تيانشان تورى   ›   جاڭالىقتار   ›   ماڭىزدى حابارلار

شي جينپيڭ رەسەيدىڭ زۇڭتۇڭى پۋتينمەن ءوزارا قۇتتىقتاۋ تەلەگرامماسىن جولدادى

جۇڭگو مەن رەسەيدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعى جونىندە  

لي كىچياڭ رەسەيدىڭ زۇڭليى مەدۆەدەۆپەن ءوزارا قۇتتىقتاۋ تەلەگرامماسىن جولدادى

  شينحۋا اگەنتتىگىنىڭ 10 - ايدىڭ 2 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 10 - ايدىڭ 2 - كۇنى رەسەيدىڭ زۇڭتۇڭى پۋتينمەن ءوزارا قۇتتىقتاۋ تەلەگرامماسىن جولداپ، جۇڭگو ۇكىمەتى مەن جۇڭگو حالقى اتىنان ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن قىزۋ قۇتتىقتادى.

  شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: 70 جىلدى ەسكە الساق، جۇڭگو مەن رەسەي قارىم - قاتىناسى توتەنشە وزگەشە دامۋ جولىن باسىپ ءوتتى. ەكى جاقتىڭ بىرگە قۇلشىنۋىندا، ەكى ەل قارىم - قاتىناسى ءىرى ەل، كورشىلەس ەل اراسىنداعى تاتۋلىقتىڭ، دوستىقتىڭ، ءوزارا تيىمدىلىك جەتكىزىپ، تەڭ يگىلىكتەنۋدىڭ تيپتىك ۇلگىسىنە اينالدى. اسىرەسە، سوڭعى جىلداردان بەرى، پۋتين زۇڭتۇڭ ەكەۋىمىزدىڭ بىرگە جەتەكشىلىك ەتۋىمىزدە ەكى جاقتىڭ ستراتەگيالىق ءوزارا سەنىمدىلىگى كۇننەن - كۇنگە كۇشەيىپ، ساياسيدا ءبىرىن - ءبىرى باتىل قولدادى، ءتۇرلى سالالارداعى سەلبەستىكتە بۇرىن - سوڭدى بولماعان زور دامۋعا قول جەتكىزىپ، حالىقارالىق جانە وڭىرلىك ىستەردە ءجيى بايلانىس جاساپ، سەلبەستىك ورناتتى. جۇڭگو مەن رەسەي قارىم - قاتىناسى ءوزارا سەنىمدىلىك دەڭگەيى ەڭ جوعارى، سەلبەستىك ورەسى ەڭ جوعارى، ستراتەگيالىق قۇنى ەڭ جوعارى ءىرى ەل قاتىناسىنا اينالىپ، ەكى ەلدىڭ دامۋىن، كوركەيۋىن جەبەۋگە، دۇنيە ءجۇزىنىڭ بەيبىتشىلىگىن، ورنىقتىلىعىن، دامۋىن قورعاۋعا ماڭىزدى ۇلەس قوستى.

  بيىل 6 - ايدا مەن رەسەيدە مەملەكەتتىك ساپاردا بولدىم، وسى بارىستا پۋتين زۇڭتۇڭ ەكەۋىمىز جۇڭگو مەن رەسەيدىڭ جاڭا داۋىردەگى جان - جاقتى ستراتەگيالىق سەلبەستىك، سەرىكتەستىك قارىم - قاتىناسىن دامىتۋدى جاريالاپ، ەكى ەل قارىم - قاتىناسىنىڭ تىڭ تاريحي ساپارىن باستادىق، جۇڭگو مەن رەسەي قارىم - قاتىناسىندا تىڭ ومىرشەڭدىك كۇش جارىققا شىقتى، بولاشاعى توتەنشە جارقىن.

  شي جينپيڭ بىلاي دەپ باسا دارىپتەدى: مەن جۇڭگو مەن رەسەي قارىم - قاتىناسىنىڭ دامۋىنا ايرىقشا ءمان بەرەمىن، پۋتين زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن وراي ەتىپ، ءوزارا دەمەۋشى بولۋ، ءوزارا كومەكتەسۋ، ىشكەرىلەي توعىسۋ، ءورىس اشا جاڭالىق اشۋ، جاپپاي تيىمدىلىك جاساپ، تەڭ يگىلىكتەنۋ سىندى ەكى جاقتى قارىم - قاتىناستىڭ تىڭ ءمانىن كوزدە ۇستاپ، جاڭا داۋىردە جۇڭگو مەن رەسەي قارىم - قاتىناسىندا تىنباي تىڭ تابىسقا قول جەتكىزۋگە بىرگە جەتەكشىلىك ەتىپ، ادامزاتتىڭ تاعدىرلاس ورتاق تۇلعاسىن قۇرۋدى سەلبەسە ىلگەرىلەتىپ، دۇنيە ءجۇزىنىڭ بەيبىتشىلىگى مەن دامۋىنا اناعۇرلىم زور ۇلەس قوسۋدى قالايمىن. جۇڭگو مەن رەسەي قارىم - قاتىناسىنىڭ گۇلدەنىپ - كوركەيۋىن تىلەيمىن، جۇڭگو مەن رەسەي دوستىعىنىڭ ماڭگى جالعاسۋىن تىلەيمىن.

