جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتادى
10 - ايدىڭ 1 - كۇنى، اۆتونوميالى رايون شينجياڭ حالىقارالىق كورمە ورتالىعىندا مەملەكەت تۋىن شىعارۋ سالتىن سالتاناتپەن وتكىزىپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتادى. سۋرەتتى ءتىلشى سۇي جىجيان تۇسىرگەن
تىلشىلەر ياۋ تۇڭ، ۋاڭ شيڭرۇي 10 - ايدىڭ 1 - كۇنى ۇرىمجىدەن حابارلايدى. بۇكىل ەلدىڭ جەر - جەرىندە جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن شات مەرەيمەن قۇتتىقتاپ جاتقان تۇستا، 10 - ايدىڭ 1 - كۇنى تۇستەن بۇرىن، اۆتونوميالى رايون شينجياڭ حالىقارالىق كورمە ورتالىعىندا ايبىندى مەملەكەت تۋىن شىعارۋ سالتىن وتكىزىپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن سالتاناتپەن قۇتتىقتاپ، ۇلى وتانىمىزدىڭ گۇلدەنىپ - كوركەيۋىن بىرگە شىن جۇرەكتەن تىلەپ، بۇكىل رايونداعى ءار ۇلت كادرلارى مەن بۇقاراسىنىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، تياناقتاندىرىپ، ءبىر نيەتپەن ىنتىماقتاسىپ، قاجىرلىلىقپەن كۇرەس جۇرگىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تالماي قۇلشىناتىن باتىل سەنىمى مەن بەكىمىن تەرەڭ سۇيىسپەنشىلىكپەن بەينەلەدى.
قوڭىر كۇزدىڭ 10 - ايى، بۇكىل ەل بىرگە تويلادى، تيانشان قاسقايىپ تۇر، بارشا جۇرت شاتتىققا شومدى. شينجياڭ حالىقارالىق كورمە ورتالىعى الاڭىندا قىزىل تۋلار جەلبىرەپ، گۇلدەر جاينادى. اۆتونوميالى رايوننىڭ پارتيا، ۇكىمەت، ارميا ورىندارىنىڭ جانە شينجياڭ ءوندىرىس - قۇرىلىس بيڭتۋانىنىڭ باسشىلارى ءۇرىمجى قالاسىنداعى 2000نان استام ءار ۇلت، ءار سالا ۋاكىلدەرىمەن بىرگە تۋ شىعارۋ سالتىنا قاتىناستى.
ساعات 8دە، شىعانداعان مۋزيكا ءۇنى ىشىندە مەملەكەت تۋىن قورعاۋ اترەتىندەگى كوماندير - جاۋىنگەرلەر ايباتتى بەينەمەن مىلتىقتى سەرت ۇستاپ، نىق قاداممەن قاسيەتتى بەس جۇلدىزدى قىزىل تۋدى قورعاپ تۋ شىعارۋ مىنبەسىنە بەت الدى.
ايبىندى «ەرىكتىلەر مارشى»نىڭ ورىندالۋىمەن بۇكىل الاڭداعىلار اسقاق تا جالىندى جۇڭحۋا حالىق رەسپۋبليكاسىنىڭ مەملەكەت ءانىن بىركەلكى داۋىسپەن شىعانداتا شىرقادى، بەس جۇلدىزدى نارت قىزىل تۋ باياۋ كوتەرىلدى.
”ورەندەر كوركەيسە، مەملەكەت كوركەيەدى، ورەندەر قۇدىرەتتەنسە، مەملەكەت قۇدىرەتتەنەدى. ءبىز جۇڭحۋا ورەندەرىمىز، ءبىز وتاننىڭ بولاشاعى مەن ءۇمىتىمىز!“ جاسوسپىرىمدەر بەس جۇلدىزدى قىزىل تۋعا قاراپ تۇرىپ، بىركەلكى داۋىسپەن ارناۋ ءسوز وقىدى. تۇنىق داۋىسپەن سىڭعىرلاپ شىققان بالعىن اۋەن پيونەرلەر وتريادى مۇشەلەرىنىڭ ۇلى وتانعا دەگەن شەكسىز قىزۋ سۇيىسپەنشىلىگى مەن شىنايى تىلەگىن بەينەلەدى.
تۋ شىعارۋ سالتىنا قاتىناسقان ءار ۇلت كادرلارى مەن بۇقاراسى تەبىرەنە مىنالاردى ءبىلدىردى: جاڭا جۇڭگو قۇرىلعان 70 جىلدان بەرى، جۇڭگو كوممۋنيستىك پارتياسىنىڭ پارمەندى باسشىلىعىندا، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى تاريحي شارىقتاۋدى قارسى الدى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا مەن مەملەكەت ىستەرىندە تاريحي ناتيجەگە قول جەتىپ، تاريحي وزگەرىستەر تۋىلدى، جۇڭگوشا سوتسياليزم جاڭا داۋىرگە ءوتتى. وتان قۇشاعىندا، تيانشاننىڭ تۇستىگى مەن تەرىستىگىندە وراسان زور وزگەرىستەر جارىققا شىقتى، كوپشىلىكتىڭ تۇرمىسى بارعان سايىن جاقساردى. ءبىز ۇلى وتانىمىزدىڭ قول جەتكىزگەن شوقتىعى بيىك ۇلى ىستەرىن، شينجياڭنىڭ ەكونوميكالىق، قوعامدىق دامۋدا قول جەتكىزگەن كەسەك تابىسىن شەكسىز داڭق سەزىنەمىز، شەكسىز ماقتانىش ەتەمىز. پارتيا ورتالىق كوميتەتىنىڭ شىنايى قامقورلىعىنا شىن جۇرەكتەن العىس ايتامىز، ۇلى وتانىمىزدىڭ ەرتەڭىنىڭ ءتىپتى دە تاماشا بولۋىن شىن جۇرەكتەن تىلەيمىز. ءبىز، ءسوز جوق، شينجياڭنىڭ ورنىقتىلىعىنىڭ، دامۋىنىڭ اسا تاماشا جاعدايىن بارىنشا قاستەرلەپ، وڭاي - وسپاق قولعا كەلمەگەن باقىتتى، تاماشا تۇرمىسىمىزدى بارىنشا قاستەرلەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتماقتاسىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، وتانشىلدىق رۋحتى بار كۇشپەن اسقاقتاتىپ، بەكەم ىنتىماقتاسا العا باسىپ، وتانىمىزدىڭ شينجياڭىن اناعۇرلىم كورىكتى ەتىپ قۇرىپ شىعۋعا قۇلشىنىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن كۇش سالا ويداعىداي جازامىز.
