شينحۋا اگەنتتىگىنىڭ 9 - ايدىڭ 19 - كۇنى بەيجيڭنەن بەرگەن حابارى (ءتىلشى ۋاڭ پىڭ، فۋ شۋاڭچي). مەملەكەتتىك كەڭەستىڭ اقپارات كەڭسەسى 9 - ايدىڭ 19 - كۇنى «تەڭدىك، دامۋ، بىرگە يگىلىكتەنۋ: جاڭا جۇڭگونىڭ 70 جىلداعى ايەلدەر ىستەرىنىڭ دامۋى جانە العا باسۋى» اق تىستى كىتابىن جاريالادى.
اق تىستى كىتاپتا بىلاي دەلىندى: 70 جىلدان بەرى، جۇڭگونىڭ ايەلدەر ىستەرى باستان - اياق پارتيا مەن مەملەكەت ىستەرىنىڭ دامۋىمەن تىعىز بايلانىسىپ كەلدى. جۇڭگو كوممۋنيستىك پارتياسىنىڭ باسشىلىعىندا، ءار ۇرپاق ايەلدەر جۇڭگونىڭ قۇرىلىسى، رەفورماسى جانە دامۋى ءۇشىن ءورىس اشا العا ىلگەرىلەپ، كۇش - قۋات ارنادى. جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋى بارىسىندا جۇڭگو ايەلدەرىنىڭ ورنىندا عالامات زور وزگەرىس تۋىلدى.
اق تىستى كىتاپتا مىنالار اتاپ كورسەتىلدى: پارتيا 18 - قۇرىلتايىنان بەرى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، سان ميلليونداعان ايەلدەر جۇڭگوشا سوتسياليستىك ايەلدەر دامۋ جولىمەن اناعۇرلىم تاباندىلىقپەن ءجۇرىپ، دەموكراتيالىق ۇقىعىن تەڭ، زاڭ بويىنشا جۇرگىزىپ، ەكونوميكالىق، قوعامدىق دامۋعا تەڭ ات سالىسىپ، رەفورمانىڭ، دامۋدىڭ جەتىستىكتەرىنەن تەڭ يگىلىكتەنىپ، قوجايىندىق ورنى ءتىپتى دە كورنەكتىلەنىپ، جارتى الەمدىك كۇش - قۋاتى تولىق جارىققا شىعىپ، تابىس سەزىمى، باقىت سەزىمى، حاۋىپسىزدىك سەزىمى كۇن سايىن كۇشەيدى. جۇڭگونىڭ ايەلدەر ءىسى الەمدى جالت قاراتقان تاريحي سيپاتتى تابىستارعا قول جەتكىزدى.
اق تىستى كىتاپتا مىنالار باسا دارىپتەلدى: جاڭا جۇڭگو قۇرىلعان 70 جىلدان بەرى، جۇڭگونىڭ ايەلدەر ىستەرىنىڭ دامۋىنىڭ جانە العا باسۋىنىڭ تابىستارى شۇعىلالى بولدى. جۇڭگونىڭ ايەلدەر ىستەرىنىڭ دامۋ جانە العا باسۋ بارىسى − جۇڭگو كوممۋنيستىك پارتياسىنىڭ پارمەندى باسشىلىعىندا، سان ميلليونداعان ايەلدىڭ مەملەكەتتىڭ بايىپ - قۇدىرەتتەنۋى مەن ۇلتتىڭ گۇلدەنۋى ءۇشىن قايراتتانا العا ىلگەرىلەگەن كۇرەس بارىسى، ايەلدەردىڭ ەكونوميكامەن، قوعاممەن تەڭ قادامدا دامىعان تاريحي ءۇردىسى، ەر - ايەل تەپە - تەڭدىگىنىڭ قوعامدىق وركەنيەتتىڭ العا باسۋىمەن توعىسۋ بارىسى، جۇڭگو ايەلدەرىنىڭ بۇكىل جەرشارىنداعى ايەلدەرمەن قول ۇستاسا وتىرىپ تاماشا دۇنيە ءجۇزىن بىرگە قۇرۋىنىڭ، بىرگە يگىلىكتەنۋىنىڭ وركەنيەت ءۇردىسى.
اق تىستى كىتاپتا بىلاي دەلىندى: جۇڭگونىڭ دامۋى جاڭا داۋىرگە ءوتتى. ەر - ايەل تەڭدىگىن جانە ايەلدەردىڭ جان - جاقتى دامۋىن اناعۇرلىم جوعارى ورەدە جەبەۋ ءارى ورايعا ءدوپ كەلدى ءارى مىندەتى اۋىر، جولى ۇزاق. جۇڭگو شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، دامۋ بارىسىندا ايەل قاۋىمىنىڭ تۇرمىسىن قامتاماسىزداندىرۋعا جانە جاقسارتۋعا باستان - اياق تاباندى بولىپ، اۋەلگى ماقساتتى ۇمىتپاي، ۇزدىكسىز كۇرەس جاساپ، ايەلدەردىڭ جان - جاقتى دامۋىن جەبەپ، سان ميلليونداعان ايەلدى ”قوس 100 جىل“دىق كۇرەس نىساناسىن جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا ەسە قوسىپ، ەڭبەك سىڭىرۋگە جەتەكتەيدى.
