تيانشان تورى   ›   جاڭالىقتار   ›   شينجياڭ حابارلارى

ۇيرەنۋ مەن ىستەۋدى ۇشتاستىرىپ، ءىس جۇزىندىكپەن بايلانىستىرىپ، ناقتى ونىمدىلىككە تالپىندى

− التاي ايماعىنداعى اۋدان، قالا، تاراۋ، ورىندار، اۋىل، قالاشىق، ءمالى جانە قىستاق، الەۋمەتتىك اۋماقتار 2 - توپتاعى نەگىزگى تاقىرىپتىق تاربيەنى تىڭعىلىقتى ىلگەرىلەتتى

ءتىلشى جاڭ تيڭ، ەرىكتى تىلشىلەر مەي لي، ياڭ ۋيشۋان

  2 - توپتاعى نەگىزگى تاقىرىپتىق تاربيە ورىستەتىلگەننەن بەرى، التاي ايماعىنداعى اۋدان، قالا، تاراۋ، ورىندار، اۋىل، قالاشىق، ءمالى جانە قىستاق، الەۋمەتتىك اۋماقتار نازاردى نەگىزگى تاقىرىپتىڭ نەگىزگى جەلىسىنە شوعىرلاندىرىپ، دەن قويا ورنالاستىرىپ، جايعاستىرىپ، ءتۇپ نۇسقانى وقۋعا، اۋەلگى ءماتىندى ۇيرەنۋگە، قاعيداسىن تۇسىنۋگە تاباندى بولىپ، جاسامپاز نازاريامەن اۋەلگى ماقساتتى نارلەندىرىپ، بورىشقا جەتەكتەپ، ناقتى، ءونىمدى شارالارمەن نەگىزگى تاقىرىپتىق تاربيەنىڭ جاپپاي ورىستەتىلۋىن ىلگەرىلەتتى.

تاسىلدە جاڭالىق اشىپ پارتيا مۇشەلەرىنىڭ ۇيرەنۋىن جاپپاي قامتۋدى ىلگەرىلەتتى

  التاي ايماعى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ سىندى وسى نەگىزگى جەلىنى مىقتاپ ارقاۋ ەتىپ، اۋدان، باسقارما دارەجەلىدەن جوعارى ورىنداردىڭ جانە نەگىزدەلىپ اتقاراتىن ورىنداردىڭ باسشىلىق القاسى مەن باسشى كادرلارىنىڭ ۇيرەنۋ تاربيەسىن كورنەكتىلەندىرە مىقتى يگەرىپ، بەلگىلەنگەن، ءسوزسىز، ۇيرەنۋ مازمۇندارىن قاز - قالپىندا تۇگەل وقۋعا، زەر سالا وقۋعا ۇيىمداستىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسى سياقتى ماڭىزدى تۇيىندەردى دايەكتىلەندىرۋدى، تياناقتاندىرۋدى تىعىز ارقاۋ ەتىپ، ارناۋلى تاقىرىپتاعى زەرتتەۋ - تالقى تىزىمدىگىن جاساپ، ۇيرەنۋ اسەرلەرىن اڭگىمەلەپ، ماسەلەلەردى مۇقيات قاداعالاپ، ءتۇپ قاينارىن تەرەڭ تولعانىپ، رەتتەۋ - وڭاۋ شارالارىن ورتاعا قويىپ، قۇلشىنۋ بەتالىسىن ايقىندادى.

  ءار دارەجەلى پارتيا ۇيىمدارى بارلىق پارتيا مۇشەلەرىن جەلىدە جانە جەلىدەن تىسقارى ”وزدىگىنەن ۇيرەنۋ“گە، پىكىر اۋىستىرىپ زەرتتەپ - تالقىلاپ ”ءوزارا ۇيرەنۋ“گە، فورمادا جاڭالىق اشىپ ”ارناۋلى تاقىرىپتا ۇيرەنۋ“گە، ەرىكتى قىزمەت وتەپ ”امالياتتا ۇيرەنۋ“گە ۇيىمداستىرىپ، جاسامپاز نازاريامەن قارۋلانۋدى ۇزدىكسىز كۇشەيتتى. سونىمەن بىرگە، توڭكەرىستىك ءداستۇر تاربيەسىن، اۋقىمدىق ساياسات تاربيەسىن، وزات تيپتەر تاربيەسىن، ساقتاندىرۋ تاربيەسىن ورىستەتىپ، ۇيرەنۋدىڭ جاندىلىعى مەن ناقتى ونىمدىلىگىن ارتتىردى.

