جالپى حالىقتىق سالاماتتىق دەنساۋلىق تەكسەرۋدىڭ تابىستارىنان تىڭعىلىقتى تۇردە ويداعىداي پايدالاندى
رايونىمىز وكپە تۋبەركۋلەز اۋرۋىنان دالمە - ءدال ساقتانۋ جانە ونى تىزگىندەۋ قىزمەتىن ءبىر تۇتاس جوسپارلاپ ىلگەرىلەتتى
گازەتىمىزدىڭ جيناق حابارى. ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ورىستەتىلگەننەن بەرى، اۆتونوميالى رايوندىق پارتكوم قالا، اۋىل تۇرعىندارىنىڭ سالاماتتىق دەنساۋلىق تەكسەرۋىن تياناقتاندىرىپ، وكپە تۋبەركۋلەز اۋرۋىنا شالدىققان ناۋقاستاردى قۇتقارۋ، ەمدەۋ ماسەلەسىن كۇش سالا شەشۋدى نەگىزگى تاقىرىپتىق تاربيەسى بەلگىلەگەن ”1 + 3 + 3“ ناقتى ءىسىنىڭ ءبىرى ەتىپ، ءار دارەجەلى دەنساۋلىق ساقتاۋ، سالاماتتىق تاراۋلارىنىڭ جوعارى مەن تومەن بىرلەسىپ قيمىلداپ، جاپپاي تەكسەرىپ، جاپپاي ەمدەۋ، ەمدەلۋگە تيىستىلەرىن مۇمكىندىگىنشە ەمدەۋ، شوعىرلى اۋاشالاپ ەمدەۋ سياقتى ءبىر قىدىرۋ ءونىمدى شارالاردى قولدانۋعا قۋزاپ، وكپە تۋبەركۋلەزى اۋرۋىنان ساقتانۋ جانە ونى ەمدەۋ قىزمەتىن نەگىزگى ساتىعا كەڭەيتۋدى، ونان ارى دامىتۋدى ءبىر تۇتاس جوسپارلاپ ىلگەرىلەتىپ، ءبىرجولاتا ەمدەۋ مەحانيزمىن ورناتۋعا قۇلشىنىپ، تۇبەگەيلى ەمدەۋ نىساناسىنا جەتتى.
2018 - جىلدان باستاپ، اۆتونوميالى رايون 15 جاستاعى جانە ودان جوعارى شينجياڭ قاراستىلىعىنداعى قالا، اۋىل تۇرعىندارى مەن شينجياڭ قاراستىلىعىنداعى جىلجىمالى ادامدارعا وكپە تۋبەركۋلەزى اۋرۋ بەلگىسىن سارالاپ تەكسەرۋ جانە كەۋدە ءبولىمىن X ساۋلەسى ارقىلى تەكسەرۋ جۇرگىزدى. بيىل 8 - ايعا دەيىن، بۇكىل رايونىمىزدا سارالاپ تەكسەرىلگەن ادام 13 ميلليون 971 مىڭ 200 بولدى.
نەگىزگى تاقىرىپتىق تاربيە ورىستەتىلگەننەن بەرى، ءىشىنارا جەرلەردىڭ وكپە تۋبەركۋلەزى اۋرۋىنا شالدىققان ناۋقاستاردى ەمدەۋ قامتاماسىزداندىرۋ دەڭگەيى تومەن بولۋى سياقتى ماسەلەلەرگە مەڭزەس، اۆتونوميالى رايون جىلجىمالى وكپە تۋبەركۋلەزى امبولاتورياسىندا ％100 ەسەپتەن كوتەرۋ، بالنيتساعا جاتۋدى ％90 ەسەپتەن كوتەرۋدى تياناقتاندىرىپ، كوپ ءتۇرلى دارىگە ءتوزىمدى تۋبەركۋلەزدى ەمدەۋ اقىسىن ۇلكەن اۋرۋلاردى ەمدەۋ قامتاماسىزداندىرۋىنا ەنگىزىپ، شىنايى مالىمدەۋ، شىنايى ەسەپتەن كوتەرۋ ساياساتىن اتقاردى. سونىمەن بىرگە، رايونىمىز تاعى 13 ءتۇرلى وكپە تۋبەركۋلەز اۋرۋىنا دياگنوز قويىپ ەمدەۋ نىسانىن تۇگەلدەي نەگىزگى ەمدەۋ قامسىزداندىرۋ تىزىمىنە ەنگىزدى، بۇكىل رايوندا بىردە - ءبىر وكپە تۋبەركۋلەزى اۋرۋىنا شالدىققان ناۋقاس اۋرۋ سەبەبىنەن كەدەيلەسپەدى، اۋرۋ سەبەبىنەن قايتا كەدەيلەسپەدى.
