− شينجياڭنىڭ بەيبىت ازات بولعاندىعىنىڭ 70 جىلدىعى ساتىندە ەكونوميكانىڭ دامۋىنا جالپى شولۋ
ءتىلشى ليۋ شياڭ
1949 - جىلى 9 - ايدىڭ 25 - كۇنى شينجياڭ بەيبىت ازات بولىپ، حالىقتىڭ قۇشاعىنا قايتا ورالدى. 10 - ايدىڭ 1 - كۇنى جاڭا جۇڭگو قۇرىلدى، سودان باستاپ شينجياڭداعى ءار ۇلت حالقى بۇكىل ەل حالقىمەن بىرگە سوتسياليستىك توڭكەرىس پەن سوتسياليستىك قۇرىلىسقا قاراي تىڭ قادام تاستادى.
تيانشاننان ايبىندى جوبا باستالدى. 70 جىلدان بەرى، جۇڭگو كوممۋنيستىك پارتياسىنىڭ باسشىلىعىندا جانە بۇكىل ەل حالقىنىڭ قولداۋىندا، شينجياڭ وتانمەن بىرگە ەكپىندەي ىلگەرىلەپ، بىرگە ەسەيىپ، دامۋدىڭ، العا باسۋدىڭ، گۇلدەنىپ - كوركەيۋدىڭ داڭعىل جولىنا ءتۇسىپ، دۇنيە ءجۇزىن جالت قاراتقان شۇعىلالى جەتىستىكتەرگە قول جەتكىزدى.
ارشىندى قادام اسقاق بەينەنى ايگىلەدى. پارتيانىڭ 18 - قۇرىلتايىنان بەرى، شينجياڭ ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنا تاباندى بولىپ، جاڭا دامۋ ۇستانىمىن دايەكتىلەندىرۋگە، تياناقتاندىرۋعا تاباندى بولىپ، ”ءۇش ۇلكەن قامال الۋ شايقاسى“ن بار كۇشپەن جاقسى جۇرگىزىپ، ”ءۇش ءتۇيىندى قىزمەت“تى تىڭعىلىقتى جاقسى ىستەپ، رەفورما وي جەلىسىمەن جانە ەسىك اشۋ كوز اياسىمەن، جوعارى ساپامەن دامۋدىڭ ايشىقتى كارتيناسىن قۇلشىنا كەستەلەدى.
■ جەر - الەمگە تىڭ تىنىس ءبىتىرىپ، ۇزدىكسىز كۇرەس جاسادى
سارىلعان ۇزاق ءتۇندى وتكەرىپ، تاڭنىڭ اتقانىن كۇتكەندەي، بەيبىت ازات بولۋ شينجياڭداعى ءار ۇلت حالقىنا تىڭ تىنىس الا كەلدى.
85 جاستاعى اسەنجان ياسىن سول كەزگى جاعدايدى ەسىنە العاندا، باياعى قالپىنداي تەبىرەنىپ: ”وتكەندەگى ۇزاق جىلدىق ەزگى مەن قاناۋ كەلمەسكە كەتتى، وسىناۋ شىت جاڭا، حالىق قوجايىن بولعان جۇڭگونىڭ شينجياڭى ناعىز وتباسىمىز“، - دەدى.
شاڭىراق كوتەرىلگەنىمەن، شارۋاشىلىق قۇرىلماعان ەدى. سول كەزدە شينجياڭ ءالى قادامىن ەندى عانا باستاعان باسقىشتا، ءارى كەدەي، ءارى اق بولاتىن، ءبىر تال تەمىر شەگە وندىرە المايتىن، سۇيەمدەي تەمىر جولى جوق، حالىقتىڭ تۇرمىسى كەدەيلىكتەن توزگىسىز دارەجەدە ەدى.
نەگىز ءالسىز، تاعان بوس، قارىز كوپ. قيىن - قىستاۋ، مۇشكىل جاعداي ادامداردىڭ ەڭسەسىن تۇسىرە العان جوق، كەرىسىنشە پارتيا مەن حالىقتىڭ اسقاق جىگەر - قايراتىن جانىدى، ءسوز جوق، وتان شەكاراسىنداعى شينجياڭدى كوركەيتىپ قۇرىپ شىعۋ كەرەك!