  شىڭگىل اۋداندىق پارتكوم ساياسي - زاڭ كوميتەتى پارتيا ياچەيكاسى بارلىق پارتيا مۇشەلەرىن ءار اپتادا 2 كۇندىك كەشكى ۇيرەنۋگە ۇيىمداستىرىپ، ءسوزسىز، وقىلاتىن كىتاپتاردى تۇگەل وقىدى ءارى قىزمەت امالياتىمەن ۇشتاستىرا پىكىر اۋىستىرىپ، پارىقتاردى تاۋىپ، تياناقتاندىرۋدى جەبەدى.

  قابا اۋدانى ءتۇرلى فورما قولدانىپ، ۇقساماعان ساتىداعى، ۇقساماعان تۇردەگى پارتيا مۇشەلەرىن ۇيرەنۋ ورىستەتۋگە جەتەكتەپ، ۇيرەنۋدىڭ جاپپاي قامتۋىنا، بىردە - ءبىر ادامنىڭ قاعىس قالماۋىنا شىنايى كەپىلدىك ەتتى. اسىرەسە، مال شارۋاشىلىق وڭىرلەرىندەگى پارتيا مۇشەلەرىنىڭ قونىستانۋىنىڭ بىتىراڭقى بولۋ، جىلجىمالىلىعى كۇشتى بولۋ سىندى ءىس جۇزىندىك جاعدايىمەن ۇشتاستىرىپ، 5 ”اتتى ۇگىت - لەكسياشىلار شاعىن بولىمشە اترەتى“ن ۇيىمداستىرىپ، ”نەگىزگى تاقىرىپتىق تاربيە ۇيرەنۋ بوقشاسى“ن الا ءجۇرىپ، مال فەرمالارى مەن وتارلارعا ىشكەرىلەي بارىپ، ”تۇيىندە تۇرىپ پىسىقتاپ ۇيرەنۋ“ قيمىلىن ورىستەتتى.

  كوكتوعاي اۋدانى گازەت وقۋشىلار قوسىنىن قۇرىپ، ءجۇرىپ - تۇرۋى قولايسىز، وقۋى قيىن ساقا پارتيا مۇشەلەرىنىڭ ۇيىنە بارىپ ۇيرەتىپ، ساقا پارتيا مۇشەلەرىنىڭ ۇيرەنۋدە قاتاردان قالماۋىنا شىنايى كەپىلدىك ەتتى. سونىمەن بىرگە، وزات تيپتەردىڭ ونەگە بولۋ، باستاماشىلدىق ەتۋ رولىن تولىق ساۋلەلەندىرىپ، ۇلگىلى ۇگىت - لەكسياشىلاردى اۋىل - قىستاقتارعا، الەۋمەتتىك اۋماقتارعا، كاسىپورىندارعا، مال شارۋاشىلىق وڭىرلەرىنە بارىپ قيمىل ورىستەتۋگە ۇيىمداستىردى.

ەل تىلەگىن ەستىپ ”ەڭ سوڭعى ءبىر كيلومەتر“دى تۇتاستىرۋدى ناقتى تياناقتاندىردى

  جول اشىپ تاربيە جۇرگىزۋگە تاباندى بولىپ، نەگىزگى تاقىرىپتىق تاربيەنى بۇقارانىڭ ناقتى قيىنشىلىعىن شەشۋمەن تىعىز ۇشتاستىردى. التاي قالاسى ”مىڭ كادر نەگىزگى ساتىعا ءتۇسۋ، 10 مىڭ پارتيا مۇشەسى قيىن ماسەلەلەردى شەشۋ“ قيمىلىن ورىستەتىپ، قوعام ورنىقتىلىعى، كەدەيلىكتەن ارىلتۋدان قامال الۋ، حاۋىپسىز ءوندىرىس جۇرگىزۋ، اۋىل - قىستاقتاردىڭ قونىستانۋ ورتاسىن رەتتەۋ - وڭاۋ سياقتى كوپتەگەن جاقتارداعى قىزمەتتەردە ناقتى ورىندى ارالاۋ، قىستاقتاردا تۇراتىن قىزمەت اترەتى مۇشەلەرىمەن، جالپىلىق مەنشىككە جاتپايتىن كاسىپورىنداردىڭ جۇمىسشى - قىزمەتشىلەرىمەن، ساقا پارتيا مۇشەلەرىمەن سىرلاسۋ، اڭگىمەلەسۋ سياقتى تاسىلدەر ارقىلى نەگىزگى ساتىداعى بۇقارانىڭ پىكىر - ۇسىنىستارىن تولىق تىڭداپ، بۇقارانىڭ ”شۇعىل، قيىن، الاڭداعان، ءزارۋ“ ماسەلەلەرىنە كوز جەتكىزدى.

