تيانشان تورى   ›   جاڭالىقتار   ›   شينجياڭ حابارلارى

ۇيرەنۋدى يدەيادا تامىر تارتتىرىپ، تالاپتى ءىس - ارەكەتتە تياناقتاندىردى

− شينجياڭ اۋىل شارۋاشىلىعى داشۋەسى، شينجياڭ ينجەنەريا شۋەيۋانى، شينجياڭ كاسىپتىك داشۋەسى 2 - توپتاعى نەگىزگى تاقىرىپتىق تاربيەنى تىڭعىلىقتى ورىستەتتى

ءتىلشى جاۋ شييا

  اۋەلگى ماقساتتى ۇمىتپاي، تاعى ساپارعا اتتاندى، بورىشتى ەستە بەرىك ساقتاپ، باتىل جاۋاپكەرشىلىك ارقالادى. 2 - توپتاعى نەگىزگى تاقىرىپتىق تاربيە باستالعاننان بەرى، شينجياڭ اۋىل شارۋاشىلىعى داشۋەسى، شينجياڭ ينجەنەريا شۋەيۋانى، شينجياڭ كاسىپتىك داشۋەسى نازاردى نەگىزگى تاقىرىپقا، نەگىزگى جەلىگە شوعىرلاندىرىپ، باسشىلىقتى شىن مانىندە كۇشەيتىپ، تىڭعىلىقتى ورنالاستىرۋ جاساپ، نەگىزگى تاقىرىپتىق تاربيەنىڭ جان - جاقتى، كوپ جىكتى تىڭعىلىقتى،ءتارتىپتى ورىستەتىلۋىن ىلگەرىلەتتى.ءارقايسى جوعارى مەكتەپتەر نەگىزگى تاقىرىپتىق تاربيە ۇيرەنۋىن قوزعاۋشى كۇش ەتىپ، ونەگە كورسەتىپ ادام تاربيەلەۋ ءتۇبىرلى مىندەتىن مىقتاپ ارقاۋ ەتىپ، نازاريا ۇيرەنۋدى يدەيادا تامىر تارتتىرىپ، تالاپتى ءىس - ارەكەتتە تياناقتاندىرىپ، مەكتەپتىڭ جوعارى ساپالى، ماندىك دامۋىن جاپپاي ىلگەرىلەتىپ، جاڭا جۇڭگو قۇرىلعاندىعىنىڭ 70 جىلدىعىنا ۇزدىك ناتيجەمەن تارتۋ ۇسىندى.

شينجياڭ اۋىل شارۋاشىلىعى داشۋەسى: ۇيرەنۋ بارىسىندا ساياسي قاسيەتتى شىڭدادى

  التىن كۇز مەزگىلى، اۋات اۋدانى بەسارىق قالاشىعى ءداريابويى قىستاعىنداعى جاڭعاق باعىندا تولىسا پىسقان جاڭعاق جەمىستەرى بۇتاق باستارىن ەڭكەيتە ءيىپ تۇر، اتىزدان مول ءونىم شاتتىعى ەسەدى. ”شينجياڭ اۋىل شارۋاشىلىعى داشۋەسىنىڭ دوتسەنتى ءيۇسىپتىڭ عىلمي جەتەكشىلىگىندە، بيىل مۋ باسىندىق ءونىم بىلتىرعىدان مەجەمەن 50 كيلوگرام ارتادى!“، - دەدى قىستاق تۇرعىنى ابدۇنياز ابدىراحمان جايراڭ قاعىپ.

  ءداريابويى قىستاعىنىڭ جاڭعاقتان مول ءونىم الۋى شينجياڭ اۋىل شارۋاشىلىعى داشۋەسى ورمان شارۋاشىلىعى جانە باعبانشىلىق شۋەيۋانىنىڭ دوتسەنتى ءيۇسىپ ابىلەتتىڭ وسى قىستاقتا اتقارعان جاڭعاقتىڭ ساپاسىن ءوسىرىپ، ءونىمىن ارتتىرۋ ماقساتىنداعى ولشەمدەستىرىپ ەگۋ تەحنيكاسىنان ۇلگى كورسەتۋى مەن جالپىلاستىرۋىنىڭ ارقاسى.

