تيانشان تورى   ›   جاڭالىقتار   ›   ەل ءىشى حابارى

ءور اسۋدى دەمە بەينە قۇرىش قامال سوعىلعان

حالىق گازەتى ”جارناما“نىڭ اۆتورلى ماقالاسىن جاريالادى

ءور اسۋدى دەمە بەينە قۇرىش قامال سوعىلعان

  شينحۋا اگەنتتىگىنىڭ 9 - ايدىڭ 25 - كۇنى بەيجيڭنەن بەرگەن حابارى. 9 - ايدىڭ 26 - كۇنى باسپادان شىققان حالىق گازەتى ”جارناما“نىڭ اۆتورلى ماقالاسى «ءور اسۋدى دەمە بەينە قۇرىش قامال سوعىلعان»دى جاريالادى.

  ماقالادا بىلاي دەلىندى: 2019 - جىل جاڭا باستالعان كەزدە، باس شۋجي شي جينپيڭ جۇڭگونىڭ شۇعىلالى تاريحىنا قايرىلا قاراپ مىنالاردى اتاپ كورسەتتى: ”70 جىل تار جول، تايعاق كەشۋدەن ءوتىپ، 70 جىل قيىن - قىستاۋ كەزدەردى وتكەردىك“. ”باسىپ وتكەن جولىندا، جۇڭگو حالقى ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزىپ، كۇللى الەمدى جالت قاراتقان جۇڭگو كەرەمەتتەرىن جاراتتى“. تاريحتىڭ ءولاراسىندا تۇرىپ، تەرەڭ سۇيىسپەنشىلىكپەن قايرىلا قاراۋ، ۇلى تاريحي بارىسقا دەگەن شەكسىز قاستەرلى سەزىمدى ۇيىستىرىپ، ۇلى ىستەرگە دەگەن اسقاق جىگەردى تاسقىنداتىپ، ادامدارعا شابىت سيلاپ، بولاشاققا دەگەن ءۇمىت - تىلەكتى ايگىلەيدى.

  ماقالادا مىنالار اتاپ كورسەتىلدى: 70 جىلدان بەرى، جۇڭگو تەرەڭ تۇڭعيىقتان ەڭسە كوتەرۋ، بىرىنشىدەن كەدەي، ەكىنشىدەن اق كۇيدەن قايراتتانا ۇمتىلۋ، ”جەر شارى نوپوسىنان قۋالاندى“ بولۋدىڭ جيەگىندە كۇرەس جۇرگىزۋ بارىسىندا، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى. جۇڭحۋا ۇلتىنىڭ دامۋ تاريحىنا، جۇڭگو كوممۋنيستىك پارتياسىنىڭ كۇرەس تاريحىنا، سوتسياليستىك جۇڭگونىڭ شارۋاشىلىق قۇرۋ تاريحىنا قايىرىلا قاراساق، ءبىز قىزىل بيلىكتىڭ وڭاي - وسپاق قولعا كەلمەگەندىگىن، جاڭا جۇڭگونىڭ وڭاي - وسپاق قولعا كەلمەگەندىگىن، جۇڭگوشا سوتسياليزمنىڭ وڭاي - وسپاق قولعا كەلمەگەندىگىن اناعۇرلىم سەزىنەمىز.

  ماقالادا مىنالار اتاپ كورسەتىلدى: ءور اسۋدى دەمە بەينە قۇرىش قامال سوعىلعان، ءور اسۋدان ءوتۋ، ءدال وسىلاي بىزدە قۇرىشتان دا بەرىك رۋح بولعاندىعى سەبەپتى، حالىق ەڭبەكشىل قوس قولىمەن رەسپۋبليكانىڭ تاريحىن جاراتتى، حالىق شىمىر بىلەگىمەن رەسپۋبليكانىڭ اتاق - داڭقىن بيىك كوتەردى؛ ءور اسۋدان ءوتۋ، ءدال وسىلاي بىزدە مۇراتتان اينىمايتىن، جولدان تايمايتىن تاباندىلىق بولعاندىعى سەبەپتى، ماركسيزمنىڭ جالپىعا بىردەي اقيقاتىن جۇڭگونىڭ ناقتى ءىس جۇزىندىگىمەن ۇشتاستىرۋعا تاباندى بولىپ، ۇزدىكسىز جاڭا نازاريا جاراتىپ، جاڭا تاراۋلار جازدىق؛ ءور اسۋدان ءوتۋ، ءدال وسىلاي بىزدە قالتقىسىز، قايسار جول باستاۋشىمىز بولعاندىعى سەبەپتى، جۇڭگو كوممۋنيستىك پارتياسى مىزعىماس مۇرات - سەنىممەن، ماتەرياليستىك ديالەكتيكالىق عىلمي رۋحپەن، مەنەن باسقا كىم بار دەيتىن بورىشتىلىقپەن، جاۋاپكەرشىلىكپەن جۇڭگو توڭكەرىسىنە، قۇرىلىسىنا، رەفورماسىنا باسشىلىق ەتىپ جانە ونى ىلگەرىلەتىپ، 100 ميلليونداعان حالىقتى باستاپ اسۋلاردان اسىپ، قامالداردى تالقان ەتىپ، جەڭىستەن - جەڭىسكە قول جەتكىزدى.

  ماقالادا مىنالار باسا دارىپتەلدى: 70 جىلدىڭ نۇر - شۇعىلاسى جۇڭگونىڭ تاياۋ زامانعى تاريحى جونىنەن العاندا ءبىر لەپ بەلگىسى، ۇلتتىڭ گۇلدەنۋى ۇلى ءىسى جونىنەن العاندا، ءبىر ءۇتىر بەلگىسى. ءور اسۋدى دەمە بەينە قۇرىش قامال سوعىلعان، بۇگىن ارشىن ادىممەنەن قايتا اتتايمىز باسىنان. قۇرىش قامال قۇرىشتاي سەنىمگە، قۇرىشتاي ەرىك - جىگەرگە جەتپەيدى؛ باسىنان قايتا اتتاۋ بارىسىندا، كوگىلدىر تاۋ كوك شۇلان تەڭىزدى شەكسىز كوركەم كورىنىستى كورەمىز.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جاڭا قىستاقتىڭ جاڭا كەلبەتى
  • كەمەنى بالىققا تولتىرىپ، مول ونىممەن ورالدى
  • جاڭا ۇيگە كوشتى جاڭا تۇرمىس كەشىردى