− باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ تۋرالى
حالىق گازەتىنىڭ شولۋشىسى
تاريح تەگەرشىگى زىمىراي العا ىلگەرىلەۋدە، ءداۋىردىڭ اعىنى ايبىنمەن جوڭكىلۋدە.
”بۇگىن، سوتسياليستىك جۇڭگو دۇنيەنىڭ شىعىسىندا اسقاق تۇلعاسىمەن تۇر، ەشقانداي كۇش ءبىزدىڭ ۇلى وتانىمىزدىڭ ورنىن تەڭسەلتە المايدى، ەشقانداي كۇش جۇڭگو حالقى مەن جۇڭحۋا ۇلتىنىڭ العا ۇمتىلۋ قادامىنا بوگەت بولا المايدى“. جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا باس شۋجي شي جينپيڭ جاڭا جۇڭگونىڭ 70 جىلدا قول جەتكىزگەن ۇلى جەتىستىكتەرىن تەرەڭ سەزىممەن القاپ، حالىق رەسپۋبليكامىزدى ۇزدىكسىز ويداعىداي بەكەمدەيتىن، ويداعىداي دامىتاتىن بەرىك سەنىمدى اسقاق سەزىممەن جاريالاپ، جۇڭگو حالقىنىڭ ارمانعا قۇلاش سەرمەپ العا ىلگەرىلەۋىنىڭ وراسان زور ىنتاسىن قاۋلاتىپ، جۇڭحۋا ۇلتىنىڭ تاعى دا كەرەمەتتەر جاراتاتىن اسقاق مۇرات، ايبىندى جىگەرىن تاسقىنداتتى.
جاڭا جۇڭگونىڭ 70 جىلى نەتكەن شۇعىلالى دەسەڭىزشى! 70 جىلدان بەرى، جان باسىندىق حالىقتىق كىرىس نەبارى 27 امەريكا دوللارىنان دۇنيە جۇزىندەگى ەكىنشى ءىرى ەكونوميكالىق تۇلعاعا ورنىقتى اينالۋعا دەيىن؛ ”ءبىر تراكتور دا جاساي الماۋ“دان دۇنيە جۇزىندەگى ەڭ كەمەلدى ونەركاسىپ جۇيەسىنە يە بولۋعا دەيىن؛ بىرىنشىدەن كەدەي، ەكىنشىدەن اق، بارلىعى قايتا گۇلدەندىرۋدى كۇتىپ تۇرۋدان دۇنيە جۇزىندەگى ءبىرىنشى ءىرى زات ساۋداسى ەلىنە، ءبىرىنشى ءىرى سىرتقى پەرەۋات زاپاس ەلىنە اينالۋعا دەيىن... جۇڭگو كوممۋنيستىك پارتياسى جۇڭگو حالقىنا باسشىلىق ەتىپ تالاي - تالاي ”مۇمكىن ەمەس“تى جۇزەگە اسىرىپ، تاڭعالارلىق تالاي - تالاي كەرەمەتتەر جاراتتى. بۇگىن، كەزىندە اۋزى اسقا، ءيىنى كيىمگە جارىماعان ادامدار جاپپاي دوڭگەلەك داۋلەتكە قادام باسپاقشى؛ كەزىندەگى بىرىنشىدەن كەدەي، ەكىنشىدەن اق جۇڭگو گۇلدەنىپ - كوركەيۋگە، بايىپ - قۇدىرەتتەنۋگە بەت الدى؛ كەزىندەگى كەدەيلىكتەن، دارمەنسىزدىكتەن ارىلا الماعان ۇلت ۇلى گۇلدەنۋدىڭ جارقىن كەلەشەگىن قارسى الدى. ەڭسە كوتەرۋدەن، بايۋدان قۇدىرەتتەنۋگە دەيىن جۇڭحۋا ۇلتى اسقاق ايبىن، ارىندى جىگەرىمەن تاريحي شارىقتاۋدى جۇزەگە اسىردى؛ ”داۋىرگە ىلەسۋ“دەن ”داۋىرگە جەتەكشىلىك ەتۋ“گە دەيىن جۇڭگو حالقى قايراتى تاسقىنداپ ءداۋىردىڭ الدىڭعى لەگىندە ءجۇردى. تاريح پەن رەالدىق جۇڭگو حالقىنىڭ، ءسوز جوق، قارىمى قاپتال جەتەتىندىگىن، جۇڭگونىڭ، ءسوز جوق، ىستەي الاتىندىعىن تالاسسىز دالەلدەدى!