  ”مەن وقىتۋشىمىن ءارى پارتيا مۇشەسىمىن، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ بۇلتارتپاس بورىشىم“. مەكتەپ پارتكومىنىڭ ورنالاستىرۋىنا ساي، سوڭعى كۇندەردە ءيۇسىپ عىلىم - تەحنيكالىق قىزمەت وتەۋ ۇلگىسىنە جاڭالىق ەنگىزۋ توڭىرەگىندە ءداريابويى قىستاعىندا تەكسەرۋ - زەرتتەۋ جۇرگىزىپ، وزىق عىلىم - تەحنيكا ارقىلى جاڭعاق اعاشىنىڭ كەلەر جىلى اناعۇرلىم كوپ ”عىلىم - تەحنيكا جەمىسى“ن بەرۋىن ءۇمىت ەتتى.

  شينجياڭ اۋىل شارۋاشىلىعى داشۋەسى نەگىزگى تاقىرىپتىق تاربيەدە شوعىرلى ۇيرەنۋ، ارناۋلى تاقىرىپتا زەرتتەۋ - تالقى جۇرگىزۋ سياقتى كوپ ءتۇرلى فورمالار ارقىلى ۇيرەنۋ مەن ىستەۋدى ۇشتاستىرىپ، تانىم مەن ارەكەتتى بىرلىككە كەلتىرىپ، ۇيرەنگەندى قولدانىپ، نەگىزگى تاقىرىپتىق تاربيە ارقىلى پارتيالى كادرلاردىڭ، سونداي - اق وقىتۋشى، جۇمىسشى - قىزمەتكەرلەردىڭ ساياسي قاسيەتىن شىڭداپ، جاۋاپكەرشىلىك ارقالاپ ءىس تىندىرۋعا ىنتالاندىرىپ، ءىستىڭ دامۋىن ىلگەرىلەتتى. مەكتەپ عىلىم - تەحنيكالىق قىزمەت وتەۋ ۇلگىسىنە جاڭالىق ەنگىزۋ، وقۋشىلار جاتاعىن ىستىق سۋمەن قامداۋ، جاڭا كەلگەن وقىتۋشىلاردىڭ اينالىم ۇيلەرى سياقتىلاردى العاشقى توپتاعى رەتتەۋ - تۇزەتۋدى تياناقتاندىرۋدىڭ مازمۇنى ەتتى.

شينجياڭ ينجەنەريا شۋەيۋانى: ۇيرەنۋدى وزەكتى قىزمەتپەن تىعىز ۇشتاستىردى

  نەگىزگى تاقىرىپتىق تاربيەنى ۇيىمداستىرىپ، ويداعىداي ورىستەتۋ ءۇشىن، شينجياڭ ينجەنەريا شۋەيۋانى پارتكومى الدىن الا جوبالاپ، تالاي رەت شوعىرلى تۇردە ۇيرەنۋ، زەرتتەۋ - تالقى جۇرگىزىپ، نەگىزگى تاقىرىپتىق تاربيەنى ويداعىداي ورىستەتۋگە تاماشا يدەيالىق نەگىز جانە قىزمەت نەگىزىن قالادى. شينجياڭ ينجەنەريا شۋەيۋانى نەگىزگى تاقىرىپتىق تاربيەنى ورىستەتۋدى پارتيا قۇرىلىسىنىڭ ءتۇرلى قىزمەتتەرىمەن ورگانيكالى تۇردە ۇشتاستىرىپ، مەكتەپتىڭ وزەكتى قىزمەتىن ىلگەرىلەتۋمەن ۇشتاستىرىپ، تولىق كۋرستىڭ تولىمدىلىعىن باعالاۋ، مەكتەپتىڭ تيبىن وزگەرتىپ دامۋى جانە ءوندىرىس پەن وقىتۋدى توعىستىرۋى، جاڭا مەكتەپ اۋماعى قۇرىلىسى، كەدەيلىكتەن ارىلتۋدان قامال الۋ سياقتى ءتۇيىندى قىزمەتتەردى كورنەكتى تۇردە ويداعىداي يگەرىپ، قىزمەت ستيلىنە بۇرىلىس جاساۋدى نەگىزگى تاقىرىپتىق تاربيە ارقىلى جەبەپ، مەكتەپتىڭ ءتۇرلى قىزمەتتەرىنىڭ ۇزدىكسىز اقاۋسىز دامۋىن ىلگەرىلەتتى.

