقتى ءىستى، يگى ءىستى ويداعىداي ىستەپ، جىل سوڭىنا دەيىن بەيقۇت ءۇي سالىپ، حالىقتى اۋقاتتاندىرۋ بويىنشا 2822 ءۇي سالۋدى ورىنداپ، ەگىنشى - مالشىلاردىڭ تۇرعىن ءۇيىنىڭ حاۋىپسىز بولۋىنا جانە جەر سىلكىنىسىنە ءتوزۋ ولشەمىنە جەتۋىنە شىنايى كەپىلدىك ەتتى؛ ارحيۆ تۇرعىزىلىپ، كارتچكالاندىرىلعان كەدەي جان سانىن كەدەيلىكتەن ورنىقتى ارىلتۋ قىزمەتىن كۇش سالا ويداعىداي ىستەدى؛ تۇرمىستىق لاس سۋلاردى جونگە سالۋدى ءتۇيىن ەتكەن اۋىل - قىستاق ورتاسىن تۇتاسپالى رەتتەۋ - وڭاۋ نىسانىن اتقارىپ، جىل سوڭىنا دەيىن 19 قىستاقتىڭ تۇرمىستىق لاس سۋدى بەتالدى ىعىستىرۋ ماسەلەسىن شەشىپ، اۋىل - قىستاقتىڭ قونىس ورتاسى ساپاسىن جوعارىلاتتى.
تارباتاعاي ايماقتىق ەكولوگيالىق ورتا مەكەمەسى پارتيا باسشىلىق گرۋپپاسىنىڭ شۋجيى ايدىن احاتبەك مىنانى ءبىلدىردى: ”ءبىز شي جينپيڭنىڭ ەكولوگيالىق وركەنيەت يدەياسىن جاپپاي دايەكتىلەندىرىپ، تياناقتاندىرىپ، نازاردى بۇقارا كوڭىل ءبولىپ وتىرعان قولامتالى، قيىن ماسەلەلەرگە شوعىرلاندىرىپ، رەتتەۋ - تۇزەتۋ تەبىنىن ارتتىرىپ، لاستانۋدان ساقتانۋدان جانە ونى وڭاۋدان قامال الۋ شايقاسىن ويداعىداي جۇرگىزۋدىڭ ءىس جۇزىندىك ناتيجەسى ارقىلى حالىق سەنىمىنە يە بولىپ، جاراسىمدى، ەكولوگياسى قونىسقا جايلى تارباعاتاي قۇرۋ ءۇشىن ۇلەس قوسامىز“.
التاي ايماعى: ۇيرەنۋ مەن ىستەۋدى ۇشتاستىرىپ، تەرەڭ تەكسەردى، شىنايى تۇزەتتى
التاي ايماعى مىنانى تالاپ ەتتى: ءار دارەجەلى تاراۋلاردىڭ، ورىنداردىڭ پارتيا ۇيىمىنىڭ شۋجيلەرى بارلىق پارتيالى كادرلاردى ورنىعىپ، تابانداپ وتىرۋعا، ءتۇپ نۇسقانى وقۋعا، ءماتىندى ۇيرەنۋگە، قاعيدانى تۇسىنۋگە ۇيىمداستىرىپ، كوپ تولعانۋ، كوپ ويلانۋ، جەتە ۇيرەنۋ، جەتە ءتۇسىنۋ، جۇيەلى، جان - جاقتى بولۋ، توعىستىرۋ، ساباقتاستىرۋ جاعىنا كۇش سالۋ كەرەك؛ باسشىلىق القاسى الۋان تاسىلدەردى قولدانىپ، ءبىر اپتادان كەم بولمايتىن شوعىرلى ۇيرەنۋ ورىستەتۋ كەرەك؛ ءار دارەجەلى تاراۋلار، ورىندار ءوزىنىڭ ءىس جۇزىندىگىمەن ۇشتاستىرىپ، توڭكەرىستىك ءداستۇر تاربيەسىن، جاعداي، ساياسات تاربيەسىن، وزات تيپ تاربيەسىن جانە ساقتاندىرۋ تاربيەسىن مۇقيات ورىستەتۋ كەرەك.
