قۇربانداردى ەسكە الۋ كۇنى حالىق قاھارماندارىنا ىززەتپەن گۇل شارباق قويۋ سالتى بەيجيڭدە سالتاناتپەن وتكىزىلدى

ارداگەر قۇربانداردىڭ ۇشان - تەڭىز ۇلەسى مەن ۇلى ەڭبەكتەرىن ساعىنا ەسكە الىپ، ءبىر نيەتپەن كوركەم بولاشاق اشايىق

شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان سالتقا قاتىناستى ءارى مارقۇم ماۋ زىدۇڭ جولداستىڭ ءديدارىن ىززەت - قۇرمەتپەن كوردى

　　　9 - ايدىڭ 30 - كۇنى تۇستەن بۇرىن شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى پارتيا مەن مەملەكەت باسشىلارى بەيجيڭ تيان - انمىن الاڭىنا كەلىپ، قۇربانداردى ەسكە الۋ كۇنى حالىق قاھارماندارىنا ىززەتپەن گۇل شارباق قويۋ سالتىنا قاتىناستى. سۋرەتتە: شي جينپيڭ گۇل شارباقتىڭ تورعىن لەنتاسىن رەتتەۋدە. سۋرەتتى شينحۋا اگەنتتىگىنىڭ ءتىلشسى پاڭ شيڭلەي تۇسىرگەن

　　9 - ايدىڭ 30 - كۇنى تۇستەن بۇرىن شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى پارتيا مەن مەملەكەت باسشىلارى بەيجيڭ تيان - انمىن الاڭىنا كەلىپ، قۇربانداردى ەسكە الۋ كۇنى حالىق قاھارماندارىنا ىززەتپەن گۇل شارباق قويۋ سالتىنا قاتىناستى. سۋرەتتى شينحۋا اگەنتتىگىنىڭ ءتىلشسى پاڭ شيڭلەي تۇسىرگەن

　　شينحۋا اگەنتتىگىنىڭ 9 - ايدىڭ 30 - كۇنى بەيجيڭنەن بەرگەن حابارى (تىلشىلەر ياڭ ۋيحان، لو شا). جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ بايلانىسىمەن، قۇربانداردى ەسكە الۋ كۇنى حالىق قاھارماندارىنا ىززەتپەن گۇل شارباق قويۋ سالتى 9 - ايدىڭ 30 - كۇنى تۇستەن بۇرىن بەيجيڭ تيان - انمىن الاڭىندا سالتاناتپەن وتكىزىلدى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى پارتيا مەن مەملەكەت باسشىلارى ءار سالا ۋاكىلدەرىمەن بىرگە سالتقا قاتىناستى.

　　ايبىندى تيان - انمىن الاڭىندا بەس جۇلدىزدى نارت قىزىل تۋ جەلبىرەپ تۇر. الاڭنىڭ ەكى جانىنداعى تاقىرىپتىق كورىنىستىك الىپ ءمۇسىن ”قىزىل لەنتا“ ايرىقشا كوز تارتادى.

　　اسقاق بوي سوزعان حالىق قاھارماندار ەسكەرتكىشىنىڭ سولتۇستىك جانىندا، ەكى توپ گۇلدىكتىڭ ۇستىنە قوندىرىلعان اق ءتۇستى كۇرەڭكەي سياقتىلاردان توقىلعان 18 گۇل شەڭبەر بۇكىل ەل حالقىنىڭ ەرجۇرەك قۇرباندارعا دەگەن تەرەڭ ساعىنىشىن بەينەلەپ تۇر.

　　ساعات 10عا تاياعاندا، شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى پارتيا مەن مەملەكەت باسشىلارى تيان - انمىن الاڭىنا كەلىپ، حالىق قاھارماندارىنا ىززەتپەن گۇل شارباق قويۋ سالتىنا قاتىناستى.

