تيانشان تورى   ›   جاڭالىقتار   ›   ماڭىزدى حابارلار

جۇڭگو مەن چاۋشياننىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعى جونىندە شي جينپيڭ چاۋشياننىڭ ەڭ جوعارى باسشىسى جين جىڭىنمەن ءوزارا قۇتتىقتاۋ تەلەگرامماسىن جولدادى

  شينحۋا اگەنتتىگىنىڭ 10 - ايدىڭ 6 - كۇنى بەيجيڭنەن بەرگەن حابارى. 10 - ايدىڭ 6 - كۇنى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ چاۋشيان ەڭبەك پارتياسىنىڭ كوميتەت باستىعى، مەملەكەت ىستەرى كوميتەتىنىڭ باستىعى جين جىڭىنمەن جۇڭگو مەن چاۋشياننىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعى جونىندە ءوزارا قۇتتىقتاۋ تەلەگرامماسىن جولدادى.

  شي جينپيڭ قۇتتىقتاۋ تەلەگرامماسىندا بىلاي دەدى: جۇڭحۋا حالىق رەسپۋبليكاسى مەن چاۋشيان دەموكراتيالىق حالىق رەسپۋبليكاسى ديپلوماتيالىق قارىم - قاتىناس ورناتقاندىعىنىڭ 70 جىلدىعى بايلانىسىمەن، مەن جۇڭگو كوممۋنيستىك پارتياسى، جۇڭگو ۇكىمەتى، جۇڭگو حالقى اتىنان ءسىزدى جانە ءسىز ارقىلى چاۋشيان ەڭبەك پارتياسىن، چاۋشيان ۇكىمەتىن، چاۋشيان حالقىن قىزۋ قۇتتىقتايمىن.

  شي جينپيڭ مىنالاردى ءبىلدىردى: 70 جىلدىڭ الدىندا، جۇڭگو مەن چاۋشيان رەسمي ديپلوماتيالىق قارىم - قاتىناس ورناتتى، بۇل ەكى پارتيانىڭ، ەكى ەلدىڭ قارىم - قاتىناسى تاريحىندا ءداۋىر بولگىشتىك ماڭىزدى مانگە يە. چاۋشيان جاڭا جۇڭگومەن ەڭ ەرتە ديپلوماتيالىق قارىم - قاتىناس ورناتقان ەلدەردىڭ ءبىرى. 70 جىلدان بەرى، ەكى پارتيانىڭ، ەكى ەلدىڭ نەشە ۇرپاق باسشىلارىنىڭ قامقورلىق جاساۋىنىڭ جانە ەكى جاقتىڭ تىزە قوسا قۇلشىنىس جاساۋىنىڭ ارقاسىندا، جۇڭگو مەن چاۋشياننىڭ ءداستۇرلى دوستىعى حالىقاراداعى الماعايىپ وزگەرىستەر مەن ءداۋىر وزگەرىسىنىڭ سىنىنان ءوتىپ، ۇزدىكسىز دامىپ، ۋاقىت وتكەن سايىن بەكەمدەلىپ، جۇرت جۇرەگىنە تەرەڭ ۇيالادى. ەكى ەلدىڭ ءار سالاداعى بارىس - كەلىسىنىڭ، سەلبەستىگىنىڭ جەتىستىكتەرى قوماقتى، ول ەكى ەلدىڭ وزدەرىنىڭ سوتسياليزم ىستەرىنىڭ گۇلدەنۋىن، العا باسۋىن پارمەندى جەبەپ قانا قالماستان، ءوڭىردىڭ بەيبىتشىلىگىن، ورنىقتىلىعىن قورعاۋدا دا ماڭىزدى، بەلسەندى رول اتقاردى.