  شۋەيۋان پارتكومى نەگىزگى تاقىرىپتىق تاربيەمەن ۇشتاستىرىپ، مەكتەپتىڭ قازىر ءدوپ كەلىپ وتىرعان ءىس جۇزىندىك قيىنشىلىعى مەن رەال ماسەلەلەرىن تولىق تانىپ، ءادىس - امال قاراستىرىپ، ءبىلىم بەرىپ ادام تاربيەلەۋدىڭ شۋاقتى ورتاسىن قالىپتاستىردى. ”ءبىز وقىتۋشىلار مەن وقۋشىلار ەڭ كوڭىل ءبولىپ وتىرعان تۇرمىس ورتاسىن جاقسارتۋ، جاس وقىتۋشىلار ەڭ نازار اۋدارىپ وتىرعان اينالىم ۇيلەردى جاڭالاۋ، وتباسىلار اۋماعىنىڭ جولىن اسفالتتاندىرۋ، كورىكتەندىرۋ سياقتى قىزمەتتەر ارقىلى وقىتۋشىلار مەن وقۋشىلاردىڭ شۇعىل، قيىن، الاڭداعان، ءزارۋ ماسەلەلەرىن كۇش سالا شەشىپ، وقىتۋشىلار مەن وقۋشىلاردىڭ رازى بولعان - بولماعانىن تەكسەرۋ تەتىگى ەتەمىز“. شينجياڭ ينجەنەريا شۋەيۋانى پارتكومىنىڭ شۋجيى لي يۇيحۇڭ مىنانى ءبىلدىردى: شۋەيۋان جوسپار بويىنشا تىڭعىلىقتى تۇردە ىلگەرىلەتىپ، ۇزدىكسىز كۇش سالىپ، اۋەلگى ماقساتتى ۇمىتپاۋ، بورىشتى ەستە بەرىك ساقتاۋدى شىنايى يگەرىپ، ناقتى ىستەۋدىڭ، ءورىس اشىپ، جاڭالىق جاساۋدىڭ سانالى ارەكەتىنە شىن مانىندە اينالدىرىپ، نەگىزگى تاقىرىپتىق تاربيەنىڭ ناقتى ونىمگە قول جەتكىزۋىنە شىنايى كەپىلدىك ەتەدى.

شينجياڭ كاسىپتىك داشۋەسى: ونەگە كورسەتىپ ادام تاربيەلەۋدىڭ ءتۇبىرلى مىندەتىمەن بايلانىستىرا ۇيرەندى

  ”توڭكەرىستىك قۇربانداردىڭ ءداۋىرى بىزبەن ۇقساماعانىمەن، ءبىراق ’اۋەلگى ماقسات‘ پەن ’بورىش‘ قاي - قاشان دا وزگەرمەيدى“، ”شينجياڭنىڭ وقۋ - اعارتۋ قىزمەتكەرى رەتىندە ونەگە كورسەتىپ ادام تاربيەلەۋ ءتۇبىرلى مىندەتىن شىن مانىندە تياناقتاندىرىپ، وقىتۋ بازاسىن ساقتاپ، ويداعىداي باسقارۋىمىز كەرەك، سوندا عانا اۋەلگى ماقساتىمىز بەن بورىشىمىزدى اناعۇرلىم جاقسى ايگىلەي الامىز“. 9 - ايدىڭ 18 - كۇنى، شينجياڭ كاسىپتىك داشۋەسى ورىستەتكەن شوعىرلى ۇيرەنۋدە، تالقىدا مەكتەپتەگى پارتيالى كادرلار ءىس جۇزىندىك قىزمەتپەن بايلانىستىرىپ، ۇيرەنۋ تاربيەسىمەن ۇشتاستىرا وتىرىپ، نازاريالىق تابىستى جانە يدەيالىق جاقتان جوعارىلاۋدى اڭگىمەلەدى.

