− باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ تۋرالى
حالىق گازەتىنىڭ شولۋشىسى
قالاي العا تارتساق تا، باسىپ وتكەن جولىمىزدى ۇمىتپاۋىمىز كەرەك؛ قانشا الىسقا ۇزاپ، قانشا نۇرلى بولاشاققا قادام قويساق تا، باستان وتكەن كەشىرمەلەرىمىزدى ۇمىتپاۋىمىز كەرەك، نە ءۇشىن جولعا شىققانىمىزدى دا ەستەن شىعارماۋىمىز كەرەك.
70 جىلدىڭ الدىنداعى 10 - ايدىڭ 1 - كۇنى، ماۋ زىدۇڭ جولداس تيان - انمىن مىنبەسىندە دۇنيە جۇزىنە جۇڭحۋا حالىق رەسپۋبليكاسى قۇرىلعاندىعىن سالتاناتپەن جاريالادى، جۇڭگو حالقى وسىدان باستاپ ەڭسە كوتەردى. ”بۇل ۇلى وقيعا تاياۋ زاماننان بەرگى 100 نەشە جىلداعى جۇڭگونىڭ كەدەيلىكتەن، دارمەنسىزدىكتەن ارىلا الماعان، باسقالاردىڭ قورلاۋىنا ۇشىراعان ايانىشتى تاعدىرىن ءۇزىلدى - كەسىلدى وزگەرتىپ، جۇڭحۋا ۇلتىن ۇلى گۇلدەنۋدى جۇزەگە اسىرۋدىڭ داڭعىل جولىنا ءتۇسىردى“. جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا، باس شۋجي شي جينپيڭ جاڭا جۇڭگو قۇرىلۋىنىڭ تاريحي ءمانىن وسكەلەڭ باعالاپ، جاڭا جۇڭگونىڭ 70 جىلدا جاراتقان دۇنيە كەرەمەتتەرىن تەرەڭ ءتۇسىندىرىپ، جۇڭحۋا ۇلتى ۇلى گۇلدەنۋىنىڭ جارقىن كەلەشەگىنە اسقاق بەينەمەن كوز جىبەرىپ، ميللياردتاعان جۇڭحۋا ۇلاندارىن تاسقىنداعان سەزىممەن، تولىق سەنىممەن ۇلى ارماندى جۇزەگە اسىرۋ جولىندا تولاسسىز كۇرەس جاساۋعا شابىتتاندىردى جانە دەم بەردى.
”شىرقاسىمەن اتەشتىڭ نۇرلاندى استى اسپاننىڭ“. جۇڭحۋا حالىق رەسپۋبليكاسىنىڭ دۇنيەگە كەلۋى ميلليارد جۇڭگو حالقىن مەملەكەتتىڭ، قوعامنىڭ جانە ءوز تاعدىرىنىڭ قوجايىنىنا اينالدىرىپ، تاسقىنداعان سەزىممەن مەملەكەتتىڭ بايىپ - قۇدىرەتتەنۋىن، ۇلتتىڭ گۇلدەنۋىن، حالىقتىڭ باقىتىن جۇزەگە اسىرۋدىڭ ۇلى جورىعىن باستادى. پارتيامىز حالىقتى ىنتىماقتاستىرىپ، باستاپ، سوتسياليستىك توڭكەرىستى ورىنداپ، سوتسياليستىك نەگىزگى ءتۇزىمدى ورناتىپ، سوتسياليستىك قۇرىلىستى ىلگەرىلەتىپ، جۇڭحۋا ۇلتىنىڭ تاريحتان بەرگى ەڭ كەڭ كولەمدى دە تەرەڭ قوعامدىق وزگەرىسىن ورىنداپ، زامانىمىزداعى جۇڭگونىڭ بارلىق دامۋىنا، العا باسۋىنا ءتۇبىرلى ساياسي العى شارت جانە تۇزىمدىك نەگىز قالاپ، جۇڭحۋا ۇلتىنىڭ تاياۋ زاماننان بەرگى ۇزدىكسىز قۇلدىراۋدان تاعدىرىن تۇبەگەيلى وزگەرتۋىندەي، گۇلدەنىپ - كوركەيۋگە، بايىپ - قۇدىرەتتەنۋگە ۇزدىكسىز بەت الۋىنداي ۇلى شارىقتاۋدى جۇزەگە اسىردى.
”كۇن شىعىستان ەسەدى شۋاقتى كوكتەم سامالى“. 1978 - جىلى 12 - ايدا پارتيا 11 - كەزەكتى ورتالىق كوميتەتىنىڭ ءۇشىنشى جالپى ءماجىلىسى جەڭىسپەن اشىلىپ، كوكتەمنىڭ قوڭىر سامالىنداي جۇڭگونىڭ بايتاق دالاسىن ەستى. پارتيامىز حالىقتى ىنتىماقتاستىرىپ، باستاپ، رەفورما جاساۋدىڭ، ەسىك اشۋدىڭ جاڭا ۇلى توڭكەرىسىن جۇرگىزىپ، مەملەكەت پەن ۇلتتىڭ دامۋىنا تۇساۋ بولعان بارلىق يدەيالىق جانە تۇزىلىستىك كەدەرگىلەردى الاستاپ، جۇڭگوشا سوتسياليزم جولىن اشىپ، قالىڭ حالىق بۇقاراسىنىڭ جاسامپازدىعىن بارىنشا تاسقىنداتىپ، قوعامدىق وندىرگىش كۇشتى بارىنشا ازات ەتىپ جانە دامىتىپ، قوعامنىڭ دامۋ ومىرشەڭدىك كۇشىن بارىنشا كۇشەيتىپ، حالىقتىڭ تۇرمىسىن كورنەكتى جاقسارتىپ، جالپىلىق مەملەكەت قۋاتىن كورنەكتى ارتتىرىپ، حالىقارالىق ورنىن كورنەكتى جوعارىلاتىپ، جۇڭگونىڭ ارشىندى قاداممەن داۋىرگە ىلەسۋىنە مۇمكىندىك جاسادى.
