− باس شۋجي شي جينپيڭنىڭ ورتالىقتىڭ ساياسي كەڭەس قىزمەتى ماجىلىسىندە جانە جۇڭگو حالىق ساياسي ءماسليحات كەڭەسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ تۋرالى
حالىق گازەتىنىڭ شولۋشىسى
جۇڭگونىڭ سوتسياليستىك تۇزىمىندە، ىستەردى اقىلداسۋعا بولادى، كوپتىڭ ءىسىن كوپ اقىلداسىپ، تۇتاس قوعامنىڭ قالاۋى مەن تالابىنىڭ ەڭ ۇلكەن ورتاق بولگىشىن تابۋ − حالىق دەموكراتياسىنىڭ شىندىعى.
”حالىق ساياسي كەڭەس كەڭەسۋ بارىسىندا كەڭ كولەمدە ىنتىماقتاسۋدى جەبەپ، كوپ پارتيا سەلبەستىگىن ىلگەرىلەتىپ، حالىق دەموكراتياسىن امالياتتا ايگىلەدى، ءارى تاريحي داستۇرگە مۇراگەرلىك ەتتى، ءارى ءداۋىر ەرەكشەلىگىن بەينەلەدى، ەلىمىزدىڭ سوتسياليستىك دەموكراتياسىنىڭ ىستەردى كوپ اقىلداسۋ، ىسكە جولىققاندا كوپ اقىلداسۋ، ءىس ىستەگەندە كوپ اقىلداسۋ ەرەكشەلىگى مەن باسىمدىلىعىن تولىق ايگىلەدى“. ورتالىقتىڭ ساياسي كەڭەس قىزمەتى ماجىلىسىندە جانە جۇڭگو حالىق ساياسي ءماسليحات كەڭەسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا، باس شۋجي شي جينپيڭ حالىق ساياسي كەڭەسىنىڭ سوتسياليستىك دەموكراتيالىق ساياسي قۇرىلىستاعى ماڭىزدى ورنى مەن رولىن تەرەڭدەي بايىمداپ، ءبىزدىڭ حالىق ساياسي كەڭەس قىزمەتىن ىشكەرىلەي جاقسى ىستەۋىمىزگە، حالىق دەموكراتياسىن تولىق ساۋلەلەندىرۋىمىزگە يدەيالىق بويسۇنۋ ولشەمىن جانە ارەكەت باعدارلاماسىن ازىرلەدى.
كەڭەستىك دەموكراتيا پارتيانىڭ حالىققا باسشىلىق ەتىپ مەملەكەتتى ۇتىمدى جونگە سالۋىنىڭ، حالىقتىڭ قوجايىن بولۋىنا كەپىلدىك ەتۋىنىڭ ماڭىزدى تۇزىمدىك جوباسى، ول سايلاۋ دەموكراتياسىمەن ءبىرىن - ءبىرى تولىقتاپ، ءبىرى - بىرىنە سايكەس كەلەدى، ەلىمىزدىڭ سوتسياليستىك دەموكراتيالىق ساياسيىنىڭ ەرەكشە فورماسى جانە وزگەشە ابزالدىلىعى. حالىق ساياسي كەڭەس بىرلىكساپ ۇيىم، كوپ پارتيا سەلبەستىگى مەن ساياسي كەڭەس قۇرىلىمى، حالىق دەموكراتياسىنىڭ ماڭىزدى جۇزەگە اسۋ فورماسى رەتىندە، سوتسياليستىك كەڭەستىك دەموكراتيانىڭ ماڭىزدى ارناسى جانە ارناۋلى كەڭەس قۇرىلىمى، مەملەكەتتى جونگە سالۋ جۇيەسىنىڭ ماڭىزدى قۇرامداس بولىگى، جۇڭگوشا ەرەكشەلىككە يە تۇزىمدىك ورنالاستىرۋ. جاڭا داۋىردە حالىق ساياسي كەڭەس قىزمەتىن جاقسى ىستەۋدە، حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن ويداعىداي ساۋلەلەندىرىپ، كەڭەستىك دەموكراتيانى فۋنكتسيانى اتقارۋدىڭ جالپى بارىسىنا ءسىڭىرىپ، دەموكراتيانى ساۋلەلەندىرۋ مەن ىنتىماقتى نىعايتۋدى ءوزارا ۇشتاستىرۋ، ۇسىنىس قويۋ، كەڭەس بەرۋ مەن ورتاق تانىمدى ۇيىستىرۋ سىندى قوس باعىتتا كۇش سالۋعا تاباندى بولىپ، پارتيا مەن مەملەكەتتىڭ ماڭىزدى شەشىمدەرىن، ورنالاستىرۋلارىن دايەكتىلەندىرۋ، تياناقتاندىرۋ جاعدايىن بەلسەنە ارقاۋ ەتە وتىرىپ دەموكراتيالىق باقىلاۋ ورىستەتۋ كەرەك.
