تيانشان تورى
تيانشان تورى   ›   ۇيرەنۋ   ›   شولۋ

ءار ۇلت كوركەم مەكەندى بىرگە قۇرىپ، كوركەم بولاشاقتى بىرگە جاراتايىق

− باس شۋجي شي جينپيڭنىڭ مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ - سيلاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

حالىق گازەتىنىڭ شولۋشىسى

  ”ءار ۇلت حالقىنىڭ كوركەم بولاشاقتى بىرگە جاراتۋىنا، جۇڭحۋا ۇلتىنىڭ جاڭا داڭقى مەن ارمانىنان تەڭ يگىلىكتەنۋىنە مۇمكىندىك جاسايىق“. مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ - سيلاۋ جينالىسىندا باس شۋجي شي جينپيڭ قازىر ەلىمىزدىڭ ۇلت قىزمەتى ءدوپ كەلگەن جاعدايعا جان - جاقتى تالداۋ جاساپ، جاڭا داۋىردە ۇلتتار ىنتىماعى، العاباسارلىعى ىستەرىن ىلگەرىلەتۋدىڭ جالپى تۇلعالىق تالابى مەن قىزمەت ءتۇيىنىن ايقىن العا قويىپ، ءار ۇلتتىڭ كورىكتى مەكەندى بىرگە قۇرعان، كوركەم بولاشاقتى بىرگە جاراتقان كەڭ تىنىستى اسەم سۋرەتىن سالىپ، جاڭا جاعدايدا ۇلت قىزمەتىن جاقسى ىستەۋگە ايقىن قۇلشىنۋ بەتالىسىن نۇسقاپ، ءتۇبىرلى بويسۇنۋ ولشەمىن ازىرلەدى.

  جۇڭگوشا سوتسياليزم جاڭا داۋىرگە ءوتتى، جۇڭحۋا ۇلتى تاريحتاعى ەڭ تاماشا دامۋ مەزگىلىن قارسى الدى. سونىمەن بىرگە، بۇگىنگى تاڭدا دۇنيە ءجۇزى 100 جىلدا بولماعان ۇلكەن وزگەرىستى باستان وتكەرۋدە، ەل ءىشى - سىرتى اۋقىمى قىم - قۋىت تا كۇردەلى. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءار ۇلتتىڭ قول ۇستاسا، تىزە قوسا وتىرىپ، بىرگە قۇلشىنا كۇرەسۋىن قاجەت ەتەدى. تەك جۇڭحۋا ۇلتى ورتاق تۇلعا تانىمىن مىقتاپ ورناتۋدى نەگىزگى جەلى ەتىپ، پارتيانىڭ ۇلت نازارياسى مەن ۇلت ساياساتىن جاپپاي دايەكتىلەندىرىپ، بىرگە ىنتىماقتاسا كۇرەس جۇرگىزۋگە، بىرگە گۇلدەنىپ دامۋعا تاباندى بولىپ، ۇلتتار ىنتىماعى، العاباسارلىعى ىستەرىن نەگىزدىك ءىس رەتىندە مىقتى ۇستاپ، ويداعىداي يگەرىپ، ءار ۇلتتىڭ اناردىڭ دانىندەي تىعىز ۇيىسۋىن جەبەپ، جۇڭحۋا ۇلتىنىڭ سيىسىمدىلىعى اناعۇرلىم كۇشتى، ۇيىسۋ قۋاتى اناعۇرلىم زور تاعدىرلاس ورتاق تۇلعاعا قاراي بەت الۋىن ىلگەرىلەتكەندە عانا، ۇلتتىڭ گۇلدەنۋىن جۇزەگە اسىراتىن جويقىن كۇش ۇيىستىرىپ، 100 ميلليونداعان حالىقتىڭ ۇلى ارمانىن شۇعىلالى رەالدىققا اينالدىرا الامىز.

  كورىكتى مەكەندى بىرگە قۇرىپ، كوركەم بولاشاقتى بىرگە جاراتۋدا باس شۋجي شي جينپيڭنىڭ ماڭىزدى سوزدەرىنىڭ رۋحىن مۇقيات ۇيرەنۋ، ءتۇسىنۋ كەرەك. جينالىستا باس شۋجي شي جينپيڭ بىلاي دەپ ايقىن العا قويدى: پارتيانىڭ باسشىلىعىنا تاباندى بولىپ، ءار ۇلت حالقىن جۇڭگوشا سوتسياليزم جولىمەن تاباندىلىقپەن جۇرۋگە ىنتىماقتاستىرۋ، باستاۋ؛ ءار ۇلت حالقىنىڭ تاماشا تۇرمىسقا دەگەن تالپىنىسىن كۇرەس نىساناسى ەتىپ، از ۇلتتار مەن از ۇلت وڭىرلەرىنىڭ بۇكىل ەلمەن بىرگە جاپپاي دوڭگەلەك داۋلەتتىلىكتى جانە وسىزاماندانۋدى جۇزەگە اسىرۋىنا شىنايى كەپىلدىك ەتۋ؛ سوتسياليستىك وزەكتى قۇن كوزقاراسىن جەتەكشى ەتىپ، ۇلتتاردىڭ ورتاق رۋحاني مەكەنىن قۇرۋ؛ جۇڭحۋا ۇلتىنىڭ ۇلى ىنتىماعى تۋىن بيىك ۇستاپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ؛ ۇلت ىستەرىن زاڭ بويىنشا جونگە سالىپ، ءار ۇلت ازاماتتارىنىڭ زاڭ الدىندا تۇگەلدەي تەڭ بولۋىنا شىنايى كەپىلدىك ەتۋ كەرەك. بۇل 5 تالاپ اسا كۇشتى يدەيالىلىق سيپات، باعىتتامالىلىق سيپات، جەتەكشىلىك سيپات الادى. جەر - جەر، تاراۋلار باس شۋجي شي جينپيڭنىڭ ماڭىزدى ءسوزىنىڭ رۋحاني ءمانى مەن باي مازمۇنىن ىشكەرىلەي ءتۇسىنۋى، تەرەڭ يگەرۋى، جاڭا جاعدايدا ۇلت قىزمەتىن ويداعىداي ىستەۋدەگى سانالىلىق پەن تاباندىلىقتى ۇزدىكسىز كۇشەيتۋى كەرەك.

