− جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قىزۋ قۇتتىقتايمىز
حالىق گازەتى باسماقالاسى
70 جىلدىڭ الدىنداعى 10 - ايدىڭ 1 - كۇنى، ءبىرىنشى بەسجۇلدىزدى قىزىل تۋ باياۋ كوتەرىلىپ، جاڭا دۇنيەگە كەلگەن حالىق رەسپۋبليكاسى بولاشاقتى بەتكە الىپ، جول بويى قيىندىقتاردى جەڭىپ، جول بويى جەڭىس جىرىن جىرلاي جورىق جاساپ، تالاي - تالاي جەڭىستەردى وسىناۋ بايىرعى توپىراققا جازدى.
70 جىلدان كەيىن، تاعى ءبىر 10 - ايدىڭ 1 - كۇنىندەگى تاڭ راۋاندا، جاڭا ۇزاق جورىق جولىنداعى حالىق رەسپۋبليكاسى تىڭنان سايلانىپ، تاعى جولعا اتتاندى. جاڭا جۇڭگو قۇرىلعاندىعىنىڭ 70 جىلدىعى تاريحي ساتىندە، ءبىر ميلليارد 400 ميلليونعا جۋىق جۇڭحۋا ۇلاندارى كوكىرەك كەرنەگەن قۋانىشپەن جانە اسقاق سەزىممەن حالىق رەسپۋبليكاسىنىڭ قۇرىلعاندىعىن بىرگە تويلاپ، ۇلى وتاننىڭ داڭقىن بىرگە ءبولىستى!
ۋاقىت ۇلى ەستەلىككە الۋشى، ول باسىپ وتكەن ىزدەردى ەستەلىككە الىپ، تاريحتىڭ تاراۋلارىن جازادى. جاڭا جۇڭگو قۇرىلعان 70 جىلدان بەرى، جۇڭگونىڭ بايتاق دالاسىندا وراسان زور وزگەرىستەر تۋىلدى، ءبىزدىڭ ۇلى وتانىمىزدىڭ بەت - بەينەسىندە، ۇلى حالقىمىزدىڭ بەت - بەينەسىندە، جۇڭحۋا ۇلتىنىڭ بەت - بەينەسىندە بۇرىن بولىپ كورمەگەن زور وزگەرىستەر تۋىلدى. 70 جىل تار جول، تايعاق كەشۋدەن ءوتىپ، 70 جىل ەكپىندەي ىلگەرىلەگەن جۇڭگو كوممۋنيستىك پارتياسى حالىقتى باستاپ قاجىرلىلىقپەن شارۋاشىلىق قۇرۋ ساپارىنا اتتانىپ، اسقاق ايبىندى قۇرىلىس تولقىنىن كوتەرىپ، قۇلاشىن كەڭ جايعان رەفورما جولىن اشىپ، دۇنيە ءجۇزىن باۋىرىنا باساتىن قۇشاعىن كەڭ اشىپ، دۇنيە جۇزىندە سيرەك كەزدەسەتىن ەكونوميكانىڭ تەز دامۋ كەرەمەتىن جانە قوعامنىڭ ۇزاق ۋاقىت ورنىقتى بولۋ كەرەمەتىن جاراتتى. پارتيا 18 - قۇرىلتايىن بەلگى ەتىپ، جۇڭگوشا سوتسياليزم جاڭا داۋىرگە ءوتتى، جۇڭحۋا ۇلتى ەڭسە كوتەرۋدەن بايۋعا، ونان قۇدىرەتتەنۋگە دەيىنگى ۇلى شارىقتاۋدى قارسى الدى. بۇگىنگى تاڭدا، كەزىندەگى ءيىنى كيىمگە، قارنى اسقا جارىماعان ادامدار جاپپاي دوڭگەلەك داۋلەتتىلىككە وتپەك؛ كەزىندەگى بىرىنشىدەن كەدەي، ەكىنشىدەن اق جۇڭگو دۇنيە ءجۇزىنىڭ شىعىسىندا قاسقايىپ تۇر؛ كەزىندەگى كەدەي دە ءالسىز ۇلت ۇلى گۇلدەنۋدىڭ جارقىن كەلەشەگىن قارسى الدى. بەينە باس شۋجي شي جينپيڭنىڭ اسقاق سەزىممەن جاريالاعانىنداي: ”تاريح جۇڭگو كوممۋنيستىك پارتياسى مەن جۇڭگو حالقىنىڭ كونە دۇنيەنى جويۋعا شەبەر بولىپ قانا قالماستان، جاڭا دۇنيەنى قۇرۋعا دا شەبەر ەكەندىگىن تولىق دالەلدەدى. كەلەشەككە كوز جىبەرسەك، جۇڭگونىڭ دامۋ كەلەشەگى شەكسىز تاماشا“.
