تيانشان تورى   ›   جاڭالىقتار   ›   ەل ءىشى حابارى

وتان مەن حالىق ماڭگى ەستە ساقتايدى

− دۇنيەدەن وتكەن ەڭ ارداقتى كۇرەسكەرلەرگە ارنايمىز

شينحۋا اگەنتتىگىنىڭ تىلشىلەرى شى يۇيسىن، لو شا، حۋ حاۋ

  9 - ايدىڭ 30 - كۇنى، 6 - رەتكى قۇربانداردى ەسكە الۋ كۇنى. حالىق رەسپۋبليكامىز 70 جىلدىق مەرەيتويىن قارسى الماقشى.

  وسى التىن كۇزدە ”ەڭ ارداقتى كۇرەسكەر“لەردىڭ ىزگى ىستەرى كەڭىنەن جىرلانىپ، ادامدى اسەرلەندىردى. زىلدەي تىزىمدىكتە، كوپتەگەن ادامداردىڭ ەسىمى قارا سىزىقپەن رامكالانعان، ولاردىڭ تۇلعاسى بىزدەن الىستاپ كەتتى.

  جۇڭحۋا ۇلتى ەڭسە كوتەرۋدەن بايۋعا، بايۋدان قۇدىرەتتەنۋگە دەيىن، تۇڭعيىققا باتۋ مەن ويانۋ، كۇرەسۋ مەن ەڭسە كوتەرۋ بارىسىندا الدىڭعىلاردىڭ ءىزىن سوڭعىلار باسقان سان ۇرپاق ادامداردىڭ اراسىنان ءومىرىنىڭ ەڭ تاماشا مەزگىلدەرىمەن اسقاق ايبىندى تاراۋلاردى جازعان وسىنداي ءبىر توپ ادامدى ماڭگى ەستە ساقتايدى. جۇڭحۋا ۇلتى ءار رەت مەملەكەت قاتەرگە تاپ بولعاندا، ءار رەت ۇلت قۇرىپ - جوعالۋ حاۋپىندە قالعاندا، ءار رەت حالىق قاتەرلى شاققا ءدوپ كەلگەندە، ءوز شايقاس مايداندارىندا كەۋدە كەرىپ العا شىعىپ، كۇرەسۋ بەينەسىمەن نارت قىزىل شايقاس تۋىن بيىك ۇستاعان وسىنداي ءبىر توپ ادامدى ماڭگى ەستە ساقتايدى.

  كۇرەسكەرلەردىڭ وكىنىشسىز حيكايالارىن اشساق، قانشاما ادامنىڭ بۇكىل ومىرىندە ۇيرەنگەنىمەن جۇرتشىلىققا باقىت جاراتقاندىعىن، قانشاما ادامنىڭ قاراپايىم قىزمەت ورنىندا نۇر - شۇعىلا شاشقاندىعىن، تاعى قانشاما ادامنىڭ قىسىلتاياڭ شاقتا كەۋدە كەرىپ العا شىعىپ، ءومىر مەن ءولىم تالعامىن ەكىلەنبەستەن جاساعاندىعىن ەسەپتەي المايمىز.

  كۇرەس بارىسىندا تاريحتىڭ اياق الىسىن ىلگەرىلەتتى، كۇرەس بارىسىندا ۇلى جەتىستىكتەردى جاراتتى، كۇرەس بارىسىندا جاڭا ءداۋىردىڭ جەڭىس جىرىن اسقاقتاتتى − دۇنيەدەن وتكەن كۇرەسكەرلەر ومىردە ەڭ قىمباتتى ەستەمەلەردى كەستەلەدى، ءتىپتى دە ماڭىزدىسى، كەلەشەككە جول اشۋدىڭ كۇش قاينارىن قالدىرىپ كەتتى.

  جاسىل جەلەك جامىلعان چاڭجياڭنىڭ ەكى جاعالاۋىندا، كۇرىش تولقىنى جوڭكىلگەن شىعىس سولتۇستىكتىڭ بايتاق دالاسىندا، جاندى دا جالىندى شىنجىننىڭ چيانحايىندا، ومىرشەڭدىك كۇش تاسقىنداعان شاڭحايدىڭ جاڭجياڭىندا، ءۇش جەردىڭ اراسىندا اسپانداتا سالىنعان شياڭگاڭ - جۋحاي - اۋمىن ۇلكەن كوپىرىندە... ارىنى قايتپاعان، ارمانعا قانات بىتكەن جاڭا داۋىردە، ۇلى داريانىڭ وڭتۇستىگى مەن سولتۇستىگىندەگى جاڭا ۇرپاق كۇرەسكەرلەر ارەكەتتەرى ارقىلى الىستاپ كەتكەن تۇلعالارعا قۇرمەت ءبىلدىردى.

  ومىرلەرىمەن ماياك تۇرعىزدى، كۇرەستەرىمەن كەلەشەككە جول اشتى.

  ءاربىر ەسكە الۋ كۇنىنىڭ بارلىعى بۇرىنعىنى قايتالاي ەسكە ءتۇسىرۋ، ءتىپتى دە ماڭىزدىسى، ويانۋ ءۇشىن. ۋاقىت پەن كەڭىستىكتەن ەندەي وتكەن قۇرباندار جول بەلگىلەرىن سالىپ، العا ىلگەرىلەۋ باعدارىنا جول نۇسقاپ تۇر.

  (شينحۋا اگەنتتىگىنىڭ 9 - ايدىڭ 30 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.