تيانشان تورى   ›   جاڭالىقتار   ›   شينجياڭ حابارلارى

تيانشان ۇلاندارى وتاننىڭ بولاشاعىنىڭ اناعۇرلىم نۇرلى، شۇعىلالى بولۋىن تىلەدى

− باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى رايونىمىزدا قىزۋ اڭىس قوزعادى

  10 - ايدىڭ 1 - كۇنى باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى رايونىمىزداعى ءار دارەجەلى پارتيا، ۇكىمەت كادرلارى اراسىندا قىزۋ اڭىس قوزعادى. ”جۇڭگونىڭ كەشەگىسى ادامزاتتىڭ تاريح پاراعىنا جازىلدى، جۇڭگونىڭ بۇگىنى ميلليارد حالىقتىڭ قولىمەن جاراتىلۋدا، جۇڭگونىڭ ەرتەڭى، ءسوز جوق، اناعۇرلىم كوركەم بولادى“. باس شۋجي شي جينپيڭنىڭ اسقاق ءسوزى كوپشىلىك اراسىندا كۇشتى ۇندەستىك تۋدىردى. كوپشىلىك ءبىر اۋىزدان مىنانى ءبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، ۇدەرە العا تارتىپ، تاعى دا شۇعىلالى ناتيجەلەر جاراتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا جازامىز.

ماقتانىش، وتان داڭقىنا تەڭ بولەندى

  70 جىلدىق جاپالى كۇرەس ارقىلى جۇڭحۋا ۇلتى ۇلى گۇلدەنۋدى جۇزەگە اسىرۋدىڭ داڭعىل جولىنا ءتۇستى، بۇل ۇلى جەتىستىك ادامدى قالاي عانا ماقتانىش سەزىمىنە بولەمەسىن.

  باس شۋجي شي جينپيڭنىڭ ماڭىزدى ءسوزىن ەستىگەن سوڭ، اۆتونوميالى رايوندىق پارتكوم كەڭسەسىنىڭ قالىڭ كادر، جۇمىسشى - قىزمەتكەرلەرى تەبىرەنىپ، بويلارىن اسقاق سەزىم كەرنەپ، وتانعا باقىت تىلەۋمەن قاتار، ءبىر اۋىزدان مىنانى ءبىلدىردى: اۋەلگى ماقساتتى ۇمىتپاي، بورىشتى ەستە بەرىك ساقتاپ، مىندەت وتەپ، جاۋاپكەرشىلىكتى ادا ەتىپ، ادالدىقپەن جاۋاپكەرشىلىك ارقالاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدە، دايەكتىلەندىرۋدە ونەگە كورسەتىپ، قاشاندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋدا ونەگە كورسەتىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتىلەندىرۋدە، تياناقتاندىرۋدا ونەگە كورسەتىپ، پارتيا ورتالىق كوميتەتىن الاڭسىز ەتەتىن، حالىق بۇقاراسىن رازى ەتەتىن ۇلگىلى ورگان قۇرامىز.

  اۆتونوميالى رايوندىق حالىق ۇكىمەتى كەڭسەسىنىڭ كادرى ياڭ گوبياۋ بىلاي دەدى: ”تاريحتىڭ ۇتىلامالى تاياقشاسى ءبىز ۇرپاق ادامداردىڭ قولىنا تاپسىرىلدى، بۇل اۋىر جاۋاپكەرشىلىك ءارى شەكسىز داڭق. پارتيالى كادر رەتىندە، مەن جەكە مۇراتىمدى پارتيا، مەملەكەت ىستەرىمەن بۇكىلدەي توعىستىرىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن جاپپاي دايەكتى اتقارىپ، ءاربىر ناقتى قىزمەتتى تاباندىلىقپەن، تىڭعىلىقتى ىستەۋ ارقىلى شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا كۇش قوسامىن“.

  اۆتونوميالى رايوندىق پارتكوم ۇگىت ءبولىمى تەكسەرىپ وقۋ باسقارماسىنىڭ كادرى ءامينا ابدىراحمان بىلاي دەدى: ”باس شۋجي شي جينپيڭنىڭ ماڭىزدى سوزىندە تەرەڭ سۇيىسپەنشىلىك جاتىر، كوڭىلدى جەلپىنتەدى.