ءبارى وسىلاي باستالدى، ءبارى وسىلايشا ايبىن كورسەتتى. پارتيا ورتالىق كوميتەتى مەملەكەتتىڭ دامۋ ستراتەگياسى مەن ءار ۇلت حالقىنىڭ ءتۇبىرلى مۇددەسىن شىعار ءتۇيىن ەتىپ، شينجياڭنىڭ دامۋى مەن قۇرىلىسىنا وسكەلەڭ ءمان بەرىپ، باستان - اياق شەكارا ءوڭىردىڭ ەكونوميكاسىن دامىتۋىنا كومەكتەسۋدى، بىرگە بايۋدى جۇزەگە اسىرۋدى نەگىزگى ساياسات ەتىپ، تۇرلىشە تاريحي ساتىدا شينجياڭنىڭ دامۋىن جەبەيتىن ءبىر - بىرلەگەن پارمەندى شارالاردى العا قويدى.
قالالار بىرىنەن سوڭ ءبىرى قۇرىلدى، زاۆودتار ارت - ارتىنان اشىلدى، تارام - تارام جولدار سالىندى، قاتار - قاتار جاسىل اعاشتار ءوسىرىلدى... بايىرعى توپىراققا تىڭنان تىنىس ءبىتىپ، جالىندى تىرشىلىك قاۋلادى.
1978 - جىلى پارتيا 11 - كەزەكتى ورتالىق كوميتەتىنىڭ ءۇشىنشى جالپى ءماجىلىسى پارتيا مەن مەملەكەتتىڭ قىزمەت ءتۇيىنىن ەكونوميكالىق قۇرىلىسقا اۋدارىپ، رەفورما جاساپ، ەسىك اشۋدىڭ ستراتەگيالىق شەشىمىن اتقاردى. تيانشاننىڭ وڭتۇستىگى مەن سولتۇستىگىندە كوكتەم سامالى ەستى.
كورپە - جاستىعىن الىپ، اۆتوبۋزعا وتىرعان حان جيانگاڭ باركول قازاق اۆتونوميالى اۋدانىنان ۇرىمجىگە كەلدى، ول كەز وتكەن عاسىردىڭ 80 - جىلدارىنىڭ سوڭى ەدى. رەفورما جاساپ، ەسىك اشۋدىڭ شىعىس جەلىندە ول ءۇي ەلەكتر جابدىقتارى ساۋداسىن كۇسەت جۇرگىزدى.
پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە وسكەلەڭ ءمان بەرىپ، شينجياڭداعى ءار ۇلت حالقىن ەستەن شىعارماي، شينجياڭ قىزمەتىنە قىرۋار جۇرەك قانىن سارقا جۇمسادى. شينجياڭداعى ءار ۇلت كادرلارى مەن بۇقارا جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، شىنايى يگەرىپ، ناقتى ىستەپ، قيىندىقتاردى جەڭىپ قامال الدى، تيانشاننىڭ وڭتۇستىگى مەن سولتۇستىگىندە تاريحي سيپاتتى وراسان زور وزگەرىستەر تۋىلدى.
ساندى مالىمەتتەر شينجياڭنىڭ قارىشتاپ دامۋىن تىكە ەستەلىككە الدى: ەكونوميكانىڭ جالپى مولشەرى 1952 - جىلعى 791 ميلليون يۋاننان 2018 - جىلعى ءبىر تريلليون 200 ميلليارد يۋانعا جەتتى، زات باعاسىنىڭ جوعارىلاۋ فاكتورىن الىپ تاستاعاندا، 200.7 ەسە جوعارىلاپ، جىلدىق ورتاشا ەسەپپەن ارتۋى ％8.3 بولدى؛ قالا - اۋىل تۇرعىندارىنىڭ جان باسىندىق ورتاشا كىرىسى 1978 - جىلعى 319 يۋاننان جانە 119 يۋاننان جەكە - جەكە 2018 - جىلعى 32 مىڭ 764 يۋانعا جانە 11 مىڭ 975 يۋانعا جوعارىلاپ، جىلدىق ورتاشا ەسەپپەن ارتۋى جەكە - جەكە ％12.3 جانە ％12.2 بولدى.
