تيانشان تورى   ›   جاڭالىقتار   ›   ساياحات

مەملەكەت مەرەكەسى دەمالىسى كەزىندە شينجياڭنىڭ ساياحات وزگەشەلىگى ايشىقتالا ءتۇستى

تىلشىلەر رىن جياڭ، ياۋ گاڭ

  التىن كۇزدەگى قاناس كورىنىس ءوڭىرى الۋان رەڭگە بولەنىپ، كوركى كوز ءسۇرىندىرىپ، شينجياڭنىڭ ءىشى - سىرتىنداعى ساياحاتشىلاردى قاباعات باۋرادى. 10 - ايدىڭ 4 - كۇنى وسى كورىنىس ءوڭىرى قابىلداعان ساياحاتشى 100 مىڭ ادام - رەتتەن اسىپ، سايكەس مەزگىلدەگىدەن %32 ارتتى. قاناس كورىنىس وڭىرىمەن ۇقساس، مەملەكەت مەرەكەسى دەمالىسى كەزىندە شينجياڭنىڭ جەر - جەرىندەگى كورىنىس وڭىرلەرىندە ساياحاتشىلار ءيىن تىرەستى. سەيىل سەرۋەن، اۋىل - قىستاق ساياحاتى، زەرتتەۋ - ۇيرەنۋ ساياحاتى سياقتى كوپ ءتۇرلى ساياحات قيمىلى مەرەكەدەگى ساياحات بازارىن دۋمانعا بولەدى.

■ مەملەكەت مەرەكەسى قيمىلى ساياحاتشىلاردى باۋرادى

  10 - ايدىڭ 1 - كۇنى تۇستەن بۇرىن ساياحاتشىلاردىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىنىڭ تىكە تاراتىلىمىن كورۋى شينجياڭداعى كوپتەگەن ساياحات وڭىرىندەگى كوركەم كورىنىسكە اينالدى. قاناس كورىنىس ءوڭىرى، تيانشان بوعدا كورىنىس ءوڭىرى، باعراش كولى داحىكوۋ كورىنىس ءوڭىرى سياقتى جەرلەردەگى LED ەلەكتروندى ۇلكەن ەكرانىندا قۇتتىقتاۋ جينالىسى تىكە تاراتىلدى، ساياحاتشىلار ۇلى وتاندى جابال القاپ، وتان اناعا باقىت تىلەدى.

  مەملەكەت مەرەكەسى دەمالىسى كەزىندە، شينجياڭنىڭ جەر - جەرىندەگى كورىنىس وڭىرلەرىنىڭ وتكىزگەن ءتۇرلى فورماداعى قۇتتىقتاۋ قيمىلدارى جارقىن تۇيىنگە اينالىپ، كوپتەگەن ساياحاتشىلاردى باۋرادى.

  التاي ايماقتىق مادەنيەت - دەنە تاربيە - راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى نيە پيڭ بىلاي دەپ تانىستىردى: مەملەكەت مەرەكەسى دەمالىسى كەزىندە، التاي، بۋىرشىن، قابا، كوكتوعاي، بۋرىلتوعاي سياقتى اۋدان، قالالاردىڭ بارلىعى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جەلىلەس قيمىلىن ورىستەتتى. ”حالىق قىزىل ءنومىرلى. زامانا پويەزى“نداعى نەشە ءجۇز ساياحاتشى كوكتوعايدا تۋ شىعارۋ سالتىن وتكىزىپ، ۇلى وتانعا بىرگە باقىت تىلەدى. 7 كۇندە كوكتوعاي گەولوگيالىق كورمە سارايى، كوكتوعاي سيرەك كەزدەسەتىن مەتال مەملەكەت كەن باقشاسى نەشە ون مىڭ ساياحاتشىنى قىزىل ءتۇستى ساياحاتتى سەزىنۋگە باۋرادى.

  مەملەكەت مەرەكەسى دەمالىسى كەزىندە، لوپنۇر اۋدانى لوپنۇرلىقتار قىستاعى كورىنىس وڭىرىندە شامدار ءىلىنىپ، ءتۇستى تورعىندار تارتىلىپ، مەملەكەت تۋى جەلبىرەدى، مەملەكەت تۋى، مەملەكەت تۋى جاپسىرماسى، قىزىل تۇمشالامالى شامدار سياقتى ءتۇرلى مەملەكەت مەرەكەسىن قۇتتىقتاۋدىڭ بەلگىلەرى كەز كەلگەن جەردەن كەزدەسەدى، جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋعا ارنالعان ”كۋايشان“ قيمىلى كوپتەگەن ساياحاتشىلاردى قاتىسۋعا باۋرادى. مەملەكەت مەرەكەسى دەمالىسىنان 2 كۇن ىلگەرى، وسى كورىنىس ءوڭىرى جالپى 23 مىڭ ادام - رەت ساياحاتشى قابىلدادى؛ باعراش كولى داحىكوۋ كورىنىس ءوڭىرى جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋعا ارناپ ۇلكەن تۋعان كۇن تورتىن جاسادى؛ اقسۋ دولان تايپاسى كورىنىس ءوڭىرى ”وتانمەن بىرگە سۋرەتكە تۇسەمىن، مەن وتاندى القايمىن“ سياقتى نەگىزگى تاقىرىپتىق قيمىلدار وتكىزدى، بۇعان جالپى 20 مىڭنان ارتىق ساياحاتشى قاتىناستى؛ تيانشان بوعدا كولى كورىنىس ءوڭىرى ساياحاتشىلاردى بىرگە قىزىل ءان ايتىپ، وتانعا باقىت تىلەۋگە ۇيىمداستىرىپ، 7 كۇندە جالپى 120 مىڭ ادام - رەت ساياحاتشى قابىلدادى.