  جۇڭگولىق بولعانىمدى ماقتانىش جانە داڭق سەزىنەمىن. مەن شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانامدى قارۋلاندىرۋدان جازباي، جاڭا جاعدايداعى ۇگىت - يدەيا قىزمەتىنىڭ بورىش، مىندەتىن سانالىلىقپەن ارقالاپ، ۇگىت - يدەيا قىزمەتىنىڭ جاڭا جاعدايىن قۇلشىنا اشىپ، پارتيا مەن مەملەكەت ىستەرىنىڭ دامۋىنا پارمەندى يدەيالىق كەپىل جانە قۇدىرەتتى رۋحاني قوزعاۋشى كۇش ازىرلەيمىن“.

ىنتىماق، تىلەكتەستىك، نيەتتەستىك، باعىتتاستىق

  70 جىلدان بەرى، جۇڭگونىڭ بەت - بەينەسىندە بۇرىن بولماعان زور وزگەرىستەر جارىققا شىقتى، بۇل نەشە ۇرپاق جۇڭگو كوممۋنيستەرىنىڭ جۇڭگو حالقىمەن بىرگە ۇزبەي كۇرەس جۇرگىزۋىنىڭ ناتيجەسى، بۇل جۇڭگو كوممۋنيستىك پارتياسىنىڭ باسشىلىعىندا ءار ۇلت حالقىنىڭ ءبىر نيەت، ءبىر تىلەكپەن قاجىرلىلىقپەن كۇرەس جۇرگىزۋىنىڭ ناتيجەسى.

  ”ءبىزدىڭ بۇگىنگى تاماشا تۇرمىسىمىز مىڭداعان، ون مىڭداعان توڭكەرىستىك قۇربانداردىڭ ىستىق قانىمەن كەلگەن، ۇلى تابىستاردى جۇڭگو كوممۋنيستىك پارتياسىنىڭ باسشىلىعى مەن نەشە بۋىن جۇڭگو كوممۋنيستەرىنىڭ تالماي قۇلشىنىس جاساۋىنان بولە قاراۋعا بولمايدى“. ىلە قازاق اۆتونوميالى وبلىستىق پارتكوم لەكتورلار ۇيىرمەسىنىڭ ورىنباسار باستىعى سادىقجان ساۋۇت الداعى ۋاقىتتا ۇگىت - لەكسيا جاساۋ قىزمەتىن اناعۇرلىم جاقسى ىستەپ، ءار ۇلت بۇقاراسىنا بۇگىنگى تاماشا تۇرمىسقا وڭاي قول جەتپەگەندىگىن ۇعىندىرىپ، كوپشىلىكتىڭ پارتياعا العىس ايتۋ، پارتيانىڭ ءسوزىن تىڭداۋ، پارتياعا ىلەسۋ سەنىمى مەن بەكىمىن اناعۇرلىم بەكەمدەيتىندىگىن ءبىلدىردى.

  ءپىشان اۋداندىق پارتكومنىڭ ورىنباسار شۋجيى يىن ليشين شينجياڭعا كومەككە كەلگەن كادر، باس شۋجي شي جينپيڭنىڭ ماڭىزدى ءسوزىن ەستىگەن سوڭ ەرەكشە تەبىرەندى. ”شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەن اۋەلگى ماقساتتى ۇمىتپاي، بورىشتى ەستە بەرىك ساقتاپ، حالىقتى وزەك ەتۋدەن باستان - اياق جازباي، ءار ۇلت بۇقاراسىنا شىن نيەت، شىنايى سۇيىسپەنشىلىكپەن قىزمەت ەتىپ، قالىڭ كادرلار مەن بۇقارانىڭ قۇدىرەتتى بىرىككەن كۇشىن ۇيىستىرىپ، ’قوس 100 جىلدىق‘ كۇرەس نىساناسىن جۇزەگە اسىرۋعا ءتيىستى ۇلەسىمدى قوسامىن“، - دەدى يىن ليشين.

