تيانشان تورى
تيانشان تورى   ›   جاڭالىقتار   ›   شينجياڭ حابارلارى

نەگىزگى اۋەندى اسقاقتاتا شىرقاپ، جاڭا داۋىردە ەكپىندەي ىلگەرىلەيىك

− رايونىمىز ”شي جينپيڭنىڭ جاڭا ءداۋىر جۇڭگوشا سوتسياليزم يدەياسىن سان مىڭداعان وتباسىنا جەتكىزۋ“ قيمىلىن ىشكەرىلەي ورىستەتتى

تىلشىلەر ءپاريزات، شيا چيڭ

  ”پارتيانىڭ ابزال ساياساتىن كۋايبانمەنەن جەتكىزەم، باقىتتى تۇرمىس سيلاعان پارتياعا العىس ايتامىز...“ 9 - ايدىڭ 20 - كۇنى توقسۋ اۋدانى وگەن اۋىلى قاراقۇم قىستاعىنىڭ قىستاق تۇرعىندار كوميتەتى ۇگىت - لەكسيا وتكىزىپ جاتتى، 8 حالىق ۇگىت - لەكسياشىسى كەزەكتەسە الاڭعا شىعىپ، كۋايبان، ءان - كۇي سياقتى فورمالارمەن قىستاقتاعى جاڭا وزگەرىستەردى، بۇقارانىڭ جاڭا تۇرمىسىن تەبىرەنە باياندادى.

  جاڭا جۇڭگو قۇرىلعاندىعىنىڭ 70 جىلدىعىن قۇتتىقتاپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنىڭ تىڭعىلىقتى ورىستەتىلۋىن ىشكەرىلەي ىلگەرىلەتۋ ءۇشىن، رايونىمىز ”شي جينپيڭنىڭ جاڭا ءداۋىر جۇڭگوشا سوتسياليزم يدەياسىن سان مىڭداعان وتباسىنا جەتكىزۋ“ قيمىلىن ىشكەرىلەي ورىستەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن شارۋالاردىڭ وتباسىنا، اتىز باسىنا جانە ءوندىرىستىڭ ءبىرىنشى شەبىنە جەتكىزدى... ءبىر - بىرلەگەن كولەمدى ۇگىت - لەكسيالار جۇرت تىلەگىن ۇيىستىرىپ، كۇش - قايراتتى ىنتالاندىرىپ، بارلىق ادام پارتياعا العىس ايتاتىن، وتانعا العىس ايتاتىن، جۇڭحۋا ۇلتى ۇلى شاڭىراعىنا العىس ايتاتىن تاماشا بەينە قالىپتاستىردى.

تابىستاردى ايتىپ، وزگەرىستەردى اڭگىمەلەدى

بارلىق ادام ۇگىت - لەكسيا جاساۋشى

  وسى بىرنەشە كۇندە، جىڭ اۋداندىق اقپارات ورتالىعىنىڭ مەڭگەرۋشىسى، ۇگىت - لەكسيا جاساۋشى يە حۇڭمەي ءۇرتىس 5 رەت ۇگىت - لەكسيا جاسادى، ول تىلشىگە بىلاي دەدى: ”جاڭا جۇڭگو قۇرىلعان 70 جىلدان بەرگى ۇلى تابىستار مەن وزگەرىستەر ساناپ تاۋىسقىسىز، ايتىپ تۇگەتكىسىز، نەگىزگى ساتىداعى جۇرتشىلىق تىڭداۋعا قۇشتار، تىڭداپ قانبايدى. تابىستاردى، وزگەرىستەردى ويداعىداي اڭگىمەلەۋ ءۇشىن، اۋدان ىشىندە اۋدان، اۋىل، قىستاق ءۇش ساتىنى قامتىعان ۇگىت - لەكسياشىلار قوسىنى قۇرىلدى“.

  ”شي جينپيڭنىڭ جاڭا ءداۋىر جۇڭگوشا سوتسياليزم يدەياسىن سان مىڭداعان وتباسىنا جەتكىزۋ“ قيمىلىنىڭ تەرەڭدەۋىن، ناقتىلانۋىن ىلگەرىلەتۋ ءۇشىن، بۇكىل رايونداعى جەر - جەر ”مەن جانە مەنىڭ وتانىم“ بۇقارالىق ۇگىت - لەكسياسىن تۇتقا ەتىپ، نەگىزگى تاقىرىپتىق تاربيەمەن ۇشتاستىرىپ، ۇگىت - لەكسيا جاساۋ قىزمەتىن جۇرگىزۋ جۇيەسى جونىندە بەلسەنە ىزدەنىس جاساپ، ۇلكەن ۇگىت - لەكسيا قىزمەتى تورىن كۇش سالا قۇرىپ، ”باسشى كادرلار باستاماشىلدىقپەن لەكسيا جاسايتىن، كاسىپتىك قىزمەتكەرلەر ۇلگى بولىپ لەكسيا جاسايتىن، سالا ۋاكىلدەرى تۇگەل لەكسيا جاسايتىن، تيپتىك ۇلگىلەر جەتەكشىلىكپەن لەكسيا جاسايتىن، حالىق اراسىنان شىققان شەبەرلەر ءوز ەرەكشەلىگىنە ساي لەكسيا جاسايتىن“ جاندى جاعداي قالىپتاستىردى.