ءور اسۋدى دەمە بەينە قۇرش قامال سوعىلعان، دۇنيە جولى − كوك تەڭىزدەر ەگىنجايعا وزگەرمەك. 70 جىلدان بەرگى جاڭا جۇڭگونىڭ دامۋ بارىسى جاپا - ماشاقات پەن شۇعىلاعا، بۇراڭدىقتار مەن جەڭىستەرگە، بوداۋلار مەن تابىستارعا تولى. باس شۋجي شي جينپيڭ بىلاي دەپ وسكەلەڭ باعالادى: ”مەيلى جۇڭحۋا ۇلتىنىڭ تاريحىندا، الدە دۇنيە ءجۇزىنىڭ تاريحىندا بولسىن، بۇلاردىڭ بارلىعى كەرەمەت اسەرلى كۇرەس تاريحي داستانى“.
2019 — 1949، وسى اسا اسەرلى كۇرەس تاريحي داستانى جۇڭگو كوممۋنيستەرىنىڭ اۋەلگى ماقساتى مەن بورىشىن دالەلدەدى. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − تاياۋ زاماننان بەرگى جۇڭحۋا ۇلتىنىڭ ەڭ ۇلى ارمانى. جۇڭگو كوممۋنيستىك پارتياسى قۇرىلىسىمەن - اق، ”جۇڭگو حالقىن باقىتقا كەنەلتۋ، جۇڭحۋا ۇلتىنىڭ گۇلدەنۋىن جۇزەگە اسىرۋ“ تاريحي بورىشتى ادىلەت جولىندا ەشنارسەدەن تايسالماي ارقالادى. 100 جىلعا جۋىق ۋاقىتتان بەرى، مەيلى ءالسىز، الدە قۋاتتى بولسىن، مەيلى جاقسى جاعداي، الدە ناشار جاعداي بولسىن، پارتيامىز بارلىعىندا اۋەلگى ماقساتتى وزگەرتپەي، مۇراتىنان اينىماي، حالىقتى ىنتىماقتاستىرا باستاپ سان - ساناقسىز قيىنشىلىقتاردى باستان كەشىرىپ، زور قۇرباندىقتار بەرىپ، بۇراڭدىقتارعا باتىل توتەپ بەرىپ، قاتەلىكتى تۇزەتۋگە باتىل بولىپ، جەڭۋ مۇمكىن ەمەس سياقتى كورىنگەن تالاي - تالاي قيىن وتكەلدەردى جەڭىپ، تاريح پاراعىندا جارقىراپ تۇراتىن تالاي - تالاي دۇنيە كەرەمەتتەرىن جاراتتى. جاڭا جۇڭگو قۇرىلعان 70 جىلداعى زور وزگەرىستىڭ ءتۇبىرلى سەبەبى، 70 جىلدىق تاريحي وزگەرىستىڭ ىشكى لوگيكاسى − جۇڭگو كوممۋنيستىك پارتياسىنىڭ باسشىلىعى. جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ءتۇزىمنىڭ ەڭ زور ارتىقشىلىعى.
العا ىلگەرىلەۋ جولىندا ماڭگىلىك ۇلى ءىستى مۇرات ەتكەن وسى حالىق ساياسي پارتياسى اۋەلگى ماقساتتى، بورىشتى ەستە بەرىك ساقتاپ، وزىنە توڭكەرىس جاساۋدى ىلگەرىلەتىپ، باستان - اياق جۇڭگو حالقى مەن جۇڭحۋا ۇلتىنىڭ تايانىشى، باستان - اياق گۇلدەنۋ جورىعىنداعى پارمەندى باسشىلىق ۇيتقى بولدى.