التاي ايماعىنىڭ ءارقايسى اۋدان، قالالارىنداعى تاراۋلار، ورىندار بۇقارالىق كوزقاراستى، بۇقارالىق لۋشياندى يدەياسىنا تەرەڭ تامىر تارتقىزۋعا، ارەكەتىندە تياناقتاندىرۋعا تاباندى بولىپ، ءوز قاراستىلىعىنداعى وڭىردەگى، ءوز سالاسىنداعى اڭىس كۇشتى بولعان كورنەكتى ماسەلەلەردى جەكە - جەكە تۇراقتاندىرىپ، قاداعالاي وتىرىپ رەتتەۋ - تۇزەتۋدى يگەردى. قازىرگە دەيىن ايماقتىڭ شەت - شالعاي قىستاق دارەجەلى مەكتەپتەرىندەگى وقىتۋشىلاردىڭ مامىلەسىن جوعارىلاتىپ، وقىتۋشى قوسىنى قۇرىلىسىن كۇشەيتىپ، وقۋ - وقىتۋ ساپاسىن جوعارىلاتۋ؛ 17 ميلليون يۋاندىق سالماقتى ناۋقاستاردى شۇعىل قۇتقارۋ اينالمالى قورىن قۇرىپ، قوردى باسقارۋ ءادىسىن ورناتىپ جانە كەمەلدەندىرىپ، ءار ۇلت بۇقاراسىنىڭ ناۋقاسىن كورسەتە الۋىن، ناۋقاس كورسەتۋگە شاماسى جەتۋىن قامتاماسىز ەتۋ؛ قالا، اۋىلدىڭ ”ءبىر يۋانمەن اينالۋ“ الەۋمەتتىك قاتىناسىن اشىپ، قاتىناس جەلىسىن ساپالىلاندىرىپ، كەمەلدەندىرىپ، ەگىنشى - مالشى بۇقاراسىنىڭ ءجۇرىس - تۇرىسىنىڭ اناعۇرلىم ارزان دا قولايلى بولۋىنا مۇمكىندىك جاراتۋ سىندى حالىققا ءتيىمدى ناقتى ىستەردى تۇراقتاندىردى، كەزەكتە بارلىعى اتقارىلا باستادى.
التاي ايماقتىق دەنساۋلىق ساقتاۋ قىزمەت كوميتەتىنىڭ شۋجيى، دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ شۋجيى ياۋ پەيچىڭ بىلاي دەدى: ”ءبىز ۇيرەنۋ مەن ىستەۋدى ۇشتاستىرىپ، اۆتونوميالى رايوندىق دەنساۋلىق ساقتاۋ جۇيەسى ورىستەتكەن وكپە تۋبەركۋلەزىن جاپپاي تەكسەرۋ قىزمەتىن ويداعىداي تياناقتاندىرىپ، وكپە تۋبەركۋلەزىنە شالدىققان كەدەي ناۋقاستاردى قۇتقارۋ - ەمدەۋدى، قۇتقارۋ - كومەكتەسۋدى بەلسەنە ورىستەتىپ، سالاماتتىق ارقىلى كەدەيلەردى سۇيەمەلدەۋدىڭ ”ءۇش ءبىر توپ“ قۇتقارۋ - كومەكتەسۋ شاراسىن تياناقتاندىرىپ، اۋرۋ سەبەبىنەن كەدەيلەسۋ، اۋرۋ سەبەبىنەن قايتا كەدەيلەسۋ جايتىنىڭ تۋىلۋىنان ساقتانىپ، ءىشىنارا بۇقارانىڭ اۋرۋ كورسەتۋىندەگى، ەمدەلۋىندەگى، اۋرۋدىڭ الدىن الۋداعى، اۋرۋىن ەمدەتۋدەگى الاڭداعان ىستەرىن، مازالاعان ىستەرىن، ۋايىمداعان ىستەرىن كۇش سالا شەشىپ، بۇقارانىڭ سالاماتتىق جاعىنداعى تابىس سەزىمىن شىن مانىندە كۇشەيتەمىز.
(تىلشىلەر جاۋ جىيۇن، جاڭ تيڭ، شيا چيڭ، ەرىكتى تىلشىلەر حان ليڭ، مەي لي، لي يافىڭ، جاڭ پەيچي)