■ ساياحات ونىمدەرى اناعۇرلىم مولايدى

  10 - ايدىڭ 3 - كۇنى تۇرپان جالىنتاۋ كورىنىس ءوڭىرى قابىلداعان ساياحاتشى 15 مىڭ ادام - رەت−كە تاياپ، كورىنىس ءوڭىرىنىڭ كۇندىك ساياحاتشى قابىلداۋىنىڭ جاڭا ورەسىن جاراتتى. بۇل تۇرپان قالاسىنىڭ مەملەكەت مەرەكەسى دەمالىسى كەزىندە ساياحاتىنىڭ دۋماندى بولعاندىعىنىڭ ىقشام كورىنىسى. تولىقسىز ساناققا نەگىزدەلگەندە، 7 كۇندە تۇرپانداعى ءارقايسى ۇلكەن كورىنىس وڭىرلەرىنە كەلگەن ساياحاتشى ءبىر ميلليون 200 مىڭ ادام - رەتكە جەتكەن، مۇنىڭ ىشىندە ۇيىرمەلى ساياحاتشى سايكەس مەزگىلدەگىدەن %77 ارتقان.

  مەملەكەت مەرەكەسى دەمالىسى كەزىندە، جەر - جەردىڭ بارىندە كوزگە تۇسەرلىكتەي بەينە جارىققا شىقتى. شيەچىڭ تورابىنىڭ 10 - ايدىڭ 7 - كۇنى جاريالاعان «2019 - جىلى مەملەكەت مەرەكەسى ساياحات ەسەبى»نە قاراعاندا، مەملەكەت مەرەكەسى كەزىندە، ساياحاتشىلار ەڭ ۇناتاتىن ەلىمىز ىشىندەگى ساياحات قالاسى قاتارىنان ءۇرىمجى دە ورىن العان. ساندى مالىمەتتە تاعى ۇرىمجىگە كەلگەن ساياحاتشىلاردىڭ ادام باسىنا شاققانداعى ورتاشا جۇمساعان اقشاسى 6424 يۋانعا تاياپ، ىقپالى مەملەكەت بويىنشا 7 - ورىندى يەلەگەندىگى كورسەتىلگەن.

  ساياحات ونىمدەرى مەن كاسىپتىك قالىبىنىڭ اناعۇرلىم مول بولۋى ساياحاتشىلاردى باۋراۋدىڭ تەتىگى. سانجى حۇيزۋ اۆتونوميالى وبلىستىق مادەنيەت - دەنە تاربيە - راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى جاڭ زىبين بىلاي دەپ تانىستىردى: مەملەكەت مەرەكەسى دەمالىسى كەزىندە، جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ جەلىلەس مادەنيەت، ساياحات قيمىلدارى ساياحاتشىلار سانىنىڭ ارتۋىن جەبەۋدەن تىس، زەرتتەۋ - ۇيرەنۋ ساياحاتى، اۋىل - قىستاق ساياحاتى، سپورتتىق دەنە شىنىقتىرۋ ساياحاتىنا قاتىناسقان ساياحاتشىلاردىڭ دا ارتۋىنا مۇمكىندىك جاسادى.

  التاي ايماعىندا اۋىل - قىستاق ساياحاتى ۇزدىكسىز دۋماندى بولدى. قاناس قىستاعى، قوم قىستاعى، اققابا قىستاعى سياقتىلار تۇگەلدەي كوپتەگەن ساياحاتشىلاردى كوزبەن كورىپ سەزىنۋگە باۋرادى.

  باقتى شەكارا وتكەلىندە مادەنيەت ساۋدا ساياحاتى، ساۋان اراسان سالاماتتىق كۇتىمدەلۋ ساياحاتى، بايياڭحى التىن كۇز توراڭعى ساياحاتى، شياۋبايياڭ قاراۋىلى قىزىل ءتۇستى ساياحاتى، گۇرتى قۇمدى ءشول ساياحاتى، جاڭگىر مادەنيەتى ساياحاتى... تارباعاتاي ايماعىنىڭ الۋان ءتۇرلى ساياحات ءونىمى ساياحاتشىلاردىڭ تۇرلىشە سۇرانىسىن قاناعاتتاندىردى. مەملەكەت مەرەكەسى دەمالىسى كەزىندە، تارباعاتاي ايماعىنىڭ قابىلداعان ساياحاتشىلارى 403 مىڭ ادام - رەتكە جەتىپ، سايكەس مەزگىلدەگىدەن %56.8 ارتتى؛ 440 ميلليون يۋان ساياحات كىرىسىن كىرگىزدى، بۇل سايكەس مەزگىلدەگىدەن %57.1 ارتتى.