  شي جينپيڭ بىلاي دەپ باسا دارىپتەدى: جۇڭگو مەن چاۋشياننىڭ ءداستۇرلى دوستىعى ەكى پارتيانىڭ، ەكى ەلدىڭ، ەكى ەل حالىقتارىنىڭ ورتاق قىمباتتى بايلىعى. جۇڭگو - چاۋشيان قارىم - قاتىناسىن ويداعىداي قورعاۋ، ويداعىداي بەكەمدەۋ، ويداعىداي دامىتۋ باستان - اياق جۇڭگو پارتياسى مەن ۇكىمەتىنىڭ بۇلجىمايتىن باعىتى. مەن جۇڭگو - چاۋشيان قارىم - قاتىناسىنىڭ دامۋىنا وسكەلەڭ ءمان بەرەمىن، كوميتەت باستىعى جولداسپەن بولعان ءوزارا سەنىمدىلىكتى جانە دوستىقتى قاستەرلەيمىن. بىلتىردان بەرى، مەن كوميتەت باستىعى جولداسپەن 5 رەت ءديدارلاسىپ، ءبىر قىدىرۋ ماڭىزدى ورتاق تانىمعا كەلىپ، جۇڭگو - چاۋشيان قارىم - قاتىناسىنىڭ جاڭا تاريحي مەزگىلگە وتۋىنە تىزە قوسا جەتەكشىلىك ەتتىك. جۇڭگو جاق چاۋشيان جاقپەن قول ۇستاسا قۇلشىنىپ، ديپلوماتيالىق قارىم - قاتىناس ورناتقاندىعىنىڭ 70 جىلدىعىن وراي ەتىپ، جۇڭگو - چاۋشيان قارىم - قاتىناسىنىڭ ۇزاق ۋاقىت اقاۋسىز، ورنىقتى دامۋىن ىلگەرىلەتىپ، ەكى ەلگە جانە ەكى ەل حالىقتارىنا اناعۇرلىم كوپ باقىت جاراتۋدى قالايدى.

  جين جىڭىن قۇتتىقتاۋ تەلەگرامماسىندا مىنالاردى ءبىلدىردى: چاۋشيان مەن جۇڭگو ديپلوماتيالىق قارىم - قاتىناس ورناتقاندىعىنىڭ 70 جىلدىعى بايلانىسىمەن، مەن چاۋشيان ەڭبەك پارتياسى، چاۋشيان دەموكراتيالىق حالىق رەسپۋبليكاسى ۇكىمەتى جانە چاۋشيان حالقى اتىنان باس شۋجي جولداستى ءارى باس شۋجي جولداس ارقىلى جۇڭگو كوممۋنيستىك پارتياسىن، جۇڭحۋا حالىق رەسپۋبليكاسى ۇكىمەتىن جانە بۇكىل جۇڭگو حالقىن ەڭ قىزۋ مەرەيمەن قۇتتىقتايمىن جانە ەڭ شىنايى تىلەك بىلدىرەمىن.

  جين جىڭىن مىنالاردى ءبىلدىردى: چاۋشيان مەن جۇڭگو ەكى ەلدىڭ ديپلوماتيالىق قارىم - قاتىناس ورناتۋى ءداۋىر بولگىش مانگە يە. 70 جىلدان بەرى، چاۋشيان - جۇڭگو ەكى پارتياسى، ەكى ەل حالىقتارى سوتسياليزم ىستەرىن قورعاۋ جانە دامىتۋ ساپارىندا باستان - اياق تار جول، تايعاق كەشۋدە بىرگە بولىپ، جاپا - ماشاقاتتى بىرگە تارتىپ، جىلداردىڭ سىنىنان ءوتىپ، چاۋشيان مەن جۇڭگونىڭ ۇلى دوستىق تاريحىن جازدى. قازىر چاۋشيان - جۇڭگو قارىم - قاتىناسى الدىڭعىلاردىڭ ءىزىن باسىپ، بولاشاققا جول اشاتىن، بۇرىنعىعا مۇراگەر، كەيىنگىگە بۇيداگەر بولاتىن ماڭىزدى شەشۋشى مەزگىلگە قادام باستى. چاۋشيان - جۇڭگو دوستىعى سىندى وسى تاڭداۋلى داستۇرگە باتىل مۇراگەرلىك ەتىپ، ەكى ەلدىڭ دوستىق سەلبەستىك قارىم - قاتىناسىنىڭ جاپپاي گۇلدەنۋىن جۇزەگە اسىرۋ − مەنىڭ جانە چاۋشيان پارتياسىنىڭ، ۇكىمەتىنىڭ بۇلجىمايتىن تۇرعىسى. مەن باس شۋجي جولداسپەن بىرگە تىعىز قول ۇستاسىپ، چاۋشيان - جۇڭگو ەكى ەل حالىقتارىنىڭ ورتاق ءۇمىت - تىلەگى بويىنشا، بۇكىل دۇنيە ءجۇزىن تامساندىراتىن چاۋشيان - جۇڭگو دوستىعىن بەكەمدەپ جانە دامىتىپ، دوستىقتىڭ جانە ىنتىماقتىڭ كۇش - قۋاتىمەن سوتسياليزم ىستەرىن باتىل قورعاۋدى، چاۋشيان تۇبەگىنىڭ جانە دۇنيە ءجۇزىنىڭ بەيبىتشىلىگى مەن ورنىقتىلىعىن باتىل قورعاۋدى قالايمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.