اۆتونوميالى رايون جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن جانە شينجياڭ بەيبىت ازات بولعاندىعىنىڭ 70 جىلدىعىن قۇتتىقتاۋ جينالىسىن سالتاناتپەن اشتى
چىن چۋانگو ءسوز سويلەدى، سىمايىل تىلەبالدى ۇسىنىس بويىنشا قاتىناستى
شوكىرات زاكىر باسقاردى، شاۋكەت يمىن، سۇن جينلۇڭ، لي پىڭشين قاتىناستى
جۋىقتا اۆتونوميالى رايون جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن جانە شينجياڭ بەيبىت ازات بولعاندىعىنىڭ 70 جىلدىعىن قۇتتىقتاۋ جينالىسىن سالتاناتپەن اشتى. سۋرەتتە: قۇتتىقتاۋ جينالىسى زالى. سۋرەتتى ءتىلشى سۇي جىجيان تۇسىرگەن
تىلشىلەر ياۋ تۇڭ، ۋاڭ شيڭرۇي 9 - ايدىڭ 25 - كۇنى ۇرىمجىدەن حابارلايدى. تاياۋدا اۆتونوميالى رايونداعى ءار ۇلت، ءار سالاداعىلار شينجياڭ حالىق سارايىندا سالتاناتتى جينالىس وتكىزىپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن جانە شينجياڭ بەيبىت ازات بولعاندىعىنىڭ 70 جىلدىعىن قىزۋ قۇتتىقتادى.
اۆتونوميالى رايوندىق پارتكومنىڭ شۋجيى چىن چۋانگو جينالىسقا قاتىناستى ءارى ءسوز سويلەدى، مەملەكەتتىك حالىق قۇرىلتايى تۇراقتى كوميتەتىنىڭ بۇرىنعى ورىنباسار باستىعى سىمايىل تىلەبالدى ۇسىنىس بويىنشا قاتىناستى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر باسقاردى، اۆتونوميالى رايوننىڭ پارتيا، ۇكىمەت، ارميا ورىندارىنىڭ باسشىلارىنان شاۋكەت يمىن، سۇن جينلۇڭ، لي پىڭشين، ليۋ ۋانلۇڭ، لي ۋي، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، جي جىڭ، جاڭ چۇنلين قاتارلىلار جينالىسقا قاتىناستى.
شينجياڭ حالىق سارايى ايبىندى دا دۋماندى بەينەگە شومدى، ءتوراعالار مىنبەسىندە مەملەكەت گەربى قاق ورتاسىنا ءىلىنىپ، ون قىزىل تۋ ەكى جاعىنا ءبولىنىپ قويىلدى.
ساعات 10نان 30 مينۋت وتكەندە، جينالىس ايبىندى مەملەكەت ءانى ءۇنى ىشىندە باستالدى.
ازاتتىق ارمياسىنىڭ شينجياڭعا جورىق جاساپ كىرگەن ساقا جاۋىنگەرى، رەفورما اۆانگاردى اتاعىنىڭ يەگەرى، مەملەكەتتىك قوعام حاۋىپسىزدىگى جۇيەسىندەگى قاھارمان ۇلگى، ءۇش ايماق توڭكەرىسى ۋاكىلدىك تۇلعالاردىڭ تۋىسى، مەملەكەتتىك ۇلتتار ىنتىماعى العاباسارلىعىنىڭ ۇلگىسى، مەملەكەتتىك ەڭبەك ۇلگىسى، ءمورال ۇلگىسى، تاڭداۋلى كومپارتيا مۇشەسى، حالىق رازى ۇكىمەت قىزمەتكەرى جانە شينجياڭ جاستار 4 - مامىر مەدالىنىڭ يەگەرى سياقتى 10 ۋاكىل جينالىستا ءسوز سويلەپ جانە جازباشا ءسوز سويلەپ، وزدەرىنىڭ ءتول كەشىرمەلەرىمەن ۇشتاستىرىپ، جۇڭگو كوممۋنيستىك پارتياسىنىڭ باسشىلىعىندا شينجياڭ بەيبىت ازات بولعان 70 جىلدان بەرگى وزگەشە بارىستى تەرەڭ سۇيىسپەنشىلىكپەن ەسكە الىپ، پارتياعا دەگەن العىس سەزىمدى جانە ۇلى وتاندى قىزۋ ءسۇيۋ سۇيىسپەنشىلىگىن شىنايى سەزىممەن بايانداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا جۇڭگوشا سوتسياليستىك شينجياڭ قۇرۋ بەكىمى مەن سەنىمىن تولىق ءبىلدىردى.