　　ەسكەرتكىش الدىندا، ءار سالانىڭ 4000نان استام ۋاكىلى قولدارىنا گۇل ۇستاپ، ىززەتپەن قاتارعا ءتىزىلىپ تۇردى. ولاردىڭ اراسىندا جاسى 90نان اسقان ساقا جاۋىنگەرلەر، ساقا جولداستار، كەۋدەلەرىنە قىزىل لەنتا تاققان قۇربانداردىڭ تۋىس - تۋعاندارى، مەملەكەت وردەنى مەن مەملەكەت داڭق اتاعىنىڭ يەگەرلەرىنىڭ ۋاكىلدەرى، مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ جينالىسىنا قاتىناسۋعا كەلگەندەردىڭ ۋاكىلدەرى، جاستىق جالىنعا تولى جاس وقۋشىلار جانە جاس وسپىرىمدەر بار.

　　جۇڭگو حالىق ازاتتىق ارمياسىنىڭ اسكەري وركەسترىنىڭ 10 كەرنايشىسى «قۇربانداردى ەسكە الۋ كۇنى كەرناي»ىن تارتتى. سالماقتى ءارى اسقاق كەرناي ءۇنى جۇرتقا تاريحتىڭ اساۋ تولقىندى الماعايىپ كۇندەرىندە تۇرعانداي اسەر بەردى.

　　ۇدەرە العا تارتقان 70 جىل، ءدۇبىرى اسقاق ايبىندى 70 جىل. جۇڭگو كوممۋنيستىك پارتياسىنىڭ پارمەندى باسشىلىعىندا، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى تاريحي شارىقتاۋدى قارسى الىپ، كۇللى دۇنيەنى جالت قاراتقان جۇڭگو كەرەمەتىن جاراتىپ، ”قوس 100 جىلدىق“ كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنا قاراي كوكىرەك كەرە قادام تاستاۋدا.

　　”قۇرمەت قاراۋىلى ورىندارىنا جايعاسسىن!“ دەگەن بۇيرىق بەرىلىسىمەن، 3 ارميانىڭ 60 قۇرمەت قاراۋىلى نىق قادام تاستاپ، ەسكەرتكىشتىڭ الدىنا بارىپ، مىلتىقتارىن سەرت ۇستاپ تۇردى.

　　ساعات 10دا حالىق قاھارماندارىنا ىززەتپەن گۇل شارباق قويۋ سالتى رەسمي باستالدى. اسكەري وركەستر «ەرىكتىلەر مارىشىن» ورىندادى، بۇكىل الاڭداعىلار بىركەلكى داۋىسپەن جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى.

　　مەملەكەت ءانى شىرقالىپ بولعان سوڭ، بۇكىل الاڭداعىلار جىم - جىرت تىنىشتىققا شومىپ، جۇڭگو حالقىنىڭ ازاتتىق ىستەرى مەن رەسپۋبليكانىڭ قۇرىلىسى ىستەرى جولىندا ەرلىكپەن قۇربان بولعان قۇرباندارعا ءۇنسىز ازا ءبىلدىردى.

　　70 جىلدىڭ الدىنداعى 9 - ايدىڭ 30 - كۇنى تيان - انمىن الاڭىندا حالىق قاھارماندار ەسكەرتكىشىىنىڭ ىرگەسى قالاندى. ”حالىق قاھارماندارى ماڭگى جاسايدى“ دەگەن 8 التىن ءارىپتى ءسوز نۇر شۇعىلا شاشىپ، جۇڭحۋا ۇلتىنىڭ ارداگەر قۇرباندارعا دەگەن ىززەت - قۇرمەتىن بەينەلەدى. 2014 - جىلى مەملەكەتتىك حالىق قۇرىلتايى تۇراقتى كوميتەتى قارار ماقۇلداپ، 9 - ايدىڭ 30 - كۇنىن ”قۇربانداردى ەسكە الۋ كۇنى“ ەتىپ بەلگىلەدى.

