تيانشان تورى   ›   جاڭالىقتار   ›   ايبىندى 70 جىل ، كۇرەسكە تولى جاڭا ءداۋىر

جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ كولەمدى جەتىستىكتەر كورمەسى بەيجيڭدە اشىلدى

لي كىچياڭ اشىلۋ سالتىنا قاتىناستى ءارى ءسوز سويلەدى ۋاڭ حۋنيڭ اشىلۋ سالتىن باسقاردى ءارى كورمەنىڭ اشىلعاندىعىن جاريالادى

  شينحۋا اگەنتتىگىنىڭ 9 - ايدىڭ 23 - كۇنى بەيجيڭنەن بەرگەن حابارى. 9 - ايدىڭ 23 - كۇنى ”ۇلى ۇدەرىس، شۇعىلالى جەتىستىك − جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ كولەمدى جەتىستىكتەر كورمەسى“نىڭ اشىلۋ سالتى بەيجيڭ كورمە سارايىندا وتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ اشىلۋ سالتىنا قاتىناستى ءارى ءسوز سويلەدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ اشىلۋ سالتىن باسقاردى ءارى جەتىستىكتەر كورمەسىنىڭ اشىلعاندىعىن جاريالادى.

  تۇستەن بۇرىن ساعات 10دا اشىلۋ سالتى باستالدى. زالداعىلار جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى.

  لي كىچياڭ سوزىندە بىلاي دەپ اتاپ كورسەتتى: كورمە جاڭا جۇڭگو قۇرىلعاننان بەرى جۇڭگو كوممۋنيستىك پارتياسىنىڭ بۇكىل ەلدەگى ءار ۇلت حالقىن ىنتىماقتاستىرىپ، باستاپ، سوتسياليستىك نەگىزگى ءتۇزىمدى ورناتقان، جۇڭگوشا سوتسياليزم جولىن اشقان، سوتسياليستىك وسىزامانداندىرۋ قۇرىلىسىن ىلگەرىلەتكەن ۇلى امالياتىن، شۇعىلالى جەتىستىكتەرىن جانە قىمباتتى تاجىريبەلەرىن جان - جاقتى بەينەلەدى. كورمە ماۋ زىدۇڭ جولداس، دىڭ شياۋپيڭ جولداس، جياڭ زىمين جولداس، حۋ جينتاۋ جولداس باستى ۋاكىل بولعان جۇڭگو كوممۋنيستەرىنىڭ شىت جاڭا تاريح اشىپ، الدىڭعىلاردىڭ ءىزىن باسىپ، بولاشاققا جول اشقان، بۇكىل ەلدەگى ءار ۇلت حالقىن باستاپ قايسارلىقپەن ەكپىندەي ىلگەرىلەپ قول جەتكىزگەن تالاي - تالاي ۇلى جەتىستىكتەرىن جان - جاقتى كورسەتتى؛ پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، پارتيا مەن مەملەكەت ىستەرىندە قول جەتكەن تاريحي جەتىستىكتى، تاريحي وزگەرىستى، جۇڭگوشا سوتسياليزمنىڭ جاڭا داۋىرگە وتكەندىگىن جان - جاقتى كورسەتتى. كورمە 70 جىلدان بەرى جۇڭحۋانىڭ بايتاق دالاسىنداعى وراسان زور وزگەرىستى ادالدىقپەن ەستەلىككە الىپ، ەلىمىزدىڭ ەكونوميكالىق ناقتى قۋاتىنىڭ، جالپىلىق مەملەكەت قۋاتىنىڭ تاريحي سەكىرۋدى جۇزەگە اسىرعاندىعىن، باستى ەكونوميكالىق كورسەتكىشتەردىڭ دۇنيە جۇزىندە ۇستايتىن سالىستىرماسىنىڭ زور مولشەردە جوعارىلاعاندىعىن، حالىق تۇرمىسىنىڭ بارىنشا جاقسارعاندىعىن، تابىس سەزىمىنىڭ، باقىت سەزىمىنىڭ ۇزدىكسىز كۇشەيگەندىگىن، ەلىمىزدىڭ حالىقارالىق ورنى مەن ىقپال كۇشىنىڭ ۇزدىكسىز جوعارىلاعاندىعىن، ادامزاتتىڭ بەيبىتشىلىگى مەن دامۋ ىستەرىنە ءتيىستى بەلسەندى ۇلەس قوسقاندىعىن جاندى تۇردە كورسەتىپ بەردى.

