شاۋكەت يمىن، نۇرلان ءابىلماجىن، سۇن جينلۇڭ، لي پىڭشين بىرگە كەزدەستى
10 - ايدىڭ 3 - كۇنى اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قاتارلى باسشىلار ۇرىمجىدە داڭقپەن ورالعان رايونىمىزدان مەملەكەت داڭق اتاعىنا يە بولعان قاھارمان ۇلگىلەرمەن، سونداي - اق ولاردىڭ تۋىس - تۋعاندارىنىڭ جانە ورىندارىنىڭ ۋاكىلدەرىمەن كەزدەستى. سۋرەتتى ءتىلشى سۇي جىجيان تۇسىرگەن
تىلشىلەر ياۋ تۇڭ، ۋاڭ شيڭرۇي 10 - ايدىڭ 3 - كۇنى ۇرىمجىدەن حابارلايدى. 10 - ايدىڭ 3 - كۇنى تۇستەن بۇرىن اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قاتارلى اۆتونوميالى رايوننىڭ باسشىلارى ۇرىمجىدە داڭقپەن ورالعان رايونىمىزدان مەملەكەت داڭق اتاعىنا يە بولعان قاھارمان ۇلگىلەرمەن، سونداي - اق ولاردىڭ تۋىس - تۋعاندارىنىڭ جانە ورىندارىنىڭ ۋاكىلدەرىمەن كەزدەستى.
شاۋكەت يمىن، نۇرلان ءابىلماجىن، سۇن جينلۇڭ، لي پىڭشين، لي ۋي، ەركىن تۇنياز، ۋاڭ جۇنجىڭ، تيان ۋىن، سارقىت اقان، ۋاڭ ميڭشان، رىن حۋا بىرگە كەزدەستى.
مەملەكەت داڭق اتاعى مەدالى جارقىراپ، ەرەكشە كوز تارتادى. چىن چۋانگو، شوكىرات زاكىر ”حالىق ونەگەسى“ مەملەكەت داڭق اتاعىنا يە بولعان بۇرماحان مولدونىڭ، ”حالىق قاھارمانى“ مەملەكەت داڭق اتاعىنا يە بولعان عايرات مامۇتتىڭ تۋىس - تۋعاندارىنىڭ ۋاكىلدەرى قاتارلىلارمەن ءبىر - بىردەن قول الىسىپ، شىن ىقىلاسپەن اڭگىمەلەسىپ، اۆتونوميالى رايوندىق پارتكوم مەن ۇكىمەت جانە تۇتاس رايونداعى ءار ۇلت حالقى اتىنان قىزۋ قۇتتىقتاپ، شىن جۇرەكتەن العىس ايتتى، سونداي - اق وسكەلەڭ قۇرمەت ءبىلدىردى.
چىن چۋانگو بىلاي دەدى: مەملەكەت وردەنى مەن مەملەكەت داڭق اتاعىن بەرۋ سالتى جاڭا جۇڭگو قۇرىلعاندىعىنىڭ 70 جىلدىعى قارساڭىندا سالتاناتپەن وتكىزىلدى، باس شۋجي شي جينپيڭ مەملەكەت وردەنى مەن مەملەكەت داڭق اتاعىنىڭ يەگەرلەرىنە وردەن مەن مەدالدى ءوز قولىمەن بەردى، سونداي - اق ماڭىزدى ءسوز سويلەدى، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قاھارمان ۇلگىلەرگە دەگەن شىنايى قامقورلىعىن تولىق بەينەلەدى. قاھارمان ۇلگىلەردى ەڭ جوعارى مارتەبەمەن ماراپاتتاۋ مەملەكەتتىڭ قاھارماندارعا كوڭىل ءبولۋ، قاھارمانداردى قادىرلەۋ، قاھارماندارعا قۇرمەت ەتۋ پوزيتسياسىن تولىق ايگىلەدى. مەملەكەت داڭق اتاعىن العان قاھارمان ۇلگىلەردىڭ باس شۋجي شي جينپيڭنىڭ تاپسىرماسىن ەستە بەرىك ساقتاپ، داڭقتى قاستەرلەپ، كۇش ۇستىنە كۇش قوسىپ، مىزعىماس ۇستانىممەن، نانىممەن، سەنىممەن اناعۇرلىم كوپ ادامعا ىقپال جاساپ، جۇڭگوشا سوتسياليستىك شينجياڭ قۇرۋعا تاعى دا تىڭ ۇلەس قوسۋىن ءۇمىت ەتەمىن.
