جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قوناعاسى بەيجيڭدە سالتاناتپەن وتكىزىلدى"> تيانشان تورى
تيانشان تورى   ›   جاڭالىقتار   ›   ماڭىزدى حابارلار

جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قوناعاسى بەيجيڭدە سالتاناتپەن وتكىزىلدى

شي جينپيڭ ماڭىزدى ءسوز سويلەدى

لي كىچياڭ باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتىناستى

    9 - ايدىڭ 30 - كۇنى كەشتە جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قوناعاسى بەيجيڭ حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قوناعاسىعا قاتىناستى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشسى حۋاڭ جيڭۋىن تۇسىرگەن

   9 - ايدىڭ 30 - كۇنى كەشتە جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قوناعاسى بەيجيڭ حالىق سارايىندا سالتاناتپەن وتكىزىلدى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى پارتيا مەن مەملەكەت باسشىلارى 4000نان استام جۇڭگولىق، شەتەلدىك قايراتكەرلەرمەن بىرگە شات - شادىمان باس قوسىپ، جاڭا جۇڭگونىڭ 70 جىلدىق مەرەيتويىن بىرگە قۇتتىقتادى. سۋرەتتى شينحۋا اگەنتتىگىنىڭ ءتىلشسى حۋاڭ جيڭۋىن تۇسىرگەن

  شينحۋا اگەنتتىگىنىڭ 9 - ايدىڭ 30 - كۇنى بەيجيڭنەن بەرگەن حابارى (تىلشىلەر ياڭ ۋيحان، لو جىڭگۋاڭ). جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قوناعاسى 9 - ايدىڭ 30 - كۇنى كەشتە حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قوناعاسىعا قاتىناستى ءارى ماڭىزدى ءسوز سويلەدى. ول بىلاي دەپ باسا دارىپتەدى: جاڭا جورىقتا ءبىز ىنتىماق تۋىن بيىك ۇستاپ، پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، بۇكىل ەلدەگى ءار ۇلت حالقىنىڭ ۇلى ىنتىماعىن بەكەمدەپ، ەل ءىشى - سىرتىنداعى جۇڭحۋا ۇلاندارىنىڭ ۇلى ىنتىماعىن كۇشەيتىپ، ءارقايسى پارتيا توپتاردىڭ، ءارقايسى ۇيىمداردىڭ، ءار ۇلتتىڭ، ءارقايسى جىكتەردىڭ، سونداي - اق ءار جاقتىڭ ۇلى ىنتىماعىن نىعايتىپ، پارتيانىڭ حالىق بۇقاراسىمەن ەتەنە بايلانىسىن ساقتاپ، وتانشىلدىق رۋحتى بارىنشا اسقاقتاتىپ، العان بەتىنەن قايتپاي العا تارتاتىن كۇش ۇيىستىرىپ، جۇڭحۋا ۇلتىنىڭ ۇلى گۇلدەنۋى كەمەسىنىڭ تولقىن جارا العا ۇمتىلۋىن، جەلكەن جايا ۇزاققا تارتۋىن ىلگەرىلەتۋىمىز كەرەك.

  لي كىچياڭ قوناعاسىنى باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قوناعاسىعا قاتىناستى. 4000 مىڭنان استام جۇڭگولىق، شەتەلدىك قايراتكەرلەر شات - شادىمان باس قوسىپ، جاڭا جۇڭگونىڭ 70 جىلدىق مەرەي تويىن بىرگە قۇتتىقتادى.

  حالىق سارايىنىڭ قوناعاسى زالىندا شامدار جايناپ، گۇلدەر قۇلپىرىپ، قۋانىشتى مەرەكەلىك لەپ ەستى. ءتوراعالار مىنبەسىنىڭ ۇستىڭگى جاعىنا ايبىندى مەملەكەت گەربى بيىك ءىلىندى، ”2019 − 1949“جىل بەلگىسى قىزىل تۋدىڭ نۇرلاندىرۋىندا ايرىقشا كوز تارتادى.