العا باسۋ قادامىن بوگەۋگە بولمايدى، ويتكەنى ءبىز تاريحتىڭ العا باسۋ لوگيكاسىمەن العا باسۋدامىز. باس شۋجي شي جينپيڭ بىلاي دەپ باسا دارىپتەدى: ”جۇڭحۋا ۇلتىنىڭ ەنەرگيا توپتاعانىنا ۇزاق بولدى، ونى بۇرق ەتكىزىپ شىعارىپ، ۇلى جۇڭگو ارمانىن جۇزەگە اسىرۋ كەرەك“. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ تاياۋ زاماننان بەرگى جۇڭحۋا ۇلتىنىڭ ەڭ ۇلى ارمانى. جۇڭگو ارمانى ءبىزدىڭ بۇكىل ۇلتىمىزدىڭ توپتىق ەستەلىگى جيناقتالعان تاريحتان تۋعان، قورلىق پەن جاپا - ماشاقات ونىڭ توپىراعى، سوندىقتان دا ول وسىنشاما سالماقتى، وسىنشاما جان دۇنيەنى اسەرلەندىرەدى، جان دۇنيەنى سەرپىلتەدى؛ جۇڭگو ارمانى مەملەكەتتىڭ بايىپ - قۇدىرەتتەنۋ، ۇلتتىڭ گۇلدەنۋ، حالىقتىڭ باقىتقا كەنەلۋ مۇراتى مەن تىلەگىنەن ءوسىپ - ونگەن، مەملەكەتتىڭ قۋاتتى دامۋى ونىڭ رەال تىرەگى، سوندىقتان دا ول وسىنشاما كۇشتى، وسىنشاما جۇرەكتى اسەرگە بولەدى، كوڭىلدى جەلپىندىرەدى. جۇڭگو ارمانىنىڭ ءمانى حالىقتىڭ تاماشا تۇرمىسقا دەگەن تالپىنىسى، بۇل تارتىپ الۋعا بولمايتىن قاسيەتتى ۇقىق؛ جۇڭگو ارمانىن جۇزەگە اسىرۋ حالىقتىڭ تىلەگىنە ۇيلەسەتىن، تاريحتىڭ لوگيكاسىنا جاناساتىن ادىلەت ءىسى، ”ادىلەتتى ءىستى ءارقانداي جاۋ دا بۇزا المايدى“. ءبىز بەرىك مۇرات - سەنىمنەن جانە قۋاتتى توڭكەرىس ەركىنەن جازباساق بولعانى، ءسوز جوق، بارلىق بوگەتتەردەن اتتاپ ءوتىپ، شىرعا دەگەندى، قورشاپ قۋالاۋ، توسقاۋىلداۋ دەگەندى، قۇرساۋلاۋ سىزىعى دەگەندى، بارلىعىن تۇگەلدەي شاڭ قاپتىرا الاتىن بولامىز!
