تيانشان تورى   ›   جاڭالىقتار   ›   شۋجي ەستەلىگى

فۋجيان ولكەسىنىڭ ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەردى

چىن چۋانگو، تاڭ دىڭجيە، شوكىرات زاكىر، شاۋكەت يمىن، لي پىڭشين قيمىلدارعا قاتىناستى

  تىلشىلەر ياۋ تۇڭ، ۋاڭ شيڭرۇي، يۋان لەي، لياڭ ليحۋا 9 - ايدىڭ 21 - كۇنى سانجىدان حابارلايدى. 9 - ايدىڭ 19 - كۇنىنەن 21 - كۇنىنە دەيىن، فۋجيان ولكەلىك پارتكومنىڭ ورىنباسار شۋجيى، ولكە باستىعى تاڭ دىڭجيە فۋجيان ولكەسىنىڭ ۋاكىلدەر ۇيىرمەسىن باستاپ شينجياڭعا كەلىپ، باعىتتامالى كومەكتەسۋ قىزمەتىن تەكسەردى، ۇشتاستىردى. اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن، اۆتونوميالى رايوندىق پارتكومنىڭ ورىنباسار شۋجيى لي پىڭشين قاتارلىلار قيمىلدارعا قاتىناستى.

  9 - ايدىڭ 19 - كۇنى تۇستەن كەيىن اۆتونوميالى رايون فۋجيان ولكەسىنىڭ ۋاكىلدەر ۇيىرمەسىمەن ۇرىمجىدە قىزمەتتىك كەڭەس وتكىزدى. چىن چۋانگو اۆتونوميالى رايوندىق پارتكوم مەن ۇكىمەت جانە بۇكىل رايونىمىزداعى ءار ۇلت حالقى اتىنان فۋجيان ولكەسى ۋاكىلدەر ۇيىرمەسىنىڭ شينجياڭعا كەلىپ تەكسەرۋ جۇرگىزگەندىگىن قىزۋ قارسى الدى، فۋجيان ولكەسىنىڭ ۇزاق ۋاقىتتان بەرى شينجياڭعا زور كۇشپەن قولداۋ كورسەتكەندىگىنە جانە قالتقىسىز كومەكتەسكەندىگىنە شىن جۇرەكتەن العىس ايتتى. چىن چۋانگو بىلاي دەدى: فۋجيان ولكەلىك پارتكوم مەن ولكەلىك ۇكىمەت شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ فۋجيان قىزمەتى جونىندەگى ءبىر قىدىرۋ ماڭىزدى نۇسقاۋلارىنىڭ، بەكىتۋلەرىنىڭ رۋحىن مۇقيات دايەكتىلەندىرىپ، تياناقتاندىرىپ، مەحانيزمى جالىندى، كاسىبى ساپالى، بۇقاراسى باي، ەكولوگياسى كوركەم جاڭا فۋجيان قۇرۋ بارىسىندا ۇزدىكسىز جاڭا جەتىستىكتەرگە قول جەتكىزدى، ءار ۇلت حالقىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكىسىز كۇشەيدى. ءبىز مۇنى شىن جۇرەكتەن قۇتتىقتايمىز.

  چىن چۋانگو بىلاي دەدى: فۋجيان ولكەلىك پارتكوم مەن ولكەلىك ۇكىمەت باس شۋجي شي جينپيڭنىڭ تاپسىرماسىن ەستە بەرىك ساقتاپ، شينجياڭعا باعىتتامالى كومەكتەسۋ قىزمەتىن ويداعىداي ىستەۋدى كەلەلى ساياسي مىندەت ەتىپ، نىسانداردى تەبىندى ىلگەرىلەتىپ، حالىق تۇرمىسىن جاقسارتۋدا ونىمدىلىككە قول جەتكىزىپ، قوسىن قۇرىلىسىنىڭ وبرازىن سومداپ، ءتۇرلى قىزمەتتەردى ورنىقتى قاداممەن ورىستەتىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە ماڭىزدى ۇلەس قوستى، ءار ۇلت حالقى مۇنى ەسىنەن شىعارمايدى. شينجياڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىم“ دى بەرىك ورناتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرىپ، تياناقتاندىرىپ، 7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسىنىڭ رۋحىن دايەكتىلەندىرىپ، تياناقتاندىرىپ، تۇلعالىق جاۋاپكەرشىلىكتى كۇشەيتىپ، وزىق تاجىريبەلەردى ۇيرەنىپ، ناقتى سەلبەستىكتى تەرەڭدەتىپ، ءوزارا تيىمدىلىك جەتكىزىپ، تەڭ يگىلىكتەنۋدى ىلگەرىلەتىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز جوعارىلاتىپ، ورنىقتىلىق، دامۋ قىزمەتتەرىن بار كۇشپەن ويداعىداي ىستەپ، جاڭا جۇڭگو قۇرىلعاندىعىنىڭ 70 جىلدىعىن سۇبەلى ناتيجەمەن قارسى الادى.

