تيانشان تورى   ›   جاڭالىقتار   ›   شينجياڭ حابارلارى

رايونىمىز اۋدان ءوڭىرى تىعىز بايلانىسقان ەمدەۋ ورتاق تۇلعاسى قۇرىلىسىن ىلگەرىلەتەدى

2020 - جىلدىڭ اياعىندا سالماقتى اۋرۋلاردىڭ اۋداننان شىقپاي - اق ەمدەلۋىن نەگىزىنەن جۇزەگە اسىرۋعا كۇش سالادى

  ءتىلشى چاۋ جين، پراكتيكانت جاڭ شياۋحان 9 - ايدىڭ 21 - كۇنى ۇرىمجىدەن حابارلايدى. رايونىمىز اۋدان ءوڭىرى تىعىز بايلانىسقان ەمدەۋ ورتاق تۇلعاسى قۇرىلىسىن جان - جاقتى ىلگەرىلەتىپ، 2020 - جىلدىڭ اياعىندا اۋدان وڭىرىندە ەمدەلۋ مولشەرىن %90كە جەتكىزىپ، سالماقتى اۋرۋلاردىڭ اۋداننان شىقپاي - اق ەمدەلۋىن نەگىزىنەن جۇزەگە اسىرۋعا كۇش سالادى.

  ”2014 - جىلدان باستاپ، يانجي حۇيزۋ اۆتونوميالى اۋداندىق حالىق شيپاحاناسى بۇكىل اۋدانداعى 8 اۋىل، قالاشىق شيپاحانالارى مەن 46 قىستاق ەمحانالارىنىڭ كادرلار ىستەرى، كاسىپ، ءدارى - دارمەك، اسپاپ سياقتىلارىنا ’التىنى بىرلىككە كەلتىرۋ‘ باسقارۋىن جۇرگىزدى، شيپاگەرلەر اۋىلعا بارىپ ەمدەۋ جۇرگىزىپ، ورتا جىك كادرلار شيپاحانالارعا بارىپ باستىق مىندەتىن ۇستىنە الىپ، اۋدان، اۋىل، قىستاق دەنساۋلىق ساقتاۋ قىزمەت وتەۋىن ءبىر تۇلعالاندىرىپ باسقارۋدىڭ العاشقى اينالىم ۇلگىسىن قالىپتاستىردى“، - دەدى يانجي حۇيزۋ اۆتونوميالى اۋداندىق ەمدەۋ ورتاق تۇلعاسى باس شيپاحاناسى پارتكومىنىڭ شۋجيى، شيپاحانا باستىعى يۇي ۋىنحۋا تانىستىرىپ.

  اۋدان وڭىرىندەگى ەمدەۋ بايلىعىن ورتاق پايدالانۋدى جۇزەگە اسىرىپ، ”نەگىزگى ساتىدا العاشقى دياگنوز قويۋ، قوس باعىتتا اۋىستىرىپ تەكسەرۋ، شۇعىل ناۋقاس پەن سوزىلمالى ناۋقاستى ءبولىپ ەمدەۋ، جوعارى مەن تومەن بىرلەسە قيمىلداۋ“ سىندى دارەجەگە ءبولىپ ەمدەۋ ۇلگىسىن قالىپتاستىرۋدى جەبەدى. بيىل 2 - ايدا يانجي اۆتونوميالى رايون جاعىنان بۇكىل شينجياڭداعى اۋدان ءوڭىرى ەمدەۋدەن قىزمەت وتەۋ ورتاق تۇلعاسى قۇرىلىسىنداعى سىناق ءتۇيىنى ەتىلەتىن اۋدان بولىپ تۇراقتاندىرىلدى.

  قازىر يانجي بۇقاراسى ەمدەلگەندە ەمدەۋ قامسىزداندىرۋىنان ەسەپتەن كوتەرتۋدەن يگىلىكتەنۋمەن بىرگە، مامانداردىڭ دياگنوز قويۋى، الىس ارالىقتان بىرىگىپ دياگنوز قويۋ ارقىلى اۋدان دارەجەلى شيپاحانالاردىڭ ەمدەۋ قىزمەت وتەۋىنەن دە يگىلىكتەنە الادى. جۋىرداعى 3 جىلدا، اۋداندىق حالىق شيپاحاناسىنىڭ بولىمشە شيپاحاناسى مەن اۋىل - قالاشىق شيپاحانالارى 2365 ناۋقاسقا الىس ارالىقتان بىرىگىپ دياگنوز قويدى؛ بىلتىر اۋىل - قالاشىق شيپاحانالارىندا ەمدەلگەن ادام - رەت سانى رەفورما جاساۋدان بۇرىنعىدان %51 ارتتى، شيپاحانادا جاتقان ناۋقاستاردىڭ سانى %23 ارتتى.

