تيانشان تورى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «قاتىناستا قۇدىرەتتى ەل قۇرىلىسى باعدارناماسى»ن باسىپ تاراتتى

  شينحۋا اگەنتتىگىنىڭ 9 - ايدىڭ 19 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «قاتىناستا قۇدىرەتتى ەل قۇرىلىسى باعدارناما»سىن باسىپ تاراتتى، سونداي - اق حابارلاندىرۋ شىعارىپ، جەر - جەردەن، تاراۋلاردان ءىس جۇزىندىكپەن بىرلەستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.

  «باعدارناما»دا مىنالار اتاپ كورسەتىلدى: قاتىناستا قۇدىرەتتى ەل قۇرۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ مەملەكەت جاعدايىن تياناق ەتە، جالپى جاعدايدى كوزدەي، بولاشاقتى بەتكە الا وتىرىپ جاساعان كەلەلى ستراتەگيالىق شەشىمى، وسىزاماندانعان ەكونوميكالىق جۇيە قۇرۋدا باستاماشى سالا، سوتسياليستىك وسىزاماندانعان قۇدىرەتتى ەلدى جاپپاي قۇرىپ شىعۋدىڭ ماڭىزدى تىرەگى، جاڭا داۋىردە قاتىناس قىزمەتىن ويداعىداي ىستەۋدىڭ باس تۇتقاسى.

  «باعدارناما»دا مىنالار تالاپ ەتىلدى: 2020 - جىلعا بارعاندا، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ قاتىناس قۇرىلىسى مىندەتىن جانە ”13 - بەسجىلدىق“ وسى زامانعى كەشەندى قاتىناس - تاسىمال جۇيەسى دامۋ جوباسىنىڭ ءتۇرلى مىندەتتەرىن ورىنداپ، قاتىناستا قۇدىرەتتى ەل قۇرىلىسى ءۇشىن بەرىك نەگىز قالاۋ كەرەك.

  2021 - جىلدان وسى عاسىردىڭ ورتاسىنا دەيىن، 2 كەزەڭ بويىنشا قاتىناستا قۇدىرەتتى ەل قۇرىلىسى ىلگەرىلەتىلەدى.

  2035 - جىلعا بارعاندا قاتىناستا قۇدىرەتتى ەل نەگىزىنەن قۇرىلىپ بولادى.

  وسى عاسىردىڭ ورتاسىنا بارعاندا، حالىق رازى بولاتىن، قامتاماسىز ەتۋى پارمەندى، دۇنيەنىڭ الدىڭعى لەگىندەگى قاتىناستا قۇدىرەتتى ەل جاپپاي قۇرىلادى.

  «باعدارناما»دا تاعى نەگىزدىك قۇرىلعىلاردىڭ ورنالاسۋىن كەمەلدەندىرۋ، سترەولىق ءوزارا بايلانىس؛ قاتىناس جابدىقتارىنىڭ وزىقتىعى مەن ۇيلەسۋى، تولىق، مەڭگەرىمدى بولۋى؛ تاسىمالدان قىزمەت وتەۋدىڭ قولايلى، جايلى، ەكونوميكالىق جاقتان جوعارى ءونىمدى بولۋى؛ عىلىم - تەحنيكالىق جاڭالىق اشۋدىڭ ومىرشەڭدىككە باي بولۋى، پاراسات ارقىلى جەتەكتەۋى؛ حاۋىپسىزدىكپەن قامتاماسىز ەتۋدىڭ كەمەلدى، سەنىمدى بولۋى، جەدەل ارەكەتكە كوشۋى؛ جاسىل دامۋدىڭ ۇنەمشىل، شوعىرلى، تومەن كومىرتەكتى، قورشاعان ورتانى قورعاۋعا ءتيىمدى بولۋى؛ ەسىك اشۋ سەلبەستىگىنىڭ بۇكىل دۇنيە ءجۇزىن بەتكە الۋى، ءوزارا ءتيىمدى بولىپ، تەڭ يگىلىككە كەنەلدىرۋى؛ دارىندىلار قوسىنىنىڭ سۇرىپتالعان، كاسىبي بولۋى، جاڭالىق اشىپ ۇلەس قوسۋى؛ جونگە سالۋ جۇيەسىن كەمەلدەندىرىپ، جونگە سالۋ قابىلەتىن جوعارىلاتۋ؛ قامتاماسىز ەتۋ شارالارى سياقتىلار جونىندە ناقتى تالاپ قويىلدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.