ادامدار كەزىندە شىياندى بىلاي سۋرەتتەيتىن: شىيان وتە عاجايىپ، ءبىر جولى سىرتپەن توتە تۇتاسادى؛ قالا دەيىن دەسەڭ، قاۋىن - قاربىز، كوكونىس ەگەدى؛ قىستاق دەيىن دەسەڭ، تاۋ قويناۋى زاۆودتارعا تولعان.
وسى شالعاي تاۋلى وڭىردەگى شاعىن قالاشىقتا ەلىمىزدىڭ 2 - اۆتوكولىك جاساۋ زاۆودى قۇرىلدى.
مەملەكەت قورعانىس قۇرىلىسى قاجەتىنە ۇيلەسۋ ءۇشىن، 1969 - جىلى 10 - ايدا، بۇكىل ەلدەگى 30دان استام زاۆودتان، جوبالاۋ ورنىنان جانە قۇرىلىس مەكەمەسىنەن كەلگەن قۇرىلىسشىلار، سونداي - اق جۋشان، جۋشي، سۇيشيان، دا - ۋ، زاۋياڭ، حانچۋان، حانياڭ سياقتى اۋدانداردان كەلگەن 25 مىڭنان ارتىق حالىق جۇمىسكەرى، شىياننىڭ توڭىرەگىندەگى 10 نەشە كيلومەتر قۇرىلىس ورنىنا جينالىپ، 2 - اۆتوكولىك جاساۋ زاۆودىن قۇرۋدىڭ شىمىلدىعىن اشتى.
2 - اۆتوكولىك جاساۋ زاۆودىنىڭ قۇرىلىسى ”كوتەرمەگە الىپ جاساۋ“ جانە ”اسىل توپتاۋ“ باعىتىن پايدالاندى. ”كوتەرمەگە الىپ جاساۋ“ دەگەنىمىز 2 - اۆتوكولىك جاساۋ زاۆودىنىڭ 20دان ارتىق ارناۋلى كاسىپ زاۆودىن جەكە - جەكە 1 - اۆتوكولىك جاساۋ زاۆودىنىڭ، نانجيڭ اۆتوكولىك جاساۋ زاۆودىنىڭ، بەيجيڭ اۆتوكولىك زاۆودىنىڭ جانە شاڭحاي، ۋحان سياقتى جەردەگى 30دان ارتىق زاۆودتىڭ جاۋاپتى بولىپ، جوبالاۋ، قۇراستىرۋ، ءوندىرىس دايىندىعى، جۇمىسشى تاربيەلەۋ، جابدىقتاردى سىناقتان وتكىزۋدەن وندىرىسكە قوسۋعا دەيىنگى بارىسىن ”كوتەرمەگە“ الۋىن مەڭزەيدى.
”اسىل توپتاۋ“ دەگەنىمىز مەملەكەت 558 تەحنيكاسى، جابدىقتارى وزىق ماشينا زاۆودىن ۇيىمداستىرىپ، 2 - اۆتوكولىك جاساۋ زاۆودىنا 20 مىڭنان ارتىق جابدىق جاساپ بەرۋىن، 500دەن ارتىق ءوندىرىس لەنياسىن جانە 117 اۆتوماتتى ءوندىرىس لەنياسىن قۇراستىرۋىن مەڭزەيدى.
”كوتەرمەگە الىپ جاساۋ“ جانە ”اسىل توپتاۋ“ باعىتى قۇرىلعاننان كەيىنگى 2 - اۆتوكولىك جاساۋ زاۆودىن ەلىمىزدىڭ تۇڭعىش وسىزاماندانعان اۆتوكولىك جاساۋ زاۆدىنا اينالدىردى.
1975 - جىلى 2 - اۆتوكولىك جاساۋ زاۆودى تۇڭعىش نەگىزگى كولىك ۇلگىسى − 2.5 توننالىق دالالىق اۆتوكولىك ءوندىرۋ قۋاتىن قالىپتاستىردى. 1978 - جىلى 7 - ايدا، جۇك كوتەرىمدىلىگى 5 توننالىق ”دۇڭفىڭ“ اۆتوكولىگىن ءوندىرۋ قۋاتىن قالىپتاستىردى. 3 - نەگىزگى كولىك ۇلگىسى − 3.5 توننالىق دالالىق اۆتوكولىك سىناق ەتۋ نەگىزىندە 1980 - جىلى مەملەكەتتىڭ باعالاۋىنان ءوتىپ تۇراقتاندى.
كولەمى ۇلكەن 2 - اۆتوكولىك جاساۋ زاۆودى قۇرىلىسى ورتا جۇڭگو وڭىرىندە ءبىر جاڭا ماشينا ونەركاسىپ ورتالىعىن قالىپتاستىرىپ، ”ءۇشىنشى شەپ قۇرىلىسى“نداعى مەرۋەرتكە اينالىپ، ەلىمىزدىڭ شارۋاشىلىق قۇرىلىمىن جاقسارتۋ، جەرگىلىكتى ورىن ەكونوميكاسىنىڭ دامۋىن جەتەكتەۋ جونىنەن بەلسەندى رول اتقاردى. جۇڭگولىق، شەتەلدىك ەكسكۋرسيالاۋشىلار حۋبەيدىڭ باتىس سولتۇستىگىندەگى شىيان قالاسىنا كەلگەندە، دەرلىكتەي: كوممۋنيستەر داباشان مەن چيڭليڭ ارالىعىنداعى تاقىر تاۋ، يە دالادان وسىنداي ءبىر كوركەم دە وسىزامانداعان اۆتوكولىك قالاسىن سالىپتى! - دەگەن سۇيىنىشتەرىن بىلدىرەدى.
(شينحۋا اگەنتتىگىنىڭ 9 - ايدىڭ 30 - كۇنى بەيجيڭنەن بەرگەن حابارى)
