− ىلە قازاق اۆتونوميالى وبلىسىنىڭ اۋدان، قالالارى، سونداي - اق توتە قاراستى ورىندارى، اۋىل، قالاشىق، ءمالى جانە قىستاقتارى (الەۋمەتتىك اۋماق) 2 - توپتاعى نەگىزگى تاقىرىپتىق تاربيەنى تىڭعىلىقتى ورىستەتتى
ءتىلشى ۋاڭ شينحۇڭ، ەرىكتى ءتىلشى لي يافىڭ
2 - توپتاعى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ورىستەتىلگەننەن بەرى، ىلە قازاق اۆتونوميالى وبلىسىنىڭ 4 القاسى، سونداي - اق قاراستى اۋدان، قالالاردىڭ (شەكارا وتكەلى)، 86 تاراۋدىڭ (ورىن) 1649 اۋدان، باسقارما دارەجەلىدەن جوعارى باسشى كادرى، 5430 نەشە نەگىزگى ساتى پارتيا ياچەيكاسى، 130 مىڭنان استام پارتيا مۇشەسى تۇتاس بارىس بويىنشا قاتىناسىپ، ءتۇپ نۇسقانى وقۋدان، اۋەلگى ءماتىندى ۇيرەنۋدەن، قاعيدانى يگەرۋدەن جازباي، ءتۇرلى ۇتىمدى شارالاردى قولدانىپ، نەگىزگى تاقىرىپتىق تاربيەنىڭ جوعارى ساپالى ورىستەتىلۋىنە شىنايى كەپىلدىك ەتتى.
■ ”ۇيرەنۋدى“ ماڭداي الدى ورىنعا قويىپ قابىلەتتى ارتتىردى
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ سىندى نەگىزگى جەلىنى ارقاۋ ەتىپ، ىلە وبلىسىنىڭ اۋدان، قالا، ورىندارى ۇيرەنۋدى ماڭداي الدى ورىنعا قويىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن جاڭا داۋىردەگى پارتيانىڭ شينجياڭدى جونگە سالۋ جالپى جوباسى جونىندەگى تۇسىنىكتى ىشكەرىلەي تەرەڭدەتىپ، دايەكتىلەندىرۋدىڭ، تياناقتاندىرۋدىڭ سانالىلىعى مەن تاباندىلىعىن كۇشەيتىپ، پارتيانىڭ جاسامپاز نازارياسىن قولدانىپ امالياتقا جەتەكشىلىك ەتۋ، قىزمەتتى ىلگەرىلەتۋ قابىلەتىن جوعارىلاتتى.
نىلقى اۋدانىنداعى اۋدان، باسقارما دارەجەلى باسشى كادرلار نازاردى نەگىزگى جەلىگە شوعىرلاندىرىپ، 4 كۇن توپتىق ۇيرەنۋ جۇرگىزىپ، ءوز قىزمەتىن، باسقارۋعا جاۋاپتى سالانى جانە بايلانىس جاساۋدى ۇستىنە العان ورىنداردى توڭىرەكتەي وتىرىپ 2 رەت توپتىق اڭگىمەلەسۋ، زەرتتەۋ - تالقى ورىستەتىپ، ءبىر جاعىنان ۇيرەنىپ، ءبىر جاعىنان تۇزەتتى، ءبىر جاعىنان ارەكەت ەتىپ، ءبىر جاعىنان وي جۇگىرتتى.
تەكەس اۋدانى مال شارۋاشىلىق ءوڭىرىنىڭ ءىس جۇزىندىگىمەن ۇشتاستىرىپ، ۇيرەنۋ تاربيەسىنىڭ فورماسىن بايىتۋ جاعىندا امال قاراستىرىپ، ناقتى شارالار شىعارۋعا كۇش سالدى. قونىستانۋى ءبىرشاما بىتىراندى پارتيا مۇشەلەرىنە قاراتا، اۋماق باستىعى تۋ شىعارۋ تۇيىندەرىندە، پارتيا مۇشەسى سەنتر وتباسىلارىندا جاقىن ماڭنان ۇيرەنۋ ۇيىمداستىردى؛ جىلجىمالى پارتيا مۇشەلەرىنە ۋيچاتتا جەتكىزۋ، بەينە - ەكران ارقىلى ۇلاستىرىپ ىقپالداسىپ ۇيرەنۋدى جولعا قويدى؛ مال شارۋاشىلىق قىستاقتاردىڭ قاتىناسى قولايسىز، قونىستانۋى بىتىراندى بولعاندىقتان، قىستاق پارتيا ياچەيكالارى اتتىلار، موتوتسيكلشىلەر اترەتتەرىن وتباسىلارىنا بارىپ پارتيا مۇشەلەرىن ۇيرەنۋگە ۇيىمداستىردى. بۇل اۋدان كوپ ءتۇرلى ۇيرەنۋ تاسىلدەرى ارقىلى بۇكىل اۋدانداعى 1200دەن استام مال شارۋاشىلىق وڭىرىندەگى پارتيا مۇشەلەرىنىڭ شوعىرلى ۇيرەنۋ قيىن بولۋ ماسەلەسىن شەشىپ، ۇيرەنۋ تاربيەسىندە بىردە - بىرەۋىنىڭ قاعىس قالماۋىنا شىنايى كەپىلدىك ەتتى.
