تيانشان تورى   ›   ۇيرەنۋ   ›   شولۋ

وتاندى ماقتانىش ەتەمىز، وتانعا باقىت تىلەيمىز

− باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

حالىق گازەتىنىڭ شولۋشىسى

  بۇل − دۇنيەنى تەبىرەنتكەن كۇرەس تاريحي داستانى! بۇل − تاريحقا وشپەس ءىز قالدىرعان ۇلى حيكىمەت!

  ادامزات تاريحىنىڭ سالقار كوشىندە 70 جىل تەك لەزدىك ءسات قانا، الايدا، جۇڭگو حالقى مەن جۇڭحۋا ۇلتى جونىنەن العاندا، بۇل وراسان زور وزگەرىستى باستان كەشىرگەن، دۇنيەنى وزگەرتكەن 70 جىل. جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، ۇلى گۇلدەنۋدى جۇزەگە اسىراتىن نۇرلى بولاشاقتى قارسى الدى.

  ”وسى ساتتە، بۇكىل ەلدەگى ءار ۇلت حالقى، ەل ءىشى - سىرتىنداعى جۇڭحۋا ۇلاندارى تۇگەل شەكسىز قۋانىشتى سەزىمگە بولەنىپ، ۇلى وتانىمىزدى تۇگەل ماقتانىش ەتىپ، ۇلى وتانىمىزعا تۇگەل شىن جۇرەكتەن باقىت تىلەۋدە“. جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا باس شۋجي شي جينپيڭ ماڭىزدى ءسوز سويلەپ، 70 جىلدىڭ الدىندا جاڭا جۇڭگو قۇرىلعان وسى ءبىر ۇلى ءىستى تەرەڭ سۇيىسپەنشىلىكپەن ەسكە ءتۇسىرىپ، 70 جىلدان بەرى بۇكىل ەلدەگى ءار ۇلت حالقى قول جەتكىزگەن دۇنيەنى جالت قاراتار ۇلى جەتىستىكتەردى القاپ، العا باسۋ ساپارىندا تىڭ تاريحي ۇلى ىستەردى ۇزبەي جاراتاتىن باتىل بەكىمى مەن مىعىم سەنىمىن جاريالاپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن اناعۇرلىم تىعىز ىنتىماقتاسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، حالىق رەسپۋبليكامىزدى ۇزبەي جاقسى بەكەمدەپ، جاقسى دامىتىپ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن ۇزبەي قۇلشىنا كۇرەسۋگە ۇندەدى.

  داڭقتى جىلدارعا تاۋ - وزەندەر كۋا. 70 جىلدىڭ الدىندا ماۋ زىدۇڭ جولداس دۇنيە جۇزىنە جۇڭحۋا حالىق رەسپۋبليكاسىنىڭ قۇرىلعاندىعىن، جۇڭگو حالقىنىڭ وسىدان باستاپ ەڭسە كوتەرگەندىگىن سالتاناتپەن جاريالاپ، تاياۋ زاماننان بەرگى 100 نەشە جىلداعى جۇڭگونىڭ كەدەيلىكتەن، دارمەنسىزدىكتەن ارىلا الماعان، باسقالاردىڭ قورلاۋىنا ۇشىراعان ايانىشتى تاعدىرىن ءۇزىلدى - كەسىلدى وزگەرتىپ، جۇڭحۋا ۇلتىن ۇلى گۇلدەنۋدى جۇزەگە اسىرۋدىڭ داڭعىل جولىنا ءتۇسىردى. 70 جىلدان بەرى، بۇكىل ەلدەگى ءار ۇلت حالقى ءبىر نيەت، ءبىر تىلەكتە بولا وتىرىپ، قاجىرلىلىقپەن كۇرەس جۇرگىزىپ، ەكونوميكانىڭ جەدەل دامۋى مەن قوعامنىڭ ۇزاق ۋاقىت ورنىقتىلىعىنىڭ كەرەمەتىن جاراتتى. بۇگىن سوتسياليستىك جۇڭگو دۇنيەنىڭ شىعىسىندا اسقاق تۇلعاسىمەن ەڭسە كوتەرىپ تۇر، ەشقانداي كۇش ءبىزدىڭ ۇلى وتانىمىزدىڭ ورنىن شايقالتا المايدى، ەشقانداي كۇش جۇڭگو حالقى مەن جۇڭحۋا ۇلتىنىڭ العا باسۋ قادامىنا بوگەت بولا المايدى. كەشەگى كۇندەرگە قايىرىلا قاراپ، بۇگىنگى كۇندەردى مىقتاپ يگەرىپ، الداعى كۇندەرگە كوز جىبەرگەندە، بۇكىل ەلدەگى ءار ۇلت حالقى، ەل - ءىشى سىرتىنداعى جۇڭحۋا ۇلاندارى قالاي عانا وتانىمىزدىڭ تاريحي داستان ىسپەتتى العا باسۋىنا شىن جۇرەكتەن ماداق ايتپاي تۇرا السىن، قالاي عانا وتاننىڭ ءتىپتى دە كوركەم بولاشاعىنا شىن جۇرەكتەن باقىت تىلەمەي تۇرا السىن!

