تيانشان تورى   ›   جاڭالىقتار   ›   ايبىندى 70 جىل ، كۇرەسكە تولى جاڭا ءداۋىر

رايونىمىز جوعارى، جاڭا تەحنيكا كاسىپورىندارىن جەتىلدىرۋ تەبىنىن ۇزدىكسىز ارتتىردى

جاڭالىق اشۋدا ءادىس دارىپتەلدى، دامۋعا ومىرشەڭدىك كۇش ۇستەلدى

رايونىمىز جوعارى، جاڭا تەحنيكا كاسىپورىندارىن جەتىلدىرۋ تەبىنىن ۇزدىكسىز ارتتىردى

  تىلشىلەر باي جىيۇي، شيە حۇيبيان 9 - ايدىڭ 18 - كۇنى ۇرىمجىدەن حابارلايدى. شينجياڭ كىلي جاڭا تەحنيكانى دامىتۋ شەكتى جارنا سەرىكتەستىگىنىڭ جىلدىق ءونىم قۇنى 2009 - جىلعى 40 نەشە ميلليون يۋاننان 2018 - جىلعى 260 ميلليون يۋانعا ارتتى. بۇل وسى سەرىكتەستىكتىڭ جاڭالىق اشۋ ءادىسى بويىنشا باۋلۋعا قاتىناسۋىنىڭ ارقاسىندا كەلگەن.

  ”جاڭالىق اشۋ ءادىسىنىڭ (TRIZ نازارياسى) جەتەكشىلىگىندە، سەرىكتەستىكتىڭ تەحنيكالىق قيىن تۇيىندەرى جانە ’تالماۋ تۇيىندەرى‘ شەشىلىپ قالماستان، سەرىكتەستىكتىڭ جاڭالىق اشۋ تانىمى دا اناعۇرلىم كۇشەيدى، ءبىز ءار جىلى ساتۋ كىرىسىمىزدىڭ %4ىنە تاياۋىن زەرتتەپ - اشۋعا جۇمسايمىز“. وسى سەرىكتەستىكتىڭ ورىنباسار باس ەكونوميسى سۇڭ شياۋچيڭ بىلاي دەدى: 2018 - جىلعا دەيىن، سەرىكتەستىگىمىز 15 تاپقىرلىق پاتەنتىنە جانە 39 ناقتى قولدانىلمالى جاڭاشا پاتەنتكە يە بولدى.

  2008 - جىلى جاڭالىق اشۋ ءادىسى بويىنشا كاسىپورىنداردى باۋلۋدى جالپىلاستىرۋ جانە سىناق تۇيىندەرىندە قولدانۋ قىزمەتىن ىسكە قوسقاننان بەرى، رايونىمىز جاڭالىق اشۋ ينجەنەرى، جاڭالىق اشۋ باۋلۋشىسى سياقتىلاردان 1000 ادام - رەتكە تاياۋ باۋلىپ، كاسىپورىنداردىڭ تەحنيكالىق قيىن ماسەلەلەرىنەن 500دەن استامىن شەشۋىنە كومەكتەسىپ، كاسىپورىنداردىڭ جاڭالىق اشۋ قابىلەتىن جوعارىلاتۋىنا جانە جوعارى، جاڭا تەحنيكا كاسىپورىندارىن جەتىلدىرۋگە كورنەكتى ۇلەس قوستى، كاسىپورىننىڭ ونىمدىلىگىن ارتتىرۋىن دا دەمەدى.

  جاڭالىق اشۋ ءادىسى بويىنشا باۋلۋ − رايونىمىزدىڭ جوعارى، جاڭا تەحنيكا كاسىپورىندارىن جەتىلدىرۋدى تەز قارقىنمەن دامىتۋىنىڭ ءبىر شاعىن كورىنىسى عانا. تاياۋ جىلداردان بەرى اۆتونوميالى رايوندىق عىلىم - تەحنيكا مەڭگەرمەسى ءتۇرلى تيىمدىلىك جاساۋ ساياساتتارى جانە شارالارى ارقىلى جەتەكشىلىكتى ۇزدىكسىز كۇشەيتىپ، جوعارى، جاڭا تەحنيكا كاسىپورىندارىن جەتىلدىرۋ تەبىنىن ۇزدىكسىز ارتتىردى.