چىن چۋانگو سوزىندە اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس جانە شينجياڭ ءوندىرىس - قۇرىلىس بيڭتۋانى اتىنان بۇكىل رايونداعى ءار ۇلت جۇمىسشىلارىنا، ەگىنشى - مالشىلارعا، زيالىلارعا، كادرلارعا جانە ءار سالا قايراتكەرلەرىنە، شينجياڭدا تۇراتىن حالىق ازاتتىق ارمياسىنىڭ كوماندير - جاۋىنگەرلەرىنە، قارۋلى ساقشى كوماندير - جاۋىنگەرلەرىنە، قوعام حاۋىپسىزدىگى كادر - ساقشىلارىنا، ءورت ءسوندىرۋ - ورتتەن ساقتانۋ، قۇتقارۋ - كومەكتەسۋ قوسىنىنىڭ كوماندير - جاۋىنگەرلەرىنە جانە بيڭتۋاننىڭ كادرلارىنا، جۇمىسشى - قىزمەتكەرلەرىنە، ورتالىقتىڭ شينجياڭدا تۇراتىن ورىندارىنداعى كادرلارعا، جۇمىسشى - قىزمەتكەرلەرگە جانە شينجياڭعا كومەككە كەلگەن بارلىق كادرلارعا ىقىلاستى سالەم جولدادى؛ شينجياڭنىڭ بەيبىت ازات بولۋىنا وراسان زور ۇلەس قوسقان اعا بۋىن پرولەتاريات توڭكەرىسشىلەرىنە جانە ساقا قاھارماندارعا، ساقا ۇلگىلەرگە، ساقا جاۋىنگەرلەرگە، ساقا جولداستارعا وسكەلەڭ قۇرمەت ءبىلدىردى؛ شينجياڭنىڭ دامۋىنا، العا باسۋىنا كوڭىل ءبولىپ، قولداۋ كورسەتىپ كەلگەن بۇكىل ەلدەگى ءار ۇلت حالقىنا جانە شەتەلدەگى چياۋباۋ باۋىرلاستارعا، حالىقارالىق دوستارعا، شەتەل ۇيىمدارىنا شىن جۇرەكتەن العىس ايتتى.
چىن چۋانگو بىلاي دەدى: جاڭا جۇڭگو قۇرىلعان 70 جىلدان بەرى، پارتيامىز اۋەلگى ماقساتتى ۇمىتپاي، بورىشتى ەستە بەرىك ساقتاپ، بۇكىل ەلدەگى ءار ۇلت حالقىن ىنتىماقتاستىرىپ، باستاپ، ءبىر - بىرلەگەن تار جول، تايعاق كەشۋلەردى جەڭىپ، تاريحتان وشپەيتىن ءبىر - بىرلەگەن دۇنيە حيكىمەتتەرىن جاراتتى، جۇڭحۋا ۇلتى ەڭسە كوتەرۋدەن، اۋقاتتانۋدان قۇدىرەتتەنۋگە دەيىنگى ۇلى شارىقتاۋدى قارسى الدى. اسىرەسە، پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ۇزاق بولاشاققا كوز تاستاپ، جوسپار جاساپ، وراسان زور ساياسي باتىلدىقپەن جانە كۇشتى جاۋاپكەرشىلىك ارقالاۋمەن پارتيا مەن مەملەكەت ىستەرىندە تاريحي سيپاتتى جەتىستىكتەرگە قول جەتكىزۋدى، تاريحي سيپاتتى وزگەرىستەر جاراتۋدى ىلگەرىلەتىپ، جۇڭگوشا سوتسياليزم جاڭا داۋىرگە ءوتتى. 70 جىلدىق ايبىندى دامۋ ءۇردىسى، جەر - الەمدى تەبىرەنتكەن شۇعىلالى جەتىستىكتەر تەك جۇڭگو كوممۋنيستىك پارتياسى عانا جۇڭگوعا باسشىلىق ەتە الاتىندىعىن، تەك سوتسياليزم عانا جۇڭگونى قۇتقارا الاتىندىعىن، تەك رەفورما جاساۋ، ەسىك اشۋ عانا جۇڭگونى دامىتاتىندىعىن، سوتسياليزمدى دامىتاتىندىعىن، ماركسيزمدى دامىتاتىندىعىن، تەك جۇڭگوشا سوتسياليزم جولى عانا جۇڭگونى گۇلدەنۋگە، اۋقاتتانۋعا، قۇدىرەتتەنۋگە باستاي الاتىندىعىن تولىق ءتۇسىندىردى.