  ساعات 17دەن 30 مينۋت مولشەرىندە، مەرەيلى «قوناق قارسى الۋ مۋزيكاسىمەن» شي جينپيڭ قاتارلىلار قوناعاسى زالىنا كىردى، بۇكىل زالدان قىزۋ قول شاپالاق ءۇنى كوتەرىلدى.

  قوناعاسى باستالدى. بۇكىل زالداعىلار ورىندارىنان تۇرىپ، مەملەكەت ءانىن اسقاقتاتا شىرقادى، ايبىندى دا اسقاق «ەرىكتىلەر مارشى» زالدا قالىقتاپ تۇردى.

  شىعانداعان كەرناي ءۇنى ىشىندە شي جينپيڭ ءتوراعالار مىنبەسىنە شىعىپ، ماڭىزدى ءسوز سويلەپ، پارتيا ورتالىق كوميتەتى، مەملەكەتتىك كەڭەس اتىنان بۇكىل ەلدەگى ءار ۇلت حالقىنا، بارلىق كوممۋنيستىك پارتيا مۇشەلەرىنە، جۇڭگو حالىق ازاتتىق ارمياسىنىڭ كوماندير - جاۋىنگەرلەرىنە جانە قارۋلى ساقشى قوسىنىنىڭ وفيتسەر - اسكەرلەرىنە، ءارقايسى دەموكراتيالىق پارتيا - توپتارعا جانە پارتيادا، توپتا جوق قايراتكەرلەرگە وسكەلەڭ قۇرمەت ءبىلدىردى؛ شياڭگاڭ ەرەكشە اكىمشىلىك رايونىنداعى باۋىرلاستارعا، اۋمىن ەرەكشە اكىمشىلىك رايونىنداعى باۋىرلاستارعا، تايۋانداعى باۋىرلاستارعا جانە شەتەلدەگى قالىڭ چياۋمين باۋىرلاستارعا ىقىلاستى سالەم جولدادى؛ جاڭا جۇڭگونىڭ قۇرىلىس ىستەرىنە قولداۋ كورسەتكەن جانە كومەكتەسكەن دوس مەملەكەتتەرگە، سونداي - اق حالىقاراداعى دوستارعا شىن جۇرەكتەن العىس ايتتى.

  شي جينپيڭ سوزىندە بىلاي دەپ اتاپ كورسەتتى: 70 جىلدان بەرى، جۇڭگو كوممۋنيستىك پارتياسىنىڭ پارمەندى باسشىلىعىندا، جۇڭگو حالقى باتىلدىقپەن ىزدەنىس جاساپ، ۇزدىكسىز امالياتتان وتكىزىپ، جۇڭگوشا سوتسياليزم جولىن ءساتتى اشىپ، جۇڭگوشا سوتسياليزمنىڭ جاڭا داۋىرگە ءوتۋىن ىلگەرىلەتتى، جۇڭگو ارشىندى قادام تاستاپ داۋىرگە ىلەستى، جۇڭگو حالقىنىڭ جىگەر - قايراتى تاسقىنداپ، ءداۋىردىڭ الدىڭعى لەگىندە ءجۇردى. 70 جىلدان بەرى، جۇڭگو حالقى كوركەيۋ جولىندا قۇلشىنىپ، قاجىرلىلىقپەن شارۋاشىلىق قۇرىپ، ”تاڭدانار ەد دۇنيەنىڭ عاجابىنا“ سىندى دامۋ جەتىستىگىن جاراتتى، نەشە مىڭ جىلدان بەرى جۇڭحۋا ۇلتىن مازالاپ كەلگەن مۇلدە كەدەيلىك ماسەلەسىنە جۋىق ارادا تاريحي سيپاتتى نۇكتە قويىلىپ، ادامزاتتىڭ دامۋ تاريحىنداعى ۇلى كەرەمەتتى جاراتپاق. 70 جىلدان بەرى، جۇڭگو حالقى دەربەس، ءوز - وزىنە قوجايىن بولۋ سىندى بەيبىت ديپلوماتيالىق ساياساتتى بۇلجىتپاي اتقارىپ، بەيبىت دامۋ جولىنان جازباي، بەيبىت قاتار تۇرۋ 5 پرينسيبى نەگىزىندە ءارقايسى ەلمەن دوستىق سەلبەستىكتى دامىتۋدان جازباي، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ءۇشىن، ادامزاتتىڭ بەيبىتشىلىگى مەن دامۋى سىندى وسكەلەڭ ءىستى ىلگەرىلەتۋ ءۇشىن كەلەلى ۇلەس قوستى. جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، ۇلى گۇلدەنۋدى جۇزەگە اسىرۋدىڭ نۇرلى بولاشاعىن قارسى الدى.