  لي كىچياڭ بىلاي دەدى: 70 جىلدىق شۇعىلالى جەتىستىك ءبىزدى ايرىقشا ماقتانىشقا بولەدى، جاڭا، اناعۇرلىم زور جەڭىسكە جەتۋ ءۇشىن، ءبىز ونان ارى ەسەلەپ قۇلشىنۋىمىز كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، زەيىن - قۋاتتى شوعىرلاندىرا وتىرىپ ءوز ءىسىمىزدى ويداعىداي ىستەپ، ناقتى ىسكەرلىكپەن جانە كۇرەسپەن جاڭا، تاريحي ۇلى ناتيجە جاراتۋىمىز كەرەك. جۇڭگو ءالى سوتسياليزمنىڭ العاشقى ساتىسىندا تۇر، سونداي - اق وندا ۇزاق ۋاقىت تۇرا بەرەدى، ءالى دە دۇنيە جۇزىندەگى ەڭ ۇلكەن وركەندەپ كەلە جاتقان مەملەكەت، دامۋ − ەلىمىزدەگى بارلىق ماسەلەنى شەشۋدىڭ نەگىزى جانە تەتىگى. ءبىز ەكونوميكالىق قۇرىلىستى وزەك ەتۋگە تاباندى بولىپ، جاڭا دامۋ ۇستانىمدارىن دايەكتىلەندىرىپ، تياناقتاندىرىپ، جاڭا قوزعاۋشى قۋاتتى جەدەل دامىتىپ، ەكونوميكالىق اينالىمنىڭ ۇيلەسىمدى ارالىقتى ساقتاۋىنا شىنايى كەپىلدىك ەتىپ، جوعارى ساپالى دامۋدى ىلگەرىلەتۋىمىز كەرەك. رەفورما جاساۋ، ەسىك اشۋ − زامانىمىزداعى جۇڭگونىڭ تاعدىرىن بەلگىلەيتىن شەشۋشى شارا. رەفورمانى جاپپاي تەرەڭدەتىپ، ”تومەنگە بەرۋ، باسقارۋ، قىزمەت وتەۋ“ رەفورماسىن ۇزدىكسىز ىلگەرىلەتىپ، بازارلانعان، زاڭمەن جونگە سالىناتىن، حالىقارالانعان شارۋاشىلىق - ساۋدا ورتاسىن قالىپتاستىرىپ، بازار تۇلعالارىنىڭ ومىرشەڭدىگىن اناعۇرلىم قاۋلاتۋىمىز كەرەك. بەلسەندى، ىرىقتى ەسىك اشۋ ساياساتىن اتقارىپ، ەكونوميكانىڭ جاھاندانۋ اياق الىسىن ىلگەرىلەتۋىمىز كەرەك. حالىقتىڭ ىرىس - قۇتىن مولايتۋ − بارلىق قىزمەتتىڭ شىعار ءتۇيىنى جانە تابان تىرەر تياناعى. دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، قوعامدىق ادىلدىك پەن تۋراشىلدىقتى جەبەپ، حالىقتىڭ اناعۇرلىم جاقسى تۇرمىس كەشىرۋىنە مۇمكىندىك جاساۋىمىز كەرەك.

  لي كىچياڭ بىلاي دەدى: ۇلى ءىس ۇزدىكسىز قاۋلاعان قايراتپەن ناقتى ءىس تىندىرۋدى قاجەت ەتەدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، ”قوس 100 جىلدىق“ كۇرەس نىساناسىن جۇزەگە اسىرۋ، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت ەتىپ قۇرىپ شىعۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جۇرگىزۋ كەرەك!

  شۇي چيلياڭ، ياڭ جيەچى، حۋاڭ كۇنميڭ، ساي چي، ۋاڭ دۇڭميڭ، شياۋ جيە، جاۋ كىجى، ليۋ چيباۋ، حى ليفىڭ، لي زوچىڭ، مياۋ حۋا اشىلۋ سالتىنا قاتىناستى.

  ورتالىقتاعى پارتيا، ۇكىمەت، ارميا، بۇقارالىق ورىنداردىڭ قاتىستى تاراۋلارىنداعى جاۋاپتى جولداستار، استاناداعى ءار سالا جۇرتشىلىعىنىڭ جانە بەيجيڭدە تۇراتىن اسكەري ءبولىم كوماندير - جاۋىنگەرلەرىنىڭ ۋاكىلدەرى سياقتىلاردان 1000عا جۋىق ادام اشىلۋ سالتىنا قاتىناستى.

  جەتىستىكتەر كورمەسى العى زال، شىعىستا قاسقايىپ تۇرۋ، رەفورما جاساپ، ەسىك اشۋ، گۇلدەنۋگە قادام تاستاۋ، ادامزاتتىڭ دۇرىس جولى سىندى 5 بولىمنەن قۇرالدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.