داۋىلدا جەلكەن كوتەرىپ، اساۋ تولقىن جاراتىن ءسات
شينحۋا اگەنتتىگىنىڭ 9 - ايدىڭ 27 - كۇنى بەيجيڭنەن بەرگەن حابارى. 9 - ايدىڭ 28 - كۇنى باسپادان شىققان حالىق گازەتىندە ”جارناما“ اتتى جەلىلەس اۆتورلى ماقالانىڭ 3 - ءبولىمى «داۋىلدا جەلكەن كوتەرىپ، اساۋ تولقىن جاراتىن ءسات» جاريالاندى.
ماقالادا بىلاي دەلىندى: قۇلاشىن كەڭگە سەرمەگەن 70 جىلعا قوش ايتىپ، ۇلتتىڭ ۇلى گۇلدەنۋى سىندى جۇڭگو ارمانىن ارقالاعان تاعى ءبىر 70 جىلعا نازار سالا وتىرىپ، باس شۋجي شي جينپيڭ سەنىمدى دە باتىل ءسوز سويلەدى، ”جاڭا ساپاردا قانداي قيىن - قىستاۋ كەزەڭگە، داۋىلدى تولقىندارعا جولىقساق تا بارلىعىندا، ءسوزسىز، حالىققا بەرىك سۇيەنۋىمىز، ءوز كۇشىنە سۇيەنىپ ءومىر سۇرۋگە، قاجىرلىلىقپەن كۇرەس جۇرگىزۋگە تاباندى بولىپ، بولاتتاي بەرىك سەنىم، ۋاقىتپەن جارىساتىن ارىن، قايىسپايتىن قايسارلىق ارقىلى بۇرىنعىلار ىستەپ كورمەگەن ۇلى ءىستى نىق قاداممەن العا ىلگەرىلەتە الامىز“.
ماقالادا بىلاي دەپ اتاپ كورسەتىلدى: مىڭ ماشاقاتتى باستان وتكەرگەن جۇڭحۋا ۇلتىندا قيىنشىلىق اتاۋلىمەن سوڭىنا دەيىن كۇرەسەتىن جىگەر، ءوز كۇشىنە سۇيەنىپ ءومىر ءسۇرىپ، قايتا گۇلدەنتەتىن بەرىك بەكىم، دۇنيە جۇزىندەگى ۇلتتار قاتارىندا قاسقايىپ تۇراتىن سەنىم بار. ول سونشاما كوپ ارمان ارقالاپ، سونشاما كوپ ەنەرگيا توپتاعان، بوگەۋ بەرمەس جويقىن كۇش بارىنشا تاسقىنداپ، ەمىن - ەركىن ىسكە قوسىلۋدا.
ماقالادا بىلاي دەپ ۇندەۋ تاستالدى: ءار ۇرپاقتىڭ وزىنە ءتان بورىشى بار، ءار ۇرپاقتىڭ وزىنە ءتان ۇزاق جورىعى بار. ”قوس 100 جىلدىق“ كۇرەس نىساناسىن جۇزەگە اسىرۋدا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا، جاڭا ۇزاق جورىقتاعى جاڭا بورىش قازىرگى ءبىزدىڭ بۋىنعا تاريحي تۇردە جۇكتەلگەن. جۇڭگونىڭ بايتاق دالاسىندا تامىر تارتىپ، ءاربىر كۇندى بوسقا جىبەرمەسەك قانا، كوركەم بولاشاق جاساي الامىز. كۇرەس رۋحىن ساۋلەلەندىرىپ، كۇرەس قابىلەتىن شىڭداپ، قاجىرلىلىقپەن كۇرەس جۇرگىزۋ، قايسارلىقپەن كۇرەس جۇرگىزۋ، ماڭگى كۇرەس جۇرگىزۋ رۋحىن ساقتاعاندا عانا، كەدەرگىلەردەن ءوتىپ، تولقىن جارا الامىز.