چىن چۋانگو بىلاي دەدى: 70 جىلدان بەرى، اسىرەسە، پارتيا 18 - قۇرىلتايىنان بەرى، جۇڭگو كوممۋنيستىك پارتياسىنىڭ پارمەندى باسشىلىعىندا، پارتيانىڭ ۇلت ساياساتىنىڭ شۇعىلاسىندا، شينجياڭداعى ءار ۇلت حالقى بىرگە ىنتىماقتاسا كۇرەس جۇرگىزدى، ورتاق گۇلدەنىپ - كوركەيدى، سوتسياليزمنىڭ سارا جولىندا ايبىندى جىر جازدى. شينجياڭ بەيبىت ازات بولعان 70 جىلدان بەرى قول جەتكىزگەن بارلىق تابىستار پارتيا ورتالىق كوميتەتىنىڭ ءمان بەرىپ، كوڭىل بولگەندىگىنە، بار كۇشپەن قولداپ - قۋاتتاعاندىعىنا ءتان، پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنا، ىقىلاستى قامقورلىعىنا، جوسپار جاساعاندىعىنا ءتان، بۇكىل ەلدەگى ءار ۇلت حالقىنىڭ، شينجياڭعا باعىتتامالى كومەكتەسكەن ولكە، قالالاردىڭ، ورتالىق جانە مەملەكەت ورگاندارىنىڭ، ورتالىققا قاراستى كاسىپورىنداردىڭ جانە ورتالىقتىڭ شينجياڭدا تۇراتىن ورىندارىنىڭ قالتقىسىز كومەگىنە، بار پەيىلىمەن كورسەتكەن كومەگىنە ءتان، شينجياڭداعى ءار ۇلت كادرلارى مەن بۇقارانىڭ ءبىر جاعادان باس، ءبىر جەڭنەن قول شىعارا قۇلشىنۋىنا، ىنتىماقتاسا كۇرەس جاساۋىنا ءتان. اماليات مىنانى تولىق دالەلدەدى: جۇڭگو كوممۋنيستىك پارتياسى بولماسا، جاڭا جۇڭگو بولماق ەمەس، سوتسياليستىك شينجياڭ بولماق ەمەس، شينجياڭداعى ءار ۇلت حالقىنىڭ بۇگىنگى باقىتتى دا تاماشا جاڭا تۇرمىسى بولماق ەمەس؛ ءبىز تەك ەش مىزعىماستان جۇڭگو كوممۋنيستىك پارتياسىنىڭ باسشىلىعىنا تاباندى بولىپ، جۇڭگوشا سوتسياليزم جولىمەن مىزعىماي جۇرسەك بولعانى، ۇدەرە العا تارتاتىن، الماس قامالى جوق قۇدىرەتتى كۇش قالىپتاستىرىپ، كورىكتى شينجياڭ قۇرۋدىڭ، وتان ارمانىن بىرگە ورىنداۋدىڭ شىت جاڭا تاراۋىن جازا الامىز.
