ءتىلشى جاۋ جىيۇن 9 - ايدىڭ 18 - كۇنى ۇرىمجىدەن حابارلايدى. اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 12 - رەتكى ءماجىلىسى 9 - ايدىڭ 18 - كۇنى تۇستەن بۇرىن شينجياڭ حالىق سارايىندا ءبىرىنشى رەتكى جالپى ءماجىلىسىن وتكىزدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت ءيمىن ءماجىلىستى باسقاردى.
تۇراقتى كوميتەت قۇرامىنداعى 49 ادام ماجىلىسكە قاتىناستى، بۇل زاڭدا بەلگىلەنگەن ادام سانىنا ۇيلەسەدى.
ءماجىلىس اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 12 - رەتكى ءماجىلىسىنىڭ كەڭەستىك ءتارتىپ جوباسىن ماقۇلدادى. «شينجياڭ ۇيعۇر اۆتونوميالى رايونىنىڭ <جۇڭحۋا حالىق رەسپۋبليكاسىنىڭ شارۋالار كاسىپتىك سەلبەستىك كووپەراتيۆى زاڭى>ن اتقارۋ ءادىسى (وزگەرىس ەنگىزىلگەن نۇسقا)»ن، «شينجياڭ ۇيعۇر اۆتونوميالى رايونىنىڭ گەولوگيالىق اپاتتان ساقتانۋ، جونگە سالۋ ەرەجەسى (جوبا)»نىڭ تۇسىندىرمەسىن تىڭدادى، اۆتونوميالى رايوندىق حالىق ۇكىمەتىنىڭ 2018 - جىلعى اكىمشىلىك ءىس سيپاتىندىق مەملەكەت مەنشىگىندەگى مال - مۇلىكتى باسقارۋ جاعدايى جونىندەگى ارناۋلى مالىمەتىن، اۆتونوميالى رايوننىڭ ەمدەۋ بىرلەستىگى قىزمەتى جاعدايى جونىندەگى باياندامانى، ورتالىقتىڭ قورشاعان ورتانى قورعاۋدى باقىلاۋ - تەكسەرۋدە اڭىس ەتكەن كەن بايلىعىن قورعاۋ، رەتتەۋ، تۇزەتۋ مىندەتىنىڭ ورىندالۋ، تياناقتاندىرىلۋ جاعدايى جونىندەگى باياندامانى تىڭدادى، «شينجياڭ ۇيعۇر اۆتونوميالى رايونىنىڭ ۇشقارىلىقتى الاستاۋ ەرەجەسى»نىڭ اتقارىلۋ جاعدايىن تەكسەرۋ جونىندەگى باياندامانى، 2019 - جىلعى تيانشان قورشاعان ورتانى قورعاۋ ساپارى بويىنشا زاڭنىڭ اتقارىلۋىن تەكسەرۋ قيمىلىنىڭ ورىستەتىلۋ جاعدايى جونىندەگى باياندامانى تىڭدادى، اۆتونوميالى رايوندىق حالىق قۇرىلتايى باقىلاۋ - تەكسەرۋ جانە ءادىليا كوميتەتىنىڭ، اۆتونوميالى رايوندىق حالىق قۇرىلتايى وقۋ - اعارتۋ، عىلىم، مادەنيەت، دەنساۋلىق ساقتاۋ كوميتەتىنىڭ، اۆتونوميالى رايوندىق حالىق قۇرىلتايى قوعامدىق قۇرىلىس كوميتەتىنىڭ اۆتونوميالى رايوندىق 13 - كەزەكتى حالىق قۇرىلتايى 2 - ءماجىلىسى ءتوراعالار القاسىنىڭ قاراۋىنا تاپسىرىلعان ۋاكىلدەر العا قويعان كەڭەستىك جوبالاردى قاراۋ ناتيجەسى جونىندەگى باياندامانى تىڭدادى، كادرلاردى مىندەتكە تاعايىنداۋ، مىندەتىنەن قالدىرۋ ىستەرى جونىندەگى تۇسىندىرمەنى تىڭدادى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى ۋاڭ يۇڭميڭ، گۇلشات ءابدىقادىر، مانەن زەينەل، سو يۋە ماجىلىسكە قاتىناستى.
اۆتونوميالى رايوننىڭ ورىنباسار ءتوراعاسى قادىلبەك قامزا، اۆتونوميالى رايوندىق حالىق پروكۋراتۋراسىنىڭ باس پروكۋرورى لي يۇڭجۇن، اۆتونوميالى رايونداعى، ايماقتارداعى، وبلىستارداعى، قالالارداعى قاتىستى ورىنداردىڭ جاۋاپتىلارى، ءبىر ءبولىم رايونىمىزدا تۇراتىن مەملەكەتتىك حالىق قۇرىلتايىنىڭ ۋاكىلدەرى جانە اۆتونوميالى رايوندىق حالىق قۇرىلتايىنىڭ ۋاكىلدەرى، ت. ب ماجىلىسكە سىرتتاي قاتىناستى.