قۇلجا قالاسى قازانشى ءمالىسى گۋاڭميڭ كوشەسى الەۋمەتتىك اۋماعى ”ءۇش جيىن، ءبىر ساباق“، ”N+1 تۇتاس الاپتىق پارتيا قۇرىلىسى“ قيمىلدارىمەن ۇشتاستىرىپ، ساقا پارتيا مۇشەلەرىن الەۋمەتتىك اۋماقتىڭ تاريحتى ۇيرەنۋ، تاريحتى ءبىلۋ سارايىندا قاراستى اۋماقتاعى پارتيا مۇشەلەرىنە، بۇقاراعا پارتياعا مۇشە بولۋداعى اۋەلگى ماقساتىن اڭگىمەلەۋ، العىس ايتۋ اڭگىمەلەرىن ايتۋ، پارتيانىڭ ساياساتىن دارىپتەۋ سياقتىلارعا ۇسىنىس ەتىپ، قاراستى اۋماقتاعى ءجۇرىپ - تۇرۋى قولايسىز 13 پارتيا مۇشەسىنە ۇيرەنۋ ماتەريالىن جەتكىزىپ بەردى.
كۇنەس اۋدانى كۇنەس قالاشىعى الەۋمەتتىك اۋماقتارىنىڭ پارتيا ياچەيكالارى نەگىزگى تاقىرىپتىق تاربيەنى نەگىزگى ساتىنى جونگە سالۋ جۇيەسى مەن جونگە سالۋ قابىلەتى قۇرىلىسىن كۇشەيتۋمەن ۇشتاستىرىپ، الەۋمەتتىك اۋماق ”ۇلكەن پارتكوم“ نەگىزگى ساتىنى جونگە سالۋعا جەتەكشىلىك ەتۋدى زور كۇشپەن ىلگەرىلەتىپ، ءتۇرلى الەۋمەتتىك تۇعىرلار بايلىعىن ۇتىمدى بىرىكتىرىپ، نەگىزگى ساتى پارتيا ياچەيكالارىنىڭ ءىس ءبىتىرۋ قابىلەتىن ۇزدىكسىز جوعارىلاتىپ، قوعامدىق قايشىلىقتار مەن ماسەلەلەردى جاسامپازدىقپەن شەشىپ، الەۋمەتتىك اۋماقتىڭ توركوزدەندىرىپ، جىنتىكتەپ باسقارۋىن، قىزمەت وتەۋىن جۇزەگە اسىرىپ، توركوز ىشىندە ”پارتيا مەن بۇقارانىڭ تىلەك جالعاستىرۋ ءتۇيىنىن“ اشىپ، نەگىزگى ساتى پارتيا قۇرىلىسىنىڭ ”جاپپاي قامتۋىن، ساڭلاۋ قالماۋىن“، الەۋمەتتىك اۋماق قىزمەت وتەۋىنىڭ، باسقارۋىنىڭ ”بارلىق جاعدايدا بىردەي، نولدىك قاشىقتىق“تا بولۋىن جۇزەگە اسىردى.
■ نەگىزگى ساتىعا ىشكەرىلەي بارىپ حالىق تىلەگىن تىڭدادى
نەگىزگى تاقىرىپتىق تاربيە بارىسىندا، ىلە وبلىسىنىڭ اۋدان، قالا (رايون)، اۋىل، قالاشىق، ءمالى جانە قىستاقتارى (الەۋمەتتىك اۋماق) نازاريا ۇيرەنۋدى كۇش سالا يگەرۋمەن بىرگە، نەگىزگى ساتىلارعا ىشكەرىلەي بارىپ تەكسەرۋ - زەرتتەۋ جۇرگىزىپ، ءسوز جولىن كەڭ اشىپ پىكىر تىڭداپ، بۇقارا ەڭ كوڭىل ءبولىپ وتىرعان ەڭ تىكە، ەڭ رەال مۇددە ماسەلەلەرىن شەشۋگە ءمان بەردى.
