− پارتيا ورتالىق كوميتەتى، ورتالىق اسكەري ىستەر كوميتەتى مەملەكەت قورعانىسى مەن ارميا قۇرىلىسىنا باسشىلىق ەتكەن، ىلگەرىلەتكەن 70 جىلداعى ەستەلىكتەر
شينحۋا اگەنتتىگىنىڭ تىلشىلەرى
ايبىندى دا دابىرالى 70 جىل، 70 جىلدىق بوران - شاشىندى ساپار. پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ پارمەندى باسشىلىعىندا، قاھارمان حالىق ارمياسى جۇڭحۋا ۇلتىنىڭ ەڭسە كوتەرۋدەن بايۋعا، قۇدىرەتتەنۋگە دەيىنگى ۇلى شارىقتاۋ ۇدەرىسىندە تالاي - تالاي قيىندىقتاردى باستان وتكەرىپ، وراسان زور قۇرباندىقتار بەرىپ، وشپەس تاريحي ەڭبەكتەر ءسىڭىردى −
سوتسياليستىك توڭكەرىس پەن قۇرىلىسقا بەلسەنە ات سالىسىپ، وتاندى قورعاۋ، حالىقتىڭ بەيبىت ەڭبەگىن قورعاۋ فۋنكتسياسىن جاپپاي وتەپ، جاڭا ومىرگە كەلگەن حالىق بيلىگىن بەكەمدەۋگە، جۇڭگونىڭ ءىرى ەلدىك ورنىن قالىپتاستىرۋعا، جۇڭحۋا ۇلتىنىڭ ار - نامىسىن قورعاۋعا پارمەندى سۇيەنىش بولدى؛ رەفورما جاساۋدىڭ، ەسىك اشۋدىڭ جاڭا ۇلى توڭكەرىسىنە ات سالىسىپ، مەملەكەتتىڭ رەفورما، دامۋ، ورنىقتىلىق كەلەلى جاعدايىنا پارمەندى قىزمەت وتەپ جانە ونى قامتاماسىز ەتىپ، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمىن قورعاۋعا، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋعا، ەلىمىزدىڭ دامۋىنىڭ ماڭىزدى ستراتەگيالىق وراي مەزگىلىن قورعاۋعا، ءوڭىر مەن دۇنيە ءجۇزىنىڭ بەيبىتشىلىگىن قورعاۋعا قۋاتتى كۇش پەن تىرەك بولدى.
70 جىل جاپالى ىزدەنىس جاساپ، 70 جىل قاجىماي - تالماي كۇرەس جۇرگىزدى. پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ پارمەندى باسشىلىعىندا، قاھارمان حالىق ارمياسى جۇڭحۋا حالىق رەسپۋبليكاسىنىڭ وسىزاماندانۋعا بەت العان تاريحي قادامىنا ىلەسە كۇرەس بارىسىندا جەتىلىپ، مۇراگەرلىك ەتۋ بارىسىندا جاڭالىق اشىپ، قۇرىلىس جۇرگىزۋ بارىسىندا دامىپ، تاريحي شارىقتاۋدى جۇزەگە اسىردى −
توڭكەرىستەنۋ، وسىزاماندانۋ، جۇيەلىلەنۋ دەڭگەيى ۇزدىكسىز جوعارىلاپ، ايبىنى مەن ناقتى سوعىس قابىلەتى ۇزدىكسىز كۇشەيىپ، وتكەندەگى جالاڭ ارميا تۇرىندەگى ارميادان دامىپ، كوپتەگەن ارميا - اسكەر ءتۇرى بىرلەسكەن قۇدىرەتتى ارمياعا اينالىپ، وتكەندەگى ”سوك پەن مىلتىق“ ارقىلى قارۋلانعان ارميادان دامىپ، ماشينالاسۋدى نەگىزىنەن جۇزەگە اسىرعان، ينفورماتسيالانۋعا قاراي جەدەل قادام تاستاعان قۇدىرەتتى ارمياعا اينالىپ، ارميانى قۇدىرەتتەندىرۋدىڭ جۇڭگوشا جولىمەن ءجۇرىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋعا، حالىق ارمياسىن جاپپاي دۇنيە جۇزىندەگى بىرەگەي ارميا ەتىپ قۇرىپ شىعۋعا قاراي ارشىندى قادام تاستاۋدا.
ءداۋىر اعىسى تولاسسىز جوڭكىلۋدە. پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ پارمەندى باسشىلىعىندا قاھارمان حالىق ارمياسى، ءسوز جوق، جەڭىستەن تىڭ جەڭىسكە جەتە بەرەدى.
(شينحۋا اگەنتتىگىنىڭ 9 - ايدىڭ 28 - كۇنى بەيجيڭنەن بەرگەن حابارى)