  2 - توپتاعى نەگىزگى تاقىرىپتىق تاربيە ورىستەتىلگەننەن بەرى، شينجياڭ كاسىپتىك داشۋەسى نەگىزگى تاقىرىپتىق تاربيەنى ونەگە كورسەتىپ ادام تاربيەلەۋمەن تىعىز ۇشتاستىرىپ، ونەگە كورسەتىپ ادام تاربيەلەۋدىڭ ءتۇبىرلى مىندەتى − ”جاپپاي ۇيرەنۋ، جاپپاي تالقىلاۋ، جاپپاي تياناقتاندىرۋ“ قيمىلىن، سونداي - اق ۇستازدىق ءمورال، ۇستازدىق ستيل تاربيە ايى ۇلاسپالى قيمىلىن جاپپاي ورىستەتىپ، اۋەلگى ماقساتتى جانە بورىشتى بارىنشا كۇشەيتتى.

  قازىر مەكتەپ ”قوس كاسىپتىك اتاعى بار، قوس ساپالى وقىتۋشى“ دارىندىلاردىڭ جەتكىلىكتى بولماۋ ماسەلەسى، كادر، وقىتۋشىلار قوسىنىندا ءومىر سۇرگەن قۇرىلىمدىق قايشىلىق ماسەلەسى، ءوندىرىس پەن وقىتۋدىڭ توعىسۋ ساپاسىن جوعارىلاتۋ سياقتى ماسەلەلەرمەن بايلانىستىرىپ، وقىتۋشى - وقۋشىلار اراسىنا، كاسىپورىندارعا بارىپ جاپپاي تەكسەرۋ - زەرتتەۋ جۇرگىزىپ، قاتىستى شەشۋ شارالارىن اقىلداسىپ شىعاردى.

  شينجياڭ كاسىپتىك داشۋەسى پارتكومىنىڭ شۋجيى جۋ يىنگاڭ مىنانى ءبىلدىردى: مەكتەپ ”ءۇش جيىن، ءبىر ساباق“، نەگىزگى تاقىرىپتىق امالياتتىق قيمىل سياقتىلارمەن ۇشتاستىرىپ، ونەگە كورسەتىپ ادام تاربيەلەۋدىڭ ءتۇبىرلى مىندەتىن ىشكەرىلەي تياناقتاندىرىپ، قالىڭ پارتيالى كادرلاردىڭ، سونداي - اق وقىتۋشىلاردىڭ ”پارتيا ءۇشىن ادام تاربيەلەۋ، مەملەكەت ءۇشىن دارىندى باۋلۋ“ىنىڭ ايقىن ساياسي باعدارىن كۇشەيتىپ، نەگىزگى تاقىرىپتىق تاربيەنى ورىستەتۋدى مەكتەپتىڭ ماندىك دامۋىنىڭ جاندى امالياتىمەن شىن مانىندە توعىستىرىپ، شينجياڭنىڭ قوعام ورنىقتىلىعى مەن باياندى تىنىشتىعىنا دەم بەرىپ، وتاندى سۇيەتىن، شينجياڭدى سۇيەتىن، جاۋاپكەرشىلىك ارقالاپ ۇلەس قوساتىن اناعۇرلىم كوپ سوتسياليزم قۇرىلىسشىلارى مەن ءىزباسارلارىن باۋلىپ جەتىلدىرەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جاڭا قىستاقتىڭ جاڭا كەلبەتى
  • كەمەنى بالىققا تولتىرىپ، مول ونىممەن ورالدى
  • جاڭا ۇيگە كوشتى جاڭا تۇرمىس كەشىردى