− شينجياڭ قازىنا - ەكونوميكا داشۋەسى، شينجياڭ پەداگوگيكالىق جوعارى دارەجەلى ارناۋلى ماماندىق مەكتەبى، شينجياڭ كوركەمونەر شۋەيۋانى 2 - توپتاعى نەگىزگى تاقىرىپتىق تاربيەنى تىڭعىلىقتى، ءتارتىپتى ورىستەتتى
ءتىلشى جاۋ شييا
شوعىرلى تۇردە ۇيرەندى، ارناۋلى تاقىرىپتاعى جەتەكشىلىك ەتۋ بايانداماسىن تىڭدادى، ۇيرەنۋ اسەرىن جازدى... 2 - توپتاعى نەگىزگى تاقىرىپتىق تاربيە ورىستەتىلگەننەن بەرى، رايونىمىزداعى جوعارى مەكتەپتەر وسكەلەڭ ءمان بەرىپ، جەدەل قيمىلداپ، نەگىزگى تاقىرىپتىق تاربيەنىڭ تىڭعىلىقتى، ءتارتىپتى ورىستەتىلۋىن ىلگەرىلەتتى. شينجياڭ قازىنا - ەكونوميكا داشۋەسى، شينجياڭ پەداگوگيكالىق جوعارى دارەجەلى ارناۋلى ماماندىق مەكتەبى، شينجياڭ كوركەمونەر شۋەيۋانى نەگىزگى تاقىرىپتىق تاربيەنىڭ ”اۋەلگى ماقساتتان اينىماۋ، بورىش ارقالاۋ، پارىقتى تابۋ، تياناقتاندىرۋدى يگەرۋ“ جالپى تالابىن مىقتاپ يگەرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، جەتە ۇيرەنۋگە، جەتە يگەرۋگە، شىنايى تياناقتاندىرۋعا بارىنشا كۇش سالىپ، ”پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ“ قىزمەت جاۋاپكەرشىلىگى مەن بورىشىن ءىس جۇزىندىك ارەكەتتەرىمەن ۇستىنە الدى.
شينجياڭ قازىنا - ەكونوميكا داشۋەسى: مەكتەپتىڭ دامۋىنا تۇساۋ بولاتىن كىلتەڭ ماسەلەلەردى شەشتى
تاياۋ كۇندەردەن بەرى، شينجياڭ قازىنا - ەكونوميكا داشۋەسىندەگى پارتيالى كادرلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ سىندى نەگىزگى جەلىنى ارقاۋ ەتىپ، اۋەلگى شىعارمانى وقىپ، ءتۇپ نۇسقانى ۇيرەنىپ، قاعيدانى ۇعىنىپ، ۇيرەنۋدە ۇزدىكسىز تۇردە ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىندادى.
ۇيرەنۋدە، شينجياڭ قازىنا - ەكونوميكا داشۋەسى نازاريانى امالياتپەن بىرلەستىرۋ ۇيرەنۋ ستيلىن ساۋلەلەندىرىپ، وقۋ - اعارتۋ ارقىلى وتان ءۇمىتىن اقتاۋ اۋەلگى ماقساتىنان اينىماي، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرۋدى نەگىزگى تاقىرىپتىق تاربيەنى ورىستەتۋدىڭ كۇش سالۋ ءتۇيىنى مەن تابان تىرەر تياناعى ەتىپ، مەكتەپتىڭ دامۋىنا ىقپال جەتكىزەتىن جانە ونى تەجەيتىن بوگەتتىك ماسەلەلەردى كۇش سالا شەشتى. مەكتەپتەگى وقىتۋشى - وقۋشىلاردىڭ دەنساۋلىعىن تەكسەرۋ، مەكتەپتىڭ ساياحات ماماندىعىنىڭ جوعارى ساپالى دامۋىن ىلگەرىلەتۋ جاعىنداعى ماسەلەلەرگە مەڭزەس تەكسەرۋ - زەرتتەۋ ورىستەتىپ، پىكىر، ۇسىنىستار جينادى، مەكتەپتىڭ باسشىلىق القاسىنىڭ مۇشەلەرى مەن پارتيالى كادرلار سانالى تۇردە ولشەمگە، ۇلگىگە تۋرالانىپ، رەتتەۋ - تۇزەتۋ وي جەلىسى مەن شارالارىن العا قويدى.