چىن چۋانگو بىلاي دەپ اتاپ كورسەتتى: جاڭا داۋىرگە وتكەندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسى ۇلى تۋىن بيىك ۇستاپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، شينجياڭدى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جەتەكشى، ەكونوميكانى دامىتۋدى جانە حالىق تۇرمىسىن جاقسارتۋدى نەگىز، وتاننىڭ تۇتاستىعىن قورعاۋدى، ۇلتتار ىنتىماعىن جەبەۋ سياقتىلاردى ءتۇيىن ەتىپ، شينجياڭدى زاڭمەن جونگە سالۋدان، شينجياڭدى ىنتىماقتاسا ورنىقتىرۋدان، شينجياڭدى باياندى كوركەيتۋدەن جازباي، ادال، بەكەم، جاۋاپكەرشىلىك ارقالاۋعا باتىل بولىپ، ءبىر نيەتپەن ىنتىماقتاسىپ، قاجىرلىلىقپەن كۇرەس جاساپ، جۇڭگوشا سوتسياليستىك شينجياڭ قۇرۋ ءۇشىن تالىقپاي كۇرەس جۇرگىزۋ كەرەك. جاڭا داۋىردە ەكپىندەي ىلگەرىلەپ، ءبىز قوعامنىڭ جاراسىمدىلىعى مەن ورنىقتىلىعىن مىزعىماي قورعاپ، ەكونوميكانىڭ جوعارى ساپالى دامۋىن ىلگەرىلەتىپ، حالىق تۇرمىسىن قامتاماسىزداندىرىپ جانە جاقسارتىپ، كەدەيلىكتەن ارىلتۋدان قامال الۋ شايقاسىندا جەڭىسكە جەتىپ، ۇلتتار ىنتىماعىن بەكەمدەپ جانە دامىتىپ، ءدىن تاتۋلىعىن، جاراسىمدىلىعىن جەبەپ، جۇڭگوشا سوتسياليستىك مادەنيەتتى دامىتىپ، ەكولوگيالىق وركەنيەت قۇرىلىسىن كۇشەيتىپ، بيڭتۋاننىڭ رەفورما جاساۋىن، دامۋىن، ورنىقتىلىعىن قولداپ، پارتيانى جاپپاي قاتاڭ جونگە سالۋدى تياناقتاندىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا ويداعىداي جازىپ شىعۋىمىز كەرەك.
ۇسىنىس بويىنشا جينالىسقا قاتىناسقانداردان تاعى: اۆتونوميالى رايونداعى، شينجياڭ اسكەري رايونىنداعى، بيڭتۋانداعى ولكە - جۇن دارەجەلى پەنسياعا، زەينەتكە شىققان ساقا جولداستاردىڭ ۋاكىلدەرى، ازاتتىق ارمياسىنىڭ شينجياڭعا جورىق جاساپ كىرگەن ساقا جاۋىنگەرلەرىنىڭ ۋاكىلدەرى، بيڭتۋانداعى ساقا جاۋىنگەرلەردىڭ ۋاكىلدەرى، شينجياڭنىڭ بەيبىت ازات بولۋىنداعى ۋاكىلدىك تۇلعالاردىڭ تۋىس - تۋعاندارىنىڭ ۋاكىلدەرى، ساقا جولداستاردىڭ تۋىس - تۋعاندارىنىڭ ۋاكىلدەرى بار.
اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، بيڭتۋاننىڭ باسشىلىق القاسىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ، قارۋلى ساقشى شينجياڭ باس اترەتىنىڭ نەگىزگى جاۋاپتى جولداستارى؛ ءبىر ءبولىم پارتيا 19 - قۇرىلتايىنىڭ ۋاكىلدەرى، مەملەكەتتىك حالىق قۇرىلتايىنىڭ ۋاكىلدەرى، مەملەكەتتىك ساياسي كەڭەستىڭ مۇشەلەرى، اۆتونوميالى رايوندىق حالىق قۇرىلتايى تۇراقتى كوميتەتىنىڭ مۇشەلەرى، اۆتونوميالى رايوندىق ساياسي كەڭەستىڭ تۇراقتى مۇشەلەرى؛ اۆتونوميالى رايونعا (ورتالىققا) توتە قاراستى ورىنداردىڭ جانە بيڭتۋان ورگانىنىڭ ءارقايسى تاراۋلارىنىڭ نەگىزگى جاۋاپتى جولداستارى؛ ازاتتىق ارميانىڭ ۇرىمجىدە تۇراتىن ءبولىمىنىڭ ۋاكىلدەرى، ۇزدىك ۇلگىلەردىڭ ۋاكىلدەرى، ءارقايسى دەموكراتيالىق پارتيا - توپتاردىڭ شينجياڭ رايوندىق كوميتەتىنىڭ، اۆتونوميالى رايوندىق ساۋدا - ونەركاسىپشىلەر بىرلەستىگىنىڭ، پارتيادا، توپتا جوق قايراتكەرلەردىڭ ۋاكىلدەرى، وتانشىل ءدىني قايراتكەرلەردىڭ ۋاكىلدەرى، ۇرىمجىدە تۇراتىن شياڭگاڭدىق، اۋمىندىق جاستاردىڭ ۋاكىلدەرى، قوعام حاۋىپسىزدىگى كادر - ساقشىلارىنىڭ ۋاكىلدەرى، جاستار مەن ءوسپىرىم وقۋشىلاردىڭ ۋاكىلدەرى، ءار ۇلت كادرلارى مەن بۇقارانىڭ ۋاكىلدەرى قاتارلىلار جينالىسقا قاتىناستى.