”شالقار تەڭىز ۇلان قايىر، جەلكەن جايىپ كەمەمىز، نىسانانى بەتكە الىپ تولقىن جارىپ كەلەمىز“. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى وراسان زور ساياسي ەرلىكپەن جانە كۇشتى جاۋاپكەرشىلىك ارقالاۋمەن ۇلى قوعامدىق توڭكەرىستە جاڭا جاعداي اشىپ، وزىنە ۇلى توڭكەرىس جاساۋدا الۋەتتەنىپ، حالىقتى ىنتىماقتاستىرىپ، باستاپ، ۇزاق ۋاقىتتان بەرى شەشۋدى ويلاساق تا شەشە الماي كەلگەن قيىن ماسەلەلەردى شەشىپ، بۇرىن ىستەۋدى ويعا الساق تا ىستەي الماي كەلگەن ءىرى ىستەردى ىستەپ، پارتيا مەن مەملەكەت ىستەرىندە تاريحي سيپاتتى جەتىستىكتەرگە قول جەتكىزۋدى، تاريحي سيپاتتى وزگەرىس تۋىلۋدى ىلگەرىلەتىپ، جۇڭگوشا سوتسياليزمنىڭ جاڭا داۋىرگە ءوتۋىن ىلگەرىلەتىپ، ”داۋىرگە ىلەسۋ“دەن ”داۋىرگە جەتەكشىلىك ەتۋ“گە دەيىنگى ۇلى سەكىرۋدى جۇزەگە اسىردى.
تاريح ىلعي دا ۋاقىتتىڭ بوران - شاشىنىن باستان كەشىرگەندە عانا اناعۇرلىم ايقىن كورىنەدى. بۇگىن جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، ۇلى گۇلدەنۋدى جۇزەگە اسىرۋدىڭ جارقىن كەلەشەگىن قارسى الدى. رەفورما جاساعان، ەسىك اشقان 40 جىلدان استام ۋاقىتتاعى ۇلى اماليات بارىسىندا، جۇڭحۋا حالىق رەسپۋبليكاسى قۇرىلعان 70 جىلداعى ۇزدىكسىز ىزدەنىس بارىسىندا، پارتيا مەن حالىق سان مىڭداعان جاپا - ماشاقاتتاردى باستان كەشىرىپ، الۋان ءتۇرلى بوداۋلار بەرىپ، جۇڭگوشا سوتسياليزمدى جاراتتى جانە دامىتتى. فاكت جۇڭگوشا سوتسياليزم جولى سوتسياليستىك وسىزامانداندىرۋدى جۇزەگە اسىرۋدا، حالىقتىڭ تاماشا تۇرمىسىن جاراتۋدا، ءسوزسىز، باسىپ وتەتىن جول ەكەندىگىن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوزسىز، باسىپ وتەتىن جول ەكەندىگىن تولىق دالەلدەدى. پارتيا جاڭا تاريحي بەلەستە پارتيانىڭ جاڭا داۋىردەگى تاريحي بورىشىن جۇزەگە اسىرۋدا، ەڭ ءتۇبىرلىسى، جۇڭگوشا سوتسياليزم ۇلى تۋىن بيىك ۇستاۋ كەرەك. بۇكىل پارتيا اناعۇرلىم سانالى تۇردە جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەپ، توماعا - تۇيىق، قاتىپ - سەمگەن كونە جولمەن دە جۇرمەي، تۋدى وزگەرتەتىن تەرىس جولمەن دە جۇرمەي، ساياسي تاباندىلىقتى ساقتاپ، ناقتى ىستەر تىندىرىپ، مەملەكەتتى گۇلدەندىرۋگە تاباندى بولىپ، باستان - اياق جۇڭگوشا سوتسياليزمگە تاباندى بولۋ جانە ونى دامىتۋ كەرەك.
وسى تاۋلار وق ىزىمەن بەزەنگەن، بۇگىن ءتىپتى كوز تارتادى كوركىمەن. بۇگىن ۇلى وتانىمىز گۇلدەنىپ - كوركەيىپ، ميلليارد حالىق كوڭىلگە ۇلى مۇرات ۇيالاتىپ، جاڭا ءداۋىردىڭ ۇزاق جورىق جولىندا قول ۇستاسا ەكپىندەي ىلگەرىلەۋدە. باس شۋجي شي جينپيڭ ايتقانداي، ”ءبىز ءوز جولىمىزبەن جۇرەمىز، شەكسىز كەڭ ساحناعا يەمىز، تەڭدەسسىز مىعىم تاريحي مايەككە يەمىز، تەڭدەسسىز كۇشتى العا ىلگەرىلەۋ تاباندىلىعىنا يەمىز!“
(شينحۋا اگەنتتىگىنىڭ 10 - ايدىڭ 2 - كۇنى بەيجيڭنەن بەرگەن حابارى)
