− باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ تۋرالى
حالىق گازەتىنىڭ شولۋشىسى
بارلىق ۇلى جەتىستىكتەر تۇگەلدەي ۇزدىكسىز كۇرەس جاساۋدىڭ ناتيجەسى، بارلىق ۇلى ىستەر تۇگەلدەي الدىڭعىلاردىڭ ءىزىن باسىپ بولاشاققا جول اشۋ بارىسىندا ىلگەرىلەتۋدى قاجەت ەتەدى.
”العا باسۋ ساپارىندا ءبىز جۇڭگو كوممۋنيستىك پارتياسىنىڭ باسشىلىعىنا تاباندى بولىپ، حالىقتىڭ تۇلعالىق ورنىنا تاباندى بولىپ، جۇڭگوشا سوتسياليزم جولىنا تاباندى بولىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن جاپپاي دايەكتىلەندىرىپ، اتقارىپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز قاناعاتتاندىرىپ، تىڭ تاريحي ۇلى ىستەردى تولاسسىز جارىققا شىعارامىز“. باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ءبىزدىڭ حالىق رەسپۋبليكامىزدى ۇزدىكسىز ويداعىداي بەكەمدەپ، ويداعىداي دامىتىپ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ۇزدىكسىز قۇلشىنا كۇرەس جاساۋعا شابىتتاندىردى جانە ىنتالاندىردى.
70 جىل قيىنشىلىقتاردى جەڭىپ، ەكپىندەي ىلگەرىلەۋدى باستان كەشىردى، بۇگىن ومىرشەڭدىككە تولى جۇڭگو، ۇمىتكە تولى جۇڭگو دۇنيە ءجۇزىنىڭ شىعىسىندا اسقاق تۇلعاسىمەن قاسقايىپ تۇر. كەلەشەكتى بەتكە الىپ، ءبىزدىڭ حالىق رەسپۋبليكامىزدىڭ كەمەسى تولقىن جارا العا ىلگەرىلەۋدە. وتاننىڭ 9 ميلليون 600 مىڭ شارشى كيلومەتردەن استام كوركەم تاۋ - سۋلارى ءبىزدىڭ ۇلى ىستەردى جارىققا شىعارۋىمىزعا كەڭ ساحنا ازىرلەدى. جۇڭحۋا ۇلتى 5000 جىلدان استام ۋاقىتتا جاراتقان شۇعىلالى وركەنيەتى ءبىزدىڭ ەرلىكپەن العا ىلگەرىلەۋىمىزگە قۇدىرەتتى رۋحاني كۇش ازىرلەدى. جاڭا جۇڭگو قۇرىلعان 70 جىلدان بەرى قول جەتكىزگەن ۇلى جەتىستىكتەر ءبىزدىڭ تاعى دا شۇعىلالى تابىس جاراتۋىمىزعا بەرىك نەگىز قالادى. تاريحقا دەگەن ەڭ جاقسى ىززەتتىڭ، كەلەشەكتى ەڭ جاقسى يگەرۋدىڭ ءوزى تىڭ تاريحي ۇلى ىستەردى تولاسسىز جارىققا شىعارىپ، ءبىزدىڭ حالىق رەسپۋبليكامىزدىڭ تىڭ دا اناعۇرلىم كەسەك تابىستارىن سومداۋ بولىپ تابىلادى.
تىڭ تاريحي ۇلى ىستەردى ۇزدىكسىز جاراتۋدا جۇڭگو كوممۋنيستىك پارتياسىنىڭ باسشىلىعىنا تاباندى بولۋ كەرەك. كوممۋنيستىك پارتيا بولماسا، جاڭا جۇڭگو بولماق ەمەس؛ جۇڭگونىڭ ىستەرىن جاقسى ىستەۋدىڭ تەتىگى پارتيادا. 70 جىلدان بەرى، توماعا - تۇيىق مەشەۋلىكتەن ەسىك اشۋعا، العا باسۋعا قادام تاستاعاندا، اۋزى اسقا، ءيىنى كيىمگە، جارىماۋدان جاپپاي دوڭگەلەك داۋلەتكە قادام تاستاعاندا ”بىرىنشىدەن، كەدەي، ەكىنشىدەن، اق“ بولۋدان گۇلدەنىپ - كوركەيۋگە، بايىپ - قۇدىرەتتەنۋگە قادام تاستاعاندا جۇڭگو حالقىنىڭ ەڭ تەرەڭ سەزىنگەنى − جاڭا جۇڭگونىڭ دۇنيە ءجۇزىن جالت قاراتاتىن ۇلى جەتىستىكتەرگە قول جەتكىزە الۋىنداعى شەشۋشى فاكتور جۇڭگو كوممۋنيستىك پارتياسىنىڭ باسشىلىعى ەكەندىگى بولدى. العا باسۋ ساپارىندا ءبىز جۇڭگو كوممۋنيستىك پارتياسىنىڭ باسشىلىعى سىندى جۇڭگوشا سوتسياليزمنىڭ ەڭ ماندىك ەرەكشەلىگىن مىقتاپ يگەرىپ، جۇڭگو كوممۋنيستىك پارتياسىنىڭ باسشىلىعى سىندى جۇڭگوشا سوتسياليستىك ءتۇزىمنىڭ ەڭ زور ارتىقشىلىعىن تولىق ساۋلەلەندىرىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن جاپپاي دايەكتىلەندىرىپ، اتقارىپ، پارتيامىزدىڭ باستان - اياق جۇڭگو حالقى مەن جۇڭحۋا ۇلتىنىڭ ارقا تىرەگى بولۋىنا، باستان - اياق ۇلتتى گۇلدەندىرۋ ساپارىنداعى پارمەندى باسشىلىق ۇيتقى بولۋىنا شىنايى كەپىلدىك ەتۋىمىز كەرەك.