  قىزىلسۋ قىرعىز اۆتونوميالى وبلىستىق پارتكوم ۇيىمداستىرۋ ءبولىمىنىڭ اقتاۋ اۋدانى بارىن اۋىلىنىڭ بارىن قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ايپار اسقار بىلاي دەدى: ”جاڭا تاريحي باستامادا ءبىز جۇڭگو كوممۋنيستىك پارتياسىنىڭ باسشىلىعىنا تاباندى بولىپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز قاناعاتتاندىرۋىمىز كەرەك. ءبىز قىستاقتاعى ءار ۇلت تۇرعىندارىن ىنتىماقتاستىرىپ، باستاپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل تۇردە قول جەتكىزىپ، بارلىق كەدەي قاۋىمنىڭ ۋاعىندا كەدەيلىكتەن ارىلۋىنا شىنايى كەپىلدىك ەتەمىز“.

ەكپىندەي ىلگەرىلەپ، جۇڭگو ارمانىن بىرگە جازامىز

  جۇڭگونىڭ كەشەگىسى ادامزاتتىڭ تاريح پاراعىنا جازىلدى، جۇڭگونىڭ بۇگىنى ميلليارد حالىقتىڭ قولىمەن جاراتىلۋدا، جۇڭگونىڭ ەرتەڭى، ءسوز جوق، اناعۇرلىم كوركەم بولادى. قايراتتانا ىلگەرىلەۋ، ماڭگى بويكۇيەز بولماۋ رۋحاني كۇيى مەن باتىلدىقپەن توپ جارۋ، باتىلدىقپەن ىستەۋ، العان بەتىنەن قايتپاۋ سىندى كۇرەسكەرلىك كۇيىن ساقتاعاندا عانا، ۇلى جاڭا داۋىرگە لايىق جاڭا شۇعىلانى جاراتۋعا بولادى.

  سانجى قالالىق ”ۇعىسۋ، تيىمدىلىك جاساۋ، توعىستىرۋ“ كەڭسەسىنىڭ كادرى ما شۋەتيڭ بىلاي دەدى: ”مەن، ءسوز جوق، باس شۋجي شي جينپيڭنىڭ تاپسىرماسىن ەستە بەرىك ساقتاپ، بۇقاراعا قىزمەت وتەۋ قابىلەتىم مەن دەڭگەيىمدى قۇلشىنا ءوسىرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا ءتيىستى ۇلەسىمدى قوسامىن“.

  باس شۋجي شي جينپيڭنىڭ ماڭىزدى ءسوزىن ەستىگەن سوڭ، باعراش اۋدانى تابانجوكىن اۋىلدىق اۋىل شارۋاشىلىعىن (مال شارۋاشىلىعى) دامىتۋعا قىزمەت وتەۋ ورتالىعىنىڭ كادرى بۇلۇك بولاشاققا كامىل سەنىم ارتتى. ول بىلاي دەدى: ”مەن شارۋالارعا تيىمدىلىك جاساۋ ساياساتتارىن قولىمنان كەلگەنىنشە تياناقتاندىرىپ، اناعۇرلىم كوپ ەگىن، مال شارۋاشىلىعى قولدانىلمالى تەحنيكالارىن ەگىنشى - مالشىلاردىڭ وتباسىلارىندا جالپىلاستىرىپ، ءار ۇلت ەگىنشى - مالشىلارىنىڭ قوس قولدارىنا سۇيەنىپ كىرىستەرىن ارتتىرىپ بايۋىنا مۇمكىندىك جاسايمىن“.

  قاشقار ايماقتىق پارتكوم ۇگىت ءبولىمىنىڭ ورىنباسار باستىعى جاڭ لي تەبىرەنە بىلاي دەدى: ”باس شۋجي شي جينپيڭنىڭ ماڭىزدى ءسوزى بۇكىل جۇڭگو حالقىنىڭ پارتيانى ءسۇيۋ، وتاندى ءسۇيۋ ىنتاسىن قوزعاپ، جۇرت تىلەگىن اناعۇرلىم ۇيىستىرىپ، كۇرەس جىگەرىنە شابىت بەرىپ، كۇش - قۋات توپتادى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كوركەم سوتسياليستىك وسىزاماندانعان قۇدىرەتتى مەملەكەت ەتىپ قۇرىپ شىعۋعا كۇش قوسامىز“.

(تىلشىلەر جاڭ يۇنمەي، يۋان لەي، ميھىرگۇل عوپۇر، جازيرا نەسىپبەك، حى ليڭ، جاڭ رۇيلين، حان چينيان، گاي يوۋجۇن، دۋ جيانحۇي، ەرىكتى تىلشىلەر ۋ دان، لياڭ حۇڭتاۋ جازعان)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.