”ناعىز دوس باتىلدىقپەن بەتپە - بەت سىن ايتادى.“ پىكىرگە قۇلاق اسۋ، پىكىرگە باتىلدىقپەن قۇلاق اسۋ، اسىرەسە، باتىلدىقپەن سىندى قابىلداۋ، قىزمەتتى جاقسارتۋ − سەنىم بار ەكەندىگىنىڭ، كۇش - قۋات بار ەكەندىگىنىڭ بەينەسى. سوتسياليستىك كەڭەستىك دەموكراتيانى دامىتۋدا، دەموكراتيالىق ورتالىقتاندىرۋ ءتۇزىمىنىڭ باسىمدىلىعىن ويداعىداي قولدانىپ، ”ىنتىماق − سىن − ىنتىماق“ سىندى تاڭداۋلى ءداستۇردى ساۋلەلەندىرىپ، كەڭەسكە كەڭ جول اشىپ، كوپ بولىپ اقىل قوسىپ، تۇرلىشە يدەيالىق كوزقاراستاردىڭ تولىق بەينەلەنۋى مەن ىشكەرىلەي اۋىس - كۇيىس جاساسۋىن جەبەۋ، باسقالارعا زورلاپ تاڭۋدان گورى ءوزارا قۇرمەت ەتەتىن، تەڭ تۇرعىدا كەڭەسەتىن، اركىم ءوز ءسوزىن سويلەۋدەن گورى قاعيداعا بويسۇناتىن، ءتارتىپتى تۇردە كەڭەسەتىن، اسىرا سىلتەمەي، قاسارىسپاي، كەشىرىمدى، سيىسىمدى بولاتىن، شىنايى نيەتپەن كەڭەسىپ ءارى اقتارىلا اڭگىمەلەسەتىن، اركىم ءوز كوزقاراسىن باياندايتىن ءارى پاراساتتى، سالماعى بار، زاڭدى، ەرەجەگە نەگىزدەلگەن تاماشا كەڭەس رايىن قالىپتاستىرۋ كەرەك. ءتۇرلى پىكىرلەر مەن سىنعا قاراتا، تەك پارتيانىڭ نەگىزگى نازارياسىنا، نەگىزگى لۋشيانىنا، نەگىزگى جالپى جوباسىنا تاباندى بولىپ، كوپشىلىككە پىكىرىن ايتقىزۋىمىز، مەيلى قۇلاققا جاعىمسىز، قاتتى بولسىن، ءبىز ايىبىن ايتقانعا قۋاناتىن پوزيتسيامەن، بار بولسا تۇزەتۋىمىز، جوق بولسا ساقتانۋىمىز كەرەك.
