تيانشان تورى   ›   جاڭالىقتار   ›   ماڭىزدى حابارلار

مەملەكەت وردەنىمەن جانە مەملەكەت داڭق اتاعىمەن ماراپاتتاۋ سالتىندا سويلەنگەن ءسوز

(2019 - جىلى 9 - ايدىڭ 29 - كۇنى)

شي جينپيڭ

  جولداستار، دوستار:

  بۇگىن بۇكىل ەلدەگى ءار ۇلت حالقى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن بىرگە قۇتتىقتاۋ قارساڭىندا، ءبىز وسى جەردە سالتاناتتى سالت وتكىزىپ، مەملەكەتتىڭ ەڭ جوعارى داڭقىن مەملەكەت قۇرىلىسى مەن دامۋىندا ەرەن ەڭبەك كورسەتكەن ەگەي قايراتكەرلەرگە جانە جۇڭگو مەن شەتەلدىڭ اۋىس - كۇيىسىن، سەلبەستىگىن جەبەۋدە ۇزدىك ۇلەس قوسقان حالىقارالىق دوستارعا تارتۋ ەتەمىز.

  ەڭ الدىمەن، مەن پارتيا ورتالىق كوميتەتى، مەملەكەتتىك حالىق قۇرىلتايى، مەملەكەتتىك كەڭەس جانە ورتالىق اسكەري ىستەر كوميتەتى اتىنان، بۇگىن ”رەسپۋبليكا وردەنى“نە جانە مەملەكەت داڭق اتاعىنا يە بولعان قاھارمان ۇلگىلەردى، ”دوستىق وردەنى“نە يە بولعان حالىقارالىق دوستاردى قىزۋ قۇتتىقتايمىن! وسكەلەڭ قۇرمەت بىلدىرەمىن!

  بۇگىن ماداقتالىپ سيلانعان مەملەكەت وردەنى مەن مەملەكەت داڭق اتاعىنىڭ يەگەرلەرى پارتيا مەن حالىقتىڭ ءىسى ءۇشىن ۇلەس قوسقان سان - ساناقسىز ەگەي قايراتكەرلەردىڭ ۋاكىلدەرى. ولاردىڭ تۇلا بويىنان جۇڭحۋا ۇلتىنىڭ رۋحى جانە سوتسياليستىك وزەكتى قۇن كوزقاراسى جاندى تۇردە ايگىلەندى، ولاردىڭ ىزگى ىستەرى مەن ۇلەستەرى رەسپۋبليكانىڭ تاريحىنا ماڭگى جازىلادى!

  قاھارماندى قادىرلەگەندە عانا، قاھارماندار شىعادى، قاھارمان بولۋعا تالپىنعاندا عانا، قاھارماندار تولاسسىز جارىققا شىعادى. پارتيا مەن مەملەكەت ەجەلدەن قاھارمان ۇلگىلەردى ماداقتاپ سيلاۋعاۋ ايرىقشا ءمان بەرىپ كەلەدى. بۇگىن ءبىزدىڭ ەڭ جوعارى مارتەبەمەن قاھارمان ۇلگىلەردى ماداقتاپ - سيلاۋىمىزدىڭ ماقساتى دا ولاردىڭ بويىندا ايگىلەنگەن ادالدىق، تاباندىلىق، قاراپايىمدىلىق سىندى ايقىن قاسيەتتەردى اسقاقتاتۋ بولىپ تابىلادى.

  − ادالدىق، قاھارمان ۇلگىلەردىڭ بارلىعىنىڭ پارتيا مەن حالىقتىڭ ىستەرى ءۇشىن العا قويعان ماقساتتان تايماي، قانشاما ساتسىزدىككە جولىقسا دا العان بەتىنەن قايتپاي، بۇكىل ىنتا - پەيىلىمەن حالىق ءۇشىن ىستەيتىن مۇرات - سەنىمنەن جازباي، جۇڭگو حالقىن باقىتقا كەنەلتۋ، جۇڭحۋا ۇلتىنىڭ گۇلدەنۋىن جۇزەگە اسىرۋ سىندى اۋەلگى ماقساتتان، بورىشتان جازباي، ومىرلىك قۇلشىنىستارىمەن جەر - الەمدى اسەرلەندىرگەن قاھارماندىق ەرلىك جىرىن جازىپ قالدىرۋى بولىپ تابىلادى.

  − تاباندىلىق، قاھارمان ۇلگىلەردىڭ بارلىعىنىڭ پارتيا مەن حالىق ەڭ قاجەت ەتەتىن جەردە اتوي سالىپ، شەپ بۇزىپ، قايسارلىقپەن ايانباي كۇرەسىپ، نەشە ون جىلدى ءبىر كۇنگىدەي وتكىزىپ دەن قويا ىستەپ، مەملەكەت ءۇشىن، حالىق ءۇشىن ۇلەس قوسامىن دەگەن مۇرات - ماقساتىنان استە اۋىتقىماعاندىعى، ىسىنە تاباندى بولۋدا ەش وكىنبەگەندىگى، ۇلتتىڭ گۇلدەنۋى ءۇشىن ايانباي كۇرەس جۇرگىزەتىن ادال نيەتىن قاشاندا وزگەرتپەگەندىگى بولىپ تابىلادى.