  التاي ايماعى ”سالماقتى اۋرۋلاردان قۇتقارۋ اينالىم قورى“ن قۇرىپ، سالماقتى اۋرۋمەن بالنيتساعا جاتسا دا ەمدەۋ قاراجاتىن تولەۋگە قاۋقارسىز قامسىزداندىرۋعا قاتىناسۋشىلاردى دەر كەزىندە، ءونىمدى ەمدەۋگە مۇمكىندىك جاسادى. شىڭگىل اۋدانى ارال قالاشىعى كەڭمويناق قىستاعىنىڭ تۇرعىنى ءرازيا زەينەلقان وسى قوردان يگىلىكتەنۋشى. قىستاق كادرلارىنىڭ كومەگىندە، ول شىڭگىل اۋداندىق ەمدەۋ قامتاماسىزداندىرۋ مەكەمەسىنەن 40 مىڭ يۋان سالماقتى اۋرۋ اينالىم قارجىسىن ءوتىنىش ەتىپ، وپەراتسياسىن ءساتتى جاساتتى.

  نەگىزگى ساتى پارتيا ۇيىمدارى بۇقارا كوڭىل ءبولىپ وتىرعان قولامتالى، قيىن ماسەلەلەردى رەتتەۋ - وڭاۋدى تياناقتاندىرۋدىڭ ماڭىزدى مازمۇنى ەتىپ، تۇرگە ايىرىپ تاربيەلەۋ، قيمىلمەن جەتەكتەۋ، ءىس ءبىتىرىپ، قيىنشىلىقتاردى شەشۋ سياقتى تاسىلدەر ارقىلى حالىق بۇقاراسىنىڭ نەگىزگى تاقىرىپتىق تاربيە اكەلگەن جاڭا وزگەرىستەردى، جاڭا ناتيجەلەردى شىنايى سەزىنۋىنە مۇمكىندىك جاسادى.

  التاي قالاسى ”مال شارۋاشىلىق ارناۋلى كلاسى“ قىزمەت ۇلگىسىن جالپىلاستىرۋدى قاراستىرىپ، جىلجىمالى شەپتەن پايدالانىپ، بۇقارالىق قيمىل، قىستاق تۇرعىندارىنىڭ اقىلداسۋى، ەمدەۋ بويىنشا قىزمەت وتەۋ سياقتى كوپ ءتۇرلى يقۋات ءبىر تۇلعالاندىرىلعان ”مالشىلار ءۇيى“ن قۇردى. مال شارۋاشىلىق ارناۋلى كلاسى اي سايىن وتباسىلارىن ارالاپ، جاعداي ۇعىسىپ، مالشىلاردىڭ ارىز - تالابى مەن پىكىر - ۇسىنىستارىن جيناپ، ورىندى پىكىرلەر مەن ارىز - تالاپتاردى تۇرگە ايىرىپ، اۋىستىرىپ ءبىتىرۋ، ۋاقىت شەگىندە شەشۋ، سوڭىنا ءتۇسىپ قۋزاۋدى ءوزارا ۇشتاستىرۋ سياقتى ادىستەرمەن تياناقتاندىرۋدى يگەردى، سونىمەن بىرگە، مالشىلارعا حالىق ىستەرىن ۋاكىلاتان ءبىتىرۋ، قيىنشىلىعى بارلارعا كومەكتەسۋ - سۇيەمەلدەۋ، وزگەشە مادەنيەت - دەنە تاربيە قيمىلدارى سياقتى قىزمەت وتەۋلەردى ازىرلەدى.

  بۋرىلتوعاي اۋدانى بۋرىلتوعاي قالاشىعى جيحاي جولى الەۋمەتتىك اۋماعى پارتيا ۇيىمى قاراستى وڭىردەگى پارتيا مۇشەلەرىنىڭ ەرەكشەلىگىنە قاراي، 6 ”اۋەلگى ماقساتتى ۇمىتپاۋ پارتيا مۇشەلەرى قىزمەت وتەۋ شاعىن بولىمشە اترەتى“ن ۇيىمداستىرىپ، ”ۋادەلى قىزمەت وتەۋ“، ”ۋاكىلاتان قىزمەت وتەۋ“، ”ۇيىنە بارىپ قىزمەت وتەۋ“ سياقتى تاسىلدەردى قولدانىپ، حالىققا قولايلى ءار تۇردەگى ەرىكتى قىزمەت وتەۋدى ورىستەتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.