ءتىلشى ما جيانلۇڭ 10 - ايدىڭ 4 - كۇنى ۇرىمجىدەن حابارلايدى. 10 - ايدىڭ 3 - كۇنىنە دەيىن، قاناس كورىنىس ءوڭىرىنىڭ وسى جىل ىشىندە قابىلداعان ساياحاتشىلارى 10 ميلليون ادام - رەتتەن استى.
قاناس كورىنىس ءوڭىرىن باسقارۋ كوميتەتىنىڭ ساناعىنا قاراعاندا، كورىنىس ءوڭىرى 10 - ايدىڭ 4 - كۇنى 106 مىڭ ساياحاتشى (رەت) قابىلداپ، سايكەس مەزگىلدەگىدەن %32 ارتقان. بيىل جىل باسىنان بەرى، قاناس كورىنىس ءوڭىرى ەل ءىشى - سىرتىنان جيىنى 10 ميلليون 2100 ساياحاتشى (رەت) قابىلداپ، سايكەس مەزگىلدەگىدەن %50 ارتقان. مۇندا قاناس جيىنى 6 ميلليون 129 مىڭ 500 ساياحاتشى (رەت) قابىلداپ، سايكەس مەزگىلدەگىدەن %46 ارتقان؛ قوم جيىنى 3 ميلليون 425 مىڭ 600 ساياحاتشى (رەت) قابىلداپ، سايكەس مەزگىلدەگىدەن %61 ارتقان؛ دوڭشىلىك پۋنكتى جيىنى 351 مىڭ 300 ساياحاتشى (رەت) قابىلداپ، سايكەس مەزگىلدەگىدەن %28 ارتقان؛ تەرەكتى جيىنى 114 مىڭ 900 ساياحاتشى (رەت) قابىلداپ، سايكەس مەزگىلدەگىدەن %37 ارتقان.
قاناس كورىنىس ءوڭىرى مەملەكەتتىك 5A دارەجەلى ساياحات كورىنىس ءوڭىرى، ”ينتەرنەتتەگى ايتۋلى كورىنىس ءوڭىرى“ رەتىندە، قاناس كورىنىس ءوڭىرى سوڭعى جىلداردان بەرى نەگىزدىك قۇرىلعىلاردى كەمەلدەندىرۋ، قىزمەت وتەۋدى جاقسارتۋ، زات باعاسىن ارناعا ءتۇسىرۋ سياقتى جاقتارداعى قىزمەتتەردى كۇشەيتىپ، ساياحاتشىلاردىڭ ساياحاتتاۋدا جايلى سەزىنۋىن ارتتىردى.
قاناس كورىنىس ءوڭىرىن باسقارۋ كوميتەتىنىڭ قاتىستى جاۋاپتىسى مىنانى ءبىلدىردى: ورنىقتىلىق پايداسىنىڭ جارىققا شىعۋىنا ساي، شينجياڭنىڭ ساياحات كاسىبى جەدەل دامىپ، كورىنىس ءوڭىرىنىڭ ءار جىلى قابىلدايتىن ساياحاتشىلار سانىندا ”كورسەتكىشتىك ارتۋ“ جاعدايى جارىققا شىقتى.