  وتاندى ماقتانىش ەتۋدە شەكسىز مىعىم سەنىمىمىز بار. بىرىنشىدەن كەدەي، ەكىنشىدەن اق، كۇيزەلىس جايلاعان كۇيدەن باستاپ، 70 جىلدىق قاجىرلى كۇرەستى باستان وتكەرىپ، ەلىمىزدىڭ جالپىلىق مەملەكەت قۋاتى دۇنيە ءجۇزىنىڭ الدىڭعى قاتارىنا ءوتىپ، ”فۋشيڭ“ ءنومىرلى پويەزى ساعاتىنا 350 كيلومەترلىك جىلدامدىقپەن دۇنيە ءجۇزىنىڭ الدىندا كەلەدى، جۇڭگونىڭ بارلىق جەرىنەن ەڭ جاڭا، ەڭ كوركەم جازۋلار، ەڭ جاڭا، ەڭ كوركەم كورىنىستەر جارىققا شىعىپ، جۇڭگو تاريحتاعى ەڭ جاقسى دامۋ كەزەڭىندە تۇر، ءارقانداي تاريحي كەزەڭمەن سالىستىرعاندا جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا اناعۇرلىم جاقىنداي تۇستىك، وسى نىسانانى جۇزەگە اسىرۋعا سەنىمىمىز كامىل، قاجىر - قابىلەتىمىز دە جەتەدى. مىڭ ءبىر ماشاقاتتى باستان وتكەرىپ، اسقار تاۋلار مەن اساۋ وزەندەردەن ءوتىپ، وسىنداي تابىستارعا قول جەتكىزۋ نەتكەن قيىن، نەتكەن كەرەمەت!

  وتانعا باقىت تىلەۋدە، بىزدە شەكسىز باتىل نانىم، ۇستانىم جانە سەنىم بار. ”سۋ وتكەن قايىقتان“ ەڭسە كوتەرۋگە بەت الىپ، ”كۇيرەۋگە تاياۋدان“ بايۋعا بەت الىپ، ”تاستى دومالاتىپ تاۋعا شىعارۋدان“ قۇدىرەتتەنۋگە بەت الىپ، جاڭا جۇڭگو 70 جىلداعى دامۋدا جۇڭحۋا ۇلتىنىڭ كىرىپتار بولۋدان ەرلىكپەن كوتەرىلۋگە، تاۋقىمەت تارتۋدان جارقىراپ جايناۋعا دەيىنگى تاعدىر بەت بۇرىسىن جارىققا شىعاردى. فاكت بۇلتارتپايدى، جۇڭگوشا سوتسياليزم جولى − سوتسياليستىك وسىزامانداندىرۋدى جۇزەگە اسىرۋدا، حالىقتىڭ تاماشا تۇرمىسىن جاراتۋدا، ءسوز جوق، باسىپ وتۋگە ءتيىستى جول، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوز جوق، باسىپ وتۋگە ءتيىستى جول. بۇگىن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ شەشۋشى مەزگىلدە تۇر، ءبىزدىڭ الدىمىزداعى بورىش ءتىپتى داڭقتى، مىندەت ءتىپتى جاپالى، سىن - سايىس ءتىپتى قاتاڭ، قىزمەت ءتىپتى ۇلى. جۇڭگو كوممۋنيستىك پارتياسى باسشىلىعىنىڭ ساياسي ارتىقشىلىعى مەن جۇڭگوشا سوتسياليزمنىڭ ءتۇزىم ارتىقشىلىعىن ساۋلەلەندىرىپ، ءار جاقتىڭ اقىل - پاراساتى مەن كۇش - قۋاتىن ۇيىستىرىپ، ەل ءىشى - سىرتىنداعى جۇڭحۋا ۇلاندارىنىڭ زەيىن - زەردەنى ءبىر جەرگە شوعىرلاندىرىپ، كۇشتى ءبىر جەرگە ۇيىستىرعان قۇدىرەتتى بىرىككەن كۇشىن قالىپتاستىرعاندا عانا، جۇڭگو حالقى، ءسوز جوق، ءار ءتۇرلى جاپا - ماشاقات، حاۋىپ - قاتەر، كەدەرگىلەردى جەڭىپ، حالىق رەسپۋبليكامىزدىڭ اناعۇرلىم زور شۇعىلالى ناتيجەلەرىن سومداي الادى.

  70 جىلدا قۇلاشىمىزدى كەڭگە سەرمەدىك، نۇرلى بولاشاق الدىمىزدا. ”جۇڭگونىڭ كەشەگىسى ادامزاتتىڭ تاريح پاراعىنا جازىلدى، جۇڭگونىڭ بۇگىنى ميلليارد حالىقتىڭ قولىمەن جاراتىلۋدا، جۇڭگونىڭ ەرتەڭى، ءسوز جوق، اناعۇرلىم كوركەم بولادى“. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، الدىڭعىلاردىڭ ءىزىن باسىپ بولاشاققا جول اشىپ، ۇزدىكسىز كۇرەس جۇرگىزىپ، حالىق رەسپۋبليكامىزدى اناعۇرلىم گۇلدەنگەن، باي، قۇدىرەتتى ەتىپ قۇرىپ شىعىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ساپارىندا جاڭا اناعۇرلىم زور كەرەمەتتەردى جاراتايىق!

(شينحۋا اگەنتتىگىنىڭ 10 - ايدىڭ 1 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.