  شي جينپيڭ بىلاي دەپ باسا دارىپتەدى: ىنتىماق − تەمىر، ىنتىماق − بولات، ىنتىماق − كۇش. ىنتىماق − جۇڭگو حالقى مەن جۇڭحۋا ۇلتىنىڭ العا باسۋ جولىنداعى بارلىق قاتەرلەر مەن سىن - سايىستاردى جەڭىپ شىعىپ، جەڭىستەن جاڭا جەڭىستەرگە ۇزدىكسىز جەتۋىنىڭ ماڭىزدى كەپىلى.

  شي جينپيڭ بىلاي دەپ اتاپ كورسەتتى: ءبىز ”ءبىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“، وسكەلەڭ اۆتونوميا باعىتىن ۇزدىكسىز جاپپاي دۇرىس دايەكتىلەندىرۋىمىز، قاتاڭ تۇردە نەگىزگى زاڭ جانە ءتۇبىرلى زاڭ بويىنشا ءىس ىستەۋىمىز كەرەك. ءبىز مىناعان سەنەمىز، وتاننىڭ بار كۇشپەن قولداپ - قۋاتتاۋى بولعاندىقتاندا، وتاندى قىزۋ سۇيەتىن، شياڭگاڭدى قىزۋ سۇيەتىن، اۋمىندى قىزۋ سۇيەتىن قالىڭ باۋىرلاستاردىڭ ورتاق قۇلشىنىسى بولعاندىقتاندا، شياڭگاڭ، اۋمىن، ءسوز جوق، وتاننىڭ ىشكى وڭىرلەرىمەن بىرگە دامىپ، بىرگە العا باسادى، ەرتەڭى، ءسوز جوق، ءتىپتى دە تاماشا بولادى. ءبىز ءبىر جۇڭگو پرينسيبىنە جانە ”92 - جىلعى ورتاق تانىم“عا تاباندى بولىپ، ەكى جاعالاۋ قارىم - قاتىناسىنىڭ بەيبىت دامۋىن ىلگەرىلەتىپ، ەكى جاعالاۋدىڭ ەكونوميكا، مادەنيەت اۋىس - كۇيىسىن، سەلبەستىگىن تەرەڭدەتىپ، ەكى جاعالاۋداعى باۋىرلاستارعا باقىت جاراتۋىمىز كەرەك. وتاننىڭ بۇكىلدەي بىرلىككە كەلۋىن جۇزەگە اسىرۋ − زامانا اۋقىمى، ۇلى ادىلەت تياناعى، حالىق قالاۋى، ونى ەشقانداي ادام، ەشقانداي كۇش بوگەي المايدى.

  شي جينپيڭ بىلاي دەپ باسا دارىپتەدى: ءبىز بەيبىتشىلىك، دامۋ، سەلبەسۋ، تەڭ يگىلىككە كەنەلۋ تۋىن بيىك ۇستاپ، بەيبىت دامۋ جولىمەن بۇلجىماي ءجۇرىپ، سىرتقا ەسىك اشۋدان جازباي، دۇنيە جۇزىندەگى ءار ەل حالقىمەن بىرگە ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، بەيبىتشىلىك پەن دامۋ شۇعىلاسىنىڭ بۇكىل دۇنيە جۇزىن نۇرلاندىرۋىنا مۇمكىندىك جاساۋىمىز كەرەك.