  2018 - جىلى اۆتونوميالى رايوندىق عىلىم - تەحنيكا مەڭگەرمەسى ”كاسىپورىنداردىڭ زەرتتەۋ - اشۋ قاراجاتىن قوسىپ ەسەپتەۋدى، تارتىپ قالۋدى قولدانۋ، باسقارۋ جۇيەسىن اشۋ“ ءتۇيىندى زەرتتەۋ - اشۋ جوسپارى نىسانىن باستادى. سول جىلى رايونىمىزدا زەرتتەۋ - اشۋ قاراجاتىن قوسىپ ەسەپتەۋ، تارتىپ قالۋ، سالىق جاعىنان تيىمدىلىك جاساۋ ساياساتىنان يگىلىكتەنگەن كاسىپورىن 1112گە جەتىپ، الدىنداعى جىلداعىدان %51.49 ارتقان، قوسىپ ەسەپتەگەن، تارتىپ قالعان سوما 3 ميلليارد 200 ميلليون يۋانعا تاياۋ بولىپ، الدىنداعى جىلداعىدان %66.69 ارتقان؛ جوعارى، جاڭا تەحنيكا كاسىپورىندارىنىڭ سالىق جاعىنان تيىمدىلىك جاساۋ ساياساتىنان 142 كاسىپورىن يگىلىكتەنىپ، كاسىپورىنداردىڭ ازايتىلعان، كەشىرىم ەتىلگەن تابىس سالىعى 540 ميلليون يۋاننان استام بولعان.

  جاڭالىق اشۋدا ءادىس دارىپتەلدى، دامۋعا ومىرشەڭدىك كۇش ۇستەلدى. رايونىمىزدىڭ ءارقايسى كاسىپ سالاسىنان ءبىر توپ باستاماشى سيپاتتى جوعارى، جاڭا تەحنيكا كاسىپورىندارى جارىققا شىقتى. جاڭا ەنەرگيا سالاسىنداعى جينفىڭ عىلىم - تەحنيكاسى، شينتى ەنەرگياسى، جاسىل ەلشى؛ جاڭا ماتەريال سالاسىنداعى جۇڭتاي حيمياسى، لانشان تۇنحى، شينجياڭ جۇڭحى؛ بيولوگيالىق ءدارى - دارمەك سالاسىنداعى تيانكاڭ بيولوگياسى، ۇيعۇر ءدارى - دارمەك كاسىبى، يىندولان؛ ەنەرگيا ۇنەمدەپ، ورتانى قورعاۋ سالاسىنداعى دىلانشۇي تەحنيكاسى، دى - ان ورتانى قورعاۋ، شۇيرى ورتانى قورعاۋ سياقتىلار. 2018 - جىلى رايونىمىزداعى 599 جوعارى، جاڭا تەحنيكا كاسىپورنىنىڭ ونەركاسىپ جالپى ءونىم قۇنى 126 ميلليارد 664 ميلليون يۋانعا جەتىپ، سايكەس مەزگىلدەگىدەن %18.04 ارتقان.

  ”جوعارى، جاڭا تەحنيكا كاسىپورىندارى جاڭا قوزعاۋشى قۋات جەتىلدىرەتىن جانە دامىتاتىن، رايونىمىزدىڭ جوعارى، جاڭا تەحنيكا كاسىپ سالاسىنىڭ دامۋىن ىلگەرىلەتەتىن ’جاڭا قوزعالتقىش‘قا اينالدى“. اۆتونوميالى رايوندىق عىلىم - تەحنيكا مەڭگەرمەسى جوعارى، جاڭا تەحنيكا باسقارماسىنىڭ باستىعى چىڭ گۇڭ بىلاي دەدى: كەلەسى قادامدا، اۆتونوميالى رايون كاسىپورىنداردىڭ تەحنيكادا جاڭالىق اشۋىنا ۇسىنىلىمدى ارتتىرۋىنا ۇزدىكسىز جەتەكشىلىك ەتىپ، جاڭا ەنەرگيا، جاڭا ماتەريال، بيولوگيالىق ءدارى - دارمەك، ەلەكتروندىق ينفورماتسيا سياقتى ستراتەگيالىق جاڭادان گۇلدەنگەن كاسىپ سالالارىن جەتىلدىرۋدى، دامىتۋدى جەدەلدەتىپ، رايونىمىز ەكونوميكاسىنىڭ جوعارى ساپالى دامۋىنا پارمەندى عىلىم - تەحنيكالىق تىرەك ازىرلەيدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جاڭا قىستاقتىڭ جاڭا كەلبەتى
  • كەمەنى بالىققا تولتىرىپ، مول ونىممەن ورالدى
  • جاڭا ۇيگە كوشتى جاڭا تۇرمىس كەشىردى