تيانشان تورى   ›   جاڭالىقتار   ›   ساياحات

الدىڭعى 9 ايدا شينجياڭنىڭ قابىلداعان ساياحاتشىلارى 180 ميلليون ادام - رەتتەن استى

ساياحات كىرىسى 304 ميلليارد 638 ميلليون يۋان بولىپ، قوس تاريحي تىڭ دەڭگەيدى جاراتتى

  ءتىلشى رىن جياڭ 10 - ايدىڭ 5 - كۇنى ۇرىمجىدەن حابارلايدى. ءتىلشىنىڭ 10 - ايدىڭ 5 - كۇنى اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىنشا، بيىل 1 - ايدان 9 - ايعا دەيىن، شينجياڭنىڭ قابىلداعان ەل ءىشى - سىرتى ساياحاتشىلارى 183 ميلليون 858 مىڭ 400 ادام - رەت بولىپ، سايكەس مەزگىلدەگىدەن %40.90 ارتقان؛ ساياحات كىرىسى 304 ميلليارد 638 ميلليون يۋان بولىپ، سايكەس مەزگىلدەگىدەن %40.78 ارتىپ، قوس تاريحي تىڭ دەڭگەيدى جاراتىپ، 3 اي بۇرىن 2018 - جىلعى تۇتاس جىلدىق ساياحاتشى قابىلداۋ مولشەرىنەن جانە ساياحات كىرىسىنەن اسقان.

  2018 - جىلى، شينجياڭنىڭ قابىلداعان ساياحاتشىلارى 150 ميلليون 248 مىڭ 900 ادام - رەت بولىپ، ساياحات كىرىسى 257 ميلليارد 971 ميلليون يۋانعا جەتىپ، سايكەس مەزگىلدەگىدەن جەكە - جەكە %40.09، %41.59 ارتتى. بيىل شينجياڭ قوعام ورنىقتىلىعىنىڭ تابىسىنان ۇزدىكسىز ويداعىداي پايدالانىپ، جەتكىلىكتى پايدالانىپ، ساياحات ارقىلى شينجياڭدى گۇلدەندىرۋ ستراتەگياسىن كۇش سالا اتقارىپ، ساياحاتتىڭ دامۋىنا تۇساۋ بولعان شەكتەمەلەردى الاستاپ، ساياحات كاسىبىنىڭ توعىسپالى دامۋىنا ىقپالىن تيگىزگەن ولقىلىقتاردى تولىقتاپ، ساياحات كاسىبىنىڭ قاۋىرت دامۋ تەبىنىن ساقتادى. الدىڭعى 8 ايدا، ەل ءىشى - سىرتىنان 149 ميلليون 280 مىڭ ساياحاتشى (رەت) قابىلداپ، سايكەس مەزگىلدەگىدەن %40.91 ارتتى؛ ساياحات كىرىسى 242 ميلليارد 913 ميلليون يۋان بولىپ، سايكەس مەزگىلدەگىدەن %41.28 ارتتى.

  9 - ايدان بەرى، شينجياڭنىڭ كوركى كوز سۇرىندىرەتىن قوڭىر كۇزى قىرۋار ساياحاتشىلاردى ساياحاتتاي كەلۋگە باۋرادى، سونىمەن بىرگە جەر - جەر ساياحاتقا، مەرەكەگە ارنالعان ءار الۋان قۇتتىقتاۋ قيمىلدارىن وتكىزىپ، ساياحاتشىلاردى باۋرادى، ايتالىق، جۇڭچيۋ دەمالىسىنىڭ، جۇڭگو شارۋالار مول ءونىم مەرەكەسىنىڭ الدى - ارتىندا، جەر - جەر وتكىزگەن ايدى تاماشالاۋ، مول ءونىم مەرەكەسى قيمىلدارى ەرەكشە تارتىمدى بولىپ، ساياحاتشى قابىلداۋ مولشەرىنىڭ، ساياحات كىرىسىنىڭ كۇرت ارتۋىن ىلگەرىلەتتى. 9 - ايدا بۇكىل شينجياڭ جالپى 34 ميلليون 569 مىڭ 600 ساياحاتشى (رەت) قابىلداپ، سايكەس مەزگىلدەگىدەن %40.86 ارتتى؛ ساياحات كىرىسى 61 ميلليارد 725 ميلليون يۋان بولىپ، سايكەس مەزگىلدەگىدەن %38.94 ارتتى. مۇنىڭ ىشىندە، حوتان، اقسۋ، قاشقار، تارباعاتاي، ءۇرىمجى سياقتى جەرلەر قابىلداعان ساياحاتشى مولشەرى سايكەس مەزگىلدەگىدەن %50 استى، حوتاننىڭ قابىلداعان ساياحاتشى سانى سايكەس مەزگىلدەگىدەن %171.32 ارتتى.

  اۆتونوميالى رايوندىق مادەنيەت جانە ساياحات مەڭگەرمەسىنىڭ قاتىستى قىزمەتكەرى مىنانى ءبىلدىردى: 10 - ايدان بەرى، قوڭىر كۇزدە توراڭعى تاماشالاۋدى نەگىز ەتكەن كۇز ماۋسىمى ساياحاتى قىرۋار ساياحاتشىنى باۋرادى، سونىمەن بىرگە مەملەكەت مەرەكەسى دەمالىسى ساياحاتىنىڭ اسەرىندە، شينجياڭ ساياحاتىنىڭ ارىندى دامۋى جالعاسا تۇسەدى، 10 - ايداعى ساياحاتشى قابىلداۋ مولشەرىنىڭ اۋەلگىسىندەي سايكەس مەزگىلدەگىدەن ورنىقتى ارتاتىندىعى مەجەلەنۋدە، ساياحاتشى قابىلداۋ مولشەرىنىڭ 19 ميلليون ادام - رەتكە جەتۋىنەن ءۇمىت زور، ساياحات كىرىسىنىڭ 44 ميلليارد يۋانعا جەتەتىندىگى مەجەلەنۋدە.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى