تاس جولداردى كاسىپ سالالارىن توڭىرەكتەي سالىپ، كاسىپ سالاسىن تاس جولداردى توڭىرەكتەي جۇرگىزدى
باعراش اۋدانىنداعى كاسىپ سالاسى تاس جولى شارۋالاردىڭ اۋقاتتانۋ جولىنا اينالدى
ءتىلشى لۋ فىڭباۋ، پراكتيكانت جيا فاڭ 9 - ايدىڭ 21 - كۇنى باعراشتان حابارلايدى. 9 - ايدىڭ 13 - كۇنى تاڭ سارىدە باعراش اۋدانى تابانجوكىن اۋىلىنىڭ تابانجوكىن قىستاعى كۇننىڭ شۇلەن شۇعىلاسىنا بولەندى، ادامدار توكسيكلمەن كاسىپ سالاسى تاس جولىن بويلاي قىستاقتاعى جىحۇي اۋىل شارۋاشىلىق ونىمدەرىن مانەرلەۋ شەكتى سەرىكتەستىگىنە قىزمەتكە كەلىپ، قىزىل بۇرىشتاردى تاڭداپ، مانەرلەپ، ءبىر كۇندىك قاربالاس جۇمىسىن باستاپ كەتتى.
”بۇل كاسىپ سالاسى تاس جولى ءبىزدىڭ ’بايۋ جولىمىز‘، كوكونىس ەگەتىن شارۋالار ەندى عانا ءۇزىپ العان كوكونىستەرىن زاۆودقا دەرەۋ جەتكىزەدى، ءبىز ونى مانەرلەگەننەن كەيىن، جۇك اۆتوكولىكتەرىمەن تاسىپ اكەتەمىز“، - دەدى اتالعان سەرىكتەستىكتىڭ جاۋاپتىسى دۇڭ جىشان.
دۇڭ جىشان ايتقان ”بايۋ جولى“ − باعراش اۋدانىنداعى اۋىل - قىستاق كاسىپ سالاسى تاس جولىنىڭ ءبىر بولىگى ەدى.
باعراش اۋداندىق قاتىناس - تاسىمال مەكەمەسى پارتيا باسشىلىق گرۋپپاسىنىڭ شۋجيى ۋي گۋاڭحۇي بىلاي دەپ تانىستىردى: سوڭعى جىلدارى باعراش اۋدانى اۋىل - قىستاق تاس جولى قۇرىلىسىندا، قۇرىلىس جوبالاۋدى كاسىپتىڭ دامۋىمەن تىعىز بايلانىستىرىپ، ”تاس جولدى كاسىپ سالالارىن توڭىرەكتەي سالۋ، كاسىپ سالاسىن تاس جولدى توڭىرەكتەي جۇرگىزۋ“ ۇستانىمىنا تاباندى بولىپ، 280 نەشە كيلومەتر اۋىل - قىستاق كاسىپ سالاسى تاس جولىن سالدى.
كاسىپ سالاسى تاس جولى جاعالاۋدان اراق اشىتاتىن ءجۇزىم، پيگىمەنتتى بۇرىش، قىزاناق سياقتى ەرەكشە اۋىل شارۋاشىلىق كاسىپ سالاسى ەگىنشىلىك رايوندارىنىڭ قالىپتاسۋىن جەتەكتەدى، قازىر مۇنىڭ اۋدانى 100 مىڭ مۋدان استى. مۇنان سىرت، ۇلانجەكسىن اۋىلىنىڭ ءمولدىر كۇرىشىن، بۇمبۇت قالاشىعىنىڭ ورگانيكالى كوكونىستەرىن تىرەك ەتكەن ءبىر توپ سارا اۋىل - قىستاق ەرەكشە كاسىپ سالاسى باقشا رايوندارى بىرتىندەپ قالىپتاستى.