  شي جينپيڭ بىلاي دەپ باسا دارىپتەدى: جۇڭگو حالقى − ۇلى حالىق، جۇڭحۋا ۇلتى − ۇلى ۇلت، جۇڭحۋا وركەنيەتى − ۇلى وركەنيەت. تاريح بولاشاقتى نۇرلاندىرادى، ساپار جولى ءالى اياقتاعان جوق. ءبىز مىناعان كامىل سەنەمىز، 5000 جىلدان استام وركەنيەت تاريحى بار، جاڭا جۇڭگونىڭ 70 جىلدىق ۇلى جەتىستىگىن جاراتقان جۇڭگو حالقى مەن جۇڭحۋا ۇلتى ”قوس 100 جىلدىق“ كۇرەس نىساناسىن جۇزەگە اسىرۋدىڭ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ تىڭ جورىعىندا، ءسوز جوق، اناعۇرلىم جاڭا، اناعۇرلىم كوركەم ءداۋىر پاراعىن جازىپ شىعا الادى.

  شات مەرەيلى مۋزيكا ءۇنى ىشىندە جۇڭگولىق، شەتەلدىك قوناقتار توست كوتەرىپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن بىرگە قۇتتىقتاپ، جۇڭگونىڭ گۇلدەنىپ - كوركەيۋىن، بايۋىن، قۇدىرەتتەنۋىن تىلەدى، جۇڭگونىڭ دۇنيە جۇزىندەگى ءار ەلمەن دوستىعىنىڭ ماڭگى جالعاسۋىن، باقىتتى دا تاماشا بولاشاقتى بىرگە جاساۋىن تىلەدى.

  قوناعاسىعا قاتىناسقانداردان تاعى مىنالار بار: ديڭ شۋەشياڭ، ۋاڭ چىن، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، لي رۇيحۋان، ۋ باڭگو، ۋىن جياباۋ، جيا چيڭلين، جاڭ دىجياڭ، يۇي جىڭشىڭ، سۇڭ پيڭ، لي لانچيڭ، زىڭ چيڭحۇڭ، ۋ گۋانجىڭ، لي چاڭچۇن، حى گوچياڭ، ليۋ يۇنشان، جاڭ گاۋلي، يوۋ چۋان، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايماچىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ۋي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن، جاڭ چيڭلي، ليۋ چيباۋ، پابالا گىليەلاڭجيە، ۋان گاڭ، حى حوۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ جانە چى حاۋتيان، ۋاڭ لىچۋان، ۋاڭ جاۋگو، حۇي لياڭيۇي، ليۋ چي، ساۋ گاڭچۋان، زىڭ پەييان، ۋاڭ گاڭ، ليۋ ياندۇڭ، لي يۋانچاۋ، ما كاي، لي جيانگو، فان چاڭلۇڭ، مىڭ جيانجۋ، گو جينلۇڭ، ۋاڭ حانبين، حى يۇڭ، دۋ چيڭلين، جاۋ حۇڭجۋ، زوۋ جياحۋا، پىڭ پەييۇن، حى لۋلي، شۇي جيالۋ، جياڭ جىڭحۋا، گۋ شيۋليان، رىدي، ويۇنچيميك، حۋا جيانمين، چىن جىلي، جوۋ تيەنۇڭ، سىمايىل تىلەۋالدى، جياڭ شۋشىڭ، ساڭ گوۋي، ۋاڭ شىڭجۇن، چىن چاڭجى، يان جۇنچي، جاڭ پيڭ، شياڭباپيڭسو، جاڭ باۋىن، لياڭ گۋاڭليە، چاڭ ۋانچۋان، حان جۋبين، جيا چۇنۋاڭ، سۇڭ جيان، حۋ چيلي، ۋاڭ جۇڭيۇي، لي گۇيشيان، حاۋ جيانشيۋ، شۇي كۋاڭدي، جاڭ حۋايشي، لي مىڭ، باي ليچىن، چىن كۇييۋان، ابلەت ابدىرەشيت، لي جاۋجو، حۋاڭ مىڭفۋ، جاڭ مەييىڭ، جاڭ رۇڭميڭ، چيان يۇنلۋ، سۇن جياجىڭ، لي جينحۋا، جىڭ ۋانتۇڭ، دىڭ پۋفاڭ، چىن زۇڭشيڭ، ۋاڭ جىجىن، حان چيدى، لو فۋحى، لي حايفىڭ، چىن يۋان، جوۋ شياۋچۋان، ۋاڭ جيارۇي، چي شۇيچۇن، ما پەيحۋا، ليۋ شياۋفىڭ، ۋاڭ چينمين، سونداي - اق لي زوچىڭ، مياۋ حۋا، جاڭ شىڭميڭ جانە فۋ چۋانيوۋ، يۇي يۇڭبو، ۋاڭ كى، چىن بيڭدى، لي جي - ناي، چياۋ چيڭچىن، جيڭ جىيۋان، جاۋ كىشى، ۋ شىڭلي، ما شياۋتيان، شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ى، اۋمىن ەرەكشە اكىمشىلىك رايونىنىڭ اكىمى سۇي شى - ان، اكىم كانديداتى حى يچىڭ.