اۆتونوميالى رايوننىڭ ءار دارەجەلى دەنساۋلىق ساقتاۋ، سالاماتتىق تاراۋلارى مەن ەمدەۋ قۇرىلىمدارى ساقتانۋ جانە ەمدەۋ قىزمەتى بارىسىندا ماسەلەلەردى دەر كەزىندە ىزدەپ تاۋىپ، تاباندا تەكسەرىپ، تاباندا وزگەرتىپ، وكپە تۋبەركۋلەزى اۋرۋىنا شالدىققان ناۋقاستاردى اۋرۋ تارالۋ مەزگىلىندە شوعىرلى اۋاشالاپ ەمدەۋ، اۋرۋ تارالمايتىن مەزگىلدە ناۋقاستاردى ”شوعىرلى ءدارى بەرۋ + ءنارلى تاڭعى اس“ ۇلگىسىندە ۇيىندە ەمدەۋ سياقتى ءبىر قىدىرۋ ساقتانۋ جانە ەمدەۋ ساياساتىن جاپپاي اتقاردى. قازىر وكپە تۋبەركۋلەزى اۋرۋىنا شالدىققان ناۋقاستاردىڭ العاشقى دياگنوز قويۋ، دياگنوز قويۋ، دياگنوزىن تۇراقتاندىرۋ، مالىمدەۋىنەن ەمدەۋگە ەنگىزىلگەنگە دەيىنگى ۋاقىتى بۇرىنعى ورتاشا 2 ايدان ءبىر اپتاعا قىسقارىپ، ”ەرتە بايقاۋدى، ەرتە اۋاشالاۋدى، ەرتە ەمدەۋ“دى جۇزەگە اسىردى.
بايىنعولين موڭعۇل اۆتونوميالى وبلىسى تاجىريبەحاناداعى تەكسەرۋ قىزمەتكەرلەرى مەن نەگىزگى ساتى ەمدەۋ قىزمەتكەرلەرىن ارناۋلى باۋلۋدى كۇشەيتىپ، وكپە تۋبەركۋلەزى اۋرۋىن تەكسەرۋ قابىلەتى مەن ەمدەۋ دەڭگەيىن جوعارىلاتتى. سونىمەن بىرگە، مەكتەپتەردە ۇگىت قىزمەتىن ورىستەتىپ، ”كىشكەنە قول ۇلكەن قولدى جەتەلەۋ“ ارقىلى ءار ۇلت بۇقاراسىنىڭ وكپە تۋبەركۋلەزى اۋرۋىنان ساقتانۋ جانە ونى ەمدەۋ بىلىمدەرىن ءبىلۋ مولشەرىن جوعارىلاتتى.
قاشقار ايماعى وكپە تۋبەركۋلەزى اۋرۋىنان ساقتانۋ جانە ونى ەمدەۋ قىزمەتىن ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىنە، بۇقارالىق قىزمەتكە جانە كەدەيلىكتەن ارىلتۋدان قامال الۋ قىزمەتىنە توعىستىرىپ، 15 جاستان جوعارى وكپە تۋبەركۋلەزى اۋرۋىنا شالدىققان ناۋقاستاردى جاپپاي تەكسەرۋ، جاپپاي ەمدەۋ قىزمەتىن ورىستەتۋ ارقىلى بايقالعان زامان ەمدەپ ساۋىقتىرۋعا شىنايى كەپىلدىك ەتتى.
