تيانشان تورى   ›   جاڭالىقتار   ›   شينجياڭ حابارلارى

سىرعىمالى ساعىمدار تالايلاعان زور وزگەرىستەردى ايگىلەدى

جاڭ بەي

  مەملەكەت مەرەكەسى دەمالىسى كەزىندە، سان ءتۇستى ساۋلەسى مىڭ قۇبىلعان شىراق سالتاناتى قالا حالقى مەن ساياحاتشىلاردىڭ ۇرىمجىدە ”ىنتىعا كورەتىن“ تالعامىنا اينالدى. قاز - قاتار بيىك عيماراتتار كەسكىن تۇسىرەتىن بولەك - بولەك الىپ ەكراندارعا اينالىپ، ساعىمدار سىرعۋ بارىسىندا كورەرمەندەردىڭ كوز الدىنا وسىناۋ مەكەندە تۋىلعان تالايلاعان زور وزگەرىستەردى ەلەستەتتى.

  قۇمدى شولدەگى تۇيە كەرۋەنىنەن جۇڭگو - ەۆروپا كەزەكشى پويەزىنە دەيىن، ەجەلگى جىبەك جولى مەن جىبەك جولى ەكونوميكالىق بەلدەۋى وزەكتى رايونىنىڭ جاندى كورىنىستەرى ساعىمدار ىشىندەگى ۋاقىت پەن كەڭىستىكتە كەزەكتەسە كورىنىس بەردى؛ شالقىعان بەينەلەردەن سان مىڭداعان جايدارى جۇزدەرگە دەيىن، تيانشان پەرزەنتتەرى ەكپىندەي ىلگەرىلەگەن بەينەمەن كەسكىندەگەن باقىتتى تۇرمىستىڭ اسەم سۋرەتى تۇنگى اسپاندا باياۋ اشىلىپ، شىراق سالتاناتىن تاماشالاعان ءاربىر ادامنىڭ كوڭىلىن كولدەي تولقىتتى. ازاتتىقتىڭ العاشقى مەزگىلىندە ءبىر قاپشىق سىرىڭكەنىڭ ءوزى تيانشاننىڭ تۇستىگى مەن تەرىستىگىندەگى قاراپايىم ەگىنشى - مالشى جونىنەن تاپشى زات سانالاتىن ەدى، ال قازىر شينجياڭنىڭ بايتاق دالاسىنا كوز جىبەرسەڭىز، كوپتەگەن قالادا شىراق سالتاناتى بولىپ عانا قويماي، ەڭ شالعايداعى اۋىل - قىستاقتار دا تەلەۆيزور، قول تەلەفون ارقىلى وسىناۋ اسەم ساعىمدار سالتاناتىنان ءلاززات الا الادى.

  قازىرگى مەن بۇرىنعىنى سالىستىرار بولساق ەرەكشە تەبىرەنىسكە بولەنەمىز. پارتيا ورتالىق كوميتەتىنىڭ شىنايى قامقورلىعىندا شينجياڭ سىندى وسى قۇتتى مەكەندە جەر - الەمدى ءدۇر سىلكىندىرگەن وزگەرىستەر تۋىلدى، بۇل وزگەرىستەر ادامدى ماقتانىشقا بولەيدى ءارى ادامدى ەكپىندەي ىلگەرىلەۋگە دەمەيدى. جۇرەكتە تولقىعان اسەرلى سەزىمىمىزدى تولاسسىز كۇرەس جۇرگىزۋ قادامىنا اينالدىرىپ، وتانىمىزدىڭ شەكاراسىن ويداعىداي گۇلدەندىرۋگە كەرپىش بولىپ قالانىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا كۇش - قۋاتىمىزدى ارنايىق.

(”لەپتى لەبىز“ ايدارىنا ماقالا قابىلداۋ پوچتا ساندىعى: xjrbplb@126.com)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.