  تاڭ دىڭجيە الدىمەن فۋجيان ولكەسىنىڭ باس شۋجي شي جينپيڭنىڭ فۋجيان قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋلارىنىڭ، بەكىتۋلەرىنىڭ رۋحىن دايەكتىلەندىرىپ، تياناقتاندىرىپ، جاڭا فۋجيان قۇرىلىسى مەن شينجياڭعا باعىتتامالى كومەكتەسۋ قىزمەتىن ىلگەرىلەتۋدە قول جەتكىزگەن ناتيجەلەرىن تانىستىردى، اۆتونوميالى رايوندىق پارتكوم مەن ۇكىمەتتىڭ ۇزاق ۋاقىتتان بەرى فۋجياننىڭ قىزمەتىن زور كۇشپەن قولداعاندىعىنا جانە فۋجياننان شينجياڭعا كومەككە كەلگەن كادرلارعا قامقورلىق جاساعاندىعىنا، ولاردى ايالاعاندىعىنا العىس ايتتى. ول بىلاي دەدى: سوڭعى جىلدارى اۆتونوميالى رايوندىق پارتكوم مەن ۇكىمەت جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جان - جاقتى دايەكتىلەندىرىپ، بۇكىل رايونداعى ءار ۇلت كادرلارى مەن بۇقاراسىن ىنتىماقتاستىرىپ، باستاپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ شينجياڭدا تەرەڭ تامىر تارتۋىن تاباندىلىقپەن ىلگەرىلەتتى، تيانشاننىڭ تۇستىگى مەن تەرىستىگىندە ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشكەن تاماشا جاعداي جارىققا شىقتى. شينجياڭعا باعىتتامالى كومەكتەسۋ شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋداعى ماڭىزدى شارا، فۋجيان ولكەلىك پارتكوم مەن ولكەلىك ۇكىمەت وسكەلەڭ ساياسي سانالىلىقپەن جانە جاۋاپكەرشىلىكپەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، سانجى حۇيزۋ اۆتونوميالى وبلىسىنا باعىتتامالى كومەكتەسۋ قىزمەتىن تىڭعىلىقتى ويداعىداي ىستەيدى. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، 7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسىنىڭ رۋحىن ىشكەرىلەي دايەكتىلەندىرىپ، شينجياڭعا جان - جاقتى كومەكتەسۋگە، شينجياڭعا دالمە - ءدال كومەكتەسۋگە، شينجياڭعا ۇزاق ۋاقىت كومەكتەسۋگە تاباندى بولىپ، كادرلار، دارىندىلار ارقىلى شينجياڭعا كومەكتەسۋ، كاسىپ سالاسى ارقىلى شينجياڭعا كومەكتەسۋ، كەدەيلىكتەن ارىلتۋدان قامال الۋ جانە جۇمىستانۋدى كەڭەيتۋ، ءار ۇلتتىڭ ارالاسۋى، ىشتەسۋى، توعىسۋى سياقتى جاقتارعا كۇشتى ۇزدىكسىز شوعىرلاندىرىپ، ەرەكشە باسىمدىقتى ساۋلەلەندىرىپ، جالپىلىق ونىمدىلىكتى جوعارىلاتىپ، شينجياڭعا باعىتتامالى كومەكتەسۋ قىزمەتىنىڭ تىڭ ورەگە كوتەرىلۋىن ىلگەرىلەتەمىز.

  شينجياڭداعى كەزىندە، فۋجيان ولكەسىنىڭ ۋاكىلدەر ۇيىرمەسى ءۇرىمجى قالاسى جانە سانجى حۇيزۋ اۆتونوميالى وبلىسىنىڭ سانجى قالاسى، قۇتىبي اۋدانى سياقتى جەرلەرگە بارىپ، قالا، قالاشىق، اۋىل - قىستاق، ونەركاسىپ باقشا رايونى، مادەنيەت الاڭدارى مەن سارايلارى، مەكتەپ، شيپاحانا سياقتى جەرلەردى ارالاپ، شينجياڭعا كومەكتەسۋ نىساندارىنىڭ ىلگەرىلەتىلۋ جاعدايىن جۇمىس باسىندا تەكسەردى، كاسىپ سالاسى ارقىلى شينجياڭعا كومەكتەسۋ بويىنشا كەلىسىم جاساسۋ سالتىن وتكىزدى، شينجياڭعا باعىتتامالى كومەكتەسۋ قىزمەتى اڭگىمە ءماجىلىسىن اشتى ءارى شينجياڭعا كومەكتەسىپ جاتقان كادرلارعا، دارىندىلارعا امانداستى.

  فۋجيان ولكەسىنىڭ ورىنباسار باستىعى جىڭ جيانمين جوعارىداعى قيمىلدارعا قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.