  ءۇرىمجى قالاسى ”حۇڭشان ءۇنى“ ۇگىت - لەكسيا جاساۋ ۇيىرمەسىن كۇش سالا قۇرىپ، ستەرەولدى، كوپ ساتىلى، جاپپاي قامتىعان ۇگىت - لەكسيا ۇلكەن جۇلگەسىن ورناتتى. ”حۇڭشان ءۇنى“ ۇگىت - لەكسيا ۇيىرمەسىنىڭ قاراۋىندا ەرەكشە ۇگىت - لەكسيا اترەتىنەن 300دەن استام، تىرەكتى ۇگىت - لەكسيا جاساۋشىلاردان 120 ادام، نازاريا مامانى ۇگىت - لەكسيا جاساۋشىلاردان 123 ادام، باسشى كادر ۇگىت - لەكسيا جاساۋشىلاردان 2449 ادام، شولپان حالىق ۇگىت - لەكسياشىلارىنان 1417 ادام، نەگىزگى ساتى بۇقارالىق ۇگىت - لەكسيا جاساۋ تىرەكتىلەرىنەن 15 مىڭنان استام ادام بار.

  اقسۋ ايماعى ايماق، مەڭگەرمە دارەجەلى باسشىلار ۇلگى كورسەتىپ باستاماشى بولىپ، باسقا باسشىلار باستاماشى بولىپ لەكسيا جاساۋ، ۇگىت - لەكسيا ۇيىرمەسى ۇلگى كورسەتىپ لەكسيا جاساۋ، پارتيالى كادرلار وتباسىلارىنا كىرىپ لەكسيا جاساۋ، كادرلار مەن جۇمىسشى - قىزمەتشىلەر شاعىن ۇگىت - لەكسيا جاساۋ، حالىق اراسىنان شىققان قوسىن ىقپالداسىپ لەكسيا جاساۋ، جەلىلىك شەپتە كەز كەلگەن ۋاقىتتا لەكسيا جاساۋ، ءار سالا، ءار كاسىپ تۇرگە ايىرىپ لەكسيا جاساۋ ءتاسىلىن قولدانىپ، قيمىلدىڭ ورگاندارعا، اۋىل - قىستاقتارعا، الەۋمەتتىك اۋماقتارعا، شارۋا وتباسىلارىنا، مەكتەپ اۋلاسىنا، كاسىپورىندارعا (كەن اۋماعى، زاۆود)، اسكەري كازارمالارعا، سايتتارعا كىرۋىن ورنىقتى ىلگەرىلەتتى.

  نەگىزگى تاقىرىپتىق تاربيە ورىستەتىلگەننەن بەرى، اۆتونوميالى رايوندىق پارتكومنىڭ لەكتورلار ۇيىرمەسى مەن شينجياڭ ۇگىت كادرلارى شۋەيۋانى 2019 - جىلى 6 - ايدان باستاپ، 3 مەرزىمدىك باۋلۋ كۋرسىن بىرلەسىپ وتكىزىپ، ايماق - وبلىس، اۋدان - قالا جانە اۋىل - قالاشىقتاردىڭ تىرەكتى ۇگىت لەكسيا جاساۋشىلارىنان 360 ادامدى شوعىرلى تۇردە باۋلىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇگىتتەۋدىڭ ”ستەرەولدى ءۇنىن“ قالىپتاستىردى. 9 - ايدىڭ 22 - كۇنىنە دەيىن، بۇكىل رايونىمىزدا جيىنى 170 مىڭ رەت بۇقارالىق ۇگىت - لەكسيا جاساۋ قيمىلى ورىستەتىلىپ، تاربيەلەنگەن جۇرتشىلىق 17 ميلليون 130 مىڭ ادام - رەتتەن استى.