  كورىكتى مەكەندى بىرگە قۇرىپ، كوركەم بولاشاقتى بىرگە جاراتۋدا، ءىس جۇزىندىكپەن بىرلەستىرىپ پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتى تياناقتاندىرۋ كەرەك. اماليات مىنانى دالەلدەدى: تەك جۇڭگو كوممۋنيستىك پارتياسى عانا جۇڭحۋا ۇلتىنىڭ ۇلى ىنتىماعىن جۇزەگە اسىرا الادى، تەك جۇڭگوشا سوتسياليزم عانا ءار ۇلتتى ۇيىستىرا الادى، ءار ۇلتتى دامىتا الادى، ءار ۇلتتى گۇلدەندىرە الادى. ءبىز ءار ۇلت كادر - بۇقاراسىنىڭ يدەياسى مەن ارەكەتىن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، ءار ۇلت بۇقاراسىنىڭ ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋىن ۇزدىكسىز كۇشەيتۋىمىز كەرەك؛ از ۇلتتار مەن از ۇلت وڭىرلەرىنىڭ دامۋىن تەزدەتىپ، رەفورمانىڭ، دامۋدىڭ تابىستارىمەن ءار ۇلت حالقىن اناعۇرلىم كوپ، اناعۇرلىم ءادىل يگىلىكتەندىرىپ، ءار ۇلت حالقىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋىمىز كەرەك؛ سوتسياليستىك وزەكتى قۇن كوزقاراسىن جەتەكشى ەتىپ، ءار ۇلت تەڭ يگىلىكتەنەتىن جۇڭحۋانىڭ مادەنيەت بەلگىسى مەن جۇڭحۋا ۇلتى وبرازىن ورناتىپ جانە كورنەكتىلەندىرىپ، ءار ۇلت بۇقاراسىنىڭ جۇڭحۋا مادەنيەتىن شىنايى مويىنداۋىن كۇشەيتۋىمىز كەرەك؛ ەلىمىزدە ۇلتتار جان سانى ورنالاسۋ جاعدايىنىڭ ۇزدىكسىز تەرەڭدەۋى اۋقىمىنا ۇيلەسىپ، ءوزارا كىرىككەن قوعامدىق قۇرىلىمدى ورناتۋعا ءتيىمدى ساياسات - شارالاردى جانە ءتۇزىلىس - مەحانيزمدەردى شىعارىپ، از ۇلتتاردىڭ جىلجىمالى جان سانىنا قىزمەت وتەۋ، باسقارۋ جۇيەسىن كەمەلدەندىرىپ، ۇلتتار ىنتىماعى، العاباسارلىعىندا وزات ورىن قۇرۋدى جاپپاي، ىشكەرىلەي ۇزدىكسىز ورىستەتۋىمىز كەرەك؛ ۇلتتىق وڭىرلىك اۆتونوميا زاڭىن جاپپاي دايەكتىلەندىرىپ، تياناقتاندىرىپ، ۇلت قىزمەتىنىڭ زاڭ، زاڭ ەرەجە جۇيەسىن اقاۋسىزداندىرىپ، ءار ۇلتتىڭ زاڭدىق ۇقىق - مۇددەسىن زاڭ بويىنشا قامتاماسىزداندىرۋىمىز كەرەك.

  جۇڭگو ارمانى حالىقتىڭ ارمانى، 56 ۇلتتىڭ ورتاق ارمانى. ءار ۇلت حالقىنىڭ ءبىر ءۇيلى جانداي بەرەكەلى بولۋى جۇڭحۋا ۇلتىنىڭ ۇلى گۇلدەنۋىنىڭ، ءسوزسىز، جۇزەگە اسۋىنىڭ ءتۇبىرلى كەپىلى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭحۋا ۇلتىنىڭ ءبىر ءۇيلى جانداي ەتەنە بولۋىنا، ءبىر نيەتپەن جۇڭگو ارمانىن بىرگە سومداۋعا تاباندى بولىپ، بارلىق جۇڭحۋا ۇلاندارىنىڭ اقىل - پاراساتى مەن كۇش - قۋاتىن ۇيىستىرعاندا عانا، ءبىز، ءسوزسىز، جاڭا داۋىردەگى ۇزاق جورىقتىڭ جولىن ويداعىداي باسىپ، جۇڭحۋا ۇلتىنىڭ ءتىپتى دە شۇعىلالى بولاشاعىن جاراتا الامىز.

  (شينحۋا اگەنتتىگىنىڭ 9 - ايدىڭ 29 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.