  − قاراپايىمدىلىق، قاھارمان ۇلگىلەردىڭ بارلىعىنىڭ جاي قىزمەت ورنىندا ءوزىن ۇمىتا قىزمەت ىستەپ، قالتقىسىز ۇلەس قوسىپ، جەكە باسىنىڭ پايدا - زيانىمەن ەسەپتەسپەي، ۇلكەن وتباسى ءۇشىن كىشكەنە وتباسىن ارناعاندىعى، ەڭبەك ماعان جازىلماسا دا بولادى، ەڭبەك كورسەتۋدە مەن بولماسام بولمايدى دەيتىن اسقاق رۋحتا بولعاندىعى بولىپ تابىلادى، ولاردىڭ ىشىندەگى كوپتەگەن جولداستار اتى - ءجونىن جاسىرىپ كۇللى دۇنيەنى ءدۇر سىلكىنتكەن ىستەردى ىستەگەندەردىڭ تيپتەرى بولىپ، ولار وزىمەن مۇلدە ساناسپايتىن ءبىر ءتۇرلى ۇلى دەڭگەيىن ايگىلەدى.

  قاھارمان ۇلگىلەر ءوز ارەكەتتەرىمەن ۇلىلىقتىڭ قاراپايىمدىلىقتان تۋىندايتىنىن، قاراپايىمدىلىقتان ۇلىلىق تۋاتىنىن قايتالاي دالەلدەدى. تەك مىعىم مۇرات - سەنىم، قاجىماس كۇرەسكەرلىك رۋح بولىپ، نىق قاداممەن ءاربىر جاي ءىستى ويداعىداي ىستەي بىلسە، بارلىق جاي ادامداردىڭ بارلىعى وزگەشە ومىرگە يە بولادى، بارلىق جاي قىزمەتتىڭ بارلىعىنان وزگەشە جەتىستىك جاراتۋعا بولادى.

  ماداقتالىپ سيلانعان جولداستاردىڭ داڭقتى قاستەرلەپ، كۇش ۇستىنە كۇش جالعاپ، باتىل نانىممەن، ۇستانىممەن، سەنىممەن اناعۇرلىم كوپ ادامعا يگى ىقپال جاساۋىن ءۇمىت ەتەمىن. ءار دارەجەلى پارتكوم مەن ۇكىمەت قاھارمان - ۇلگىلەرگە ءمان بەرىپ، كوڭىل ءبولىپ، قامقورلىق جاساپ، بۇكىل قوعامنىڭ قاھارمانداردى ارداقتاۋىن، قاھارمانداردان ۇيرەنۋىن ىلگەرىلەتىپ، ناقتى ارەكەتتەرىمەن ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن كۇش قوسۋ كەرەك.

  جولداستار، دوستار!

  بۇگىن ماداقتالىپ سيلانعانداردىڭ قاتارىندا تاعى بىزگە ۇزاق ۋاقىتتان بەرى قولداۋ جانە كومەك كورسەتىپ كەلە جاتقان جۇڭگو حالقىنىڭ كونە دوستارى، جاقسى دوستارى بار. ءبىز ولاردىڭ جۇڭگونىڭ دامۋىنا قوسقان ۇلەسىنە شىن جۇرەكتەن العىس ايتامىز! جۇڭگو حالقى دۇنيە جۇزىندەگى ءار ەل حالقىمەن بىرگە ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، پلانەتامىزدىڭ ونان ارى كوركەم بولۋىنا مۇمكىندىك جاساۋدى قالايدى.

  جولداستار، دوستار!

  بارلىق ۇلى جەتىستىك جالعاستىرا كۇرەس جۇرگىزۋدىڭ ناتيجەسى، بارلىق ۇلى ءىس الدىڭعىلاردىڭ ءىزىن باسىپ، بولاشاققا جول اشۋ بارىسىندا ىلگەرىلەتۋدى قاجەت ەتەدى. جاڭا ءداۋىردىڭ زور ءىس تىندىرۋعا بولاتىن ءداۋىر ەكەنى ءشۇباسىز. بۇكىل پارتيا، بۇكىل ەلدەگى ءار ۇلت حالقى قاھارمان ۇلگىلەردەي تاباندى بولىپ، قاھارمان - ۇلگىلەردەي كۇرەس جۇرگىزىپ، جاڭا داۋىردەگى حالىق رەسپۋبليكاسىنىڭ ايبىندى جەڭىس جىرىن بىرگە جازۋ كەرەك!

  كوپشىلىككە راقىمەت!

(شينحۋا اگەنتتىگىنىڭ 9 - ايدىڭ 29 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.