ءداۋىردىڭ جويقىن تولقىنى تولاسسىز العا قاراي جوڭكىلۋدە، ءاربىر ادامنىڭ تاعدىرى تۇگەلدەي وسىلايشا وزگەردى. اسەنجان قازىر قارتايعاندا كۇتىمگە الىندى، ىشەر اس پەن كيەر كيىمنەن تارىقپايدى، بالالارىنىڭ بارلىعىنىڭ تۇراقتى قىزمەتى بار. حان جيانگاڭ سول جىلدارداعى جيعان - تەرگەن اقشاسىمەن ۇدەرە العا تارتىپ، شينجياڭ تيانشين كاسىپورنى (توبى) شەكتى سەرىكتەستىگىن قۇردى، سونداي - اق بيىل 5 - كەزەكتى مەملەكەتتىك جالپىلىق مەنشىككە جاتپايتىن شارۋاشىلىق قايراتكەرلەرى ”تاڭداۋلى جۇڭگوشا سوتسياليزم ىستەرىنىڭ قۇرىلىسشىسى“ اتاعىن الدى.
بۇگىنگى شينجياڭدا، ەكونوميكالىق قۇرىلىستىڭ قارقىنى ۇدەي ءتۇسىپ، ۋنيۆەرسال قۋاتى كورنەكتى ارتتى، قالا - اۋىلداردىڭ بەت - بەينەسىندە شىت جاڭا وزگەرىستەر بولدى. بۇرىن ارمان ەتكەن تاماشا تۇرمىس ەكونوميكالىق قۋاتتىڭ كۇننەن - كۇنگە ارتۋىنا ىلەسە بىرتىندەپ جۇزەگە استى.
■ قۇرىلىم رەتتەلدى، سان سالالى كاسىپ وركەندەدى
ازاتتىقتىڭ العاشقى كەزەڭىندە، شينجياڭنىڭ كاسىپ سالا قۇرىلىمى جالاڭ، ءوندىرىس ورەسى ءبىرشاما تومەن بولىپ، توماعا - تۇيىق كۇيدەگى ءوزىن قامدايتىن ەگىن شارۋاشىلىعى مەن كوشپەندى مال شارۋاشىلىعى سىندى تابيعي شارۋاشىلىق قۇرىلىمعا ءتان ەدى.
1955 - جىلى اۋىل شارۋاشىلىعى ءونىم قۇنىنىڭ شينجياڭنىڭ ءوندىرىس جالپى ءونىم قۇنىندا ۇستايتىن سالماعى ％50تەن اسىپ، تيپتىك ءداستۇرلى ەگىن، مال شارۋاشىلىعىن نەگىزگى تۇلعا ەتكەن كاسىپ جۇيەسى ەدى.
83 جاستاعى لي زاۋلين شونجى اۋدانى بانجيەگوۋ قالاشىعى ياۋجانزى قىستاعىندا ءومىر بويى تۇرمىس كەشىرىپ كەلەدى. ول بىلاي دەدى: وتكەن عاسىردىڭ 50 -، 60 - جىلدارىندا ءبيداي وراقپەن ورىلاتىن، تىڭايتقىش پەن استىقتى ادامدار اپكەشپەن تاسيتىن، بىرنەشە مۋ جەر ەككەننىڭ وزىندە، بۇكىل وتباسى مۇشەلەرى مۇرتتاي ۇشىپ شارشايتىن.
وتكەن عاسىردىڭ 60 - جىلدارىنان باستاپ، ءىرى تۇرپاتتى اۋىل شارۋاشىلىعى ماشينا - سايماندارى، شىنجىرلى تراكتور شينجياڭعا ەنگىزىلپ، بىرتىندەپ كولىك كۇشىندىك اۋىل شارۋاشىلىعى ماشينا - سايماندارىنىڭ ورنىن باستى؛ 80 - جىلداردا قۇرامالى جارعاق جاتقىزۋ، تۇقىم سەبۋ ماشيناسى شونەك سالۋ، تىڭايتقىش بەرۋ، جارعاق جاتقىزۋ، تەسۋ، ۇيالاپ ەگۋ سياقتى جۇمىستاردى ورىندايتىن بولدى، كوپتەگەن شينجياڭ شارۋالارى ”كەۋدەسىن كوتەرىپ، بەلىن جازىپ تۇرىپ“ تۇقىم سەبەتىن بولدى؛ جاڭا داۋىرگە وتكەن سوڭ، شينجياڭنىڭ اۋىل شارۋاشىلىعى ماشينا - سايماندارىن عىلمي زەرتتەپ اشۋ تەبىنى ۇزدىكسىز ارتىپ، ءبىر توپ اۆتوماتتاسقان، زەردەلىلەسكەن اۋىل شارۋاشىلىعى ماشينالارى ارت - ارتىنان اتىز باسىندا كورىنە باستادى.
