تىلشىلەر جىڭ جو، سۇي يۇنيان
8 - ايدىڭ 30 - كۇنى حوتان قالاسى سورباق اۋىلى يۇيمياۋ بالاباقشاسى جاڭا وقۋ ماۋسىمىنداعى وقۋعا تىزىمدەلۋ كۇنىن قارسى الدى، بالاباقشانىڭ تۇرمىس وقىتۋشىسى گۇلجانات قاقپانىڭ الدىنا ەرتە كەلىپ بالالاردى قارسى الدى.
بالاباقشانىڭ وقۋعا تىزىمدەۋ كۇنىندە ناقتى ساباق جانە قيمىل ورنالاستىرىلماعاندىقتان، بالالار ساعات 11دەن اسا ۇيلەرىنە قايتتى. گۇلجانات پەن وقىتۋشىلار ءاربىر ساباقحانانى تاپتەشتەي تازالاپ رەتتەپ شىقتى. ”وسى بىرنەشە كۇندە بالاباقشا اۋماعىندا قۇرىلىس ءجۇرىلىپ جاتقاندىقتان، شاڭ - توزاڭ قاپتاپ، بالالاردىڭ پارتا - ورىندىقتارىن، ءسوزسىز، تازالاۋعا تۋرا كەلدى“. گۇلجانات تىلشىگە بىلاي دەدى: بالاباقشاسىنا كەلىپ، بالالارمەن بىرگە بولعاننان بەرى كۇندەرىم ءماندى دە كوڭىلدى ءوتتى، وتكەن كۇندەردەگى قۋانىشىمدى، سەنىمىمدى قايتا تاپتىم.
■ بالاباقشادا قىزمەت ىستەۋ ءماندى
23 جاستاعى گۇلجانات سورباق اۋىلى اياققى اچۇي قىستاعىنىڭ تۇرعىنى، قازىر ول وتە جايدارلى، مەيلى كىمگە كەزدەسسەدە جۇزىنەن جايدارلى كۇلكى ەسىپ تۇرادى، قىستاقتاعىلار مەن بالاباقشاسىنداعىلار ونى وتە جاقسى كورەدى. جاڭا وقۋ ماۋسىمىنداعى وقۋعا تىزىمدەلەتىن كۇنى 5 − 6 جاستارداعى بالالار الىستان جۇگىرىپ كەلىپ، گۇلجاناتتى قۇشاقتاپ قويا بەرمەدى. گۇلجانات قاشاندا ەڭكەيىپ بالالاردىڭ ماڭدايىنان مەيىرلەنە يىسكەپ، بالالاردى جەتەلەپ ۇلكەن قاقپادان كىرەدى.
گۇلجانات ءار كۇنى تاڭەرتەڭ ساعات 9دا بالاباقشاسىنىڭ قاقپاسى الدىندا وقۋعا كەلگەن بالالاردى كۇتىپ الادى. ”ءار كلاستا 3تەن وقىتۋشى بار، مەن باسقا وقىتۋشىلاردىڭ ساباق وتۋىنە سايكەسەمىن، سونىمەن قاتار بالالاردىڭ كۇندەلىكتى تۇرمىسىنا جاۋاپتى بولامىن“. گۇلجانات بىلاي دەدى: بالاباقشادا 3 ۋاقىت تاماق بەرىلەدى، تاڭەرتەڭگى تاماقتا 2 − 3 ءتۇرلى پراندىك بەرىلەدى، تۇسكى تاماقتا تاۋىق ەتى قۋىرماسى، پالاۋ بار. بالالار تۇستە ءبىر جارىم ساعات ۇيىقتايدى، ويانعان سوڭ ورىندارىنان تۇرىپ ويىن وينايدى، تۇستەن كەيىن ساعات 6دا تاعى بالكۇلشە جانە جەمىس - جيدەك تاراتىلادى.
بالاباقشاداعى ءاربىر كلاستا 30 نەشە بالا بار، بالالاردىڭ تاماقتانۋى، دارەتكە بارۋى، ۇيىقتاۋى سياقتى بارلىق ىسكە گۇلجانات كوڭىل بولەدى. بالالاردىڭ كەيبىرەۋى ۇيىمە كەتەمىن دەپ قيعىلىق سالسا، كەيبىرەۋى شولدەدىم سۋ ىشەمىن دەيدى، ال ەندى بىرەۋلەرى دارەتحاناعا بارامىن دەپ جاتادى، تىنىم تاپپاعانىمەن، ءبىراق گۇلجانات مۇنداي كۇندەردىڭ وتە ماعىنالى ەكەنىن سەزىندى.
”گۇلجانات قىزمەتكە ايرىقشا دەن قويادى، بالالارعا دا وتە سابىرلى. بالاباقشادا ادەبيەت - كوركەمونەر كونسەرتتەرى وتكىزىلگەندە، ول توراپتان كونسەرت كيىمدەرىن ساتىپ الۋعا ىرىقتىلىقپەن كومەكتەسەدى“. يۇيمياۋ بالاباقشاسىنىڭ باستىعى ۋي جۋان بىلاي دەدى: بالاباقشاداعى ۇلكەندى - كىشىلى ىستەردىڭ بارىنە گۇلجانات وتە كوڭىل بولەدى، كوپشىلىك ونى جاقسى كورەدى.