  اۆتونوميالى رايوندىق دەنساۋلىق ساقتاۋ، سالاماتتىق كوميتەتى ساياسات، زاڭ ەرەجە جانە ءتۇزىلىس رەفورماسى باسقارماسىنىڭ باستىعى لي لينيۇي بىلاي دەپ تانىستىردى: اۋدان ءوڭىرى تىعىز بايلانىسقان ەمدەۋ ورتاق تۇلعاسى قۇرىلىسىن ىلگەرىلەتۋ − بيىلعى رايونىمىزدىڭ ەمدەۋ ءتۇزىلىسى رەفورماسىن تەرەڭدەتۋدەگى ماڭىزدى مىندەتتەرىنىڭ ءبىرى، رايونىمىز كوكتوعاي اۋدانى مەن يانجى حۇيزۋ اۆتونوميالى اۋدانىن سىناق ءتۇيىنى رەتىندە تاڭداپ الىپ، كادرلار ىستەرى، ەڭبەكاقى سياقتى ءتۇزىلىس - مەحانيزمدەردى رەتتەۋ ارقىلى، اۋدان، اۋىل، قىستاقتارداعى ەمدەۋ قۇرىلىمدارىنا بىتىراي تارالعان ەمدەۋ بايلىعىن بىرىكتىرەدى، سونىمەن قاتار اۋرۋدىڭ الدىن الۋ، تىزگىندەۋ، ايەلدەر مەن بالالاردىڭ دەنساۋلىعىن ساقتاۋ سياقتى الەۋمەتتىك دەنساۋلىق ساقتاۋ فۋنكتسياسىن ەمدەۋ ورتاق تۇلعاسىنا ەنگىزىپ، بۇقارانىڭ ءۇيىنىڭ ماڭىندا - اق ءبىر دارەجە جوعارى ەمدەۋ قۇرىلىمدارىنىڭ ساپالى قىزمەت وتەۋىنەن يگىلىكتەنۋىنە مۇمكىندىك جاسايدى.

  بيىل اۆتونوميالى رايوندىق دەنساۋلىق ساقتاۋ، سالاماتتىق كوميتەتى مەملەكەت دارەجەلى كەدەي اۋداندارداعى تىعىز بايلانىسقان ەمدەۋ ورتاق تۇلعاسى قۇرىلىسىن ءتۇيىندى ىلگەرىلەتتى. قازىر اۆتونوميالى رايونداعى 3 دارەجەلى ەمدەۋ قۇرىلىمدارى مەن قاتىستى شيپاحانالار ”تاپسىرىسپەن باسقارتۋ فورماسىنداعى“ كومەكتەسۋ - سۇيەمەلدەۋ جانە ”ۇيىرمە فورماسىندا“ شينجياڭعا كومەكتەسۋ ۇلگىسىن جولعا قويدى، باسقارۋ ۇجىمى نەگىزگى ساتىدا 2 جىل قىزمەت وتەپ، ماماندار ۇجىمى ءبىر جىل قىزمەت وتەپ، اۋدان وڭىرىندەگى ەمدەۋ - دەنساۋلىق ساقتاۋ قىزمەت وتەۋ قابىلەتىن، ەمدەۋ قابىلەتىن جانە باسقارۋ ورەسىن شىن مانىندە جوعارىلاتتى.

  اۆتونوميالى رايوندىق دەنساۋلىق ساقتاۋ، سالاماتتىق كوميتەتىنىڭ «تىعىز بايلانىسقان اۋدان ءوڭىرى ەمدەۋ - دەنساۋلىق ساقتاۋ ورتاق تۇلعاسى قۇرىلىسىنىڭ سىناق ءتۇيىنى قىزمەتىن جاقسى ىستەۋ جونىندەگى حابارلاندىرۋى»نا ساي، بيىل جىل اياعىنا بارعاندا، اۋدان ءوڭىرى ەمدەۋ ورتاق تۇلعاسى ىشىندە تەكسەرۋ، ساراپتاۋ ناتيجەسىن ءوزارا مويىنداۋ جۇزەگە اسىرىلادى. 2020 - جىلدىڭ اياعىنا بارعاندا، اۋدان وڭىرىندە ەمدەلۋ مولشەرىن %90كە، اۋدان ءوڭىرى ىشىندەگى نەگىزگى ساتىلاردا ەمدەلۋ مولشەرىن شامامەن %65كە جەتكىزۋگە قۇلشىنادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جاڭا قىستاقتىڭ جاڭا كەلبەتى
  • كەمەنى بالىققا تولتىرىپ، مول ونىممەن ورالدى
  • جاڭا ۇيگە كوشتى جاڭا تۇرمىس كەشىردى