قورعاس قالاسى قىزمەت ادىسىندە جاڭالىق اشىپ، 18 قىستاقتا (الەۋمەتتىك اۋماق) بۇقارانىڭ قيىنشىلىعىن ايتۋ جونىنەن پىكىر تىڭداۋ ءماجىلىسىن اشتى. قازىرگە دەيىن بۇقارانىڭ قيىنشىلىعىنان، ارىز - ارمانىنان 120سىن جيناپ، تىڭداۋ ءماجىلىسى تاسىلىمەن مۇنىڭ 98ىن شەشتى، 22سى ىلگەرىلەتىلۋدە.
”بىلتىر ءبىز الەۋمەتتىك اۋماققا اڭىس ەتكەن تابيعي گاز تۇتاستىرۋ جانە الەۋمەتتىك دارەتحانا سالۋ ءىسى شەشىلدى، بۇل كوپشىلىكتى مەيىرگە بولەدى، شاعىن اۋماقتىڭ ماڭىنان تاعى دا جاڭادان دەنە شىنىقتىرۋ قۇرىلعىلارىن ورناتۋدى جانە سپورت الاڭى مەن ورنىن قۇرۋدى، سونىمەن بىرگە جىلۋ سەرىكتەستىگىمەن سويلەسىپ ءىشىنارا تۇرعىنداردىڭ ۇيىندەگى پار جىلى بولماۋ ماسەلەسىن شەشۋدى ءۇمىت ەتەمىز“، - دەدى 9 - ايدىڭ 28 - كۇنى قورعاس قالاسى يا - وۋ شىعىس جولى ءمالىسى سىلۋ الەۋمەتتىك اۋماعىندا اشىلعان بۇقارانىڭ قيىنشىلىقتارىن، تالاپ - تىلەكتەرىن تىڭداۋ ماجىلىسىندە الەۋمەتتىك اۋماق تۇرعىنى ياڭ يانچياۋ الەۋمەتتىك اۋماق كادرلارىنا جاڭا تالاپ - تىلەكتەرىن ايتقاندا. قورعاس قالالىق وقۋ - اعارتۋ مەكەمەسىنىڭ سىلۋ الەۋمەتتىك اۋماعىندا تۇرعان ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى جاۋ جىن ءماجىلىس ۇستىندە ياڭ يانچياۋدىڭ تالاپ - تىلەگىنە جاۋاپ قاتىپ، تەز ارادا سايكەستىرىپ شەشەتىندىكتەرىن ءبىلدىردى.
شاپشال سىبە اۆتونوميالى اۋدانى ىلە شىنجوۋ تاسىمال شەكتى سەرىكتەستىگىنىڭ شاپشال سىبە اۆتونوميالى اۋدانىنداعى بولىمشە سەرىكتەستىگىمەن اقىلداسۋ ارقىلى اسىل تۇقىمدى قوي فەرماسى اۋماعىن باسقارۋ كوميتەتى توقاي الەۋمەتتىك اۋماعىندا الەۋمەتتىك اۆتوبۋز بەكەتىن سالىپ، توڭىرەكتەگى 112 ورتا، باستاۋىش مەكتەپ وقۋشىسىنىڭ مەكتەپكە حاۋىپسىز بارۋ ماسەلەسىن شەشتى.
توعىزتاراۋ اۋدانى نازاردى نەگىزگى تاقىرىپتىق تاربيە باس نىساناسىنىڭ ”تەبىنىن كەمەيتۋ“، كەدەيلىكتەن ارىلتۋدان قامال الۋدا بۇقارانىڭ مۇددەسىنە زيان جەتكىزۋ سياقتى كورنەكتى ماسەلەلەردى ءتۇيىندى قاداعالاپ، نازاردى شوعىرلاندىرىپ، تياناقتاندىرىپ، ىشكەرىلەي تەكسەرۋ - زەرتتەۋ جۇرگىزىپ، بورشالاپ تەكسەرىپ، ءبىر - بىرلەپ جىنتىكتەي تەكسەرىپ، ارناۋلى رەتتەۋ - تۇزەتۋ جوباسىن جاسادى.
قازىرگە دەيىن ىلە وبلىسىنداعى اۋدان، قالا، ورىندار ءتۇرلى پىكىر - ۇسىنىستاردان جيىنى 280نەن استامىن، بۇقارانىڭ قيىنشىلىعىن ايتۋ پىكىرىنەن 6949ىن جينادى، مۇنىڭ 6153ى شەشىلدى؛ 27 مىڭ ناقتى ءىس، يگى ءىس ىستەپ، ءبىر ميلليون 184 مىڭ يۋان كومەكتەسۋ - سۇيەمەلدەۋ قارجىسىن بوساتتى.