حوتان قالالىق وكپە تۋبەركۋلەزى اۋرۋىن اۋاشالاپ ەمدەۋ تۇيىنىندە ءميناۋار روزىتوحتىنىڭ ەمدەۋ مەرزىمى تاعى ءبىر ايدان كەيىن اياقتايدى. ءميناۋار بىلاي دەدى: ”بۇرىن بۇل اۋرۋدى تۇماۋ ەكەن دەپ جۇرە بەرىپپىن، جاي عانا ءدارى ىشە سالىپ جۇرسەم، دەنساۋلىعىم بارعان سايىن ناشارلاي ءتۇستى. بۇل ارادا ءدارىنى وتە جۇيەلى ىشەمىن، ءار كۇنى تاعى 25 يۋاندىق تاماق جاردەماقىسى بار، ءسۇت، جۇمىرتقا، جەمىس سىقىلدىلاردىڭ ءبارى بار، ءنارلى تاماقتانىپ جاتىرمىن“.
رايونىمىزدىڭ دەنساۋلىق ساقتاۋ، سالاماتتىق تاراۋلارى 1 - توپتاعى نەگىزگى تاقىرىپتىق تاربيەنىڭ ءونىمدى تابىستارىن بەلسەنە قولدانىپ، اقسۋ ايماعىنىڭ وكپە تۋبەركۋلەزى اۋرۋىنان دالمە - ءدال ساقتانۋ جانە ونى ەمدەۋدى باسقارۋ بويىنشا قىزمەت وتەۋ تۇعىرى سىناق ءتۇيىنىن ورىستەتۋ تاجىريبەلەرىن زور كۇشپەن جالپىلاستىرىپ، وڭتۇستىك شينجياڭداعى قالعان 3 ايماق، وبلىستاعى ينفورماتسيالاندىرۋ قۇرىلىسى قىزمەتىن ورىستەتۋ جۇمىسىن باستاپ، جاساندى زەردەدەن (AI) پايدالانىپ، ناۋقاستارعا الىس ارالىقتان دياگنوز قويىپ ەمدەۋدى، ساندى مالىمەت ينفورماتسيالارىن ءبىر تۇتاس جيناۋدى، دياگنوز قويىپ ەمدەۋ ينفورماتسيالارىن تولىق ورتاقتاسۋدى جۇزەگە اسىرىپ، دالمە - ءدال ساقتانۋ جانە ەمدەۋدى باسقارۋ دەڭگەيىن اناعۇرلىم جوعارىلاتتى.
سونىمەن بىرگە، اۆتونوميالى رايوندىق دەنساۋلىق ساقتاۋ، سالاماتتىق كوميتەتى بەلسەندى تۇردە جۇڭگو اۋرۋلاردى تىزگىندەۋ ورتالىعى تۋبەركۋلەز اۋرۋىنان ساقتانۋ جانە ونى ەمدەۋ كلينيكالىق ورتالىعىمەن، بەيجيڭ كوكىرەك اۋرۋلارى شيپاحاناسىمەن الىس ارالىقتان ەمدەۋ تۇعىرى قۇرىلىسى قىزمەتىن ءتۇيىلىستىرىپ، بۇكىل ەلدەگى تۋبەركۋلەز اۋرۋى كاسىپتىك تەحنيكا كۇشتەرىن بىرىكتىرىپ، اۋدان - ايماق - رايون - مەملەكەت سىندى 4 دارەجەلى ەمدەۋدى تۇتاستىرۋدى جۇزەگە اسىرىپ، ساپالى ەمدەۋ بايلىقتارىن ەنگىزىپ، شينجياڭنىڭ تۋبەركۋلەز اۋرۋىنان ساقتانۋ جانە ونى ەمدەۋ جۇمىسىنا قىزمەت وتەدى.
”ءبىز 1 دە 2 جىل ۋاقىتتا ءبىر قىدىرۋ شارا قولدانىپ، رايونىمىزداعى وكپە تۋبەركۋلەز اۋرۋىن تىزگىندەۋ مولشەرىن بۇكىل ەلدىڭ ورتاشا دەڭگەيىنە نەگىزىنەن تاياتۋعا نەمەسە جەتكىزۋگە كۇش سالامىز“، - دەدى اۆتونوميالى رايوندىق دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشى ءمۇتاللىپ روزى.
(تىلشىلەر چاۋ جين، شيا چيڭ، اقسۋ تىلشىلەر پۋنكتىنەن رىن حۇڭفاڭ، قاشقار تىلشىلەر پۋنكتىنەن پان يانيۇن، ەرىكتى ءتىلشى نيۋ بيڭ جازعان)
