تيانشان تورى   ›   جاڭالىقتار   ›   شينجياڭ حابارلارى

كۇرەس ارقىلى ءتىپتى دە جاڭا، ءتىپتى دە كوركەم ءداۋىر تاراۋىن جازايىق

− باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى رايونىمىزدا قىزۋ اڭىس قوزعادى

  گازەتىمىزدىڭ جيناق حابارى. باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى رايونىمىزدىڭ قالا، اۋىل، نەگىزگى ساتىداعى پارتيا مۇشەلەرى، كادرلار، بۇقارا اراسىندا قىزۋ اڭىس قوزعادى. كوپشىلىك جابال مىنالاردى ءبىلدىردى: جاڭا تاريحي باستامادا تۇرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، جۇڭحۋا ۇلتىنىڭ ۇلى گۇلدەنۋى سىندى نۇرلى كەلەشەككە قاراي قايراتتانا العا تارتىپ، كۇرەس ارقىلى ءتىپتى دە جاڭا، ءتىپتى دە كوركەم ءداۋىر تاراۋىن جازامىز.

بۇرىنعىعا مۇراگەر، كەيىنگىگە بۇيداگەر بولىپ، ۇدەرە ەكپىندەي العا تارتايىق

  ”ۇلى جۇڭحۋا حالىق رەسپۋبليكاسى جاساسىن! ۇلى جۇڭگو كوممۋنيستىك پارتياسى جاساسىن! ۇلى جۇڭگو حالقى جاساسىن!“ باس شۋجي شي جينپيڭ ءسوزىنىڭ سوڭىندا ”جاساسىن“ دەگەن ءسوزدى 3 رەت جوعارى داۋىسپەن ايتقان كەزدە حوشۇت اۋداندىق ايەلدەر بىرلەستىگىنىڭ قوسىمشا ورىنباسار ءتوراعاسى، حوشۇت اۋداندىق نارىنكەر اۋىلى بۇمبۇت قىستاعى تۇرعىندار كوميتەتىنىڭ ۋاقىتشا مەڭگەرۋشىسى پەلجا اسەرلەنگەنىنەن كوزىنە جاس الدى. ول بىلاي دەدى: ”باس شۋجي شي جينپيڭنىڭ ءسوزى جان سۇيىندىرەدى. مەن ءوزىمنىڭ جارىعىم مەن جىلۋىمدى تاراتىپ، قىستاق تۇرعىندارىن اۋلا شارۋاشىلىعىن كۇش سالا دامىتۋعا باستاپ، اۋلا ەگىمشىلىگىن، باعىمشىلىعىن ونان ارى ۇلعايتىپ، قىستاق تۇرعىندارىنىڭ كىرىسىن ۇزدىكسىز ارتتىرامىن؛ سونىمەن قاتار، قىستاقتىڭ كوللەكتيۆ كىرىسىن ارتتىرۋ جولىن كۇش سالا كەڭەيتىپ، بۇقارا ءۇشىن ناقتى ءىس ىستەۋدىڭ، يگى ءىس ىستەۋدىڭ ەكونوميكالىق نەگىزىن بەكەمدەپ، كەدەيلىكتەن ارىلىپ، اۋقاتتانۋدىڭ تابىستارىن ونان ارى بەكەمدەيمىن“.