■ ىشكى ولكەدەگى شينجياڭ تولىق ورتا كلاسىنان وقۋدان شەگىنىپ، وكىنىشتە قالدى
”ەگەر مەن سول كەزدە وقۋدان قالماعان بولسام، قازىر داشۋە وقۋىن تاۋىسقان بولار ەدىم“. جۇمىستان قايتقاننان كەيىن، ءتىلشى گۇلجاناتپەن بىرگە ونىڭ ۇيىنە بارىپ، لاپاس استىندا وتىرىپ ونىڭ وقۋشى كەزىندەگى سۋرەتتەرىن كوردى، ونىڭ سوزىنەن وكىنگەندىگى سەزىلىپ تۇر.
گۇلجانات كىشكەنتايىنان وقۋدى ۇزدىك وقىپ، اتا - اناسىنىڭ ماقتانىشى بولدى. كەيىن رايونىمىزداعى شينجياڭ ورتالاۋ كلاسىنا وقۋعا ءتۇسىپ، 2012 - جىلى تاعى اۋىل بويىنشا ەكىنشىلىك ناتيجەمەن بەيجيڭدەگى شينجياڭ تولىق ورتا كلاسىنا وقۋعا ءتۇستى.
قىزىنىڭ وسىنشاما ۇزدىك وقىعانىن كورىپ، اكەسى يميت ىشتەي قاتتى قۋاندى. ”رايونىمىزداعى شينجياڭ ورتالاۋ كلاسىنا وقۋعا تۇسكەندە، اكەم 1000 نەشە يۋانعا ەلەكتروندى سوزدىك ساتىپ الىپ بەردى“. گۇلجانات مۇنىڭ وتباسى جونىنەن از اقشا ەمەس ەكەنىن بىلەدى. ”اكەم مەنىڭ داشۋەدە وقىپ، ۇلكەن قالادان جاقسى قىزمەت تاۋىپ، باقىتتى تۇرمىس كەشىرۋىمدى ارماندايتىن ەدى“، - دەدى گۇلجانات.
الايدا، گۇلجانات كەيىن ءدىني ۇشقارى يدەيانىڭ ىقپالىنا ۇشىراعاندىقتان، اكەسىنىڭ ارمانى سەلگە كەتتى.
2013 - جىلى جازدىق دەمالىستا، گۇلجانات قىستاققا قايتىپ كەلگەندە، كەزىندەگى كىشكەنتاي سەرىكتەرىنىڭ كوبىنىڭ باس قۇراپ كەتكەنىن ءارى ۇستىنە قارا بۇرقا كيىپ العانىن بايقايدى. كەيبىرەۋلەر گۇلجاناتقا: ”قىز بالانىڭ ۇيدەن ۇزاپ شىعۋىنا بولمايدى، سىرت جەرلەرگە بارىپ وقۋ وقۋىنا ءتىپتى دە بولمايدى، ەرتەرەك تۇرمىستانىپ، سىرتقا كوپ شىقپاۋى ءتيىس“ دەيدى.
”ىشكى ولكەدەگى شينجياڭ تولىق ورتا كلاسىنا بارعانىمدا، مەن وقۋ سالماعىنىڭ بارعان سايىن اۋىرلاعانىن سەزىندىم“. گۇلجانات بىلاي دەدى: وقۋدان جالىققاندىعىمنان، ونىڭ ۇستىنە اينالامداعى ادامداردىڭ ىقپالى سەبەبىنەن، ىشكى ولكەدەگى شينجياڭ تولىق ورتا كلاسىنان وقۋدان شەگىنۋ بەكىمىنە كەلدىم.
وقىتۋشىلاردىڭ ايتقان اقىلىنا، ۇيىندەگىلەردىڭ قارسى شىعۋىنا گۇلجانات مۇلدەم قۇلاق اسپادى. ”بەينە جىن قاققانداي، ەسى - دەرتىم وقۋدان شەگىنىپ، ۇيگە قايتىپ كەلىپ، تۇرمىسقا شىعۋعا عانا اۋدى“. گۇلجانات تىلشىگە بىلاي دەدى: وقۋدان شەگىنگەننەن كەيىن، اكەم ءبىر اپتا بويى ماعان ءتىل قاتپادى.
2014 - جىلى گۇلجانات تۇرمىسقا شىعادى. 2017 - جىلى اكەسى جۇرەك اۋرۋدان قايتىس بولادى، قاتتى ازاپتانعان گۇلجانات ءوزىنىڭ وتكەن كۇندەرى جايلى قايتا تولعانادى.
”اكەم مەنىڭ ۇيرەنۋدەن ناتيجە شىعارۋىمدى ءۇمىت ەتكەن ەدى، مەن ونىڭ ءۇمىتىن اقتاي المادىم، مەكتەپكە قايتا ورالىپ، اسىلگى ءوزىمدى تاپقىم كەلەدى“. گۇلجانات ۇيىندەگىلەردىڭ سەرىك بولۋىندا، حوتان قالاسى كاسىپتىك شەبەرلىككە تاربيەلەۋ - باۋلۋ ورتالىعىنا قادام تاستادى.