  ورتالىقتىڭ پارتيا، ۇكىمەت، ارميا، بۇقارالىق ورىندارىنىڭ ءارقايسى تاراۋلارىنىڭ جانە بەيجيڭ قالاسىنىڭ نەگىزگى جاۋاپتىلارى، ءارقايسى دەموكراتيالىق پارتيا - توپتار ورتالىق كوميتەتىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، ءار سالاداعى تانىمال قايراتكەرلەردىڭ ۋاكىلدەرى، مەملەكەتتىك حالىق قۇرىلتايىنىڭ ءبىر ءبولىم ۋاكىلدەرى، مەملەكەتتىك ساياسي كەڭەستىڭ ءبىر ءبولىم مۇشەلەرى، ساقا جياڭجۇندەردىڭ، ساقا قىزىل ارميانىڭ، ساقا كادرلاردىڭ ۋاكىلدەرى، پارتيا مەن مەملەكەتتىڭ قايتىس بولعان باسشىلارىنىڭ، داجياڭدارىنىڭ جۇبايلارى، ”رەسپۋبليكا وردەنى“ نىڭ،”1 - تامىز وردەنى“ نىڭ جانە مەملەكەت داڭق اتاعى يەگەرلەرىنىڭ ۋاكىلدەرى، بەيجيڭدە تۇراتىن مەملەكەتتىك ەڭبەك ۇلگىلەرىنىڭ جانە وزات تۇلعالاردىڭ ۋاكىلدەرى، ارميانى قولداۋ ۇلگىلەرىنىڭ، اسكەري قۇربانداردىڭ وتباسىنداعىلارىنىڭ، توڭكەرىستىك مۇگەدەك اسكەريلەردىڭ، قوسىننان شەگىنگەن اسكەريلەردىڭ ۋاكىلدەرى، مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ - سيلاۋ جينالىسىنا قاتىناسقان ءبىر ءبولىم ۋاكىلدەر، سونداي - اق از ۇلت ۋاكىلدەرى، شياڭگاڭدىق، اۋمىندىق، تايۋاندىق جانە چياۋمين باۋىرلاستاردىڭ ۋاكىلدەرى قوناعاسىعا قاتىناستى.

  بەيجيڭدە تىنىعىپ جاتقان كامبودجانىڭ پاتشاسى سحاموني مەن پاتشا اناسى مونيلە، ”دوستىق وردەنىنىڭ“ يەگەرىنىڭ ۋاكىلدەرى، بەيجيڭدە ساپاردا جۇرگەن ءبىر ءبولىم شەتەلدىك قوناقتار، حالىقارالىق تانىمال قايراتكەرلەر، ايگىلى دوس قايراتكەرلەر جانە ولاردىڭ جۇبايلارى، ءار ەلدىڭ جۇڭگوداعى ەلشىلەرى، حالىقارالىق ۇيىمداردىڭ جۇڭگودا تۇراتىن ۋاكىلدەرى جانە ولاردىڭ جۇبايلارى، جۇڭگوداعى ءبىر ءبولىم شەتەلدىك ماماندار جانە ولاردىڭ جۇبايلارى دا قوناعاسىعا قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.