سونىمەن قاتار، بۇل مەكتەپ نەگىزگى تاقىرىپتىق تاربيەمەن ۇشتاستىرىپ، ”بەس تاربيە جاتاعىن“ قۇرۋدى دانەكەر ەتىپ، مەكتەپتىڭ ”ۇلتتار ىنتىماعىنىڭ بەرەكەلى شاڭىراعى“، ”ۇشكە كىرۋ، ەكىمەن بايلانىس جاساۋ، بىرمەن دوستاسۋ“ قيمىلىن اناعۇرلىم تەرەڭدەتىپ، وقىتۋشىلار مەن وقۋشىلاردىڭ بىرلەسىپ قۇرۋ فورماسىمەن، وقۋشىلاردىڭ احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى دامۋىن جەبەدى.
شينجياڭ پەداگوگيكالىق جوعارى دارەجەلى ارناۋلى ماماندىق مەكتەبى: ۇيرەنۋدى، وقىتۋدى باسقارۋدا، قىزمەت وتەۋدە تياناقتاندىردى
ۇستازدىق ءمورال، ۇستازدىق ستيل قۇرىلىسىن كۇشەيتۋدىڭ ناقتى تۇتقاسى قايسى جاقتاردا؟ پەداگوگيكا تۇرىندەگى دارىندىلاردى باۋلۋ جۇيەسىندە تاعى قانداي ولقىلىقتار بار... 9 - ايدىڭ 17 - كۇنى شينجياڭ پەداگوگيكالىق جوعارى دارەجەلى ارناۋلى ماماندىق مەكتەبىندەگى (شينجياڭ وقۋ - اعارتۋ شۋەيۋانى) بارلىق مەكتەپ باسشىلارى مەن باسقارما دارەجەلى كادرلار شوعىرلى ۇيرەنۋ وتكىزدى، نەگىزگى تاقىرىپتىق تاربيەنىڭ ”اۋەلگى ماقساتتان اينىماۋ، بورىش ارقالاۋ، پارىقتى تابۋ، تياناقتاندىرۋدى يگەرۋ“ جالپى تالابى توڭىرەگىندە، كوپشىلىك ۇيرەنە وتىرىپ تالقى جۇرگىزىپ، ”ۇيرەنۋ، وي جۇگىرتۋ، ىستەۋ“ ارقىلى نەگىزگى تاقىرىپتىق تاربيەنى امالياتتا ايگىلەدى.
2 - توپتاعى نەگىزگى تاقىرىپتىق تاربيە ورىستەتىلگەننەن بەرى، شينجياڭ پەداگوگيكالىق جوعارى دارەجەلى ارناۋلى ماماندىق مەكتەبى اۋدان - باسقارما دارەجەلىدەن جوعارى باسشىلىق القالارى مەن باسشى كادرلاردىڭ شوعىرلى ۇيرەنۋ جوسپارى مەن زەرتتەۋ - تالقىلاۋ جوباسىن جاساپ، شوعىرلى جابىق فورماداعى ۇيرەنۋ ءادىسىن قولداندى.
اۆتونوميالى رايوندىق پارتكومنىڭ مەكتەپكە قويعان ”پەداگوگيكا تاربيەسىن تياناق ەتۋ، قىزمەتتەن كەيىنگى باۋلۋدى كۇشەيتۋ، نەگىزگى ساتىعا قىزمەت وتەۋدى بەتكە الۋ“ سىندى مەكتەپ باسقارۋ تالابى توڭىرەگىندە، شينجياڭ پەداگوگيكالىق جوعارى دارەجەلى ارناۋلى ماماندىق مەكتەبى نەگىزگى تاقىرىپتىق تاربيەنى مەكتەپتىڭ يدەيا - ساياسي ساباعى رەفورماسى جانە پەداگوگيكا ماماندىعى رەفورماسى، مەكتەپتىڭ ەكى دارەجەلى باسقارۋ ءتۇزىلىسى رەفورماسى تۋرالى زور تالقىنىڭ ناتيجەسىمەن ورگانيكالى تۇردە ۇشتاستىرىپ، وقىتۋدى باسقارۋ، قىزمەت وتەۋ بارىسىندا تياناقتاندىرىپ، دارىندىلاردى باۋلۋدىڭ ىشكى قوزعاۋشى كۇشىن توپتاپ، جالپى قىزمەتكەر ادام تاربيەلەۋ، جالپى بارىستا ادام تاربيەلەۋ، شار تاراپتا ادام تاربيەلەۋ سىندى قىزمەت جاعدايىن قالىپتاستىرۋعا كۇش سالدى. بيىل «جاڭا داۋىردەگى وقىتۋشىلار قوسىنى قۇرىلىسى رەفورماسىن جاپپاي تەرەڭدەتۋ جونىندەگى اتقارۋ پىكىرى»، «جاڭا داۋىردەگى جوعارى مەكتەپ وقىتۋشىلارىنىڭ كاسىپتىك ارەكەتىنىڭ 10 ءتۇرلى ولشەمى» سياقتىلارعا تۋرالانىپ، مەكتەپ ۇستازدىق ءمورالدى، ۇستازدىق ستيلدى وقىتۋشىلار قوسىنى قۇرىلىسىنىڭ ءبىرىنشى ولشەمى مەن ماڭداي الدى مىندەتى ەتىپ، ناقتى اتقارۋ ءادىسىن شىعاردى.