  پۋتين قۇتتىقتاۋ تەلەگرامماسىندا مىنالاردى ءبىلدىردى: رەسەي مەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعى ورايىندا، ەڭ ىقىلاستى قۇتتىقتاۋ ايتامىن. ەلىمىز دۇنيە جۇزىندە جۇڭحۋا حالىق رەسپۋبليكاسىن تۇڭعىش مويىنداعان، سونداي - اق جاڭا جۇڭگو قۇرىلعاننان باستاپ ەڭ تىعىز سەلبەستىك قارىم - قاتىناس ورناتقان ەل. ەكى ەل قارىم - قاتىناسىنىڭ دامۋ بارىسىن ەسكە الساق، رەسەي - جۇڭگو قارىم - قاتىناسى ۋاقىتتىڭ سىنىنان تابىسپەن ءوتتى دەپ كەسەتىپ ايتۋعا بولادى. سوڭعى جىلداردان بەرى، ەكى جاق ءتۇرلى سالالاردا بەلسەندى سەلبەستىك ورىستەتىپ، قوماقتى تابىستارعا قول جەتكىزدى.

  ەكى ەلدىڭ ءار دارەجەدەگى ساياسي تىلدەسۋلەرىنىڭ مازمۇنى باي بولدى ءارى ۇزدىكسىز كەڭەيدى، بىرلەسكەن مەملەكەتتەر ۇيىمى، شاڭحاي سەلبەستىك ۇيىمى، بريكس ەلدەرى سياقتى كوپ جاقتى ۇيىمدار اياسىندا تىعىز سەلبەسىپ، كەلەلى حالىقارالىق جانە وڭىرلىك ماسەلەلەردىڭ شەشىلۋىن كۇش بىرىكتىرىپ ىلگەرىلەتتى. ءبىز بىرگە قۇلشىنىپ، رەسەي مەن جۇڭگو قارىم - قاتىناسىن جانە ءتۇرلى سالالارداعى ىستەستىكتى ۇزدىكسىز نىعايتىپ، ەكى ەل حالقىن باقىتقا كەنەلدىرىپ، ەۆروپا - ازيا قۇرلىعىنىڭ، سونداي - اق بۇكىل دۇنيە ءجۇزىنىڭ حاۋىپسىزدىگى مەن ورنىقتىلىعىنا ۇلەس قوساتىنىمىزعا سەنەمىن. اياۋلى دوسىم، دەنىڭىزدىڭ ساۋ، قىزمەتىڭىزدىڭ تابىستى بولۋىن شىن جۇرەكتەن تىلەيمىن. جۇڭگو حالقىنىڭ باقىتتى، ەسەن - ساۋ بولۋىن تىلەيمىن.

  سول كۇنى مەملەكەتتىك كەڭەستىڭ زۇڭليى لي كىچياڭ رەسەيدىڭ زۇڭليى مەدۆەدەۆپەن دە ءوزارا قۇتتىقتاۋ تەلەگرامماسىن جولدادى. لي كىچياڭ مىنالاردى ءبىلدىردى: جۇڭگو جۇڭگو مەن رەسەي قارىم - قاتىناسىنا باسا ءمان بەرەدى، رەسەيمەن بىرگە ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن تىڭ باستاما ەتىپ، ساياسي جاقتاعى ءوزارا سەنىمدىلىكتى ۇزدىكسىز تەرەڭدەتىپ، ءتۇرلى سالالارداعى ىستەستىك كومەسكى كۇشىن اشىپ، ىستەستىك ۇلگىسىن جاڭالاپ، ەكى جاقتىڭ ناقتى ىستەستىگىن اناعۇرلىم جوعارى دەڭگەيگە كوتەرىپ، حالىقارالىق، وڭىرلىك ىستەردە سەلبەسۋدى، سايكەسۋدى كۇشەيتىپ، جۇڭگو مەن رەسەيدىڭ جاڭا داۋىردەگى جان - جاقتى ستراتەگيالىق سەلبەستىك، سەرىكتەستىك قارىم - قاتىناسىن ىلگەرىلەتۋدە اناعۇرلىم زور دامۋعا قول جەتكىزىپ، ءوڭىردىڭ، ءتىپتى، دۇنيە ءجۇزىنىڭ بەيبىتشىلىگىن، ورنىقتىلىعىن، كوركەيىپ - گۇلدەنۋىن جەبەۋدى قالايدى. مەدۆەدەۆ مىنالاردى ءبىلدىردى: بۇگىن ءبىز رەسەي مەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن سالتاناتپەن قۇتتىقتاپ وتىرمىز. رەسەي مەن جۇڭگونىڭ جان - جاقتى ستراتەگيالىق سەلبەستىك، سەرىكتەستىك قارىم - قاتىناسى بۇرىن - سوڭدى بولماعان جوعارى دەڭگەيگە كوتەرىلدى، ەنەرگيا، ونەركاسىپ، قاتىناس نەگىزدىك قۇرىلعىلارى، جوعارى عىلىم - تەحنيكا جانە مادەنيەت سياقتى سالالاردا ماڭىزدى ىستەستىك نىساندارىن تابىسپەن اتقارىپ، ناقتى ىستەر جانە گۋمانيتارلىق قارىم - قاتىناس جاعىنداعى ىستەستىك ءورىسى ۇزدىكسىز كەڭەيدى. ەكى جاقتىڭ بىرگە قۇلشىنۋ ارقىلى ەكى ەلدىڭ جان - جاقتى ىستەستىگىنە تىڭ قوزعاۋشى كۇش ۇستەيتىندىگىنە سەنەمىن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.