”كاسىپ سالاسى تاس جولى ىسكە قوسىلىپ، قىستاعىمىزداعى بۇرىش ەگىلەتىن جەردىڭ اۋدانى كەڭەيىپ، 10 نەشە جىلدىڭ الدىنداعى 1000 مۋعا جەتپەيتىن جەردەن بيىل 7600 مۋعا ارتىپ، قىستاق تۇرعىندارىن كىرىستەرىن ارتتىرىپ، اۋقاتتانۋعا ءونىمدى تۇردە جەتەكتەدى“، - دەدى شاعاننۇر اۋىلى دۇندابۇق قىستاعى پارتيا ياچەيكاسىنىڭ شۋجيى ءومار توحتى.
قولايلى قاتىناس جانە كولەمدەنگەن ەگىنشىلىك اۋىل شارۋاشىلىق ونىمدەرىن مانەرلەيتىن كوپتەگەن كاسىپورىندى باعراش اۋدانىنا كەلىپ ورنالاسۋعا باۋرادى، سونىمەن ەرەكشە ەگىنشىلىك كاسىبىنىڭ دامۋىن جەتەكتەدى. 2018 - جىلى دۇڭ جىشاننىڭ اۋىل شارۋاشىلىق ونىمدەرىن مانەرلەۋ كاسىپورنى قۇرىلىپ، ىسكە قوسىلدى، ونىمدەرى ەل ءىشى - سىرتىنداعى بازارلارعا ساتىلدى، ”بيىل ءبىز تاعى 4 ميلليون 700 مىڭ يۋاننان استام قارجى قوسىپ، زاۆود ۇيلەرىن كەڭەيتىپ سالدىق، جاڭا جابدىق ساتىپ الدىق، كۇندىك مانەرلەۋ قۋاتىمىز ءبىر ەسە جوعارىلادى“.
باعراش اۋىلى كودايلىك قىستاعىنداعى باعراش اۋدانى ونەركاسىپ باقشا رايونىنداعى جولدار تەپ - تەگىس، كەڭ. جۇك اۆتوكولىكتەرىنىڭ زاۆود رايونىنا ىركىلىسسىز كىرىپ - شىعىپ جاتقاندىعىنا قاراپ تۇرعان باعراش اۋدانى حۇڭحىفىڭ قىزاناق ونىمدەرىن جاساۋ شەكتى سەرىكتەستىگىنىڭ ورىنباسار باس ديرەكتورى شۇي فۋلين بىلاي دەدى: ”بۇرىن جول جاعدايى ناشار، جۇك اۆتوكولىكتەرىنىڭ كىرىپ - شىعۋى قولايسىز بولىپ، وندىرىسكە ىقپال جەتەتىن. بيىل ەسىك الدىنداعى جولدار جاقسارعاننان كەيىن، جۇك اۆتوكولىكتەرى شيكىزاتتى زاۆود ىشىنە توتە تاسىپ اكەلە الاتىن بولدى. كەلەر جىلى ءبىز ءوندىرىس قۋاتىن جوعارىلاتىپ، شارۋالار ەككەن قىزاناقتى اناعۇرلىم كوپ الۋدى جوسپارلاپ وتىرمىز“.
”كاسىپ سالاسى تاس جولى ەرەكشە ەگىنشىلىك رايونى، اۋىل شارۋاشىلىق قوسىمشا ونىمدەرىن مانەرلەۋ زاۆودى، ساياحات كورىنىس ءتۇيىنى، ونەركاسىپ باقشا رايونى سياقتىلاردى تۇتاستىرىپ، باعراش اۋدانىنىڭ اۋىل - قىستاق ەكونوميكاسىن دامىتۋىنىڭ دانەكەرىنە اينالدى. الدا باعراش اۋدانى كاسىپ سالاسى تاس جولى قۇرىلىسىن ۇزدىكسىز كۇشەيتىپ، ەرەكشە كاسىپ سالاسىنىڭ دامۋىن ىلگەرىلەتەدى“، - دەدى باعراش اۋدانىنىڭ ورىنباسار اكىمى مينجير.