پارتيانىڭ 18 - قۇرىلتايىنان بەرى، شينجياڭ قامداۋ جاعىنداعى قۇرىلىمدىق رەفورمانى نەگىزگى ارقاۋ ەتىپ، ءونىمسىز قامداۋدى كۇش سالا تالقانداپ، جاڭا كاسىپتى، جاڭا شارۋاشىلىق قالىپتى، جاڭا ۇلگىنى بەلسەندىلىكپەن دامىتتى، ەكونوميكالىق قۇرىلىم ءۇرتىس جاقسارىپ، ارتۋ قوزعاۋشى كۇشى تەز كادەگە جاراپ، دامۋ ومىرشەڭدىك كۇشى ۇزدىكسىز ارتتى.
قازىر بىرلەسىپ جەر تەگىستەۋ، سارالانعان مولشەر بويىنشا تۇقىم سەبۋ، سۋ ۇنەمدەپ تامشىلاتىپ سۋارۋ، توپىراقتى ولشەپ قۇرامىنا قاراي تىڭايتقىش بەرۋ، ۇشقىشسىز اپپاراتپەن ”ءۇش ءتۇرلى زياننىڭ الدىن الاتىن بۇرىككىش ءدارى“ سەبۋ، كومباينمەن ورۋ سياقتى وزىق جابدىقتاردى جانە تەحنيكالاردى قولدانۋ ارقىلى ءبىر ادام مىڭ مۋ اتىزدى باسقارا الادى، تابيعاتقا سۇيەنىپ كۇن كورۋ تۇبەگەيلى تاريحقا اينالدى. اۋىل شارۋاشىلىعىن وسىزامانداندىرۋدى ۇزدىكسىز ىلگەرىلەتۋ بارىسىندا شينجياڭ بۇكىل ەلدەگى ەڭ ۇلكەن ماقتا ءوندىرىسى بازاسىنا جانە ماڭىزدى قۇرعاق، جاس جەمىس ءوندىرىسى بازاسىنا اينالدى.
كوز الدا، شينجياڭنىڭ جەر - جەرىندەگى ەكونوميكالىق اشۋ رايوندارىندا، كاسىپتىك جەتىلدىرۋ باقشالارىندا تۇس - تۇستان ماشينا ءۇنى كوتەرىلگەن، اۆتوكولىكتەر تولاسسىز اعىلعان، جۇمىسشىلار قايشالىسقان قاربالاس كورىنىس مەن مۇندالايدى. ەرەكشە ترانسفورماتور، گۋاڭحۇي توبى، جۇڭتاي حيمياسى، شينجياڭ تيانيە، شينجياڭ ءتۇستى مەتالى سياقتى ءبىر توپ جەرگىلىكى ونەركاسىپ كاسىپورىندار جەدەل دامىپ، زورايىپ، جەرگىلىكتى ونەركاسىپ دامۋىنىڭ نەگىزگى كۇشىنە اينالدى.
ءارقانداي ونەركاسىپ جوق كۇيدەن قازديا - قازديا بوي كوتەرگەن وسىزاماندانعان زاۆودتار جاسىل تاۋ، ءمولدىر سۋ اراسىنان كوز تارتادى. 70 جىلدان بەرى، شينجياڭ سالا - سالاسى تولىق ونەركاسىپ جۇيەسىن ورناتتى، ونەركاسىپتىڭ دامۋى نۇر شاشا كوز تارتادى.