العا ۇمتىلۋ قادامىن بوگەۋگە بولمايدى، ويتكەنى ءبىز ءداۋىر دامۋىنىڭ اعىنىندا تۇرىپ دامۋدامىز. كەدەيلىكتەن، دارمەنسىزدىكتەن ارىلا الماعان مەشەۋ مەملەكەتتەن دامىپ، دۇنيە جۇزىندەگى 2 - ءىرى ەكونوميكالىق تۇلعاعا اينالعاندا، جۇڭگونىڭ سۇيەنگەنى سىرتقا ىرگە كەڭەيتۋ مەن وتارلىق تالان - تاراجىلاۋ ەمەس، قايتا باستان - اياق بەيبىت دامۋ جولىمەن بۇلجىماي ءجۇرۋ بولدى. قازىرگى دۇنيە ءجۇزى 100 جىلدا بولماعان زور وزگەرىستى باستان كەشىرۋدە، بەيبىتشىلىك پەن دامۋ ءالى دە ءداۋىردىڭ نەگىزگى تاقىرىبى. جاڭا جۇڭگو قۇرىلعان 70 جىلدان بەرى، اسىرەسە، رەفورما جاساعاننان، ەسىك اشقاننان بەرى، ءبىز باستان - اياق دەربەس، ءوز - وزىنە قوجايىن بولۋداي بەيبىت ديپلوماتيا ساياساتىنا تاباندى بولىپ، باستان - اياق بەيبىت دامۋ جولىمەن بۇلجىماي ءجۇرىپ، ءوزارا تيىمدىلىك جەتكىزەتىن، تەڭ يگىلىككە كەنەلەتىن اشىق ستراتەگيانى اتقارىپ، ادامزاتتىڭ ورتاق دامۋىن جەبەۋگە ءتيىستى ۇلەس قوستىق. پارتيا 18 - قۇرىلتايىنان بەرى، ءبىز اشىق دۇنيە ءجۇزى ەكونوميكاسىن قۇرۋدى، جاڭاشا حالىقارالىق قارىم - قاتىناس ورناتۋدى، ادامزاتتىڭ تاعدىرلاس ورتاق تۇلعاسىن قۇرۋدى بەلسەندىلىكپەن ىلگەرىلەتىپ، سىرتقا ەسىك اشۋ بارىسىندا ءىرى ەلدىك جاۋاپكەرشىلىك ارقالاۋدى ايگىلەدىك. العا ۇمتىلۋ ساپارىندا بەيبىتشىلىك، دامۋ، ىستەستىك، تەڭ يگىلىككە كەنەلۋ سىندى بوگەۋگە بولمايتىن ءداۋىر اعىنىنا ۇيلەسكەن جۇڭگو بەيبىت دامۋ جولىمەن بۇلجىماستان ءجۇرىپ، باستان - اياق دۇنيە ءجۇزى بەيبىتشىلىگىنىڭ قۇرۋشىسى، الەمدىك دامۋدىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى بولادى.
”ويلى - شۇڭقىر جولدى تەگىستەپ داڭعىل جولعا اينالدىرامىز“. جۇڭحۋا ۇلتى سان - ساناقسىز جاپا - ماشاقاتتى باستان كەشىرگەن قايىسپاس، قايسار ۇلى ۇلت، جۇڭگو حالقى ەڭبەكشىل، ەرجۇرەك، تىنباي ءوزىن الەۋەتتەندىرەتىن ۇلى حالىق، جۇڭگو كوممۋنيستىك پارتياسى كۇرەس جۇرگىزۋگە باتىل، جەڭىسكە جەتۋگە باتىل ۇلى ساياسي پارتيا. ۇلتتىڭ گۇلدەنۋىنىڭ ايبىندى كەلەشەگى الدىندا، سان ۇرپاق ادامداردىڭ ۇزدىكسىز ۇمتىلۋىندا، جۇڭگو حالقى مەن جۇڭحۋا ۇلتى، ءسوز جوق، ارماندى جۇزەگە اسىرۋدىڭ شۇعىلاسىن تاياۋ كەلەشەكتە جازاتىن بولادى!
(شينحۋا اگەنتتىگىنىڭ 10 - ايدىڭ 3 - كۇنى بەيجيڭنەن بەرگەن حابارى)