2019—1949، بۇل اسا اسەرلى كۇرەس تاريحي داستانى ميللياردتاعان حالىقتىڭ كۇرەسى مەن اسقاق سەزىمىن ايگىلەدى. ”حالىق − رەسپۋبليكانىڭ بەرىك تاعانى، حالىق − بيلىك جۇرگىزۋىمىزدىڭ ەڭ ۇلكەن دەمەۋى“. ميللياردتاعان ادامنىڭ قاجىرلى ەڭبەكشىل كۇرەسى سان ۇرپاق جۇڭگولىقتاردىڭ توپتىق ەستەمەسىنە اينالدى؛ سانسىز ادامداردىڭ ەرلىكپەن العا ىلگەرىلەگەن ارىندى قادامى جاڭا جۇڭگونىڭ 70 جىلدىق دامۋىنىڭ، زورايۋىنىڭ ەرشىندى كۇي تاراۋى بولىپ توپتالدى. بۇگىنگى تاڭداعى جۇڭگو حالقىنىڭ قول جەتكىزگەندەرىنىڭ بارلىعى جان قيارلىقپەن كۇرەس جاساۋدان كەلگەن، بارلىعىنا ارمانعا قۇلاش سەرمەۋشىلەردىڭ دارىنى مەن اقىل - پاراساتى ۇيىسقان، بارلىعىنا كۇرەس جاساۋشىلاردىڭ قاجىرلى قان - تەرى سىڭگەن. حالىقتىڭ قولداۋى مەن سەنىمىنە سۇيەنىپ، ”حالىقپەن كوڭىل توعىستىرىپ، حالىقپەن بەينەت پەن زەينەتتە بىرگە بولىپ، حالىقپەن ىنتىماقتاسا كۇرەس جاساپ“، ءبىز داۋىرگە، حالىققا، تاريحقا لايىق ناتيجە جازدىق. تاريحتى جاراتاتىن اسقاق سەزىم، ارماندى جۇزەگە اسىراتىن قارىم - قابىلەت، كەرەمەتتى جالعاستىراتىن سەنىم، ميللياردتاعان حالىقتىڭ بىلەك ءتۇرىپ قۇلشىنا ىستەۋى بولعاندا، ءسوز جوق، حالىق رەسپۋبليكامىزدى اناعۇرلىم گۇلدەنىپ - كوركەيگەن، باي - قۇدىرەتتى ەتىپ قۇرا الامىز.
2019—1949، بۇل اسا اسەرلى كۇرەس تاريحي داستانى جۇڭگوشا سوتسياليزمنىڭ تابىسى مەن شۇعىلاسىن سومدادى. جاڭا جۇڭگو قۇرىلعان 70 جىلداعى ۇزدىكسىز ىزدەنىس بارىسىندا، اسىرەسە، رەفورما جاساعان، ەسىك اشقان 40 جىلدان استام ۇلى اماليات بارىسىندا، ءبىز جۇڭگوشا سوتسياليزمدى جاراتىپ جانە دامىتىپ، جۇڭگو حالقى مەن جۇڭحۋا ۇلتىنىڭ كەلەشەك تاعدىرىن تۇبەگەيلى وزگەرتتىك. جۇڭگو سىندى ءىرى ەلدى جونگە سالۋ وڭاي ەمەس، دەسەدە ءبىز تاماشا جاۋاپناما تاپسىردىق. جۇڭگوشا سوتسياليزمنىڭ وراسان زور جەتىستىگى فاكت ارقىلى ”تاريح اقىرلاسادى ساندىراعى“نىڭ كۇيرەگەندىگىن جاريالادى، ءار ەل ەڭ اقىرىندا تۇگەلدەي باتىس ءتۇزىمى ۇلگىسىن تۇراق ەتەدى دەگەن جالعىز جەلىلىك تاريح كوزقاراسىنىڭ كۇيرەگەندىگىن جاريالادى. 70 جىلدان بەرى قالىپتاسقان جۇڭگوشا سوتسياليستىك ءتۇزىم مەن مەملەكەتتى جونگە سالۋ جۇيەسى قۇدىرەتتى ومىرشەڭدىك كۇشتى جانە وراسان زور ابزالدىلىقتى ايگىلەدى. بۇگىنگى تاڭدا، ءبىزدىڭ جولىمىز بارعان سايىن كەڭەيدى، ءبىزدىڭ نازاريامىز ۇزدىكسىز دامىدى، ءبىزدىڭ ءتۇزىمىمىز كۇن سايىن كەمەلدەندى، ءبىزدىڭ مادەنيەتىمىز ۇزدىكسىز گۇلدەندى. تاريح، ءسوز جوق، جۇڭگوشا سوتسياليزمنىڭ جۇڭحۋا ۇلتىن ۇلى گۇلدەنۋگە باستاۋداعى، ءسوز جوق، باساتىن جول ەكەندىگىن دالەلدەيتىن بولادى.