　　”ءبىز كوممۋنيزم ىستەرىنىڭ ءىزباسارلارىمىز، توڭكەرىستىك اعا بۋىنداردىڭ داڭقتى ءداستۇرىن جالعاستىرامىز...“ ازا ءبىلدىرۋ اياقتاعان سوڭ، 300دەن استام جاس ءوسپىرىم قولدارىنا گۇل ۇستاپ، حالىق قاھارماندار ەسكەرتكىشىنە قاراپ تۇرىپ «ءبىز كوممۋنيزم ىستەرىنىڭ ءىزباسارلارىمىز» ءانىن اسقاقتاتا شىرقادى، سونداي - اق پيونەرلىك سالەم بەردى.

　　شارشى توپتىڭ الدىنا جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى، ءارقايسى دەموكراتيالىق پارتيا - توپتار، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق وتانشىل قايراتكەرلەر، حالىقتىق ۇيىمدار مەن ءار سالا جۇرتشىلىعى، ساقا جاۋىنگەرلەر، ساقا جولداستار جانە قۇربانداردىڭ تۋىس - تۋعاندارى، جۇڭگو پيونەرلەر وتريادى اتىنان ىززەتپەن ۇسىنىلعان 9 ۇلكەن گۇل شارباق رەتىمەن قويىلدى، گۇل شارباقتاردىڭ قىزىل تورعىن لەنتاسىنا جازىلعان ”حالىق قاھارماندارى ماڭگى جاسايدى“ دەگەن سوزدەر ايرىقشا كوزگە تۇسەدى.

　　اسكەري وركەستر تەرەڭ سەزىمگە تولى گۇل قويۋ مۋزيكاسىن ورىنداپ، 18 قۇرمەت قاراۋىلى گۇل شارباقتاردى ورنىقتى كوتەرىپ، حالىق قاھارماندار ەسكەرتكىشىنە قاراي بايسالدى قادام تاستاپ، گۇل شارباقتى ەسكەرتكىشتىڭ تۇعىرىنا اكەلىپ قويدى.

　　شي جينپيڭ قاتارلى پارتيا مەن مەملەكەت باسشىلارى ىلە - شالا ەسكەرتكىشتىڭ تۇعىرىنا شىعىپ، گۇل شارباقتاردىڭ الدىندا كوز الماي قاراپ تۇردى. قۇلپىرا اشىلعان حۇڭجاڭ گۇلى، جۇپار ءيىسى اڭقىپ، قۇلپىرا جايناعان بايحى گۇلى، جامىراي اشىلعان ۋىنشينلان گۇلى حالىق قاھارماندارىنا دەگەن شەكسىز ساعىنىشتى، وسكەلەڭ قۇرمەتتى ايگىلەپ تۇر.

　　شي جينپيڭ الدىعا ءوتىپ، گۇل شارباقتىڭ تورعىن لەنتاسىن ىجداعاتپەن رەتتەپ قويدى.

　　وسىدان سوڭ، شي جينپيڭ قاتارلى پارتيا مەن مەملەكەت باسشىلارى حالىق قاھارماندارى ەسكەرتكىشىنە ىززەت - قۇرمەتپەن كوز تاستاپ، باياۋ قاداممەن ءبىر اينالىپ شىقتى. اسقاق ەسكەرتكىش جۇڭحۋا ۇلتىنىڭ تاياۋ زاماننان بەرگى ايبىندى ارىنىن، تاۋ قوپارىپ، تەڭىز قوتارعان كۇرەس تاريحىن ءۇنسىز بايانداپ تۇرعانداي. ەسكەرتكىش ۇستىندەگى 10 اق ءمارمار ناقىشتى ورنەك جۇڭگو حالقىنىڭ نە ءبىر قيىندىققا مويىمايتىن، ءوزىن تىنباي الۋەتتەندىرەتىن ۇلى رۋحىن ايگىلەيدى.