سونىمەن بىرگە، شينجياڭ 1 -، 2 -، 3 - كاسىپتەردى توعىستىرا دامىتۋدى ىشكەرىلەي ىلگەرىلەتىپ، ەرەكشە ارتىقشىلىققا يە كاسىپتەردى جەتىلدىردى، كەڭەيتتى. ساياحات، ساۋدا - زات اينالىمى، ينفورماتسيالىق قىزمەت وتەۋ سياقتىلاردى ۋاكىل ەتكەن 3 - كاسىپتىڭ ەكونوميكانىڭ ارتۋىنا قوسقان ۇلەس مولشەرى ۇزدىكسىز ارتىپ، 2018 - جىلى ％62.3كە جەتتى. جالاڭ كاسىپكە سۇيەنۋدى نەگىز ەتۋدەن 3 - كاسىپكە ارقا سۇيەپ بىرگە ءوزارا جەبەدى، شينجياڭ دامۋىنىڭ سوڭعى تەبىنى ونان ارى كۇشەيە ءتۇستى.
قۇرىلىم جالاڭ بولۋدان سان سالالى كاسىپتىڭ وركەندەۋىنە دەيىن، كاسىپ قۇرىلىمىنىڭ جاقسارۋى دارەجەسىن جوعارىلاتىپ، شينجياڭنىڭ ۇدەرە العا تارتقان اياق الىسىن ەستەلىككە الۋدا.
■ ەسىك اشۋ جۇلگەسى دۇنيە جۇزىمەن قاۋىشتى
سامايى اعارعان ءادىل ابدىراحىمان كەزىندە باقتى شەكارا وتكەلىندە 20 جىل قىزمەت ىستەگەن. ونىڭ ەسىندە قالعانى باقتى وتكەلى باستاپقى كەزىندە قۇلازىعان يەن دالا بولاتىن. ”ول كەزدە شەكارا وتكەلىندە تەك جالعىز مەملەكەت قاقپاسى قاراۋىلى مەن ەكى جاعىندا مۇنارلانعان قىستاق ۇيلەرى بار بولاتىن، ادام از، اۆتوكولىك سيرەك كەزدەسەتىن“.
ۋاقىت وتە كەلە، باقتى شەكارا وتكەلى ”ءبىر بەلدەۋ، ءبىر جول“دى بىرگە قۇرۋدىڭ ۇلكەن اۋقىمىندا دامۋدىڭ بۇرىن - سوڭدى بولماعان ورايىن كۇتىپ الدى − بىرلەسىپ تەكسەرۋ زالى، شەكارا تۇرعىندارىنىڭ ءوزارا ساۋدا جاساسۋ رايونى سياقتى شىت جاڭا بەينەدەگى وسى زامانعى قۇرىلىستار، قۇرىلعىلار بوي كوتەردى؛ ”زەردەلى شەكارا وتكەل“ قۇرىلىسىن كۇش سالا ىلگەرىلەتىپ، ساياحات، زات، اۆتوكولىكتەردىڭ شەكارادان ءوتۋ سالىستىرماسىن جاپپاي جوعارىلاتتى؛ ساياسات باسىمدىعى ارقىلى اۋىل شارۋاشىلىعى ونىمدەرىنىڭ ”جاسىل وتكەلى“ شەكارا تۇرعىندارىنىڭ ءوزارا ساۋدا جاساسۋىنىڭ تيپ وزگەرتىپ دامۋى سىناق ءتۇيىنى ورنىقتى قاداممەن ىلگەرىلەتىلدى.
بيىل 1 - ايدان 5 - ايعا دەيىن، باقتى شەكارا وتكەلىنەن يمپورت - ەكسپورت ەتىلگەن زات 76 مىڭ 300 توننا بولىپ، سايكەس مەزگىلدەگىدەن ％9.49 ارتتى؛ زات قۇنى 166 ميلليون 842 مىڭ 100 امەريكا دوللارى بولىپ، سايكەس مەزگىلدەگىدەن ％18.01 ارتتى. جاڭا ازيا - ەۆروپا ۇلى قۇرلىق كوپىرىندە قايشالىسقان جولاۋشىلار اۆتوكولىگى، جۇك اۆتوكولىگى شەكارا وتكەلىندە دامىلسىز قاتىناپ، بۇرىنعى كەزدەرى تارباعاتايدىڭ ”قالتا تۇبىندە“ جاتقان باقتى وتكەلىن بۇگىنگى تاڭدا ەسىك اشۋدىڭ الدىڭعى شەبىنە اينالدىردى.