ۇلى مۇرات ۇستانساڭ، الەم كوپكە ورتاق بولادى. ءبىر كەدەي دە ءالسىز مەشەۋ ەلدەن دامىپ دۇنيە جۇزىندەگى ەكىنشى ءىرى ەكونوميكالىق تۇلعاعا اينالعاندا، جۇڭگونىڭ سۇيەنگەنى سىرتقا ىرگە كەڭەيتۋ مەن وتارلىق بۇلاپ - تالاۋ ەمەس، قايتا باستان - اياق بەيبىت دامۋ جولىنان تايماي ءجۇرۋ بولدى. 70 جىلدان بەرى، جۇڭگو ”ءوز ءىسىن جاقسى ىستەۋ“گە دەن قويىپ، وسىزاماندانۋدىڭ جاڭا جولىن تاپتى. كوپ جىلدان بەرى جۇڭگونىڭ دۇنيە ءجۇزى ەكونوميكاسىنىڭ ارتۋىنا قوسقان ۇلەس مولشەرى ％30تەن اسىپ، ءۇرتىس 13 جىل بويى دۇنيە ءجۇزى ەكونوميكاسىنىڭ ارتۋىنداعى ”ءبىرىنشى قوزعالتقىش“قا اينالدى، ونان دا ماڭىزدىسى، ”ءبىر بەلدەۋ، ءبىر جول“ قۇرىلىسىن ىلگەرىلەتۋدە، ادامزاتتىڭ تاعدىرلاس ورتاق تۇلعاسىن قۇرۋدا ءبىر ءىرى ەلدىك جاۋاپكەرشىلىكتى، دارقان كوڭىلدى ايگىلەدى. جۇڭگوشا سوتسياليزم جولىنىڭ، نازارياسىنىڭ، ءتۇزىمىنىڭ، مادەنيەتىنىڭ ۇزدىكسىز دامۋى وركەندەپ كەلە جاتقان ەلدەردىڭ وسىزاماندانۋعا بەت الۋ جولىن كەڭەيتىپ، دۇنيە جۇزىندەگى جەدەل دامۋدى كوزدەۋمەن بىرگە، ءوزىنىڭ دارالىعىن ساقتاپ قالۋدى دا ءۇمىت ەتەتىن مەملەكەتتەر مەن ۇلتتارعا شىت جاڭا تالعام ازىرلەپ، ادامزاتتىڭ ماسەلەسىن شەشۋگە جۇڭگو اقىل - پاراساتى مەن جۇڭگو جوباسىن ۇسىندى. دۇنيە ءجۇزىنىڭ تاعدىرى ءار ەل حالقىنىڭ قولىندا، ادامزاتتىڭ كەلەشەگى ءار ەل حالقىنىڭ تالعامىنا قاتىستى. جۇڭگو حالقى ءار ەل حالقىمەن بىرگە ادامزاتتىڭ تاعدىرلاس ورتاق تۇلعاسى قۇرىلىسىن ىلگەرىلەتىپ، ادامزاتتىڭ تاماشا كەلەشەگىن تىزە قوسا جاراتۋدى قالايدى.
ءداۋىردىڭ جويقىن تولقىنى جوڭكىلە العا ىلگەرىلەۋدە، گۇلدەنۋدىڭ ۇلى كۇشىن توسۋعا بولمايدى. بۇگىنگى دۇنيە ءجۇزى 100 جىلدا بولماعان زور وزگەرىستى باستان كەشىرۋدە، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ شەشۋشى مەزگىلدە تۇر، ءبىز كوپتەگەن جاڭا تاريحي ەرەكشەلىكتەرگە يە ۇلى كۇرەس جۇرگىزۋدەمىز. كەلەشەككە كوز جىبەرسەك، جاپپاي دوڭگەلەك داۋلەتتىلىكتىڭ شەشۋشى جەڭىسىنە جەتۋ، مەملەكەتتى قۇدىرەتتەندىرۋ جورىعىن باستاۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ استە وڭاي - وسپاق، قۇر ايعاي - سۇرەنمەن ورىندالا سالمايدى. تاريحقا دەگەن ەڭ جاقسى قۇرمەت − جاڭا تاريح جازۋ؛ كەلەشەكتى ەڭ جاقسى يگەرۋ − اناعۇرلىم تاماشا كەلەشەكتى جاراتۋ. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، جالپى حالىق ءبىر نيەتپەن جۇرت بىرلىگىنەن قامال سوعىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ جاڭا ۇزاق جورىعىندا تىڭ دا اناعۇرلىم زور كەرەمەتتەر جاراتايىق!
ۇلى وتانىمىزدىڭ اناعۇرلىم گۇلدەنىپ - كوركەيۋىن تىلەيمىز!
جۇڭحۋا ۇلتىنىڭ گۇلدەنۋگە كوكىرەك كەرە بەت الۋىن تىلەيمىز!
(شينحۋا اگەنتتىگىنىڭ 9 - ايدىڭ 30 - كۇنى بەيجيڭنەن بەرگەن حابارى)