تىڭ تاريحي ۇلى ىستەردى ۇزدىكسىز جاراتۋدا حالىقتىڭ تۇلعالىق ورنىنا تاباندى بولۋ كەرەك. حالىق تاريحتى جاراتۋشى، مەملەكەتتىڭ بولاشاعى مەن تاعدىرىن بەلگىلەيتىن ءتۇبىرلى كۇش. جاڭا جۇڭگونىڭ ”تاڭدانار ەد دۇنيەنىڭ عاجابىنا“ سىندى دامۋ جەتىستىگىن جاراتۋداعى سەبەپ − ءبىزدىڭ باستان - اياق حالىقتىڭ تۇلعالىق ورنىنا تاباندى بولعاندىعىمىزدان، باستان - اياق حالىقتىڭ ءتول جاسامپازدىق رۋحىنا قۇرمەت ەتكەندىگىمىزدەن، باستان - اياق حالىقتىڭ تىلەگىنە قۇلاق اسقاندىعىمىزدان، باستان - اياق حالىققا سۇيەنىپ تاريحي ۇلى ىستەردى جاراتقاندىعىمىزدان بولىپ تابىلادى. ”حالىق − رەسپۋبليكانىڭ بەرىك تاعانى، حالىق − بيلىك جۇرگىزۋىمىزدىڭ ەڭ ۇلكەن نەگىزدىك كۇش - قۋاتى“. ەكپىندەي ىلگەرىلەگەن جاڭا داۋىردە، جۇڭگو حالقىنىڭ ۇلى جاسامپازدىق رۋحىن، ۇلى كۇرەس جاساۋ رۋحىن، ۇلى ىنتىماق رۋحىن، ۇلى ارمان رۋحىن ۇزدىكسىز ساۋلەلەندىرۋ كەرەك. ميلليارد حالىق بىلەك ءتۇرىپ قۇلشىنا ىستەسە، ءبىز، ءسوز جوق، جاڭا داۋىرگە ءتان شۇعىلالى ناتيجەلەردى جاراتا الامىز.
تىڭ تاريحي ۇلى ىستەردى ۇزدىكسىز جاراتۋدا جۇڭگوشا سوتسياليزم جولىنا تاباندى بولۋ كەرەك. جاڭا جۇڭگونىڭ 70 جىلىنان، اسىرەسە، رەفورما جاساعان، ەسىك اشقاننان بەرگى ۇلى اماليات تالاسسىز تۇردە مىنانى دالەلدەدى: باسقا قانداي ءبىر يزم ەمەس، تەك جۇڭگوشا سوتسياليزم عانا زامانىمىزداعى جۇڭگونىڭ دامۋ، العا باسۋ ماسەلەسىن شەشە الادى، بۇل پارتيا مەن حالىقتىڭ تاريح پەن رەالدىق بارىسىندا قولعا كەلتىرگەن مىزعىماس قورىتىندىسى. باس شۋجي شي جينپيڭ: ”جاڭا داۋىردەگى جۇڭگوشا سوتسياليزم − ءبىزدىڭ پارتيامىزدىڭ حالىققا باسشىلىق ەتىپ ۇلى قوعامدىق توڭكەرىس جۇرگىزگەندىگىنىڭ ناتيجەسى ءارى ءبىزدىڭ پارتيامىزدىڭ حالىققا باسشىلىق ەتىپ ۇلى قوعامدىق توڭكەرىس جۇرگىزۋىنىڭ جالعاسى، ءسوز جوق، دايەكتى تۇردە جالعاستىرۋ كەرەك“ دەپ باسا دارىپتەدى. بۇگىن ءبىزدىڭ جولىمىز بارعان سايىن كەڭەيدى، ءبىزدىڭ نازاريامىز ۇزدىكسىز دامىدى، ءبىزدىڭ ءتۇزىمىمىز كۇن سايىن تولىستى، ءبىزدىڭ مادەنيەتىمىز ءۇرتىس گۇلدەندى. جۇڭگو كوممۋنيستىك پارتياسى پارتيانىڭ وزىنە توڭكەرىس جاساۋى ارقىلى پارتيانىڭ حالىققا باسشىلىق ەتىپ ۇلى قوعامدىق توڭكەرىس جۇرگىزۋىن جەبەيتىن، جۇڭگوشا سوتسياليزمنىڭ اناعۇرلىم قۇدىرەتتى، اناعۇرلىم يلاندىرۋ قۋاتىنا يە اقيقات كۇشىن قۇلشىنا ايگىلەيتىن وسكەلەڭ تاريحي سانالىلىققا يە.
ءار ۇرپاقتىڭ وزىنە ءتان ۇزاق جورىعى بولادى. ءبىز تالاي تاۋدان، تالاي وزەننەن وتتىك، الايدا ءالى دە تاۋ اسىپ، سۋ كەشۋىمىز قاجەت. ءبىز 5000 جىلدان استام وركەنيەت تاريحى بار، جاڭا جۇڭگونىڭ 70 جىلدىق ۇلى كەرەمەتىن جاراتقان جۇڭگو حالقى مەن جۇڭحۋا ۇلتىنىڭ جاڭا داۋىردەگى جاڭا ۇزاق جورىق جولىندا، ءسوز جوق، تىڭ تاريحي ۇلى ىستەردى جاراتىپ، اناعۇرلىم جاڭا، اناعۇرلىم كورىكتى ءداۋىر تاراۋىن جازاتىندىعىنا كامىل سەنەمىز!
(شينحۋا اگەنتتىگىنىڭ 10 - ايدىڭ 4 - كۇنى بەيجيڭنەن بەرگەن حابارى)