مەكتەپتە گۇلجانات تاستاپ قويعان كىتاپتارىن قايتا قولىنا الىپ، مەملەكەتتە ءبىر تۇتاس قولدانىلاتىن ءتىل - جازۋدى، زاڭدى جانە كاسىپتىك شەبەرلىكتى مۇقيات ۇيرەنىپ، تەز العا باستى.
■ ءوزىن قايتا تاۋىپ سەنىمى تاسىدى
ءماندى مەكتەپ تۇرمىسى گۇلجاناتتىڭ وزىنە دەگەن سەنىمىن بىرتە - بىرتە قالپىنا كەلتىردى، ۇيرەنۋدى اياقتاتقاننان كەيىن، ول قىستاق تۇرعىندار كوميتەتىنىڭ تانىستىرۋىمەن سورباق اۋىلى يۇيمياۋ بالاباقشاسىنا قىزمەتكە تۇردى.
قىزمەتكە شىققان العاشقى كۇنگى كورىنىس گۇلجاناتتىڭ ءالى ەسىندە. بالاباقشا 3 قابات، سىرتقى قابىرعاسى اشىق سارى ءتۇستى، كلاستارى كەڭ ءارى جارىق، پارتا - ورىندىقتار تاپ - تازا، رەتتى ەكەن، بالالار كىشكەنتاي ۇستەلدىڭ الدىندا وتىرىپ بالالار ءانىن ۇيرەنۋدە. بالالاردىڭ شاتتىققا، باقىتقا شومعان جۇزدەرىن كورگەندە، انا بولعان گۇلجانات وسىناۋ رياسىز شات جۇزدەردى ايالاۋعا، ولاردىڭ كوڭىلىنە كىر شالدىرماۋعا بەكىدى.
گۇلجاناتتىڭ ءۇيى بالاباقشادان بىرنەشە ءجۇز مەتر كەلەتىن جەردە. ونىڭ اۋلاسىنا ءتۇرلى گۇل - شوپتەر ەگىلگەن، كىرە بەرىستەگى ۇزىن كاريدوردا ءجۇزىم ساباقتارى جارماسا وسكەن ، اۋلادان تىڭ تىرشىلىك تىنىسى ەسەدى.
گۇلجانات ءار كۇنى شەشەسىمەن بىرگە اۋلانىڭ ءىشى - سىرتىن تىپ - تيناقتاي ەتىپ تازالايدى.
”شەشەم ەسىك الدىنان شاعىن دۇكەن اشىپ، ءتۇرلى تۇرمىستىق بۇيىمدار مەن ازىق - تۇلىك، سۋسىن ساتادى“. گۇلجانات بىلاي دەدى: قىستاق تۇرعىندارى ۇنەمى بالالارىن ەرتىپ كەلىپ كەرەك - جاراق ساتىپ الادى، بالالاردى كورگەندە قۋانىپ، ولارمەن ويىن ويناپ، بالالار ءانىن ايتىپ، اۋلا ءتىپتى دە دۋمانعا بولەنەدى.
گۇلجاناتتىڭ وزگەرىسى شەشەسى ءابيباعا ايداي انىق. ”بۇرىن قىزىمىزدىڭ ءوز بولاشاعىن كۇيرەتكەنىن كوزىمىزبەن كورگەندە، اكەسى ەكەۋىمىزدىڭ قابىرعامىز قاتتى قايىستى. قازىر وزگەردى، قىزىمىز ءار كۇنى قۋانا قىزمەتكە بارادى، قايتىپ كەلگەننەن كەيىن، تاعى كورشىلەردىڭ بالالارىن ويناتادى، كوڭىل كۇيى جايدارلانا ءتۇستى“، - دەدى ءابيبا ءسۇيىنىپ.
گۇلجاناتتىڭ تاعى ءبىر جاڭا جوسپارى بار، ول بۇعالتىرلىق ۇيرنبەكشى. ”كۇيەۋىم قۇرىلىستى كوتەرمەگە الۋشى، حوتان قالاسىندا شاعىن قۇرىلىستاردى كوتەرمەگە العان، جۇمىسى وتە قاربالاس. مەن وعان كومەكتەسىپ، قازىناسىن باسقارىپ بەرگىم كەلەدى، وتباسىمىزداعى دۇكەننىڭ ەسەبىن دە انىق ىستەۋ كەرەك“. گۇلجانات بىلاي دەدى: بۇرىن باعىتىمنان اداسىپ قاراڭعى كۇن كەشتىم، جاقىندارىمنىڭ كوڭىلىن جارالادىم، ساباقحاناعا قايتا ورالعاننان كەيىن تۇرمىستىڭ ءمانىن قايتا تاپتىم. قازىر مەيلى تۇرمىستا نەمەسە قىزمەتتە بولسىن، سەنىمىم تاسىپ، كۇش - قۋاتىم تولىسىپ، ءۇمىت كەرنەپ تۇراتىن بولدى.