قيىن ءتۇيىندى شەشىپ، قولامتالى ءتۇيىندى يگەردى

باعالى كەڭەس جۇرت جۇرەگىنە ۇيالادى

  تۇرپان قالاسى گاۋچاڭ رايونى يار قالاشىعى يار قىستاعىنداعى ءانۋار عوجانىڭ ۇيىنە كىرسەڭىز، گۇلدەردىڭ ءيىسى مۇرىندى جارىپ، جاسىل اعاشتار ساياسىندا سەرگىپ قالاسىز. ءجۇزىم سورەسى استىندا، ۇگىت - لەكسيا جاساۋشى ءابيباحان جاپار ءانۋارعا ”بىرگە - ءبىر“ ۇگىت - لەكسيا جاساۋدا. ”بيىل جاڭا ۇزىلگەن ءجۇزىم 20 نەشە مىڭ يۋانعا ساتىلدى، كەپتىرۋ ۇيىندە تاعى 30 نەشە مىڭ يۋاندىق مەيىز بار، مۇندا پارتيانىڭ ابزال ساياساتىنا العىس ايتۋىڭ كەرەك. سەنىڭ ءجۇزىم ەگۋ تەحنيكاڭ وتە جاقسى، ءوزىڭ قاجىرلىلىقپەن ىستەپ اۋقاتتانىپ قانا قالماستان، تاعى اۋىلداستاردى بىرگە ىستەۋگە باستاۋىڭ كەرەك“.

  ءانۋار تىڭداي وتىرىپ باسىن يزەپ: ”سەن وتە جاقسى ايتتىڭ، ەرەكشە جىگەرلەندىردىڭ، تۇرمىسىمنىڭ جۇزىمدەي ءتاتتى ەكەنىن سەزىندىردىڭ“ دەدى.

  تيانشاننىڭ تۇستىگى مەن تەرىستىگىنە كوز جىبەرسەڭىز، ءابيباحان سياقتى ۇگىت - لەكسيا ۇيىرمەسىنىڭ مۇشەلەرى قاراپايىم ءتىل، اسەرلى اڭگىمەلەر ارقىلى كورەرمەندەردى تەرەڭ اسەرلەندىرىپ، كورەرمەندەردىڭ كۇرەسكەرلىك ىنتاسىن قالاۋتتى.

  تۇرپان قالاسى ”شي جينپيڭنىڭ جاڭا ءداۋىر جۇڭگوشا سوتسياليزم يدەياسىن سان مىڭداعان وتباسىنا جەتكىزۋ“ قيمىلىن نەگىزگى تاقىرىپتىق تاربيەمەن، بۇقارالىق قىزمەتتىڭ ”بەينەجازبالىق زور ۇگىت - لەكسياسى“نىڭ جالپى بارىسىمەن توعىستىرىپ، بۇقاراعا پارتيانىڭ ابزال ساياساتىن، پارتيانىڭ مەيىرىن ۇگىتتەپ، ءار ۇلت بۇقاراسىن ”بەستى شىنايى مويىنداۋ“دى كۇشەيتۋگە تاربيەلەدى، باستادى.

  حوتان ايماعى ەگىس ارەدىگىنەن پايدالانىپ، حالىقتىق قاراپايىم تىلمەن، كوپ ءتۇرلى فورمالارمەن ۇگىت - لەكسيا ورىستەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن اۋىل - قىستاقتارعا ىشكەرىلەي جەتكىزىپ، بۇقارانىڭ كوڭىل تۇكپىرىنە ۇيالاتتى.

  ”پارتيانىڭ ءتۇرلى ابزال ساياساتتارىنىڭ جەتەكشىلىگىندە، ءبىز مەشەۋ يدەيا - كوزقاراسىمىزدى وزگەرتىپ، تۇگەل قۇلشىنا جاقسى تۇرمىس كەشىرۋدى ويلايتىن بولدىق“، - كەدەيلىكتەن ارىلتۋدان قامال الۋدى نەگىزگى تاقىرىپ ەتكەن ۇگىت - لەكسيانى تىڭداعان قاراقاش اۋدانى پۇرشاقشى اۋىلى كاساشاحلىق قىستاعىنىڭ قىستاق تۇرعىنى جۇمانيازحان ماحمۇت قۋانا وسىلاي دەدى.

فورماسى الۋان ءتۇرلى، تاقىرىبى شاعىن بولدى

”ەڭ سوڭعى ءبىر كيلومەتر“ تۇتاستىرىلدى

  نەگىزگى تاقىرىپتىق تاربيەدە، بۇكىل رايوننىڭ جەر - جەرى، تاراۋلارى جالپىعا تۇسىنىكتى بولۋ، توپقا ءبولۋ، ىقپالداستىرۋ جاعىنا كۇش سالىپ، ”سيفر ۇلگىسى“، ”ءمازىر ۇلگىسى“، ”سالىستىرۋ ۇلگىسى“، ”سۇراۋ - جاۋاپ ۇلگىسى“ سياقتى بۇقارا قۋانا قابىلدايتىن ۇگىت − لەكسيا فورمالارىنان ويداعىداي پايدالانىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، سونداي - اق پارتيانىڭ لۋشيان، باعىت، ساياساتتارىن بۇقارا تىڭداپ تۇسىنەتىن، وڭاي قابىلدايتىن اڭگىمەلەرگە اينالدىردى.