  ايتۇرسىن اپىز ءۇشتۇرپان اۋدانى چيانجين قالاشىعى مەملەكەتتە ءبىر تۇتاس قولدانىلاتىن ءتىل باستاۋىش مەكتەبىنىڭ باستىعى قۇربان نيازدىڭ ايەلى. 10 - ايدىڭ 1 - كۇنى ايتۇرسىن قىزىمەن بىرگە ۇيىندە جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىنىڭ تەلەۆيزوردان تىكە تارالىمىن مۇقيات كوردى. باس شۋجي شي جينپيڭنىڭ سوزىندە ”بۇكىل پارتيا، بۇكىل ارميا، بۇكىل ەلدەگى ءار ۇلت حالقى اناعۇرلىم تىعىز ىنتىماقتاسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، حالىق رەسپۋبليكامىزدى ۇزدىكسىز ويداعىداي بەكەمدەۋى، ويداعىداي دامىتۋى كەرەك“ دەگەن ءسوزىن ەستىگەندە ايتۇرسىن تەبىرەنىپ: ”مەن حالىق اراسىنان شىققان ۇگىت - لەكسياشى بولۋ قىزمەتىمدى قۇلشىنا ويداعىداي ىستەپ، وڭ ەنەرگيا ۇيىستىرىپ، وتانىمىزدىڭ شينجياڭىن ءتىپتى دە كوركەم ەتىپ قۇرىپ شىعامىن. بۇدان بىلاي كۇيەۋىمنىڭ ىستەرىن ونان ارى قولداپ - قۋاتتاپ، ونىڭ بۇكىل شينجياڭنىڭ جەر - جەرىندە پارتيانىڭ ابزال ساياساتىن كۇش سالا ۇگىتتەۋىن قولدايمىن“، - دەدى.

ۇزدىكسىز كۇرەس جۇرگىزىپ، تاعى دا شۇعىلا جاراتايىق

  ”’جۇڭگونىڭ كەشەگىسى ادامزاتتىڭ تاريح پاراعىنا جازىلدى، جۇڭگونىڭ بۇگىنى ميلليارد حالىقتىڭ قولىمەن جاراتىلۋدا، جۇڭگونىڭ ەرتەڭى، ءسوز جوق، اناعۇرلىم كوركەم بولادى‘. باس شۋجيدىڭ ءسوزى نەگىزگى ساتىداعى كادرلارعا شابىت بەرىپ، كۇش ۇستەدى، مەن ايرىقشا اسەرلەندىم جانە ماقتانىش سەزىمگە بولەندىم“. قابا اۋداندىق پارتكوم ساياسي - زاڭ كوميتەتىنىڭ كادرى، جايىلما اۋىلى اقتوبە قىستاعىنىڭ ءبىرىنشى شۋجيى قارقىن حاميت مىنالاردى ءبىلدىردى: ”كەدەيلىكتەن ارىلتۋدان قامال الۋدىڭ ءبىرىنشى شەبىندە كۇرەس جاساپ جاتقان نەگىزگى ساتى كادرى رەتىندە، قىستاقتىڭ ءىس جۇزىندىك جاعدايىنا بىرلەستىرىپ، ياچەيكانىڭ جەتەكشىلىك رولىن ساۋلەلەندىرىپ، قىستاق تۇرعىندارىن ەگىمشىلىك، باعىمشىلىق، دانەكەرلەۋ، كەستەشىلىك سىندى شەبەرلىكتەردى ۇيرەنۋگە باستاپ، قىستاق تۇرعىندارىنىڭ اۋقاتتانۋ قابىلەتىن ۇزدىكسىز كۇشەيتەمىن“.

  حۋ حايچاۋ باتىس بولىك جوسپارىنداعى ستۋدەنت ەرىكتى. قازىر قۇمىل قالالىق وداق كوميتەتىندە قىزمەت ىستەيدى. ”باس شۋجيدىڭ ءسوزى مەنى ەرەكشە شابىتتاندىردى، ايرىقشا جىگەرلەندىم“. حۋ حايچاۋ مىنانى ءبىلدىردى: ”ەرىكتى رەتىندە، مەن ەرىكتىلەردىڭ ءتۇرلى قىزمەت وتەۋ قيمىلدارىنا بەلسەنە ات سالىسىپ، كوركەم شينجياڭ قۇرۋعا ءوزىمنىڭ جاستىق كوكتەمىم مەن كۇش - قۋاتىمدى ارنايمىن“.

(تىلشىلەر ءرايدا، جاڭ جىلي، دۋ جيانحۇي، جاڭ تيڭ، ەرىكتى تىلشىلەر لي حايشان، چىن ۋي جازعان)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.