ءتۇزىم − پارتيا مەن مەملەكەت ىستەرىنىڭ دامۋىمەن قاتىستى تۇبىرلىلىك، جالپى جاعدايلىق، تۇراقتىلىق، ۇزاق ۋاقىتتىق سيپات الاتىن ماسەلە. پارتيا 19 - قۇرىلتايىنىڭ بايانداماسىندا ”كەڭەستىك دەموكراتيانىڭ كەڭ كولەمدى، كوپ ساتىلى، تۇزىمدەنىپ دامۋىن ىلگەرىلەتۋ كەرەك“ دەپ باسا دارىپتەلدى، بۇل جاڭا داۋىردەگى سوتسياليستىك كەڭەستىك دەموكراتيا قۇرىلىسىنىڭ ستراتەگيالىق مىندەتى جانە نەگىزگى جولى. حالىق ساياسي كەڭەسىنىڭ ارناۋلى كەڭەسۋ قۇرىلىمىندىق رولىن اناعۇرلىم ويداعىداي ساۋلەلەندىرۋدە، باس شۋجي شي جينپيڭنىڭ تالاپتارى بويىنشا ءتۇزىمدى، مەحانيزمدى ۇزدىكسىز كەمەلدەندىرۋ كەرەك. پارتكومنىڭ ۇكىمەتپەن، ساياسي كەڭەسپەن بىرگە جىلدىق كەڭەس جوباسىن جاساۋ تۇزىمىنە تاباندى بولىپ، كەڭەسۋدىڭ شەشىم جاساۋدان بۇرىنعى جانە شەشىمدى اتقارۋ بارىسىنداعى تياناقتاندىرۋ مەحانيزمىن كەمەلدەندىرىپ، ساياسي كەڭەسپەن اقىلداسۋ ايقىن بەلگىلەنگەن ىستەردى، ءسوز جوق، ساياسي كەڭەسپەن اقىلداسقاننان كەيىن شەشىم جاساۋعا، اتقارۋعا تاپسىرۋ، كەڭەسۋدىڭ قاتىناسۋ كولەمى، تالقى پرينسيبى، نەگىزگى ءتارتىبى، پىكىرلەسۋ ءتاسىلى سياقتىلارعا بەلگىلەمە جاساپ، كەڭەستىك دەموكراتيانىڭ نەگىزدەلەتىن ءتۇزىمى، بويسۇناتىن قاعيداسى، باسشىلىققا الاتىن ەرەجەسى، باعىناتىن ءتارتىبى بولۋىنا شىنايى كەپىلدىك ەتۋ كەرەك.
ماركس، ەنگەلس بىلاي دەگەن بولاتىن: ”دەموكراتيا دەگەن نە؟ ول، ءسوز جوق، بەلگىلى مانگە يە بولۋ كەرەك، ويتپەگەندە ول ءومىر سۇرە المايدى. سوندىقتان بارلىق ماسەلە دەموكراتيانىڭ ناعىز ءمانىن تۇراقتاندىرۋدا“. دەموكراتيالىق ساياسيدى جۇزەگە اسىرۋدىڭ فورماسى باي مازمۇندى الۋان ءتۇرلى، قاتىپ - سەمگەن ۇلگىمەن شەكتەلىپ قالۋعا بولمايدى. اماليات جۇڭگو ۇلگىسىندەگى دەموكراتيانىڭ جۇڭگودا ىسكە اساتىندىعىن، وتە جارامدى ەكەندىگىن تولىق دالەلدەدى. جاڭا جاعدايدا، حالىق ساياسي كەڭەس تۇزىمىندە ويداعىداي تاباندى بولىپ، حالىق ساياسي كەڭەس ىستەرىن ويداعىداي دامىتساق، حالىق ساياسي كەڭەس پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جانە حالىق ساياسي كەڭەس قىزمەتىنە قويعان تالاپتارىن تياناقتاندىرىپ، ەل ءىشى - سىرتىنداعى جۇڭحۋا پەرزەنتتەرىنىڭ اقىل - پاراساتى مەن كۇش - قۋاتىن ۇيىستىرۋ ساياسي جاۋاپكەرشىلىگىن ارقالاپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋگە، ىلگەرىلەگەن تۇردە جاپپاي سوتسياليستىك وسىزاماندانعان قۇدىرەتتى مەملەكەت قۇرۋعا ۇلەس قوساتىن بولادى.
(شينحۋا اگەنتتىگىنىڭ 9 - ايدىڭ 21 - كۇنى بەيجيڭنەن بەرگەن حابارى)