  جەر - جەر ۇگىت - لەكسيا بارىسىنا مۋزيكا، تاقپاق، كورىنىستىك دراما سياقتى ادەبيەت - كوركەمونەر ەلەمەنتتەرىن توعىستىرىپ، ”ۇگىت - لەكسيا +“ فورماسىن بايىتىپ جانە كەمەلدەندىرىپ، ۇگىت - لەكسيانىڭ باۋراعىشتىعىن، تارتىمدىلىعىن كۇشەيتىپ، جۇرتشىلىقتىڭ ريزاشىلىقپەن تىڭداۋىنا، تىڭداپ تۇسىنۋىنە، ەستەرىندە ساقتاۋىنا مۇمكىندىك جاسادى؛ ”شاعىن ۇگىت - لەكسيا“نى جاپپاي ورىستەتىپ، شاعىن تاقىرىپپەن ۇلكەن نەگىزگى تاقىرىپتى جەتكىزىپ، شاعىن اڭگىمەلەرمەن ۇلكەن قيسىندى شەشىپ ءتۇسىندىرىپ، شاعىن تۇيىندەرمەن ۇلكەن ماسەلەلەردى جىنتىكتەي تالداپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ، سونداي - اق جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ نەگىزگى ساتىعا ىشكەرىلەي جەتۋىن، جۇرتتىڭ كوڭىل تۇكپىرىنە ۇيالاۋىن ۇزدىكسىز ىلگەرىلەتتى.

  توقسۋ اۋدانى ەسەپ جاساپ سالىستىرۋ امالى ارقىلى ايتىپ تاربيەلەۋ ءادىسى، تۇرگە ايىرىپ ۇگىت - تاربيە جۇرگىزۋ ءادىسى سياقتى ”جەتى ءتۇرلى ۇگىت - تاربيە ءادىسىن“ جولعا قويىپ، فورماسى ءار الۋان، بۇقارانىڭ قالاۋىنا جاعاتىن، باعىتتامالى ۇگىت - لەكسيا ورىستەتتى.

  ”قازىر بارلىعىمىز جاقسى كۇن كەشىرىپ جاتىرمىز، قارىن توق، قونىس جاقسى، اۋرۋ كورسەتۋدەن دە قامىقپايتىن بولدىق، مۇنىڭ ءبارىن كوممۋنيستىك پارتيا بەرگەن. ءبىز شىن جۇرەگىمىزبەن پارتياعا العىس ايتامىز، باس شۋجي شي جينپيڭگە العىس ايتامىز. ءبىز ماڭگى پارتيانىڭ سوزىنە قۇلاق اسىپ، پارتياعا ىلەسەمىز!“ توقسۋ اۋدانى وگەن اۋىلى قاراقۇم قىستاعىنىڭ قىستاق تۇرعىنى رىزۋانام نياز ۇگىت - لەكسيانى تىڭداعان سوڭ تەبىرەنە لەبىز ءبىلدىردى.

  سانجى حۇيزۋ اۆتونوميالى وبلىسى اۋىل - قىستاق ۇلكەن كەرنايىنان، جىلجىمالى كىشكەنە كەرنايىنان تولىق پايدالانىپ، پارتيانىڭ ”اسەم اۋەنى“نىڭ قاراپايىم بۇقارا وتباسىنا جەتۋىنە مۇمكىندىك جاساپ، ۇگىت - يدەيا قىزمەتىنىڭ ”ەڭ سوڭعى ءبىر كيلومەترىن“ تۇتاستىردى.

  سانجى وبلىستىق پارتكوم لەكتورلار ۇيىرمەسىنىڭ جاۋاپتىسى لين چۇنيان بىلاي دەدى: ”ءبىزدىڭ بۇقارالىق ۇگىت - لەكسيا جاساۋ اترەتىمىز كاسىپورىندارعا، مەكتەپتەرگە، اۋىل - قىستاق، الەۋمەتتىك اۋماقتارعا بارىپ، شاعىن ىستەردەن كەلەلى ىستەردى كورىپ، تۇيىندەر ارقىلى جالپىنى ىلگەرىلەتىپ، تۇرگە ايىرۋدى كورنەكتىلەندىرىپ، دالمە - دالدىكتى كورنەكتىلەندىرىپ، بۇقارانىڭ قارسى الۋىنا بولەندى. ءبىز ۇزاق ۋاقىت جالعاستىرۋعا تاباندى بولىپ، ۇدايىلانعان، تۇزىمدەنگەن ۇگىت - لەكسيا ۇلگىسىن قالىپتاستىرىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن قۇدىرەتتى رۋحاني كۇش - قۋات ۇيىستىرامىز“.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.