بۇگىنگى شينجياڭ جىبەك جولى ەكونوميكالىق بەلدەۋى وزەكتى رايون قۇرىلىسىن ۇزدىكسىز جەدەلدەتىپ، كەڭ - بايتاق ورتا، باتىس، وڭتۇستىك ازيانى، اۋەلى، ەۆروپا بازارىن بەتكە الىپ، وڭىرلىك ورىن ابزالدىلىعىنا سۇيەنىپ، كولەمدى ”ەنگىزىپ“، ارشىندى قاداممەن ”سىرتقا شىقتى“.
ءۇرىمجى حالىقارالىق قۇرلىق پورتى رايونىنىڭ كوپ ءتۇرلى بىرلەسىپ تاسىمالداۋ ورتالىعىندا جۇڭگو - ەۆروپا كەزەكشى پويەزىنداعى شينجياڭعا ساتىلاتىن تاۋارلاردىڭ جۇك قورابىن ءتۇسىرىپ، شينجياڭنىڭ جەرگىلىكتى ونىمدەرى تولتىرا تيەلگەن جۇك قورابىن قايتادان باسۋدا، كەزەكشى پويەز الاتاۋ شەكارا وتكەلىن، قورعاس شەكارا وتكەلدەرىن باسىپ ءوتىپ، تاۋارلاردى ەۆروپا ەلدەرىنە جەتكىزەدى.
بيىل 7 - ايعا دەيىن، شينجياڭنىڭ بايتاق دالاسىندا تاۋلىك بويى توقتاۋسىز زىمىراپ باتىسقا جول تارتقان كەزەكشى پويەز جالپى 2500 رەتتەن ارتىق قاتىناپ، جىلىنا ورتاشا ەسەپپەن ％100 ارتتى. جۇڭگو - ەۆروپا كەزەكشى پويەز ءۇرىمجى شوعىرلانۋ ورتالىعىن وزەك ەتكەن ءۇرىمجى حالىقارالىق قۇرلىق پورتى رايونى 19 ەۆروپا، ورتا ازيا ەلدەرىنە ”ءتۇيىندى تۇيىندە ءتۇيىستىرۋ“ تاسىمال لەنياسىن اشىپ، ەۆروپا - ازياداعى 17 مەملەكەتتى، 24 قالانى قامتىدى.
جۇڭگو شينجياڭىنىڭ دۇنيە جۇزىندەگى ەلدەرمەن، اسىرەسە، توڭىرەگىندەگى ەلدەرمەن بولعان ەكونوميكالىق اۋىس - كۇيىسى، سەلبەستىگى دە ۇزدىكسىز تەرەڭدەۋدە، 2018 - جىلى شينجياڭنىڭ سىرتقى ساۋدا يمپورت - ەكسپورت جالپى سوماسى 20 ميلليارد امەريكا دوللارى بولدى، بۇل 1950 - جىلداعىنىڭ 1481 ەسەسى. دۇنيە جۇزىنە بەت العان جۇڭگونىڭ شينجياڭى جەر شارى ەكونوميكاسىنىڭ ءبىر تۇلعالانۋ تولقىنىندا بار كۇشپەن ءوزىن ايگىلەپ، ىسكەرلىگىن كورسەتتى.
كەيبىرەۋلەر شينجياڭعا كەلگەن سوڭ اسپاننىڭ قانشالىقتى كوگىلدىر ەكەنىن سوندا بىلەسىڭ دەيدى. 70 جىلدان بەرى، پارتيا ورتالىق كوميتەتتىڭ پارمەندى باسشىلىعىندا، جاڭا جۇڭگونىڭ ىستىق قۇشاعىندا، بىرنەشە ۇرپاق شينجياڭدىقتار بۇكىل ەل حالقىمەن بىرگە قاجىرلىلىقپەن شارۋاشىلىق قۇرۋدى قۇلشىنا جالعاستىرىپ، كەڭ اسپاندى جارقىراتىپ، بايتاق دالاعا جىلۋ سيلادى.
اۋەلگى ماقساتتى ۇمىتپاي، بورىشتى ەستە بەرىك ساقتايىق. تىڭ تاريحي باستامادا، شينجياڭداعى ءار ۇلت ۇلاندارى تولقىن جارىپ، قۇلشىنا العا ىلگەرىلەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا بەلسەنە ۇلەس قوسۋدا.
