تيانشان تورى   ›   جاڭالىقتار   ›   ماڭىزدى حابارلار

شي جينپيڭ گۆينەيانىڭ زۇڭتۇڭى كوندەمەن ءوزارا قۇتتىقتاۋ تەلەگرامماسىن جولدادى

جۇڭگو مەن گۆينەيانىڭ ديپلوماتيالىق قارىم - قاتىناس ورناتقاندىعىنىڭ 60 جىلدىعى ساتىندە 

  شينحۋا اگەنتتىگىنىڭ 10 - ايدىڭ 4 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 10 - ايدىڭ 4 - كۇنى گۆينەيانىڭ زۇڭتۇڭى كوندەمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 60 جىلدىعىن قۇتتىقتادى.

  شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: گۆينەيا − جۇڭگومەن ءبىرىنشى بولىپ ديپلوماتيالىق قارىم - قاتىناس ورناتقان ساحارانىڭ وڭتۇستىگىندەگى افريكا ەلى. ديپلوماتيالىق قارىم - قاتىناس ورناتقان 60 جىلدان بەرى، حالىقارالىق اۋقىمدا قانداي وزگەرىس تۋىلسا دا ەكى جاق باستان - اياق شىنايى دوس بولىپ، ءبىرىن - ءبىرى قولداپ، جۇڭگو مەن افريكا ىنتىماعىنىڭ، ىستەستىگىنىڭ ۇلگىسىنە اينالدى.

  مەن جۇڭگو - گۆينەيا قارىم - قاتىناسىنىڭ دامۋىنا وسكەلەڭ ءمان بەرەمىن، جۇڭگو مەن گۆينەيانىڭ ءداستۇرلى دوستىعىن قاستەرلەيمىن، كوندە زۇڭتۇڭمەن بىرگە قۇلشىنىس جاساپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 60 جىلدىعىن جاڭا باستاما ەتىپ، ”ءبىر بەلدەۋ، ءبىر جول“دى بىرگە قۇرۋدىڭ جانە جۇڭگو مەن افريكا سەلبەستىگىنىڭ قارىشتاپ دامۋىنىڭ تاريحي ورايىن ويداعىداي يگەرىپ، دوستىقتى، ءوزارا سەنىمدى بەكەمدەپ، ناقتى ىستەستىكتى تەرەڭدەتىپ، جۇڭگو مەن گۆينەيانىڭ جان - جاقتى ستراتەگيالىق ىستەستىك سەرىكتەستىك قاتىناسىنىڭ العا قاراي دامۋىن ۇزدىكسىز ىلگەرىلەتىپ، ەكى ەل مەن ەكى ەل حالىقتارىن اناعۇرلىم جاقسى باقىتقا كەنەلتىپ، اناعۇرلىم تىعىز جۇڭگو - افريكا تاعدىرلاس ورتاق تۇلعاسىن قۇرۋعا بەلسەندى ۇلەس قوسۋدى قالايمىن.

  كوندە قۇتتىقتاۋ تەلەگرامماسىندا مىنانى ءبىلدىردى: گۆينەيا مەن جۇڭگونىڭ ديپلوماتيالىق قارىم - قاتىناس ورناتۋى افريكا - جۇڭگو قارىم - قاتىناسىنىڭ دامۋىندا كەلەلى ماڭىزعا يە. ۇزاق ۋاقىتتان بەرى، ەكى ەلدىڭ ەرەكشە دوستىق قارىم - قاتىناستى باستان - اياق ساقتاۋى افريكا مەن جۇڭگونىڭ دوستىق سەلبەستىگىنىڭ ىقشام كورىنىسى. گۆينەيا جاق ”ءبىر بەلدەۋ، ءبىر جول“ باستاماسىنا جوعارى باعا بەرەدى، جۇڭگو جاقپەن بىرگە قۇلشىنىپ، ءداستۇرلى دوستىقتى بەكەمدەپ، جۇڭگو - افريكا سەلبەستىك تالقى مىنبەرىنىڭ بەيجيڭ باسشىلار باس قوسۋىنىڭ تابىستارىن ويداعىداي تياناقتاندىرىپ، ەكى ەلدىڭ جان - جاقتى ستراتەگيالىق ىستەستىك سەرىكتەستىك قارىم - قاتىناسىنىڭ ۇزدىكسىز ىشكەرىلەي دامۋىن ىلگەرىلەتۋدى قالايدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.