　　پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا مەن مەملەكەت ىستەرىندە تاريحي جەتىستىككە قول جەتىپ، تاريحي وزگەرىس تۋىلىپ، جۇڭگوشا سوتسياليزم جاڭا داۋىرگە ءوتتى. جاڭا تاريحي باستامادا تۇرعان ءبىر ميلليارد 400 ميلليونعا جۋىق جۇڭگو حالقى ەرجۇرەك قۇرباندار رۋحىن جالعاپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە جەتۋ ءۇشىن جالىندى جىگەرمەن قاجىماي - تالماي كۇرەس جۇرگىزۋدە.

　　جاس وسپىرىمدەردىڭ جانە ءار سالا جۇرتشىلىعىنىڭ ۋاكىلدەرى دە رەتىمەن ەسكەرتكىش الدىنا بارىپ، قولدارىنداعى گۇلدى قويدى جانە ەسكەرتكىشكە ىززەت - قۇرمەتپەن كوز تاستادى، توڭكەرىستىك ارداگەر قۇربانداردىڭ ۇشان - تەڭىز ۇلەسى مەن ۇلى ەڭبەكتەرىن ساعىنا ەسكە الىپ، بۇگىنگى باقىتتى ءومىردىڭ وڭاي قولعا كەلمەگەندىگىن سەزىندى.

　　ىززەتپەن گۇل شارباق قويۋ سالتىن جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، بەيجيڭ قالالىق پارتكومنىڭ شۋجيى ساي چي باسقاردى.

　　بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ورىنباسار ءتوراعالارى جانە ورتالىق اسكەري ىستەر كوميتەتىنىڭ مۇشەلەرى سالتقا قاتىناستى.

　　ورتالىقتاعى پارتيا، ۇكىمەت، ارميا، بۇقارالىق ورىنداردىڭ قاتىستى تاراۋلارىنداعى جانە بەيجيڭ قالاسىنداعى نەگىزگى جاۋاپتى جولداستار،ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، بەيجيڭدەگى ساقا جاۋىنگەرلەردىڭ، ساقا جولداستاردىڭ جانە قۇربانداردىڭ تۋىس - تۋعاندارىنىڭ ۋاكىلدەرى، ”رەسپۋبليكا وردەنى“نىڭ جانە مەملەكەت داڭق اتاعىنىڭ يەگەرلەرىنىڭ ۋاكىلدەرى، مەملەكەتتىك از ۇلتتار ەكسكۋرسيا ۇيىرمەسىنىڭ مۇشەلەرى، استاناداعى ءار سالا جۇرتشىلىعىنىڭ ۋاكىلدەرى، ت.ب ىززەتپەن گۇل شارباق قويۋ سالتىنا قاتىناستى.

　　ىززەتپەن گۇل شارباق قويۋ سالتىنىڭ الدىندا، شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى باسشى جولداستار ءتوراعا ماۋ زىدۇڭنىڭ ەسكەرتكىش سارايىنا كەلدى. سولتۇستىك زالدا جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى، ءارقايسى دەموكراتيالىق پارتيا - توپتار، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر ىززەتپەن ۇسىنعان گۇل شارباقتار ماۋ زىدۇڭ جولداستىڭ وتىرعان ءمۇسىنىنىڭ الدىنا ءتىزىلدى. شي جينپيڭ قاتارلىلار ماۋ زىدۇڭ جولداستىڭ وتىرعان مۇسىنىنە 3 رەت تاعزىم ەتتى، ونان سوڭ ىززەت - قۇرمەتپەن كورۋ زالىنا كەلىپ، مارقۇم ماۋ زىدۇڭ جولداستىڭ ءديدارىن ىززەت - قۇرمەتپەن كورىپ، ماۋ زىدۇڭ جولداس قاتارلى اعا بۋىن توڭكەرىسشىلەرگە دەگەن تەرەڭ ساعىنىشىن ءبىلدىردى.