چىن چۋانگو مىنانى باسا دارىپتەدى: كەزەكتە شينجياڭداعى ءار ۇلت حالقى بۇكىل ەل حالقى سياقتى جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ قيمىلىنىڭ تولىق تابىستى بولۋى سىندى زور قۋانىشقا جانە تەڭدەسسىز ماقتانىشقا بولەنىپ وتىر. تۇتاس رايونداعى ءار ۇلت كادرلارى مەن بۇقارا جاڭا جۇڭگو قۇرىلعاندىعىنىڭ 70 جىلدىعىن وراي، قوزعاۋشى كۇش ەتىپ، باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ، جۇڭحۋا حالىق رەسپۋبليكاسىنىڭ مەملەكەت وردەنى مەن مەملەكەت داڭق اتاعىن بەرۋ سالتىندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قاھارمانداردى ارداقتاپ، قاھارمانداردان ۇيرەنىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تامىر تارتىپ، تياناقتانۋىن بۇلجىتپاي ىلگەرىلەتىپ، ”قوس 100 جىلدىق“ كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قۇلشىنا كۇش قوسۋ كەرەك. قاھارمانداردى ۇگىتتەۋ كەرەك، قالىڭ كادرلار مەن بۇقارانى جاقسىدان ونەگە الۋعا ۇمتىلۋعا، قاھارمانداردى ارداقتاۋعا، ۇزدىك بولۋعا قۇلشىنۋعا جەتەكتەپ، قاھارمان ۇلگىلەردى جارقىراعان ءداۋىر بەلگىسىنە، سالت - داستۇرگە جەتەكشىلىك ەتەتىن ءداۋىر ۇلگىسىنە اينالدىرۋ كەرەك؛ قاھارمانداردان ۇيرەنۋ كەرەك، قاھارمان ۇلگىلەردىڭ بويىندا ايگىلەنگەن ادالدىق، قايسارلىق، قاراپايىمدىق سىندى ايشىقتى قاسيەتتى بارىنشا اسقاقتاتىپ، تۇتاس رايونداعى ءار ۇلت كادرلارى مەن بۇقاراسىن جۇڭحۋا ۇلتى رۋحىن امالياتتا ايگىلەۋگە، سوتسياليستىك وزەكتى قۇن كوزقاراسىن امالياتتا ايگىلەۋدى ونان ارى تەرەڭدەتۋگە، وتاندى ءسۇيۋ سۇيىسپەنشىلىگىن جەتىلدىرۋگە، مەملەكەتتى قۇدىرەتتەندىرۋ جىگەرىن شىڭاۋعا، ەل ءۇمىتىن اقتاۋ ارەكەتىن امالياتتا ايگىلەۋگە جەتەكتەۋ كەرەك؛ قاھارمان بولۋعا تالپىنۋ كەرەك، پارتيا مەن حالىق ءىسى جولىندا مۇراتىنان تايماي، قايىسپاس قايسارلىقپەن، ونەگەمەن تۋدىڭ كۇشىن جاڭا داۋىردەگى وتاندى ءسۇيۋ كۇرەس ارەكەتىنە شىنايى اينالدىرىپ، شينجياڭدى قاھارماندار توپ - توبىمەن شىعاتىن قۇتتى مەكەنگە اينالدىرۋ كەرەك؛ قاھارماندارعا كوڭىل ءبولۋ كەرەك، ءار دارەجەلى پارتكومدار مەن ۇكىمەت قاھارمانداردى حالىقتىڭ داڭقى، مەملەكەتتىڭ بايلىعى ساناپ، قاھارمان ۇلگىلەرگە بەلسەندىلىكپەن، ىرىقتىلىقپەن كوڭىل ءبولىپ، قامقورلىق جاساپ، ايالاپ، قاھارمان ۇلگىلەر مەن ولاردىڭ تۋىس - تۋعاندارىنا، ۇرپاقتارىنا پارتيا مەن حالىقتىڭ قامقورلىعىن سەزىندىرۋ كەرەك.