■ قۇرىلعىلاردى جاقسارتۋ ءونىمدى بولدى

  مەملەكەت مەرەكەسى دەمالىسى كەزىندە، اقسۋ دولان تايپاسى كورىنىس وڭىرىنە ساياحاتتاي كەلگەن ساياحاتشىلاردىڭ 70 پايىزى تۇگەلدەي ءوز اۆتوكولىگىمەن ساياحاتتاۋشىلار، ولار كورىنىس ءوڭىرى قابىلداعان ساياحاتشى سانىن سايكەس مەزگىلدەگىدەن %60 ارتتىردى. كورىنىس ءوڭىرىنىڭ بيىل سالعان ءارى ىسكە قوسقان جاڭا اۆتوكولىك توقتاتۋ الاڭىندا 300 كولىك توقتاتۋ ورنى كوبەيتىلىپ، ءوز اۆتوكولىگىمەن ساياحاتتاۋشىلارعا اناعۇرلىم جاقسى قىزمەت وتەدى.

  جاقىنعى جىلداردان بەرى، شينجياڭنىڭ جەر - جەرى نەگىزدىك قۇرىلعىلاردى بار كۇشپەن جاقسارتىپ، قىزمەت وتەۋ دەڭگەيىن جوعارىلاتتى. ساياحاتشىلاردىڭ سەزىنۋ دەڭگەيىن، جايلىلىق دەڭگەيىن جوعارىلاتاتىن ءتۇرلى شارالار ساياحاتشىلاردى باس قوسۋ، ساياحاتشىلاردى باۋراۋ ونىمدىلىگىن بىرتە - بىرتە كورسەتە باستادى.

  لوپنۇر اۋدانى لوپنۇرلىقتار قىستاعى كورىنىس ءوڭىرى كۇنىنە نەشە ون مىڭ ادام - رەت ساياحاتشى قابىلدادى، ساياحاتشىلاردىڭ بەلەت ساتىپ الۋ، اۆتوكولىككە وتىرۋ قىسىمىن ءونىمدى باسەڭدەتۋ ءۇشىن، كورىنىس ءوڭىرى قىزمەتكەرلەرى بەلەت ساتاتىن تەرەزەلەردى كوبەيتۋمەن بىرگە، اۆتوماتتى بەلەت ساتۋ ماشيناسىنان ەكەۋىن تىڭنان كوبەيتىپ، ينتەرنەتتە بەلەت ساتۋ ارناسىن اشىپ، ساياحاتشىلارعا قولايلىلىق جاراتتى. وسى كورىنىس ءوڭىرى ساياحاتشىلار ءبىرشاما شوعىرلانعان 5 ورىنداعى اۆتوكولىك كۇتۋ ورنىنا قالتقى شاتىر ورناتىپ، سۋ ساتۋ ورىندارىن كوبەيتىپ، ساياحاتشىلاردى مادەنيەتتى تۇردە اۆتوكولىك كۇتۋگە باستايتىن ەرىكتىلەر ورنالاستىردى.

  مەملەكەت مەرەكەسى دەمالىسى كەزىندە، قاناستىڭ اۋا تەمپەراتۋراسى ءبىرشاما تومەن بولعاندىقتان، كورىنىس ءوڭىرى ساياحاتشىلارعا ارناۋلى جىلى سۋمەن قامداۋ سياقتى شىنايى قىزمەت وتەدى. جەمەنەي اۋدانىنىڭ ساحارا تاس قالاسى كورىنىس ءوڭىرى، كوكتوعاي اۋدانىنىڭ كوكتوعاي مەملەكەتتىك كەن تاۋى باقشاسى، قابا اۋدانىنىڭ اققايىڭ ورمانى كورىنىس ءوڭىرى سياقتىلاردىڭ بارلىعى دارەجەسىن جوعارىلاتىپ وزگەرتىپ سالىپ، ساياحاتشىلارعا جايلى، تازا ساياحاتتاۋ، دەمالۋ ورنىن ازىرلەپ بەرگەندىگى سەبەپتى ساياحاتشى مولشەرى ۇزدىكسىز ارتتى. 10 - ايدىڭ 1 - كۇنىنەن 6 - كۇنىنە دەيىن التاي ءبىر ميلليون 366 مىڭ 500 ساياحاتشى (رەت) قابىلداپ، سايكەس مەزگىلدەگىدەن %20.45 ارتتى؛ ساياحاتتىق تۇتىنۋ سوماسى جيىنى ءبىر ميلليارد 606 ميلليون يۋان بولىپ، سايكەس مەزگىلدەگىدەن %32.4 ارتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءشول دالا جاسىلداندى
  • جاڭا قىستاقتىڭ جاڭا كەلبەتى
  • كەمەنى بالىققا تولتىرىپ، مول ونىممەن ورالدى