شينجياڭ كوركەمونەر شۋەيۋانى: اۋەلگى ماقساتقا نازاريامەن ءنار بەرىپ، بورىشقا جەتەكشىلىك ەتتى
”نەگىزگى تاقىرىپتىق تاربيەنىڭ نىسانا، تالاپتارىمەن سالىستىرعاندا، وزىمدە ءالى دە زور پارىق بار. يدەيالىق - ساياسي تاربيە قىزمەتكەرى رەتىندە، الداعى ۋاقىتتا جەتە ۇيرەنۋگە، جەتە يگەرۋگە جانە توعىستىرۋعا، ساباقتاستىرۋعا كۇش سالىپ، ءبىلىم بەرىپ ادام تاربيەلەۋ اۋەلگى ماقساتىنا نازاريامەن ءنار بەرىپ، پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ جاۋاپكەرشىلىگى مەن بورىشىن ناقتى ارەكەتىمدە تياناقتاندىرىپ، شينجياڭعا اناعۇرلىم كوپ تاڭداۋلى دارىندى تاربيەلەپ بەرۋىم كەرەك“، - دەدى 9 - ايدىڭ 18 - كۇنى شينجياڭ كوركەمونەر شۋەيۋانى پارتكومى ۇگىت ءبولىمىنىڭ ورىنباسار باستىعى، ماركسيزم شۋەيۋانىنىڭ باستىعى ۋاڭ يىڭزى.
شينجياڭ كوركەمونەر شۋەيۋانى نەگىزگى تاقىرىپتىق تاربيەنى ورىستەتۋدى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋمەن، تياناقتاندىرۋمەن، ورنىقتىلىق، دامۋ قىزمەتتەرىن ويداعىداي يگەرۋمەن تىعىز ۇشتاستىرىپ، سوتسياليزم قۇرىلىسشىلارى مەن ءىزباسارلارىن باۋلۋمەن تىعىز ۇشتاستىرىپ، مەكتەپتىڭ پارتيا قۇرىلىسى مەن يدەيالىق - ساياسي قىزمەتىن ۇزدىكسىز كۇشەيتىپ، مەكتەپتىڭ ماندىك دامۋىن ىلگەرىلەتتى.
بيىلعى جازعى دەمالىستىڭ الدى - ارتىندا، مەكتەپ بۇكىل مەكتەپتەگى وقىتۋشى، جۇمىسشى - قىزمەتكەرلەردى شوعىرلى تاربيە ۇيرەنۋىن ورىستەتۋگە ۇيىمداستىردى، قالىڭ پارتيالى كادرلار ۇيرەنۋدە قۇدىرەتتى ەل Appى، ينتەرنەت، راديو - تەلەۆيزور سياقتى مەديالار ارقىلى باس شۋجي شي جينپيڭنىڭ ماڭىزدى سوزدەرىنىڭ رۋحىن جانە ماڭىزدى ماقالالارىن ۇيرەندى. 2 - توپتاعى نەگىزگى تاقىرىپتىق تاربيە ورىستەتىلگەنىنەن كەيىن، شينجياڭ كوركەمونەر شۋەيۋانى ادام، ۋاقىت، مازمۇن، ءونىم سىندى ”ءتورتتى تياناقتاندىرۋ“ تالابىنا ساي، شوعىرلى ۇيرەنۋ تالقىسىن جانە وزدىگىنەن ۇيرەنۋدى ورىستەتتى. مەكتەپ ۇيرەنۋدى ۇيىمداستىرۋدا نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، وقۋشىلاردى تاربيەلەۋ، باسقارۋ، دارىندىلار قوسىنى قۇرىلىسى، كوركەمونەر شىعارماشىلىعى، جاسامپازدىعى سياقتى قىزمەتتەرگە مەڭزەس، باسشى كادرلار باستاماشىلدىقپەن تەكسەرۋ - زەرتتەۋ ورىستەتتى، ماسەلەلەردى قاداعالادى، رەتتەۋ - تۇزەتۋدى تياناقتاندىردى.
